وداعية العيد ( مشوي الدجاج ) في حوش البيت بالصور .

[دهران]

http://www.mekshat.com/pix/upload02/images73/mk17809_salamalikoom.jpg

صبحكم الله ومساكم بالخير والسرور ........

جاء رمضان الله يشرفه وراح الله يعيده علينا وعليكم بالخير إن شاء الله وجاء العيد وراح وياسرع الأيام الزينة سبحان الله كأنها ساعات ....

المهم مالكم بالطويلة .... يوم الخميس اللي راح وصلت البيت بالقصيم باكراً ... قالوا لي العيال وش رايك يابوي نسوي وداعية للعيد ونشوي (( ونفجر باقي الصواريخ والشروخ اللي صادرتها منا )) قلت والله الشوي إبشروا به لكمّا الشروخ والصويريخات فعز الله ما تشدونها إلا العيد الجاي إن الله أحيانا حياة خير .......

كان عندي شواية تشتغل على الكهرب جايتني هدية من العديل (( أبو ريم )) ولها أكثر من سنة ونصف قلت وراني ما أجربها وأشوف وإن ضبطت شريت الشواية اللي مثلها وتشتغل على بطارية السيارة (( شايفها عند السنيدي قبل شهر )) ....... المهم توكلنا على الله وجبنا الفحم وجبنا الدجيجات (( ما بغينا اللحم من صباح العيد وحنا غدانا وعشانا لحم وبعض المرات الفطور بعد اللهم لك الحمد ولك الشكر )) وتبلنا الدجيجات وزبطنا بعض الحركات والبركات من جريشة ومصقعة وسلطة (( واللزي منّه )) أنتم عارفين وداعية للعيد علشان نتجهز لعيد ضحية إن شاء الله .


المهم نترككم مع الصور وبالتفصيل الممل كالعادة وإعذرونا على القصور .


http://www.al-q.com/forum/imagehosting/37148f045e8de78b.jpg

http://www.al-q.com/forum/imagehosting/37148f046ef78692.jpg

http://www.al-q.com/forum/imagehosting/37148f046efa2289.jpg

http://www.al-q.com/forum/imagehosting/37148f046efcfd00.jpg


تجهيز الفحم ....


hr


http://www.al-q.com/forum/imagehosting/37148f046f006656.jpg
تتبيل الدجاج



http://www.al-q.com/forum/imagehosting/37148f046f03295c.jpg

http://www.al-q.com/forum/imagehosting/37148f046f05f431.jpg

صف الدجاج في شبك الشواية الكهربائية .


يتبع ...... يتبع

[دهران]

هنا الله يسلمكم عملية الشوي اللي إستغرقت 45 دقيقة (( مريحة جداً ولا إقلب لا تقلب , إحترق ما إحترق , إستوى ما إستوى ))

http://www.al-q.com/forum/imagehosting/37148f046f08d678.jpg

http://www.al-q.com/forum/imagehosting/37148f046f0bb0ed.jpg

http://www.al-q.com/forum/imagehosting/37148f046f0e700c.jpg

http://www.al-q.com/forum/imagehosting/37148f046f11f4bb.jpg

http://www.al-q.com/forum/imagehosting/37148f0494649c7d.jpg

http://www.al-q.com/forum/imagehosting/37148f049475adcf.jpg

http://www.al-q.com/forum/imagehosting/37148f0494789014.jpg

http://www.al-q.com/forum/imagehosting/37148f04947b919b.jpg


تجربة الشوي نجحت 100 % بس باقي تجربة الطعم ...... نشوف مع بعض ...

يتبع .... يتبع

[دهران]

http://www.al-q.com/forum/imagehosting/37148f0494825a36.jpg

http://www.al-q.com/forum/imagehosting/37148f0494854c46.jpg

http://www.al-q.com/forum/imagehosting/37148f04948d5a93.jpg

http://www.al-q.com/forum/imagehosting/37148f04949192f4.jpg

http://www.al-q.com/forum/imagehosting/37148f0494945dca.jpg

http://www.al-q.com/forum/imagehosting/37148f049497095d.jpg

http://www.al-q.com/forum/imagehosting/37148f049499cc63.jpg

http://www.al-q.com/forum/imagehosting/37148f04949c8f69.jpg

http://www.al-q.com/forum/imagehosting/37148f0494a027a0.jpg

http://www.al-q.com/forum/imagehosting/37148f0494a2f65e.jpg


تجربة الطعم نجحت أيضاً وبنسبة 100% ولله الحمد والمنّة


ما نقول إلا الله يديمها نعمة ويحفظها من الزوال ويرزقنا شكرها اللهم آمين .


