لا تستبدلها ..... صلحها

[سطام vip]

بسم الله الرحمن الرحيم

اخواين المكشاتيين

السلام عليكم ورحمة الله وبركاته

من زمان ما نزلت موضوع واليوم جايب لكم موضوع

وان شاء الله يلاقي قبول منكم وتلاقون فيه الفائده الكبيره

اخواني معروف عننا يا السعوديين او كخليجيين عامة اي شي يخرب
على طول نرميه وهات واحد جديد سواء قطع غيار او حتى اجهزه منزليه
وهذا الي اعطى مجال للمهندسين بالكذب علينا ولتسهيل عملهم يقولك لازم جديد

(فيه قطع في السياره بالامكان اصلاحها وكثير من الناس لا تعلم بهذا
ويشترون جديده ومن هنا طلعت فكرة الموضوع)


راح ابدا بالقطع الخارجيه للسياره الممكن اصلاحها

الانوار الاماميه والخلفيه والاسطبات عامه اذا فيها تغير لون
او ترميل تلمع وتنظف) واذا الاسطبات الخلفيه كسور يمكن
اصلاحها وترقيعها وفيه محلات متخصصه بهالشي


الصدامات البلاستيكيه والقطع الفيبرجلاس والقطع البلاستيكيه والمرايات الجانبيه
والطبلون والدرج والدريكسون والاير باق
كلها يمكن اصلاحها
في حال وجود كسور او تقطعات فيها وتوجد محلات كثير خاصه بأصلاحها


الجنوط (الرينجات) اذا فيها اهتزازات او خدوش او حتى كسور
(في حالة الكسر لا انصح بأصلاحها) يوجد مخارط
وورش خاصه لصيانتها ورشها بويه او كروم او نيكل وتعديل
اي اعوجاج فيها

نجي لقطع الغيار والتي يمكن اصلاحها

الفحمات والقماشات الدزق كلتش
يمكن اعاده كبسها ويوجد ورش خاصه لها
(قد يقول البعض ما تنفع او انها غير جيده انا اقول هذي تنفع للي مالقى قطع غيار
او انها غاليه او انه يبي يمشي الحال لاي ظرف كان)

العكوس (عكوس الدفرنس)
اذا يوجد بها تآكل او لوحه(رجه)
يمكن اعادة خرطها وتعديلها وتعبئه مكان التآكل وهذا شغل المخرطه


الليات ليات المكيف علبه الدركسون وجميع الليات يمكن كبسهااو كبس لي مشابه له وبأسعار مناسبه

السماعات (السبيكرات) وهذي اتوقع 90 في الميه من الناس ما تدري عنها
سمعات سيارتك فيها تشوشيش صايره كنها اكياس اسمنت طايره في عجه
السماعه الكبيره او المضخم انشق تقدر تصلحه وبسعر ما يتعدى 30 ريال نعم 30 ريال
وهذا ياجماعة الخير في محل في مربع مواقف الثميري متخصص في اصلاح السماعات ومكبرات الصوت
وانا عندي سماعه كبيره في الفورد الاكسبلورر عجزت احصلها وصلحتها عندهم ب20 ريال فقط
وللمعلوميه يصلحون سماعات المساجد ومكبرات الصوت الخارجيه


يوجد الكثير من القطع يمكن اصلاحها بس حبيت اترك مجال للاخوان للمشاركه
واهم اهل خبره اكثر مني ولجعل هذا الموضوع مرجع لمعرفة القطع الي يمكن اصلاحها

تقبلوا تحيات اخوكم سطام
واذا أخطيت في معلومه او شي التعديل مقبول
واهم شي نطلع بفائده

[صاعقة 1]

بارك الله فيك اخي ------ وموضوع شيق وجميل
وتقبل تحياتي:good:

[ابو ريان الصقر]

الله يعطيك الف عافيه
موضوع ممتاز
:good:

[صقر العوازم]

بارك الله فيك اخي الكريم

[شامخ ألهيلا]

بارك الله فيك اخوووي

واضف عندك المساعدات في بعض الدول تغير جلدها الداخليه وتزيت وتكبس

[عاشق السيل]

وعليكم السلام ورحمة الله وبركاته ،،،

الله يبيض وجهك يالذيب على الموضوع الأكثر من رائع وعسى الله يجعله في موازين حسناتك ويطرح فيه الفائدة والخير والبركة ،،،

واللي ذكرتها صدقت فيها ومنها أشياء أول مرة أدري إنها تتصلح وخاصة ( السماعات ) !!

