مشكلة حساس دبل اليوكن ارجو المساعدة

[sami200]

عندي يوكن 2005 بهذلبي حساس الدبل غيرته مرتين لكن المرة الاخيرة غيرت الحساس الامامي وضبط حوالي شهر وبعدين رجعت المشكله مرة ثانية احيانا يشتغل من احسن مايكون واحيانا يكتب الكمبيوتر يجب تصلح الدفع الرباعي والحين ولعت لبمة تحسين الثبات ومدري ايش ايسوي له رجاء المساعدة من عنده حل لهذه المشكله تراني قررت ابيعه واتخلص من هالمشكلة لانه صراحة تضعني في مواقف حرجة احيانا عند دخولي الرمل ولايشتغل الدبل

[القصيمي7]

اناغيرت الامامي الذي في الجربوكس شرته ب 400 من الوكاله وزبط

[اسير الغضا]

يفيدونك الشباب انشاء الله واول ماتصلحه زته

[بدوي جنوبي]

اخي سامي ما عندي خلفيه عن سبب خراب الحساس

لكن عندي بعض النصائح لتلافى الخراب مستقبلا
وان شاء الله بعد الاصلاح

اول ما تفتح سوتش التشغيل انتظر تقريبا 3 - 5 ثواني
حتي تطفأ انوار الدبل الاربعه الصغيرة ،،،
وشاشة الطبلون تفتح الارقام ،، لان في هذا الوقت الكمبيوتر يقوم
بأختبار سريع لكل الحساسات الموجودة بالسيارة
فأن وجد حساس خربان بيضلى شغال علي طول ما يطفأ

فالتشغيل السريع قد يؤثر علي عملها

تحياتي

[الشقردي]

سبقتني كنت اليوم بأنزل الموضوع عن نفس المشكلة !!

عموما انت اللي غيرته حساس الدبل ولا كتاوت تجي في دينمو الدبل؟ (على شكل دائري)

انا حصلت معي المشكلة أكثر من مرة ولا لها دخل بكثرة استخدام الدبل موترنا للمدارس أكثر شئ, وأمس واحد من الزملاء مغير الكتاوت وما أمداها 6 شهور وولعت اللمب مرة ثانية. (واذا فصل البطارية أو طفى السيارة تختفي)

احد الكهربائيين اللي شيكو على الموتر يقول تغير دينمو الدبل كامل واللي هو تقريبا ب 2000 ريال

لكن جاري البحث في النت عن حلول ويبدوا أنها خلل مصنعي في اليوكن.

واللي عنده حل دائم يفيدنا.

وما أقول الا أن الامريكي خسيس وبس !!

[كاشت المدن]

انا عندي نفس المشكله لكن ما ادري وين اللي يضبطه
واخاف ترجع المشكله

[ابو ناصر 1212]

حصل عندي يوم أمس في حدى الشعبان واحاول اشغل الدبل والموتر كن ماوده يشتغل واقوم واطفي السيارة وانتظر حوالي 10 ثواني واشغلها مرة ثانية واشغل الدبل واشوى ويشتغل الثقيل والاتوماتيك بس الخفيف مدري وش بلاه معيي يشتغل بس أهم شي انه خلصنيمن الورطة الي بغيت انشب فيها.
نتمنى إن شاء الله أن نجد حلول للدبل الكهربائي ومشاكلة .
وما نقول إلا يازين اليدوي بس

[سوبر VTC]

و عليكم السلام و رحمة الله و بركاته
اخوي سامي
راجع الرابطين التاليين و ان شاء الله تبي تطلع بنتيجة باذن الله علما ان موترك نفس موتر عمي 2005 و غير الحساس مرتين (حساس الدبل) و تجد صورته في الرابطين و الان الدبل تمام
علما انه توجد صور لكيفية الفحص علها تفيد باذن الله
طبعا الرابطين لجمس 99 و جمس 2005


بليزر 99م ومشكله الدبل (http://www.mekshat.com/vb/showthread.php?t=155824) ‏(http://www.mekshat.com/vb/images/misc/multipage.gif 1 (http://www.mekshat.com/vb/showthread.php?t=155824) 2 (http://www.mekshat.com/vb/showthread.php?t=155824&page=2))