شوفوا ترى الموضوع هذا كله كان علشان أوريكم الشواية وأقول لكم لا تفوتكم لكن ما أدري عاد وشلون تفرع الموضوع وصارت هالملحمة وهالمعركة فإعذرونا على الإطالة وإعذرونا على القصور .


وتقبلوا أعذب وأرق تحية .


أخوكم (( أبو فارس )) .

[ابو مرهش]

يووووووووه يادهران ذبحتنا بهالصور هع هع خاصه الشواية العجيبه الي شكلي بشتري مثلها مع اني منيب راعي شوي

مشكور على الموضوع وترتيبك وتنسيقك وجزاك الله خير وتقبل مروري

[ابوعقل]

ماشاء الله عليك

ابدااااااع

[عبّار]

ولله مزاجك عالي يا بو فارس و وداعية ولا اروع و بالعافية عليكم

[يوسف حوته]

ما شاء الله عليك
وداعيه ولا اروع
بس ماقلتنا عن التتبيله وش هي

[مسفر الاكلبي]

روعه يابو فارس


بالعافيه ولاهنت

[تأبط سهما]

الله يهديك يا دهران

لو انك مقدمن احتفالك بالعيد انت وبزرانك بس اسبوع تسان اشتريت هالشواية

لاني لقيتها عند السنيدي ويمدحها العامل لكن قلت في نفسي لو فيها خير تسان نزلوا بها الشقردية موضوعين ثلاثة بالمنتدى فتركتها

فعلى كذا يلزمك ياطويل العمر تعوضني لان توقيت الحفلة عندك هو اللي خرب موضوعنا !!

على كل حال الله يهنيكم ويخليلك هالعييل ويخليك لهم ويجعلهم ابناء صالحين بررة

[سيف الملوك]

شغل مرتب والله يابو فارس
والله يعطيك الصحة والعافية
لكن عندي سؤال لو سمحت لي
السنيدي هذا وين فيه مكانه،ومنين اقدر اشتري هذي الشواية،علماً بأنني من محافظة الأحساء
ارجوا إفادتي الله يبيض وجهك شاكراً لك سلفاً.
اخوك/سيف الملوك

[التراث]

عساها سفرة دايمة ذكرت بأن الشواية تشتغل على الكهرباء ولكن الشوي على الفحم وليس الكهرباء .






http://www.mekshat.com/vb/images/myicons/sign3.jpg

[اول 111]

جعله بالعافيه ابداع في ابداع

[حبيب لبيب]

اخوي دهران ماهبلبنا الا هالتفاصيل تسلم ايديك تقبل تحيات اخوك حبيب لبيب

[حمد الأحمد]

ما شاء الله عليك
وداعيه ولا اروع
جعله بالعافية

[مجازف2010]

كما عودتنا دائما اخوي دهران مبدع ورائع

عساه بالعافيه بصراحة مائدة ملكية خمس نجووم

تقبل تحياتي

[ابوعبدالله678]

لا اله الا الله ، ما شاء الله تبارك الله ، عليكم بالعافيه


اذا تكرمت ابو فارس هالشوايه هل اجدها في الرياض
عن اهل المناقل او غيرهم والسعر
اذا تكرمت هل الشوايه لها اسم معين
(( المعذره كثرت الاسئله :cool: ))

[الودعانيه]

ماشاااء الله روعه بجد الصور

يعطيك الف عافيه ويسعدك وجعل ايامكم كلها اعياد يارب

بصراحه رووووعه الشوايه والله يبي لنا وحده عشان نشخص بها عند اخواني

التفاصيل ومن وين اذا ماعليك امر ؟؟؟

[بيداوي]

نفس السؤال يادهران وين نلقى الشوايه هاذي في الرياض وكم سعرها
وجعله مهابيط العافية
دمتم بود

[حق الفيتو]

ما شاء الله يا ابو فارس


الحين ما تلاحظ انك راص الدجاج رص يعني الي مع الجواني نضج

وشكرا

[سوسة حطب]

