Patrol 2008 وبعض الخرابات البسيطة

[najazy]

السلام عليكم ورحمة الله وبركاته
أدخل مباشرة بالموضوع
:D
معي سيارة باترول 2 موديل 2008
وصارلي معه بعض الحركات مثل

وأنا بالبر مره وقفت السياره بنص النفود وأنا راقي وبدت مساحة القزازة الخلفية الصغيرة تصب ماء ويضهرلي إنه مافيه شي يحبس الماء في حالة الميلان.

ومر علي وقت ويبدولي أنه عند إحتماء السياره إذا دقيت إشاره يمين أو يسار تكون سريعه وكأن أحد الشمعات خربان مع العلم أنها سليمة, أما إذا شغلت الفليشر فلا تحصل هذه الحركة!!!

الكشافات طبعا غالي مرة بالوكاله ركبته أنا من عند العليان بناء على نصيحة أحد موضفي الحمراني إلا أن هذه الشمعات تعيش لمدة أقصاها شهر ونص وسعر الشمعه 30 ريال!!!

حصل عندي إنسداد في بخاخ الماء الأيسر الذي على الكبوت لمساحات القزازة الأماميه.

غطاء الإستبنه مرتخي ويصدر أصوات


فهل من حلول عملية

[بواسامه]

السلام عليكم ورحمة الله وبركاته

أدخل مباشرة بالموضوع
:D
معي سيارة باترول 2 موديل 2008
وصارلي معه بعض الحركات مثل


وأنا بالبر مره وقفت السياره بنص النفود وأنا راقي وبدت مساحة القزازة الخلفية الصغيرة تصب ماء ويضهرلي إنه مافيه شي يحبس الماء في حالة الميلان.


ومر علي وقت ويبدولي أنه عند إحتماء السياره إذا دقيت إشاره يمين أو يسار تكون سريعه وكأن أحد الشمعات خربان مع العلم أنها سليمة, أما إذا شغلت الفليشر فلا تحصل هذه الحركة!!!


الكشافات طبعا غالي مرة بالوكاله ركبته أنا من عند العليان بناء على نصيحة أحد موضفي الحمراني إلا أن هذه الشمعات تعيش لمدة أقصاها شهر ونص وسعر الشمعه 30 ريال!!!


حصل عندي إنسداد في بخاخ الماء الأيسر الذي على الكبوت لمساحات القزازة الأماميه.


غطاء الإستبنه مرتخي ويصدر أصوات




فهل من حلول عملية


موية المساحه لها طرمبتين لللامام والخلف وتراها صغيرة موجوده في قربة الماء واظن الماء اللي شفته بقايا استخدام قريب فلا تشيل هم:D
واصلا ماله محبس الا الطرمبة اذا استخدمتها دفعت ولكن يبدو ان الماء في اللي الموصل للمساحه ونزل مع الارتفاع والنزول
وسرعة الاشارات يمكن محترق احد لمبات الاصطبات امامي او خلفي او لمبة فرامل

والشمعات للنور حق العليان اتوقع يحتاج لمنظم اللي هو كتاوت وباذن الله تدوم
وانسداد البخاخ غزة بابره وبيظبط ان شاء الله ومنسد بسبب الاملاح في المويه لهذا ينصح بالماء المقطر :good:
وغطاء الاسبير فكه وركب على الكفر سفجه تساعد على كتم الصوت
واترك عنك الوسوسه وانا اخوك:D
اطعمك الله من خيره وكفاك شره

[دانكن]

السلام عليكمـ ..


بالنسبة للاشارة وصايرة سريعه بعض الاحيان .. دايم تصير لي اذا كنت شابك شاحن الجوال في الولاعه .. جرب افصلة وراح تروح هالمشكلة ..

وبالنسبة للكشافات مالك الا الغرابي ..

وغطا الاستبنة يارجال فكة وحطة بالبيت شكل الجيب اجمل بدون استبنه ..

..

[الوايلي...501]

يارجال الناس عطتك الحلول ومافي شي يخوف كل هل المشاكل بصيط والله يعطيك خيره ويكفيك شره تقبل مروري السريع

[سفاري6000]

اخوي بالنسبه للماء حق المساحات الخلفيه عادي جدا لاتشيل هم , كل الباترول كذا حتى الموديلات القديمه نفس الشي .
لاكن الإشارات هذي غريبه لازم يشوفه لك كهربائي .
وإنسداد رشاش الماء للمساحات لأن فتحته صغيره والغبار يسكرها .

كل امورك بسيطه لاتتكدر ولاتشيل هم ... وبالتوفيق ان شاء الله .

[المميـز]

الله يكون بعونك

الا ابسألكم مساحة وراء من وين اعبيها مويه ؟؟؟

لاني ارش ولا ترش معي !!!

[بواسامه]

الله يكون بعونك

الا ابسألكم مساحة وراء من وين اعبيها مويه ؟؟؟

لاني ارش ولا ترش معي !!!

القربه وحده وانا اخوك
بس شيك على دينمو تبعها تلقاه مركب على القربه
اثنين جنب بعض
اللي يزن فتراه يشتغل واحيانا يعمل بس منفصل لي الماء
وامره سهل وممكن تصلحه وتغيره وانت عند الباب
وسعره بحدود 50 ريال الاصلي

[ابو خــــالد]

الاستبنة طبيعي تصدر صرصرة مع الرجه>>لأن معنا فتك 2002 وتصرصر الاستبنه
،،،
تقبل تحياتي / هاوي الذيب

[دحيم العبود]

بالنسبة لغطاء الاستبنه جاي معه وكاله اسفنج يمكن ماركبتهن ونا عندي 2007 مافيه اي صوت والحمدلله

بالنسبة للماء حق المساحات بعض الناس يضع فيري وهذا يسكر فتحات المويه

بالنسبه لاشارات انت ركبت اكباس خير الوكاله يمكن منها السبب ( تحتاج كهربائي متخصص )

اخيرا يازين السفاري مهما قال الناس عنه في الحمله الاخيره ضده :good:

[ولد العويني]

الله يعينك ،،


والحين عرفت ليه الاندكروزر غالي،،



الله يعينك اخوي


بالنسبه للاخ الي يقول بسيطه ولا تكدر عمرك!!

اقول الي يده بالمويه مو مثل الي يده بالنار


يقول لك موتر 2008 وفيه كل هالخرابات وتقول بسيطه


الله يهديك بـس

[دانكن]

^
^^

الحمدلله انه مايتغير تفكيري ناحية موتر علشان مثل هالاشياء البسيطة ..

[الهاوي2008]

وعليكم السلام ورحمة الله وبركاته


الله يعطيك من خيره ويكفيك شره

[شمالات نجد]

ابد كلها اشياء بسيطه وسع صدرك

النيسان معروفه حركاته مع الكهرب احياناً

لكن الاسباب تصير بسيطه ولا نعلم ماهي

الاشاره ما تدق بسرعه الا اذا كان فيه وحده من اللمبات محروقه غيره لا يمكن

وإن كانك تعز الموتر مثل ما يعزك لا تبخل عليه بشي ووده لأفضل كهربائي خله يشيك على كهربه يمكن فيه التماس بسيط اخاف يكبر بكره ويخرب عليك شيء اعظم

الله ييسر أمورك ويوفقك لما فيه الخير

سلام

[najazy]

الله يجزاكم خير على هالردود الطيبه
وأنا ماتتغير نضرتي لهالموتر من هالأشياء البسيطة ولكن قلت أطرح موضوعي
لعل أحد يعطينا من خبرته
والحمدلله لقيت علوم زينه بهالردود
ولكن اللي يقول إن الإستبنه تجي معه اسفنجه هل هو صحيح الحمراني يعطي اسفنجة

[دانكن]

يارجال فك الغطا ترى شكله اجمل بدون الغطا .. وركب قفل من الوكالة على الجنط ..

[ساحل ضباء]

امور بسيطه لا ترتقي الى مستوى الاعطال ...

[ابوسعودد]

كل امورك هينه يارجال والشباب ماقصروا حلولك مشاكلك وانت تقدر تسويها

[دحيم العبود]

اخي بالنسبه لاسفنج

نعم ياتي مع الغطاء ونا وجده داخل الكرتون الي فيه الغطاء
وهي عباره عن اربع اسفنجات صغيره ومعها ورقه تبين طريقة التركيب
وفيها لاصق من احد الجهات للتركيب على الغطاء وحجم الاسفنج
مثل الي يجي على الابواب اذا السيارة جديده

للعلم انا سيارتي من الجبر وتقبل تحياتي