المساعد الشخصي الرقمي

مشاهدة النسخة كاملة : خبرلقط الفقع ها الموسم بصوره واضحه وصريحه بدون لف ودوران .. من اخوكم سهيل واحد


سهيل واحد
02/02/2004, 11:06 AM
السلام عليكم ورحمة الله وبركاته

روحوا جنوب شرق الرفيعه (جراره) بتلقون عوايل كل عائله معه 600 بزر متنثرين بهاك الحزوم حتى الهوبر ما سلم منهم (انا ما ادري وش يبون با الهوبر).
انا كنت هناك يوم الجمعه من الساعه 1 الى 5:30 ولقطت 5 فقعات اكبرهن اصغر من كورة البلياردو شوي.
لا تنشدون عن الصور لاني ما كنت فاضي ... اصور

إذا ضعتوا إبحثوا عن محرقه جنوب الرفيعه وتلقون الفقع حولها وحولينها (بس رجاء لا تلقطون الصغار مره)

لا تنسون الدعاء لي كل ما لقط الواحد منكم فقعه. وعلى فكره انا أول عضو با الخيمه يعطي خبرلقط الفقع ها الموسم بصوره واضحه وصريحه بدون لف ودوران (يا مشرفنا اعتقد إن هاالمشاركه تستحق ان تحسب اكثر من مشاركه عاديه .. وأنت كريم وانا استاهل !!؟....)

تحياتي و كل عام وانتم بخير..

والسلام عليكم ورحمة الله وبركاته

إخوكم سهيل واحد
صقر
02/02/2004, 11:54 AM
مشكور اخوي سهيل واحد

خبر مفرح وممتاز... بس مهوب انت اول واحد جاب خبر الفقع

شف عندك هالرابط :

http://www.mekshat.com/vb/showthread.php?s=&threadid=15817

وعموما ما قصرت وبارك الله فيك...
راعي الحزم
02/02/2004, 12:38 PM
شكراً لك اخي الكريم على هذا المقال وترى الناس هالسنه ما مهم مخلين الفقع يكبر هكذا اتضح لي عندما ذهبت الى مناطق الشمال
المسفهل
02/02/2004, 08:36 PM
جزاك الله خيرا أخي الغالي سهيل واحد على هذه
المفاجأة الرائعة ، حقيقة هذا يدل على سماحة النفس وكرم اليد
والإيثار الذي ستؤجر عليه - إن شاء الله - .
bu yousef
03/02/2004, 11:02 AM
شكراً لك اخي الكريم على هذا الخبر 0 بس لوتكرمت تعلمني وين "جراره"0
عاشق الصفاري
03/02/2004, 11:55 AM
شكرا ياسهيل واحد على الخبر الرائع
سهيل واحد
03/02/2004, 12:41 PM
السلام عليكم ورحمة الله وبركاته

الاخ صقر ....... جزاك الله خير .. قارن بين وصف موقع الاخ راعي الرابط (اللي حصل الفقع با الطوقي) وبين وصف المكان اللي حصلت فيه انا وشف اي الموقعين اللي تبي تدل.

الاخ راعي الحزم ............ شكرا لمرورك و ما نقدر نقول الا الله يهدي ها النوع الناس.

الاخ المسفهل ........... ويجزيك الجنه و هذا ما هو كثير على امثالك و مشكور يا الطيب و عساك تسفهل بجنات النعيم.

الاخ bu yousef او بو يوسف ............... جراره (سابقاً) و اسمها الجديد (الرفيعه) هي هجره لحمر النواظر (المطران) وتقع وسط الصمان وإحداثيتها ( N 26.59.37 E 047.04.28) . واذا تقول لي من اي مكان انت تبي تجي لجراره ما عندي مانع اوصف لك طريقك و با الخدمه يابو يوسف.

الاخ عاشق الصفاري......... يا هلا و الساعة الخراشه قصدي المباركه.

للجميع مع التحيه هذا إحداثي مكان الفقع 047.06.761 N 26.58.757 E . مع تمنياتي للجميع بلقطن راهي و الله الله بترك الصغير لين يكبر.

والسلام ختام.
فـ(الجـوف)ـتى
03/02/2004, 01:18 PM
مشكووووور على الخبرالمفرح

وجزاك الله كل الخير 0
abos3d
03/02/2004, 06:40 PM
عزيزي سهيل واحد كل منطقة الطوقي مليانه فقع لدرجة اننا مسوين غدانا اليوم منه وباذن الله بنزل موضوع عنه وفيه صور والوصف وااضح انا الي قلته انه اذا طلعت الطلعة وجاك الشعيب لف يسار مع خط السيارات وتجيك المنطقه على يسارك موب عطيت الناس اتجاه وبس
سهيل واحد
09/02/2004, 04:15 PM
السلام عليكم ورحمة الله وبركاته .....

الاخ .......... العزيز ............... abos3d (ابو سعد)

تكفى يابوسعد لا تزعل علي ........
على العموم .. وانا عندي لك كم سؤال لا هنت يا بوسعد :

اي طلعه تقصد .. طلعة الطريق اللي يروح الى الرمحيه ؟ او... طلعة الطريق اللي يروح للحفنه و دوار الصمان؟ و من الإسفلت كم امشي مسافه لين الارض اللي حولها فقع؟ وهل يوجد بارضها رقروق؟

شاكر لك والله يجزيك خير على اي حال.
abos3d
09/02/2004, 04:21 PM
لا زعل ولا شي وش دعوه
الطلعة الي معها طريق الصمان والتنهاة الي هي اللفة الي عندها البقالات ثاني وحده بعد محطة خزام تلقا مكتوب عليها ( الصمان التنهاة الطوقي ) فوق بعض لما تطلع معها بيجيك طريقين قدام او يسار رح يسار لان قدا بعد كم واحد ينتهي الزفلت وامش لين يجيك الشعيب لف يسار وامش مع خط السيارات المكان الي يعجبك وقف فيه والافضل بعد 3 - 7 كم وممكن اكثر وانت براحتك وقف سيارتك واطلع فوق الجبال ودور لاننا بصراحة لقيناه فوق الجبال
نقا هشال
09/02/2004, 04:44 PM
جزاك الله خير
كلاشنكوووف
09/02/2004, 04:52 PM
يامال العافيه
سهيل واحد
09/02/2004, 04:52 PM
مشكور يا بوسعد وبيض الله وجهك وما قصرت. وانا بروح انشاء الله الخميس للرفيعه و الظاهر اني بمرح حول محلكم وعقب الفطور بتفقع شوي واواصل طريقي للرفيعه و ما حوليها وإنشاء الله يكون معي لكم اخبار جديده .
والسلام ختام.
حد السيف
13/02/2004, 09:57 PM
السلام عليكم ورحمة الله وبركاته
مشكور يالغالي
الفقع كثبر بس وين اللي يصبر ويشبع الكل الله يهدي الجميع واماكنة كثيرة
يبي ياكلونة بقدرة والله لو هو كبر الحمص او اصغر


محبك اخيك
حد السيف