مشكور أخوي وكل عام وأنت بصحه وعافية

[بواسامه]

بالصحه والعافيه
شغل مرتب
وسلمني على الجريشه:good:

[Mor3bHoM]

شوايه رهيبه
ومريحه
بس حلات الشوي بالطلعات انه يجلس واحد ينكرف بالشوي
بعدين شايف صور للجريش والمصقعه ليتك قلت لنا كيف الطريقه
وطريقة تتبيل الدجاج قبل الشوي لنها اهم شي فيها
ويعطيك العافيه

[الغزال الشارد]

ماشاء الله ومشكور وبيض الله وجهك تحياتي لك

[جول قميري]

بالعافية على قلبك وعلى من معك


بس الله يسامحك اشتهيت الشوي وانا بالدوام ما ادري وش اسوي

[سيف الظفير]

مشكور يا دهران على الموضوع المتميز كالعادة



ويعلم الله اننا في نعم لا يحصيها الا الله


وحنا في الدوام يا الذيب وبطوننا تصايح

[كشته 111]

موضوع راقي رائع زي دهرااااان المميز دائما ,,,,





http://www.up07.com/up7/uploads/9afdc4ef5c.jpg (http://www.up07.com/up7)

[ألخشيبي]

الله يعطيك العافيه اخوي ابوفارس
شغل امحكحك ماشاء الله

لكن اسمحلي انا مافهمت وشلون كهربائيه وانت شاب فيها الجمر وشبك شوي على الفحم

[ابو دعفس]

ماشاء الله عليك

ابدااااااع

[حق الفيتو]

الله يعطيك العافيه اخوي ابوفارس
شغل امحكحك ماشاء الله

لكن اسمحلي انا مافهمت وشلون كهربائيه وانت شاب فيها الجمر وشبك شوي على الفحم


اسف ع التطفل

بس اضن بكلمة كهربائية يعني انها تفر ع الكهرب وليس الوقود كهرب

[السراب9999]

شهويتنا ياخوي بشوي
وبلعافيه...........................

[بارق المطر]

لمازا ياهازا لاتفتح مطعم صحي وسجل أول زبون؟؟؟؟؟

[اكليل الجبل]

ياخي انت وش تبي بالضبط حدد موقفك

وبعدين سبحان الله ما اقرى لك مواضيع عن الطبخ والنفخ الا وانا سبدي تحوم من الجوع ,

انت احد دازك علية ولا وش السالفة .

شوف المرة ذي بمشيها لك وبثول ماشاء الله تبارك الله الله يعطيك العافي .

لاكن المرة الجاية في علوم كثيرة

[صدر الشمال]

اخوي دهران الله يعطيك العافيه
بس ممكن طلب من اين حصلت على الشوايه وكم سعرها؟
رد على بليزززز

[أبو الحارث 4]

جزاك الله خيرا أخي دهران على هذا الموضوع وبالهنا والعافية ، أما الشواية فقد اشتريتها من سنين وهي عملية جدا لكن عيبها أنها تحتاج فحما كثيرا، وإليك صورة للشواية:

http://www.mekshat.com/pix/upload02/images82/mk48353_img_0028.jpg

[ع العمرو]

وداعية ولااحلى بارك الله فيك ودوما انت مبدع.

[no fear 78]

سفره دايمه يعطيك العافيه

[عوكاس]

الله يعطيك العافية ويخليلك اعيالك

[الاداري]

جميله جدا الشوايه وماشاء الله السلطه رووعه

[دهران]

ابو مرهش . ابوعقل . سباح . يوسف حوته . مسفر الاكلبي . تأبط سهما . سيف الملوك . التراث . اول 111 . حبيب لبيب . حمد الأحمد . ksa*ksa . ابوعبدالله678 . الودعانيه . بيداوي . حق الفيتو . سوسة حطب . بواسامه . Mor3bHoM . الغزال الشارد . فرتس قميري . سيف الظفير . كشته 111. ألخشيبي . ابو دعفس . السراب9999 . بارق المطر . بندر المالكي . صدر الشمال . أبو الحارث 4 . ع العمرو . no fear 78 . عوكاس . الاداري



http://www.mekshat.com/pix/upload02/images82/mk17809_sokranlakomjamean.gif


على المرور والتعليق والتفاعل وعسى الله لا يحرمنا من هالطلة ولا من أهلها .... آمين .