الاخ العزيز سوبر Vtc ارجو الدخول للأهمية ولا يهون بقية الجماعة (http://www.mekshat.com/vb/showthread.php?t=151482) ‏(http://www.mekshat.com/vb/images/misc/multipage.gif 1 (http://www.mekshat.com/vb/showthread.php?t=151482) 2 (http://www.mekshat.com/vb/showthread.php?t=151482&page=2))



تحياتي

[الشقردي]

الأخ سوبر فتك

الله يجزاك خير عن المنتدى خير الجزاء
وعندي كم ملاحظة وأتوقع ان الزبدة اللي في الرابط الثاني حصلتها في الصفحة خمسة:
- فهمت من كلامك ان الحساس (الدائري) مع كثر استخدام الدبل تنحفر الدائرة الالكترونية, طيب الحالة اللي عندنا يوكن 2005 الدبل بالكاد يستخدم 10 بالسنة؟؟؟ وأغلب مشاويره داخل الرياض
- وليتكم تحطون عنوان واضح للمضمون العنوان لأني اعتقد ان فيه كثيرين عندهم نفس الخلل.

وبالتوفيق للجميع

[سوبر VTC]

حياك اخوي الشقردي
و جزاك الله خير
و تنبيهك في محله بالنسبة للعنوان و للاعضاء :good:
انا اشاطرك الراي تماما في مسئلة الاستخدام 10% في السنة
و هذا الحساس بالذات يحفل بالمتناقضات و العجائب :confused:
ربما لان به عيب مصنعي و هذا اكيد و في نفس الوقت ربما دفعة من هذه الحساسات ليست اصلية او مضروبة
يعني هو توفيق بعد الله سبحانه
احيانا استخدامك دائم للدبل و بشكل مستمر و لا يخرب :confused:
و العكس صحيح
تحياتي

[sami200]

اشكر جميع الاخوان الذين شاركو برايهم ولكن الى الان لم نجد نتيجه نهائية لهذه المشكله

[هلا بريدة]

بعد التحايا للجميع
الحساس حساس لكل شيء تقريبا
الغبار.......الرطوبة ..........الإهتزازات
ولذلك هناك نوع من (( الشحم ))السولار...... كهربائي يقومون بفك الحساس ثم ملئه بالشحم الكهربائي
وبعدها لامشكلة
كما أن الحساس له عمر لابد من تغييره
أيضا غسل السيارة (( بستم ))يساعد على تقليل مشكلة الحساس وسلامتكم

[سوبر VTC]

بعد التحايا للجميع
الحساس حساس لكل شيء تقريبا
الغبار.......الرطوبة ..........الإهتزازات
ولذلك هناك نوع من (( الشحم ))السولار...... كهربائي يقومون بفك الحساس ثم ملئه بالشحم الكهربائي
وبعدها لامشكلة
كما أن الحساس له عمر لابد من تغييره
أيضا غسل السيارة (( بستم ))يساعد على تقليل مشكلة الحساس وسلامتكم


احد الربع معه جمس 2002
غسله بستم على كلامك و الموتر مافيه شي اطلاقا
اللي حصل بعد الغسل الموتر ما يمشي من محله كأن القير مفضي :confused: :confused:
صارت المشكلة من فيوز مقطوع بسبب غسيل البستم
نقطة اخرى
غالبا اذا غسلت مكينة الجمس بالماء تولع لمبة افحص المكينة
ثم اذا نشف الماء تطفى :looney:
تحياتي

[مضارب100]

لاهنتو نبي ورشة في الرياض تفيدنا في فحص حساس الدبل لانه مره يشتغل ومره يطفي ومره يمسك على الدبل

[Magellan]

لاهنتو نبي ورشة في الرياض تفيدنا في فحص حساس الدبل لانه مره يشتغل ومره يطفي ومره يمسك على الدبل

رح للموسى في الصناعية القديمة بالقرب من شارع العنوز
لهم اعلان في مستعمل وفيه رقم جوال واحد يشتغل اسأله وتطقس
http://www.mstaml.com/section/item.php?i=544107
وللمعلومية كل اللي حولهم عندهم فحص قيرات ودبلات

[رحال7]

سبقتني كنت اليوم بأنزل الموضوع عن نفس المشكلة !!