وبرضو فيه القطع الميكانيكية والكهربائية مثل دينمو البطارية والأديتر وكمبروسر المكيف وياكثر اللي يستعجلون على تغييرها ،، وحتى البليتين الصغير ممكن يتصلح !!!

واللي ماذكرناها تراها أكثر ،،، وتقبل مروري يالغالي .....

[ابو شهد جدة]

فعلا في قطع كثيرة يمكن اصلاحه.

لكن للأسف العمالة عندنا اذا عجز يقولك ( جيب جديد ) واذا قلتله من وين ماحصلت يقولك ( حصل من وكالة ).

الله يعطيك العافية على هذاالموضوع الاكثر من رائع.

[نجد 2007]

بارك الله فيك ياسطام
موضوع جدير بالقراءة
شكراً لك على هالجهد الطيب
دمت في حفظ الله

[قلم حر]

السماعات (السبيكرات) وهذي اتوقع 90 في الميه من الناس ما تدري عنها
سمعات سيارتك فيها تشوشيش صايره كنها اكياس اسمنت طايره في عجه
السماعه الكبيره او المضخم انشق تقدر تصلحه وبسعر ما يتعدى 30 ريال نعم 30 ريال
وهذا ياجماعة الخير في محل في مربع مواقف الثميري متخصص في اصلاح السماعات ومكبرات الصوت
وانا عندي سماعه كبيره في الفورد الاكسبلورر عجزت احصلها وصلحتها عندهم ب20 ريال فقط
وللمعلوميه يصلحون سماعات المساجد ومكبرات الصوت الخارجيه

ياليت توصف لي المحل
عندي تشويش في سماعات الجيب .
قالي الهندي يبدلها بـ 200 ريال .

[بواسامه]

بحق انت Vipبطرحك المتميز
اعجبني ياسطام موضوعك
الفني يعرف يصلح ويصون كل شي له ولا يغير الا نادرا
اما معنا فنحن شعبٌ مستهلك ومُستهلِك


لو كل منا سأل عن الصيانة قبل التغيير لوفر مبالغ كثيرة واستفادَ معرفة بعمل كل قطعه يجهلها
ولكن نغير بجديد ونجعلها لهم ليبيعونها علينا مرة اخرى
بقولتهم اصلي ومستعمل خفيف


اشكرك بعنف اخي سطام موضوع يستاهل التمييز

[جساس1]

الف شكر على الموضوع والتوضيح
واتمنى من الاخوان ممن كان لهم تجارب اتحافنا بها للاستفادة حتى لا نكون عرضة لاستغلال عمال الورش والوكالات

[بواسامه]

(( لا تستبدلها صلحها ))للمبدع سطام
مثال بسيط خربت عندي سماعة الانتر فون
وجاء كبير كهربائي الرياض وقال لازم تغيرها كامله وقيمته بذيك القيمه
قلت وخر عن وجهي شوي:mad:
وقمت وفكيتها وغيرت سماعتها ب7 ريال من سوق الزل
وشريت كاوية لحام 10 ريال وسلك قصدير ولحمتها بالبي
ولله الحمد والمنه ترن من 7 سنوات اسمع ويسمع مني

والكثير الكثير من امور حياتك
تعلم حاول تفهم وتغير تبدل تستفيد وتتعرف وتعرف قطع الغيار ومكان الوكلاء والموردين
لا تبقى جاهلا:no2:

[محسن اليامي]

وعليكم السلام ورحمة الله وبركاته ،،،
الله يبيض وجهك وبارك الله فيك

[بـلـيـهـان 1]