وبالنسبة يا إخوان للإستفسارات فأحب إني أرد عليها جميعاً هنا :


* الدجاج مبرد نوع (( إنتاج )) حجم 800 غ تم تتبيله قبل عملية الشوي ب 4 ساعات والتتبيلة هي (( ملح , خل أبيض , ليمون , بهارات , فلفل أسود , نصف علبة زبادي , كركم , قليل من زيت دوار الشمس )) .

* الشواية قلت لكم إنها كهربائية وصار فيه لبس عند بعض الإخوان كيف كهربائية وأنت حاط فحم ؟؟؟؟ أدري إني ما قدرت أوصل المعلومة صح .... والصحيح إنها شواية نصف كهربائية يعني الجزء الكهربائي فيها هو الجزء اللي يدّور الشبك اللي فيه الدجاج ويتم تدويره على الفحم بطريقة متبتة ومضمونة وغن شاء الله أنزّل موضوع عنها أشرح فيه كل شيء .

* وين نلقى الشواية وكم سعرها ؟؟؟؟ هذا سؤال أيضاً سوف أجيب عليه إن شاء الله في الموضوع اللي بأنزله عن الشواية وللعلم فهذه الشواية تأتي بأنواع وأحجام مختلفة حسب الإحتياج .... وكذلك هناك نوعين منها نوع يشتغل على الكهرباء المباشرة (( يعني تصلح في البيت أو في الإستراحة أو أي مكان تقدر توصل لها الكهرب )) والنوع الثاني يشتغل على بطارية السيارة (( يعني يصلح في أي مكان تكشت فيه )) .

* السنيدي للوازم الرحلات هذا موجود في القصيم (( بريدة - طريق الملك خالد )) وله موزوعون في أغلب مناطق المملكة , وله فرع الآن في الكويت وأعتقد فتح أو بيفتح فرع في الرياض هالأيام .


وتقبلوا أعذب وأرق تحية .

[سعد الاحمد]

ما شاء الله تبارك الله وعيدك مبارك ..
الله يعطيك العافية على ها المشوي ..

[عبد المجيد]

ما شاء الله تبارك الله
يا ليت تفرد موضوع مستقل للشواية زي ما قلت وتستعجل فيه
الله يعطيك العافية

[عاشق السيل]

وعليكم السلام ورحمة الله وبركاته ،،،


هالحركات ماهي غريبة من المشرف دهران ( الرجل المناسب في المكان المناسب ) !!!!!


إبداع مستمر وتميز بلاحدود !!


سفرة رائعة :good: وشوي أروع :good: وترتيب أحلى :good: وتقرير عداه العيب :good: ماشاء الله تبارك الله ،، عساه عليك وعلى عيالك بألف عافية والله يعيده علينا بصحة وسلامة ،،


وبيني وبينك أنا دايخ مع شكل الدجيجات ويوم شفت الجريش خــقــيييييييــت وضاعت الطاسة :eek: :eek: !!!!!!


بيض الله وجهك يالذيب وتقبل مروري يالغالي .....

[ابو صعب]

مشكور على الموضوع

[وائل علي]

تشرب سفن دايت؟؟؟؟؟؟؟؟؟؟؟؟؟؟؟؟؟

[×عاشق الجنة×]

ما شاء الله تبارك الله
ما على شغلك زود
بس وش رأيك لو إن جلد الدجاج يقى على حاله عند الشوي ما يكون أحسن لأنه يمنع جفاف اللحم فيكون طرياً مع أنه مشوي[ مجرد رأي ]
محبكم
×عاشق الجنة×

[space]

مشرفنا الغالي دهران الله يحفظه

حبيت اعرف طريقة ايدام المصقعة( باذنجان مع طماطم وفلفل اللي انت عاملها من شكلها تفتح النفس

تكفى عطنا الطريقة وحنا في الانتظار

تحياتي لك

[صقر عتيبيه]

شهيتنا هههههههههههههههههههههههههههههههههههههههه

[سلطان بن محمد]

أبو فارس رحم الله إمٍ جابك


إعداد رائع :good: طبخ أروع :good: تنظيم متميز :good: تصوير محترف :good: تقرير متعوب عليه



