!!!! ما رأيكم بالرديترالسعودي ؟؟؟؟

[عاشق الجنان]

السلام عليكم ورحمة الله وبركاته
أولا تقبل الله منا ومنكم الصيام والقيام واللهم أعده علينا سنين عديدة وأيام مديدة
.
.
.
.
يا شباب دائما ما يعاني بعضنا من أرتفاع درجة الحرارة وخاصة في المناطق الحارة من شبه الجزيرة العربية
.
.
.
وأنا أول من يعاني من هذه المشكلة
فإذا دخلت النفود وشديت شوي على الموتر أرتفعت درجة حرارته
أو في ضروف المناخ العالية الحرارة
أو في طريق طويل
.
.
فقال لي بعض من شاورته في هذه القضية
قال لي: أستخدم الرديتر السعودي ولن تندم
فقلت: لابد أن آخذ مشورة أعضاء مكشات
فما رأيكم يا إخوة

[اسهيل]

خذ اديتر اردني احسن لك وافضل من السعودي لانه يجي نفس الاصلي بضبط بس انت قلي وش سيارتك وانا اعلمك

[عاشق الجنان]

بضبط بس انت قلي وش سيارتك وانا اعلمك

سيارتي باثفيندر2005

[مزاجي فوق]

واللي موتره لاندكروزر ومتوهق بالرديتر وش يسوي؟؟؟

[alsarem]

المشكلة ان الرديتر السعودي نحاس والنحاس دائما يرفع الحرارة والأفضل الألمنيوم....ودمتم بخير

[مخطط 2008]

اذكر مرو ركبتة للهايلوكس 92 والحقيقة ممتاز لاكن مدة وتنتهي صلاحيتة يعني سنتين

[صقرالعرب2007]

أزين الرديترات التي تكون مواصيره عريضة أما حقت الباثفيندرمواصير صغيره فأنصح بالرديتر الأردني جيد تراه

[قلم حر]

القطع الي ممكن تسبب لك احراج مثل الاديتر وغيره
لاتبعد عن الوكاله

[qppd]

والله يالربع انا لي 3 سنوات وانا استخدم الراديتر السعودي وما من مشكله

[اسد نجد]

نصيحه

السعودى يسخن يكفيك انه سعودى صناعيه ومقاييس تعبانه

انا مركب سعودى على ربع تويوتا 500 ريال وتندمت والله مااستفدت مايلحق على الحرارة

مادام انك دافع دافع خذ اصلى ولاتنسى عندنا بالسعوديه حرارة الصيف حرارة

هذى نصيحتى

واذا تبى عندى رديتر سعودى استخدام 8 شور نظيف ههههههههههههههههه

خذة بالسعر اللى بخاطرك مااردك

[كبسولة2]

خذلك سعودي اربع رصات من مصنع الجزيرة

ترا فيه أنواع كثيرة أفضلها الجزيرة

مركبة لسيارتي 5 سنوات مافيه حرارة

[أبو ديمة]

لا تبتعد عن الوكالة الأصلي
واذا بتقول ان سعر الأصلي غالي انا أقولك ركب تايوان المنيوم رصتين أو ثلاث رصات
لكن ابتعد عن السعودي والاردني لأنهم نحاس
وبالتوفيق

[محمد الصرير]

الوكالة الوكالة ياعاشق الجنان لا حرمنا الله واياك والاخوان والمسلمين الجنة ونعيمها ، الوطني والتجاري خله للأمور الخارجية أما المكينة والأجزاء السفلية فعليك بالوكالة ، أدام الله علينا وعليكم سترة وعافيته ، وبارك لنا في ما رزقنا . ودمتم سالمين

[cherokee-LS-7]

السلام عليكم ورحمة الله وبركاته
الديتر السعودي ما عليه وفيه الأردني بعد يمدحونه الشباب
من المعلوم أن للحرارة أسباب كثيره
منها
1-ضعف طرنبة الماء
2-تلف كلنش المرحه
3-ضعف وجه الأس (رأس المكينه)
4-إنسداد الرديتر أوتلفه
5-تلف منظم الحراره
6- تلف غطاء الرديتر
7-تلف وزنية الجير الأوتوماتيك
8- إرتخاء سر المروحه
9-تلف رأس الماكينه
10-وضع حاجز أمام الشبك الأمامي مثل قرب الماء وغيرها فيمنع دخول الهواء للماكينه

[ديزب]

انا ركبت سعودي وعاش عندي خمس سنوات بدون مشاكل الى ان بعت السيارة
وهو مقارنة بسعره المنخفض افضل من سعر الوكالة المرتفع والفرق ما هو سهل اضعافا كثيرة
لكن اهم شي نظافة المحرك من الداخل والماء ( الأخضر او الأحمر ) وشد ومد
ملاحظة من مجرب :
كلما اقبل فصل الشتاء ظهرت مشاكل الأديترات ، فما السبب يا ترى ؟؟؟

[القبطان16]

عندي سوال ياخوان00 السعودي يسونه على اي اساس يعني لكل سيارة رديتر يسون والا حسب حجم المكينة والا انت تطلب والاحسب المنتشر واذا ابغى اطلب كيف واذا ختلف عن حق الوكالة يضر المكينة

[اسد نجد]

فيه محلات لبيع الرديتر يعطيك النوع على حسب سيارتك

[عاشق الجنان]

مشكورين يا إخوان على الإفادة

[الوسيطاء]

الرديتر السعودي كويس بلحيل بس عيبه انه لاوقفت ترتفع الحراره والله من كثر الوقوف في الرياض

[مزاجي فوق]

طيب يالربع ابشركم اشتريت من منيف النهدي رديتر مايز 1400 مع رديتر المكيف وعليه ضمان سنه ووش رايك

وقالولي ناس ننصحك لا تحطله الا مويه صحه او المويه من الوكاله عبه نص والباقي مويه مقطرهـ

والله مدري شكلي توهقت والله يستر باقي ما جربته