موضوع رائع جزاك الله كل خير عزيزي و فعلا ً يجب على الكل قراءه موضوعك و يجب أن لا يستبدل يجب أن يصلح و أنا فعلا من هذا النوع الذي بقدر ما أستطيع أحاول اصلح ولا استبدل و اضرب لك مثال اليوم السلف عندي يخرج صوت طقطقه و يخرج صوت مرتفع و الكهربائي قال يجب تغييره ، أنا قلت ما عليك يا (( أبو يمن )) انت افتحه و انا اعلمك بعدين ، راح فتحه و ووزنه و ضبطه و اللهم لك الحمد السلف عندي الآن 100 % و خسرت مبلغ بسيط أجره تنظيفه و وزنه و لم اخسر و لله الحمد 300 ريال قيمه سلف جديد .

تحياتي لك و أشكرك مره أخرى لموضوعك الرائع و أتمنى تثبيته .

[المميـز]

مشكور على موضوعك

وعندك السوريين مايرمون شي ابد

كل شيء يصلحونه ماشاء الله عليهم

[سطام vip]

ياليت توصف لي المحل
عندي تشويش في سماعات الجيب .
قالي الهندي يبدلها بـ 200 ريال .

اخوي قلم حر اذا انت في الرياض الوصف واضح يالغالي
بس مع هذا ابوصف لك بالتحديد
تخلي سوق الحمام القديم على يسارك وجهك شرق وثاني اشاره
تروح يسار(شارع الشيخ محمد ابن ابراهيم) تمشي شوي بيجيك مسجد

على يدك اليمين قبله في شارع ضيق تدخل معه تمشي شوي بيجيك

مواقف مربعه وقف سيارتك وانزل كانك تبي شارع الثميري بتشوفهم

على يدك اليسار محلات الكترونيات بتلاقي محل اصلاح السمعات

اتمنى يكون الوصف واضح

[سطام vip]

صاعقة 1-- جرح الضمير
صقر العوازم -- شامخ ألهيلا
عاشق السيل -- ابو شهد جدة
نجد 2007 -- بواسامه

جساس1 -- محسن اليامي
s h a g r a n -- المميـز


يا هلا وغلا فيكم جميع والله يعطيكم العافيه على الردود والمرور الي اسعدني كثير والحمد لله ان الموضوع لاقى استحسانكم وفيه فائده
وياكثر الامثال الي انلعب فيها علينا بس الي راح راح نبي من اليوم ورايح
قبل لا نشتري جديد نفكر هل يمكن تصليحه اصلحه ولو اخسر وقت
بس ما اخسر فلوس وينلعب علي مشكلتنا مستعجلين في كل شي
ابو اسامه اشكرك يالغالي على الاضافه الرائعه ولو واحد غيرك
بيقول يله هات جديد ولو انه يدري انه ممكن تتصح بيقول فاضي اقعد اصلح المشكله فينا الكسل الله يعطيك الصحه والعافيه
اتمنى طرح تجاربكم ليستفيد منها الاعضاء
اعتذر عن الرد الجماعي لاني ابي الموضوع ما يكون طويل ويسهل البحث فيه والا كل واحد منكم يستاهل رد خاص بس غلاكم في القلب
دمتم بحفظ المولى

[ديزب]

شكرا على الموضوع واحب اضيف الى معلوماتك
اغلب الورش عندنا ليست ورش تصليح بمعنى الكلمة وإنما ورش استبدال فقط
وليس هناك اصلاح حقيقي بمعنى الكلمة ...