ما أقدر أقول أكثر من كذا


يعطيك ألف ألف عافية

[Dead]

عز الله اني جعت بعد هالصور ... أخوي دهران الله يجزاك خير ويرحم والديك ... موضوع ولا أشهى ولكن لا تنسى تكتب موضوع الشواية :)

[ah666med]

تسلم الايادي
مشكووووووووووووووووووور

[المغرز]

الصراحه ابداع شي خيا لي
شوي ما يحتاج والجريشه ما اجملها
مشكوووووووووووووووووووور
اخوي
تقبل تحيا تي

[برق النماص]

مشكور مشرفنا العزيز والشوايه موجوده عندي من زمااااان واضفت عليها بعض التعديلات وفي انتظار موضوعك المفصل عنها وهى روعة بالفعل واعتقد اسعارها تبدا من 170 ريال الى 300 تقريباً وترى فيه غير السنيدى مثل الرمايه بالشرقيه

مشكووووور على الشرح الوافي

[ayooooop]

الله لايضررررررررك

بس الصدق ضاق صدري احس اننا متخلفين:D

ههههههههه الله يسعدك ياشيخ:good:

[ابوحنين]

عساة بالهنا والعافية
شغل مرتب
بس انا ماشفت الشعلان ههههههههههههههههههههه
يعطيك العافية رائئئئئئئئئئئئئئئئئئئئئئئئئئئئئئئئئئئئعععععععععع

[abo rimas]

الله يعطيك العافية

[دهران]

سعد الاحمد . عبد المجيد . عاشق السيل . ابو صعب . وائل علي . ×عاشق الجنة× . space . صقر عتيبيه . مطوق 765 . Dead . ah666med . المغرز . برق النماص . ayooooop . ابوحنين . abo rimas



http://www.mekshat.com/pix/upload02/images82/mk17809_sokranlakomjamean.gif


على المرور والتعليق والتفاعل وعسى الله لا يحرمنا من هالطلة ولا من أهلها .... آمين .


ما شاء الله تبارك الله
يا ليت تفرد موضوع مستقل للشواية زي ما قلت وتستعجل فيه
الله يعطيك العافية

إن شاء الله يا طويل العمر جاي الموضوع في الطريق .



بس وش رأيك لو إن جلد الدجاج يقى على حاله عند الشوي ما يكون أحسن لأنه يمنع جفاف اللحم فيكون طرياً مع أنه مشوي[ مجرد رأي ]

والله ما فهمت وش قصدك .



حبيت اعرف طريقة ايدام المصقعة( باذنجان مع طماطم وفلفل اللي انت عاملها من شكلها تفتح النفس

تكفى عطنا الطريقة وحنا في الانتظار

بإذن الله في القريب العاجل تشوف الطريقة وبالتفصيل الممل .



والشوايه موجوده عندي من زمااااان واضفت عليها بعض التعديلات وفي انتظار موضوعك المفصل عنها وهى روعة بالفعل واعتقد اسعارها تبدا من 170 ريال الى 300 تقريباً وترى فيه غير السنيدى مثل الرمايه بالشرقيه

لقيتها عند الرماية في الرياض وفيه شواية في منقل وفيه شوايتين في منقل :confused: وإن شاء الله تشوفون الموضوع عبر صفحات مكشات في القريب العاجل .


وتقبلوا أعذب وأرق تحية .

[متوهق2]

مشكور على المشوي ويعطيك الف عافية

[كابريس2007]

الله يديمها نعمة ويحفظها من الزوال وهو على كل شئ قدير

كل الشكر لك دهران

[راع الشماليه]

يجعله بالعافيه؛؛؛باركــ الله فيكــ
الله يعطيكــ العافيه
تحياتي لكــ/راع الشماليه

[رعبوووب]

السلام عليكم ورحمة الله وبركاته
بالنسبة للتحذير الى الاخوات العضوات في المنتدى من عدم انزال مواضيع بيتيه ويجب ان تكون المواضيع مكشاتيه يعني لازم تكون من كشته بالبر فانت ياأخي الكريم منزل موضوع في حوش بيتكم يعني بيتي الله يهديك وقمت تحذر بنات الناس وآسفاه .:mad::mad::mad::mad::mad: