اذا الدبل شغال ولفيت اقصى يمين او يسار يطقطق يصوت عالى جدا*باترول 2003*

[ضاحى السعيدى]

اذا الدبل شغال ولفيت اقصى يمين او يسار يطقطق بصوت عالى جدا*باترول 2003* واذا فصلت الدبل راح الصوت والمشكله بدأت معاى بعد تغريزه للاهل الخبره او اللى صار معاه نفس الشئ وشنو الحل لاتخلوننا الله يرحم والدينكم

[اابو سعد]

الصوت الى تقولة يااخى ضاحي صار معى باالضبط ورحت للورش طلع عكوس تصليحها يكلف الفين ريال لئن العكوس افضل حل لها تزكب اصلي وجديد عشان تريح راسك وعلى فكرة الجيب الى معى تايوتا

[ضاحى السعيدى]

الصوت الى تقولة يااخى ضاحي صار معى باالضبط ورحت للورش طلع عكوس تصليحها يكلف الفين ريال لئن العكوس افضل حل لها تزكب اصلي وجديد عشان تريح راسك وعلى فكرة الجيب الى معى تايوتا
الله يرحم والدينك يابو سعد وجزاك الله خير معلومه مفيده وننتظر باقى الخوان حتى نتاكد مع ان التغريزه بسيطه وماجرت عليه لاكن قدر الله وماشاء فعل .

[أبوعمران]

اخوي الغالي سلمك الله ماودي احلف ان المشكله من جنزير الدبل وتقريبا تكلف 1000 ريال :) او اقل . ( متأكد جدا جدا جدا )


بالتوفيق

[Shawly]

أنا أخاف أنه الدفرنس يصير بوه مشكله لأنه صارت معي بجيب تويوتا 2006وشفت أن المشكلة تهريب زيت من الكارونة بسبب الوجه وغيرته وضبط الحمد لله هذا اذا كان موترك يهرب من تحت زيت بتصير مثل مشكلتي والله يعينك

[جول قميري]

اخوي ضاحي صباح الخير

هذا صوت عكوس كفرات قدام...وبعد ما تغيرهم ان شاء الله حاول ما تلف يمين او يسار بقووة وانت مشغل الدبل حاااول قدر الامكان

وما تشوف شر

[ابو صقر 111]

بالتأكيد عندك العكس الأيمن فقط وأذا كان الأمر في البداية ولم يتأثر العكس سوف يتم تغيير الجلده ويوضع فبها الشحم فقط اما اذا كنت تستعمل الدبل من مدة والصوت موجود فيتم تغيير العكس وهو ليس بغال الثمن ويعتبر هذا الأمر شيئا استهلاكيا لأنه مع مرور الزمن سوف تقوم بالتغيير

[ابو صقر 111]

انا نسيت أنه قال يمين ويسار وحسبت انه يقول يمين فقط ولذلك فالأصلاح يطال الأيمن والأيسر

[ضاحى السعيدى]

اخوي الغالي سلمك الله ماودي احلف ان المشكله من جنزير الدبل وتقريبا تكلف 1000 ريال :) او اقل . ( متأكد جدا جدا جدا )


بالتوفيق
ابو عمران الله يرحم والدينك كلامك مفيد جدا جزاك الله خير بس انا نسيت انى اقول اذا امشى مستقيم مايطلع الصوت ابدا فقط اذا لفيت اقصى اليمين او اقصى اليسار

[ضاحى السعيدى]

أنا أخاف أنه الدفرنس يصير بوه مشكله لأنه صارت معي بجيب تويوتا 2006وشفت أن المشكلة تهريب زيت من الكارونة بسبب الوجه وغيرته وضبط الحمد لله هذا اذا كان موترك يهرب من تحت زيت بتصير مثل مشكلتي والله يعينك
اخى الكريم جزاك الله خير والله مافيه تهريب ابدا الله يرحم والدينك ماقصرت

[ضاحى السعيدى]

اخوي ضاحي صباح الخير

هذا صوت عكوس كفرات قدام...وبعد ما تغيرهم ان شاء الله حاول ما تلف يمين او يسار بقووة وانت مشغل الدبل حاااول قدر الامكان