[مجتازالأهوالي]

العكوس (عكوس الدفرنس)
اذا يوجد بها تآكل او لوحه(رجه)
يمكن اعادة خرطها وتعديلها وتعبئه مكان التآكل وهذا شغل المخرطه



(((اخوي سطام العكوس وزنها وتعديلها على البارد فقط اما شغل تعبئة وخرط ماينفع ابد لانه لازم حرارة والحرارة تضعف العكس
عموما ابذكرموقف مرة كان عندي عكس وكان فية تأكل دورت جديد ماحصلت الرقم المهم صلحته بمخرطة الرياض واحسن مخرطة بعد ثلاث ايام فقط امشي وانقص الكفر من حد الصوفة والحمد الله جت سليمة
حبيت انقل تجربتي لكم)))

[حريملاء زد]

مشكور اخي (سطام vip) عالموضوع المتميز لكن اضيف وارجو من الاخوه
مراعاة القطع التي يكون لها اثر عالسياره او توازنها أو ان في تصليحها خساره اكثر بعد مده زمنيه
وشكرا....

[ridan]

مشكلتنا هالمثل اللي يقول (شراه ولا غثاه) وهذا المثل الأكبر لكثير من الناس

[ضيف الصحراء]

كلام صحيح ..
محلات تصليح الاجهزة الكهربائية ... اذا جبت لهم غسالة او ثلاجة و تلفاز للاصلاح يعجزونك في القطع او السعر .. وترمي لهم الجهاز بسبب الكلفة ..بعد ذلك يقوم العامل باصلاح الجهاز بشي زهيد مثل الفيوز مثلا .. واعادة بيعه مره اخرى ...
وكل ذلك بسبب الجهل والعجلة منا
والمستفيد الوافد ...
وقس على ذلك السيارات والاشياء الاخرى ..

[سطام vip]

العكوس (عكوس الدفرنس)
اذا يوجد بها تآكل او لوحه(رجه)
يمكن اعادة خرطها وتعديلها وتعبئه مكان التآكل وهذا شغل المخرطه



(((اخوي سطام العكوس وزنها وتعديلها على البارد فقط اما شغل تعبئة وخرط ماينفع ابد لانه لازم حرارة والحرارة تضعف العكس
عموما ابذكرموقف مرة كان عندي عكس وكان فية تأكل دورت جديد ماحصلت الرقم المهم صلحته بمخرطة الرياض واحسن مخرطة بعد ثلاث ايام فقط امشي وانقص الكفر من حد الصوفة والحمد الله جت سليمة
حبيت انقل تجربتي لكم)))


هلا بك اخوي والحمد لله على سلامتك وصدقت يالغالي وانا نبهت واكررها
هالطرق تنفع للي ما حصل القطعه او لاي ضرف كان يبي يمشي نفسه
وكل شخص خصيم نفسه وانا ما انصح ابد بهالطريقه بس احيانا الواحد يحتد اما لضرف مالي او لعدم توفر القطعه يمشي حاله
واشكر لك هالتنبيه وما قصرت جعلها الله في ميزان حسناتك
لا تحرمني هالطله والمشاركه ودمت بالف خير

[غواص الساحل]

السماعات (السبيكرات) وهذي اتوقع 90 في الميه من الناس ما تدري عنها
سمعات سيارتك فيها تشوشيش صايره كنها اكياس اسمنت طايره في عجه
السماعه الكبيره او المضخم انشق تقدر تصلحه وبسعر ما يتعدى 30 ريال نعم 30 ريال
وهذا ياجماعة الخير في محل في مربع مواقف الثميري متخصص في اصلاح السماعات ومكبرات الصوت
وانا عندي سماعه كبيره في الفورد الاكسبلورر عجزت احصلها وصلحتها عندهم ب20 ريال فقط
وللمعلوميه يصلحون سماعات المساجد ومكبرات الصوت الخارجيه



مشكور على المعلومة....
أنا السماعات عندي باديت(ن) تخشخش وكنت أفكر أغيرها.....
بس مدام الدعوى كذا هانت الله يرضى عليك.....

أيضا بطارية السيارة يمكن إصلاحها ولكن تستغرق 3 أيام لدى المحل....
وأيضا كراسي الماكينة بعضهم يكبس جلدة على الكرسي بدل من تغيير الكرسي كاملا....
وربما أشياء كثيرة يخدعنا العمال بأنه لا حل سوى التغيير لكي يأخذ المبلغ دون أن يتعب.....