عموما انت اللي غيرته حساس الدبل ولا كتاوت تجي في دينمو الدبل؟ (على شكل دائري)

انا حصلت معي المشكلة أكثر من مرة ولا لها دخل بكثرة استخدام الدبل موترنا للمدارس أكثر شئ, وأمس واحد من الزملاء مغير الكتاوت وما أمداها 6 شهور وولعت اللمب مرة ثانية. (واذا فصل البطارية أو طفى السيارة تختفي)

احد الكهربائيين اللي شيكو على الموتر يقول تغير دينمو الدبل كامل واللي هو تقريبا ب 2000 ريال

لكن جاري البحث في النت عن حلول ويبدوا أنها خلل مصنعي في اليوكن.

واللي عنده حل دائم يفيدنا.

وما أقول الا أن الامريكي خسيس وبس !!

يا ليتنا نفهم وبسسسسسسسسسسسسس!ّّ!

[شيخ البليزر]

لاهنتو نبي ورشة في الرياض تفيدنا في فحص حساس الدبل لانه مره يشتغل ومره يطفي ومره يمسك على الدبل



لا ورشه ولا غيره

شف الحساس في جنب الكرونه الايمن

وموضح كامل عن طريق الاخ سوبر

وفقك الله

[ابوفروحه]

ياشباب المشاكل هذي تحدث في السيارات الاستخدام ولافي السعودي؟؟؟؟؟؟

[faiz-111]

ياشباب المشاكل هذي تحدث في السيارات الاستخدام ولافي السعودي؟؟؟؟؟؟

3 من الزملاء معاهم استخدام امريكي يوكن دبل ولهم اكثر من سنتين استخدام وبدون مشاااكل وعلى هالاساس اشتريت يوكون استخدام والله يستر طلعاتي للنفود بشكل مستمر شبه اسبوعياً قريت الموضوع ومغصني بطني لان في النفود مافيه تغطيه للجوال يعني ان صارت مشكله ولا فصل القير بدقها كعابي

[المهمري]

سبقتني كنت اليوم بأنزل الموضوع عن نفس المشكلة !!

عموما انت اللي غيرته حساس الدبل ولا كتاوت تجي في دينمو الدبل؟ (على شكل دائري)

انا حصلت معي المشكلة أكثر من مرة ولا لها دخل بكثرة استخدام الدبل موترنا للمدارس أكثر شئ, وأمس واحد من الزملاء مغير الكتاوت وما أمداها 6 شهور وولعت اللمب مرة ثانية. (واذا فصل البطارية أو طفى السيارة تختفي)

احد الكهربائيين اللي شيكو على الموتر يقول تغير دينمو الدبل كامل واللي هو تقريبا ب 2000 ريال

لكن جاري البحث في النت عن حلول ويبدوا أنها خلل مصنعي في اليوكن.

واللي عنده حل دائم يفيدنا.

وما أقول الا أن الامريكي خسيس وبس !!




والله انك صادق انه خسيس وبس كان من زمان يدوي ولا احد قد صلحه اوخرب معه


هالحين كمبيوتر ودبل وجهاز(تحت الجلنط) وحساس امامي وخلفي ودينمو دبل
جهاز الدبل تحت الجلنط اضنه ب1000 ريال
الحساسات ب660
الدينمو ب970
كل هالقطع يوم الجهاز يدوي زي الباترول كانت غير موجودة بالله عليكم مهيب سيارة خسيسة

[افديك ياوطني]

بيض الله وجهك يا سوبر فتك

كفيت وفيت وشرحت وافدت

وما قصرت الله لا يخليك من الاجر

ويكتب لك المثوبة في الدارين

ويسخر لك جميع خلقه

لقد والله عانيت من ((حساس الدبل 2005)) كثيرا حتي هداني ربي لمواضيعك الرائعة والشرح الجميل والواضح فتم التصليح وبكلفة معقولة بعد ان كان تقرير الشركة مع عدم تحديد المشكلة بالضبط يزيد علي 10000الاف ريال

الحمد لله انا الان وبعد شهر ونصف تقريبا لا اشتكي منه والله يبارك لي ولجميع المسلمين

واما انت يا الغالي فلا املك لك جزاء واسأل المولي القدير ان يجازيك خيرا عميما وفيرا كثيرا ........

وحق لكل من قرأ واستفاد ان يدعو لك ووالديك ولذريتك بالتوفيق والسداد


اخوك ابو عبدالرحمن .