وما تشوف شر
الله يرحم والدينك يالغالى ماقصرت راح نسال ونشوف ان شاء الله ونضع بالنهايه الحل حتى يكون مرجع يستفيدون اخواننا منه عساك ماتشوف شر وجزاك الله خير

[ضاحى السعيدى]

بالتأكيد عندك العكس الأيمن فقط وأذا كان الأمر في البداية ولم يتأثر العكس سوف يتم تغيير الجلده ويوضع فبها الشحم فقط اما اذا كنت تستعمل الدبل من مدة والصوت موجود فيتم تغيير العكس وهو ليس بغال الثمن ويعتبر هذا الأمر شيئا استهلاكيا لأنه مع مرور الزمن سوف تقوم بالتغيير
الله يرحم والدينك يابو صقر كلامك فى محله لان الظاهر انه دخلت الرمال الى داخل الصوفه الموتر شاريه جديد وماستخدمت الدبل الا يمكن خمس مرات فقط لانى دايم انسم للكفرات قبل الدخول فى البر . بس هالمره متروسه هوا ونسيت .

[E7saas]

اخوي مسأله طبيعيه

اعرف ناس واجد تحصل معاهم من سنين الا الحين

ما ضر مواترهم شي

هو طبيعي بس بالبر ما يطلع

ابد انت احرص انك ما تلف للأخير بس والا السالفه عاديه انا تطلع صوت

وجرب ان تاكثر من سياره وشووووووف ع الإزفلت جرب راح يطلع الصوت بالبر ما تسمعه ؟

[بدوي جنوبي]

صح الوضع طبيعي
وغالبا يظهر الصوت مع الدبل الثقيل

وفر فلوسك ولا تغير شيئ

اهم شي لا تلف للاخير اذا كان الدبل شغال

[الحرفي..]

اخوي الغالي سلمك الله ماودي احلف ان المشكله من جنزير الدبل وتقريبا تكلف 1000 ريال :) او اقل . ( متأكد جدا جدا جدا )


بالتوفيق

:good: :good: :good: :good: كلام صحيح 100% لاتلعب في الموتر بلا عكوس بلا هم انا مجرب وغيرت الجنزير 750 وشغل يد 400 وضبط واذ بغيت الورشه ورشة الموسى بالصناعية القديمة متخصصين للدبل

[ALOTAIBI]

اتوقع الظاهره هاذي موجوده بالجيوب كلها انا معي كروزر 94 اذا شغلت الدبل الثقيل ولفيت يمين او يسار اقصى شي وحركت الموتر يطلع صوت طقطقه مرتفع وهو على الاسفلت ولكن الدبل الخفيف ما يطلع صوت
ودبل الموتر نادر ما يشتغل يمكن مره او مرتين بالسنه
وهذا طبيعي
وتقبل مروري ودمت سالم

[برق و سحاب]

لا تغير شي طبيعي الصوت كل السيارات اللي دفع رباعي كذا وخاصه في الأسفلت

[بواسامه]

هذا عكس واضح
والجنزير يستمر مع اللف او بالاستقامه لانه يعمل
ويبين مع الخفيف والثقيل هذا الصوت
ونصيحتي لك خله على سنعه ولا تغير شي مادامه يعمل ويؤدي الغرض
ولا يبين الا اذا لفيته الطاره مررررره لانه العكس يكون على طرف الفلجه ويبين ضعفه وانه متاكل

وفقك الله

[ابوالعز4800]

هذا من العكوس صارت معي نفس المشكلة وزينتها وضبط الموتر

[الدهاس]

صارت مع ولد عمي وقالوا له رؤوس العكوس ونفس المشكله اللي ذكرت والسيارة باثفندر 2000

[حامى الخبرا]

الحل جاااك الحل على الخاص.....تقبل تحيااتى:d

[الجوال1]

اذا الصوت يطلع وانت ماشي مستقيم بالغراز فهذا الجنزير
اما اذا كان مع اللفه اتوقع انه الرمان

[المحترف800]

الي اعرفه أخوي ان الصوت اللي تقوله طبيعي انا يصير معي وموتري 2005...
هذا على حسب علمي ...

[ضاحى السعيدى]

الف شكر للاخوان على الردود والاهتمام ماقصرتو وجزاكم الله خير وهاذى الهقوه الصراحه انى استفدت كثيرا من تجارب الاخوان وتوصلت لحل انه مراح اغير شئ حتى اتاكد منه ميه بالميه خصوصا انه سمعت ان الطقطقه راح تختفى مع الوقت او انها تخف .

[سوبر VTC]

اخوي ضاحي
افضل حل لتاكد من الجنزير تحط بالكفرات 30 او 40 ثم تروح لمكان هيار او اوقف تحت نفود تماما يعني خل خشة الموتر ضاربة باول النفود يعني مثل مدخل بايكة البيت او الكراج
ثم اشبك الدبل الخفيف مرة و مرة اشبك الثقيل
طبعا الدركسون عدال امام
اذا طلع عندك صوت طقطة فهو من الجنزير على اوله بالخراب
طبعا غالبا الاشخاص يشترون سيارات مستعملة
يعملون نفس الطريقة السابقة
طريقة اخرى لهم للكشف على الدبل يلف الدركسون للاخر و هو بالزفلت مع شبك الثقيل و ذلك للتاكد من سلامة الدبل و الجنزير و التروس
طبعا دوس بنزين فجائي على خفيف جدا ===> بالزفلت فقط
تحياتي

[المميـز]

المشكلة بجنـــــزيـــــــر الدبــــــــــــل لامحاله

ولإثبات كلامي

روح للنفود وخل السيارة تغـــــــرز

وبعدين شغل الدبل وخل الديركسون معدل سيدا

وادعس بنزين

اذا طلع الصوت معناته الجنزيـــــــــر متوسع ولازم يتغير

** وعلى فكره تصير كثير بالباترول من موديل 98 وانت طالع

[اعقاب]

البيرنق اللي في الركبه

[راعي السودا]

شي طبيعي وفر فلوسك لكن من الخطأ أن تلف للآخر والدبل شغال

[سليمان 10]

الصوت الذي يذكره اخونا هو صوت في اطراف العكوس الخارجيه وبالضبط في النحاسات الدائريه كأنها سوار معصم هي التي تتأكل ثم يطلع الصوت وانا اقول لك غير هذه النحاسات فقط وسترى الفرق اسأل مجرب 0اما الذي يقول انها تكلف 2000ريال فهي توضيب ركب فقط والركب ليس لها دخل في الصوت وانما هي لحفظ الزيت الشحم واما الجنزير فيخرج الصوت عند تحمل السياره في الغراز ويفرط احيانا وانشاءالله تجد حل سهل ورخيص 000

[مخاوي الكشات]

اخوي إختلف الأعضاء ما بين عكوس وجنزير .. لذلك أفحص العكوس والجنزير عند ورشة وريح بالك .. بدال الخساير ..

[مقلع الرمث]

اخوي تبي اقولك ميه بالميه الخراب من الجنزير وهات قيمه الكشف خخخخ سعره يتراوح بين 700 الى 1000 ريال وانتبه لا يعلبون عليك وخلك واقف على روسهم

[عبدالله العمرو]

اذا الدبل شغال ولفيت اقصى يمين او يسار يطقطق بصوت عالى جدا*باترول 2003* واذا فصلت الدبل راح الصوت والمشكله بدأت معاى بعد تغريزه للاهل الخبره او اللى صار معاه نفس الشئ وشنو الحل لاتخلوننا الله يرحم والدينكم



أخي ضاحي : لا توسوس ولا شي ... سيارتك ما فيها إلا العافية ....

كل السيارت الجيوب كذا وهذا أمر طبيعي لأن العكوس الأمامية صارت تدور ... والمفروض إنك ما تلف الدركسون بشكل كبير إذا شغلت الدبل ....

لكن أأكد لك إن جميع الدفرنسين إذا عشقت الدبل ولفيت الدركسون كثير يبدأ يطقطق ...