شكرا لك عزيزي...

[سطام vip]

الف شكر لكم اخواني على مروركم واثرائكم للموضوع

والحمد لله ان الموضوع أعجبكم

اتمنى تفاعل اكثر من الاعضاء

دمتم بخير

[speed 557]

الله يعطيك العافية

[Bader-M]

عليكم السلام ورحمة الله وبركاتة



العكوس (عكوس الدفرنس)
اذا يوجد بها تآكل او لوحه(رجه)
يمكن اعادة خرطها وتعديلها وتعبئه مكان التآكل وهذا شغل المخرطه



كذالك العمود الكردان
تقوم المخارط بترصيصه وتغير صلبانه و العملية بالعاده لا تكلف اكثر 20-30 % من سعر الجديد

تحياتي اليك

[سطام vip]

هلا بك مشرفنا الغالي

وشاكر لك مرورك واضافتك والله يعطيك العافيه

تقبل مني تحياتي وسلامي

دمت بخير

[ابوعقل]

السلام عليكم ورحمة الله وبركاته


الفحمات والقماشات الدزق كلتش
يمكن اعاده كبسها ويوجد ورش خاصه لها
(قد يقول البعض ما تنفع او انها غير جيده انا اقول هذي تنفع للي مالقى قطع غيار
او انها غاليه او انه يبي يمشي الحال لاي ظرف كان)



وعليكم السلام ورحمة الله وبركاته


مشكور على الموضوع المهم :good:

بس وين احصل المحل اللي يكبس القماشات والفحمات؟؟

[pharamazar]

لا بد من تغير مفهومنا الاجتماعى في هذا الامر
في كل الامر حتى في الادوات الصحيه والاثاث
انا عندى فرن غاز قديم رحت ابيعه قالى ما يسوى 200 ريالقم طلبت من المانيا قطع الكماليه من مفاتيح وايدى وزجاج و,.,,,,, ما كلف 200 ريال ورجع جديييييييييييييييييييييييييييييييد
جزاك الله خير

[سطام vip]

وعليكم السلام ورحمة الله وبركاته


مشكور على الموضوع المهم :good:

بس وين احصل المحل اللي يكبس القماشات والفحمات؟؟

هلا وغلا ابو عقل اسعدني مرورك اخوي

وبالنسبه لطلبك اذا انت في الرياض

يالغالي في الصناعيه القديمه قبل اشاره شارع الامير سلمان بن عبدالعزبز

في الورش الي في الزاويه هذا الي اعرفه اذا تغير مكانهم مدري

وابحاول اتأكد لك ان شاء الله




لا بد من تغير مفهومنا الاجتماعى في هذا الامر
في كل الامر حتى في الادوات الصحيه والاثاث
انا عندى فرن غاز قديم رحت ابيعه قالى ما يسوى 200 ريالقم طلبت من المانيا قطع الكماليه من مفاتيح وايدى وزجاج و,.,,,,, ما كلف 200 ريال ورجع جديييييييييييييييييييييييييييييييد
جزاك الله خير
هلا بك اخوي وياكثر الاشياء الي نقدر نصلحها وقطعها متوفره

في السوق بس العجز فينا وقل الخبره والخوف من التجربه

يتركنا ضحايا ينلعب عليهم بسهوله

الف شكر لك على مرورك واضافتك

ودمت بخير

[سطام vip]

للرفع
وليتم الاستفاده

[المارينز]

السماعات (السبيكرات) وهذي اتوقع 90 في الميه من الناس ما تدري عنها
سمعات سيارتك فيها تشوشيش صايره كنها اكياس اسمنت طايره في عجه
السماعه الكبيره او المضخم انشق تقدر تصلحه وبسعر ما يتعدى 30 ريال نعم 30 ريال
وهذا ياجماعة الخير في محل في مربع مواقف الثميري متخصص في اصلاح السماعات ومكبرات الصوت
وانا عندي سماعه كبيره في الفورد الاكسبلورر عجزت احصلها وصلحتها عندهم ب20 ريال فقط
وللمعلوميه يصلحون سماعات المساجد ومكبرات الصوت الخارجيه





يعطيك الف عافيه على الخبريه

انا مغير سماعات بحوالي 400 ريال .. لا ومركب اي كلام مهوب من النوع الزين بعد


الله يجزاك خير

[سطام vip]

اخوي المارينز

الله يعافيك ويسلمك من كل شر

والله يعوض عليك والدنيا دروس وانا اخوك

وانت خذت علم الحين وان شاء الله بتفيد غيرك به

دمت بحفظ المولى

[صبي غلباء]

يعطيك العافيه على هذا الموضوع
انا مره كنت بالمغرب وانكسر الاصطب الخلفي كسر كامل قال السواق معليش ابروح اطلب واحد والله ونجيك بذاك المحل اللي مساحته ماتجي 2*3 واثره مسوي رفوف وفيها كل انواع قوالب الصطبات وانت تطلب وهو يصب وبعد كم ساعه تلقاها جاهزه ويركب لك الاصطب بربع سعر الوكاله
والعمليه سهله مره نفس فكرة الجبس عندهم
لكن عندنا يقولك ما فيه غطاء لحاله خاصه السيارات الغاليه ويقول خذه كامل

[بو خليفه]

سطام كلامك صحيح

وأنا أقول نصف قطع السيارة تتصلح ولايحتاج اللجوء إلى قطع الغيار للعلف على الوكالة

ولازلت أقول قاطعوا الصيانة في الوكالة

[ابوسعودد]

انا قريت قبل فتره ان فيه محل يعيد شحن البطاريه

[راشد الحربي]

طيب يا اخوان اجل الفزعة ...

عندي مكينة القزاز الخلفي لسيارتي يوكن 2001 تسمع الدينمو شغال .. بس ماترتفع ولا تنزل ... طبعا سأل صاحب السيارة اللي اشتريتها منه .. قالي لازم تغير الدينمو كامل .. رحت كهربائيين قالوا لازم تغير الدينمو كامل .. وقيمته جديد حول 700 ريال ... !

فهل لهذا حل ؟؟!

[أبوسليم]

بارك الله فيك اخي ------ وموضوع شيق وجميل

[hisham202]

الصدامات البلاستيكيه والقطع الفيبرجلاس والقطع البلاستيكيه والمرايات الجانبيه
والطبلون والدرج والدريكسون والاير باق
كلها يمكن اصلاحها
في حال وجود كسور او تقطعات فيها وتوجد محلات كثير خاصه بأصلاحها


اخوي الغالي..بعض القطع اذا اصلحت لايمكن تبقى على حالها الأصل..
جربت اصلح كسر في صدام التيما 2005 رغم انه صغير لكن للأسف تسبب بخلل وهو وجود ارتخاء في صاجة الكفر الداخليه..
البعض يقول مالها علاقه لكن اللي لاحظته بالالتيما ان الصاجات والصدام والشبك مربوطه ببعضها البعض بشكل يؤمن انسيابية الهواء المطلوبه الى حجرة المحرك..
يعني لو تنطلق عليك الصاحه الاماميه بتلاحظ ان الكبوت يرج رجه عنيفه بمجرد وصولك سرعة 120 فقط!!!


لذلك دفعت ضريبة الهندسه النيسانيه المتفوقه..وهي تغيير الصدام ليبقى كل شيء كما كان

وشكرا

[gxواردقطر]

بيض الله وجهك اخوي سطام على هالمعلومات المفيده جدا
ولا يهونون الربع
وابي منك طلب ولا عليك امر
انك توصف لي وين احصل حقين السماعات اللي بالثميري بالضبط
هل هي عند زاوية الثميري عند اللي يفصلون العقل والا لا
تحياتي

[الجندي2005]

موضوع جميل خاااااااااااصة في مثل هذا الوقت ،،،،،،،،،،،،،،،،،،،،،،،،،،،،

جهود مباركة ،،،،،،،،،،،،،،،،،،، الله يحفظك ويستر عليك ،،،،،،،،،،،،،

[سطام vip]

