البــاث زعـلـنـا ولا ودنـا نـزعـلـه , مشــكلة عـويـصة و غريبة , صورة وفديو , تفضل .

[شروكي ربع]

بسم الله الرحمن الرحيم


حيا الله اخواننا المكشاتيين جميعا و من زمان عنكم :D

المهم يالربع موضوعي غريب حبتين و يحتاج تفكير حبة وحدة ;)


عندنا الباث 2005 سبق وان غيرنا الجنزير بعد ماخرب نتيجة لنقص الزيت ..

غيرنا الجنزير وامور الموتر تمام الا انه تولع لمبة زيت المكينة ويطلع صوت الجنزير ثانية رغم ان الزيت مو ناقص ..

واذا طفت اللمبة راح الصوت ..

رجعنا للفني قال يمكن طرمبة زيت , و قال رح جرب غسل المكينة بالزيت وشف ..

غسلنا المكينة بالزيت لمدة 5 دقايق ثم حطينا زيت عادي واللمبة راحت تقريبا ً ..

تولع خمات أحيان بطقطه جنزير والأغلب بدون وهذي صورة توضيحية ..

http://www.7mar.cc/get-10-2008-w38peaaf.jpg (http://www.7mar.cc)


وهذا فديو يوضح حالة عدم الاستقرار والتذبذب في اللمبة ( تصوير اليوم الظهر ) ..


تحميل الفديو من هنا (http://www.7mar.cc/get-10-2008-nrdtc8jr.3gp)


زي ماشفتوا اللمبة تولع وتطفي على كيفها مسكات ..

انا لاحظت ملاحظة بسيطة وهي ان اللمبة تطلع غالبا مع ارتفاع الحرارة عن الشرطة الثانية او في حالة السرعات العالية 140 فما فوق ..

وكذلك في البر عن الدعس على المكينة ولكن دعس عادي يعني الامبير على 3 او 4 مو جلد ..

فما اللذي تتوقعونه يالربع ؟؟

أنا أخاف على المكينة حقيقة ..


في شغلت نسيت أقولها أن مسامير الثلاجة مشيوله قبل أمس , طبعا المسامير العلوية والسفلية ثابته وعيت تنفك بصراحة ..

بانتظاركم ..

[طبعي شمالي]

اخوي انا قريت في المنتدى ان مسألة مسامير التلاجه انحلت في موديلات 2005 ؟ وشلون يعني ؟؟؟ انحلت ولالا

وشلون اعرف ااذا الباث اللي عندي فيه هالمشكله بدت او لا
لان اللي عندي 2005 قير عادي

لاهنت

[مخاوي البر9]

* وعليكم السلام
أتوقع الله أعلم طرمبة الزيت دفعها ضعيف ومع الجلد ماتدفع الزيت الكافي للجنزير ومن ثم يطلع صوت الجنزير وتولع اللمبه بأن كمية الزيت ناقصة ، حاول تغيير طرمبة الزيت ( هذا مجرد أقتراح ).
والله أعلم

[شروكي ربع]

اخوي انا قريت في المنتدى ان مسألة مسامير التلاجه انحلت في موديلات 2005 ؟ وشلون يعني ؟؟؟ انحلت ولالا

وشلون اعرف ااذا الباث اللي عندي فيه هالمشكله بدت او لا
لان اللي عندي 2005 قير عادي

لاهنت


والله وانا اخوك اللي اعرفه انها ما انحلت حتى الباترول الجديد فيه المشكلة ..

انا عني المسامير العلوية انفكت بسهولة اما السفلية عيت ابد تنفك ..

وماتعرف الا اذا طاحت - لاقدر الله - طقطقة عليك المكينة ويا تلحق يا ماتلحق ..

يعني فكها باسرع وقت .

[شروكي ربع]

شدعوى ياشباب وين اصحاب الباث ؟؟

وين اصحاب الخبرة ؟؟

[ابودعسان]

* وعليكم السلام
أتوقع الله أعلم طرمبة الزيت دفعها ضعيف ومع الجلد ماتدفع الزيت الكافي للجنزير ومن ثم يطلع صوت الجنزير وتولع اللمبه بأن كمية الزيت ناقصة ، حاول تغيير طرمبة الزيت ( هذا مجرد أقتراح
والله أعلم
انا اتوقع كذا بعد والدليل انه لما نزل البنص تحت 1 طفت اللمبه
الله يعينك

[بدوي جنوبي]

المتهم الاول طرمبة الزيت

اللي يأكد بعد متابعة الفديو اذا هديت السرعة طفت اللمبة

[شروكي ربع]

والله يا اخوان كلامكم على العين والراس ..