معي ثالث جيب لاندكروزر وكلهن يطلع هالصوت من طلعته من الوكالة واللي قبله نفس الشي ....

ارتح وريح بالك والموضوع طبيعي جداً ....

[فايز العامر]

السلام عليكم

سيارتي باترول 98 وغيرت الجنزير حوالي 5 مرات

أولاً لابد من معرفة أن تروس الدبل قوية جداً ولايمكن أن تتلف إلا في حالات نادرة جداً (حتى لايلعب عليك أصحاب الذمم الرخيصة ويقولون غيّر الدبل).

ثانياً: من مشاكل الباترول خراب جنزير الدبل وهذا له مسببات كثيرة من أهمها:
*المشي بالسيارة مسافات طويلة والدبل شغال.
*عدم تساوي الهواء في الكفرات.
*الهمجية بالتطعيس وتحميل السيارة مالاتتحمل.

ثالثاً
نجي للصوت
1-شغل الدبل وعشق الجيب بالأول (لاتلف بالكفرات، خلها معتدله) وقوم السيارة بقوة (انتل الموتر بقوة)، إذا طلع صوت طقطقة يعني الجنزير متوسع لازم تغييره عند فني دبلات، (نصيحة لاتشتري جنزير إلا من عند الحمراني بحدود 1000 ريال).
2-إذا كان الصوت يطلع إذا لفيت الموتر والدبل شغال (فقط إذا لفيت) فهذا يعني بداية توسع الجنزير، يعني إذا كان عندك طلعة تحتاج للدبل لازم تغيره.
هذا ماعرفته من تجربتي مع الدبل وبلاويه :)

متأكد أن فيه من هو أخبر مني بهالأمور ونبغاهم يدلون بدلوهم في هذا الموضوع ..



رعاد ..

[ابودعسان]

شف اخوي ممكن تتاكد من خراب العكوس انك تشيك على الشحم اللي داخل الربلات
لانها ماتخرب الا اذا خلص الشحم او تهريب بالربلات

[ضاحى السعيدى]

السلام عليكم ورحمة الله
او اشكر اخوانى كلن باسمه على اهتمامهم ومشاركتنا بالخبره اليوم رحت لمكانيكى وسمعته صوت الطقطقه القويه والدبل شغال بعدها رفع الموتر كله عن الارض ونزل الاطارات وقالى شغل الدبل وبدى يفر الفلنجات يمين ويسار باقصى شئ حتى تاكد ان الصوت فى الجهه اليمين بعدها نزل الموتر وفك الجهه اليمين واخرج الاكس وتبين ان الرمان بلى محطم والسبب الرئيسى هو دعس البانزين بقوه والسياره مغرزه لجهة اليمين مما ادى الاى تحطم الرمان بلى كذلك عدم الصيانه والتشحيم من الداخل كل سنه حتى يحافض على المرونه عند تشغيل الدبل طبعا رحت للوكيل البابطين لقيت السعر خيالى 135 دينا ويجى كامل مع عامود الشفت اللى انا ماحتاجه اصلا طبعا ماعجبنى رحت للشركه الكويتيه تجارى حصلت بس الاكس 20 دينار بدون عامود الشفت وركبه المكانيكى بعد التنظيف والتشحيم حتى انه مايحتاج تبديل البوبرنغات والصوف والحمد لله رجع الموتر افضل من قبل اشغل الدبل والف اقصى اليمين او اليسار بدون صوت والفضل لله والمنه .
اشكر جميع اخوانى اللى ابدو المساعده والنصح وفى ميزان حسناتهم ان شاء الله .
الصور تحت

[ضاحى السعيدى]

الصوره الاولى
http://www.mekshat.com/pix/upload02/images83/mk41302_a1.jpg
الصوره الثانيه
http://www.mekshat.com/pix/upload02/images83/mk41302_b2.jpg
ارجو ان الصور واضحه حيث اخذت بكاميرا الجوال

[خالد]

هذاء صوت الجنزير الي في الدبال مرتخي وصار وياي انا وقيرته متكد ميه بلميه