هلا وغلا فيكم اخواني جميعا

وبالنسبه لمكينه القزاز والله ما عندي علم فيها بس لا بد فيه حل

واقلها تشتريها من التشليح مستعمله

وبالنسبه للربلات والصدامات انا معك يمكن هذا في الالتيما بس فيه سيارات

كثيره بتناسبها هالاصلاحات والله يعوض عليك اخوي ويسهل امرك

ودمتم بحفظ المولى

[DARK2]

ماشاء الله عليك بحق تستحق Vip
واتمنى كل العقول الخليجية وانا واحد منهم مثل تفكيرك اخي الكريمي

[تناهيت]

سطام بارك اللة فيك

فعلا لماذا لا نغير من عاداتنا السيئة في البحث عن البديل المناسب وبأقل تكلفة وبنفس الجودة ونترك عنا العجز ونظام صلح وخل موترك في الورشة والعام ل يحدد لك الوقت عشان تجي تاخذ موترك جاهز ولا تدري عن مصداقيته هل هو غير القطع اللي خربانه او صلحها ولعب عليك ورجع قطعك الجديدة وهذي كثير ما تحصل بسببنا وبسبب تعالينا على أنفسنا ،،

اذكر مرة نزلت لحفرة الزيت اشيك مع العامل لشي بيصلحه قا لي شي قهرني ترون وش قال :

انت ثاني نفر سأودي نزل تحت حفرة زيت سوسوا شوف لو كلو ساودي ينزل شوف انا روح هند

المعنى من كلامه ((ان هناك امور سهل اصلاحها وانتم نايمين وحنا ناخذ فلوس ونحدد المبلغ اللي نبي ونتم ادفع بدون مفاصل ))

سطام لي عودة بإذن اللة تحياتي تناهيت

[التمَاري]

بارك الله فيك اخوي سطام وكثر الله من امثالك

[سطام vip]

ماشاء الله عليك بحق تستحق Vip
واتمنى كل العقول الخليجية وانا واحد منهم مثل تفكيرك اخي الكريمي


هلا وغلا فيك اخوي دارك

وانا نقطه في بحرك اخوي

واسعدني مرورك وردك ولله الحمد العقليات الحين تغيرت

وان شاء الله نلاقي الورش كلها خليجيين ونفتك من هالحراميه

شاكر لك طلتك ودمت بخير



سطام بارك الله فيك

فعلا لماذا لا نغير من عاداتنا السيئة في البحث عن البديل المناسب وبأقل تكلفة وبنفس الجودة ونترك عنا العجز ونظام صلح وخل موترك في الورشة والعام ل يحدد لك الوقت عشان تجي تاخذ موترك جاهز ولا تدري عن مصداقيته هل هو غير القطع اللي خربانه او صلحها ولعب عليك ورجع قطعك الجديدة وهذي كثير ما تحصل بسببنا وبسبب تعالينا على أنفسنا ،،

اذكر مرة نزلت لحفرة الزيت اشيك مع العامل لشي بيصلحه قا لي شي قهرني ترون وش قال :

انت ثاني نفر سأودي نزل تحت حفرة زيت سوسوا شوف لو كلو ساودي ينزل شوف انا روح هند

المعنى من كلامه ((ان هناك امور سهل اصلاحها وانتم نايمين وحنا ناخذ فلوس ونحدد المبلغ اللي نبي ونتم ادفع بدون مفاصل ))

سطام لي عودة بإذن اللة تحياتي تناهيت


هلا وغلا فيك اخوي تناهيت اي والله بيروح الهند والعمال كلهم بيطفرون ان شاء الله

بس اهم شي نخلي عننا العجز والاتكال على العماله وطيب النيه معهم لانهم انذال

وما يهمهم عميل او زبون متى ما حصل له يسرقك بيسرقك

والله يكفينا شرهم واشكر لك تعليقك ومرورك اخوي

اثريت الموضوع وتسلم يالغالي

دمت بحفظ المولى



بارك الله فيك اخوي سطام وكثر الله من امثالك



هلا بك اخوي التماري

والله يبارك بعمرك وعملك اخوي

شاكر لك مرورك وردك

ودمت بحفظ المولى

[الدبل الثقيل]

عليكم السلام ورحمة الله وبركاته ...

جزاك الله خير ..

[سطام vip]

عليكم السلام ورحمة الله وبركاته ...

جزاك الله خير ..


هلا بك اخوي الدبل الثقيل

والله يجزاك بمثله

شاكر لك مرورك وردك

دمت بخير

[NOYEB]

السلام عليكم
معي فورد فكتوريا 97 منظم الأشارات خربان يلمظ بسرعه وبعض الأحيان مايولع ..علما ان كل لمبات الأشارة جديده وغير محروقه .. قالي الكهربائي لازم تجيب منظم جديد والجديد غالي بـ800 -900ريال وهو عباره عن منظم للكهرباء ..شكله علبه سوداء بحجم كفة اليد او اكبر قليلاً تحت الدركسون ...رحت للتشليح واشتريت واحد وطلع خربان وزهقت حقيقة.

هل استطيع اصلاحها..؟

شكرا

[شعال]

شكرا لك
على الموضوع

[صدق النوى]

حتى الأذرعه يمكن تصليحها بكبسها
في أماكن متخصصه وموجوده

[ترتر]

ياجماعه فيه ورش بالصناعيه القديمه يصلحون كل شي عكوس دبل قيور فتحات السيارات حتى البطاريات يعيدون تصليحهن كل عشرة امبير بعشره ريال واشياء كثيره يسوونها ولهم خبره بالشغل والتكلفه ربع قيمة الجديد وانا اعرف واحد من الشباب يغير الزيت ببيته بالحوش ليس قصده البخل وانما الثقه حنا الواحد لو ينزل تحت السياره يبي يشوف ان الدعوى سهله لاكن الكثير منا اتكالي حتى ابسط الاشياء

الله يوفق الجميع

[ابوقاسم]

مشكور اخوي على الموضوع المهم
بس فيه قطع تسمى استهلاكية وهي اللي لايمكن اصلاحها وتحتاج ان تصنع من جديد ومنها المساعدات او الجامبينات
دمت بود ومشكور على الموضوع

[محمد بن سعيد]

بارك الله فيك وجزاك الله خير على المعلومات

[نايف292]

الله يجزاك خير ويوفقك اخوي

[سطام vip]

السلام عليكم
معي فورد فكتوريا 97 منظم الأشارات خربان يلمظ بسرعه وبعض الأحيان مايولع ..علما ان كل لمبات الأشارة جديده وغير محروقه .. قالي الكهربائي لازم تجيب منظم جديد والجديد غالي بـ800 -900ريال وهو عباره عن منظم للكهرباء ..شكله علبه سوداء بحجم كفة اليد او اكبر قليلاً تحت الدركسون ...رحت للتشليح واشتريت واحد وطلع خربان وزهقت حقيقة.

هل استطيع اصلاحها..؟

شكرا


وعليكم السلام ورحمة الله وبركاته

اول شي الله يكون بعونك اخوي وبالنسبه للقطعه المذكوره ماعندي علم صراحه وان شاء الله الاعضاء يفيدونك وما يقصرون ابد
دمت بحفظ المولى



شكرا لك
على الموضوع


العفوووو والشكر لك على مرورك وردك

دمت بحفظ المولى



حتى الأذرعه يمكن تصليحها بكبسها
في أماكن متخصصه وموجوده

هلا بك اخوي باترول وصدقت واشكر لك هالمعلومة

وان شاء الله يستفيد منها الاعضاء

الله يعطيك العافيه اخوي

ودمت بحفظ المولى

[زحلطن]

مشكور وما قصرت ياشيخ

[سطام vip]

العفووو اخوي زحلطن

والشكر لك على مرورك وردك

دمت بخير