لكن يبدو انه هناك شيء آخر غير الطرمبه جاري التعرف عليه ..

وبانتظار بقية الاعضاء علّ الله ييسر لنا شخص يجيب لنا الخبر الأكيد ..

[مقلع الرمث]

اخوي اتوقع ميه بالميه من طرمبه الزيت نفس مشكله الجمس وياليت تاكد قبل من احد حصلت عنده المشكله

[shaheenshah]

طرمبة زيت على وشك التوديع

[سحابه]

اخوي هل انت من سكان الرياض
فيه ورشه في جنوب غرب الرياض فيها سعودي ان شاء الله يفيدك
شارع حمزه ابن عبدالمطلب (ظهرة البديعة ) قبل إشارة شارع النخيل وانت متجه للشمال
فيه محطة فيها صراف سامبا والورشه كذالك في نفس المحطه
ترا هذي والله ماهي دعايه لكن الرجال انشاء الله يفيدك

[قرم العيال]

طيب فحص الكمبيوتر ما يبين شي ؟

[ابو حسان الجنوبي]

قبل تغير طرمبة الزيت وتفك الكارتير وتقلق نفسك تأكد من حساس ساعة الزيت لأني يابو عبدالرحمن سبق وطلعت عندي نفس المشكله بالشروكي يوم كلمتك على الطبلون وطلع الخلل من ساعة الزيت

[باوزير]

اعتقد المشكلة من طرمبة الزيت لانه دفعها ضعيف فتولع الاشارة و الغرض الاساسي من الزيت هو التزيت و التبريد على المكينة فتلاحظ انه الاشارة تولع مع ارتفاع الحرارة

[شروكي ربع]

اخوي هل انت من سكان الرياض
فيه ورشه في جنوب غرب الرياض فيها سعودي ان شاء الله يفيدك
شارع حمزه ابن عبدالمطلب (ظهرة البديعة ) قبل إشارة شارع النخيل وانت متجه للشمال
فيه محطة فيها صراف سامبا والورشه كذالك في نفس المحطه
ترا هذي والله ماهي دعايه لكن الرجال انشاء الله يفيدك


اي نعم من سكان الرياض ..

والرجال بأحاول أمره مع انه بعيد حبتين :D

الله يعطيك العافية ولا يهينك يالغالي ..



طيب فحص الكمبيوتر ما يبين شي ؟



ما اعتقد :no2:

[شروكي ربع]

قبل تغير طرمبة الزيت وتفك الكارتير وتقلق نفسك تأكد من حساس ساعة الزيت لأني يابو عبدالرحمن سبق وطلعت عندي نفس المشكله بالشروكي يوم كلمتك على الطبلون وطلع الخلل من ساعة الزيت




ان كان قصدك اللي بالطبلون فهذي الكترونية مو زي الشروكي ..

اما ان كان قصدك المكينة فهي أحد الاحتمالات ..

[مسفر الاكلبي]

لو مافيه صوت في الجنزير قلنا يمكن حساسات ولا كهرب

بس تولع اللمبه ويطلع صوت معناه ان الطرمبه فيها خلل

حاول تتأكد ولاتسرع عليه الين تعرف المشكله

[شروكي ربع]

لو مافيه صوت في الجنزير قلنا يمكن حساسات ولا كهرب

بس تولع اللمبه ويطلع صوت معناه ان الطرمبه فيها خلل

حاول تتأكد ولاتسرع عليه الين تعرف المشكله




الان مايطلع صوت الجنزير لكن اللمبة تظهر كما في الفديو والصور ..

[adil33]

لابد من انك تتاكد من طرمبة الزيت وشداد الجنزير احتمال غيرت الجنزير بس الشدادت ما غيرتها

[شروكي ربع]

لابد من انك تتاكد من طرمبة الزيت وشداد الجنزير احتمال غيرت الجنزير بس الشدادت ما غيرتها


غير 3 شدادات مع الجنزير ..

[R7al-85]

السلام عليكم
اخوي انصحك تروح للوكالة دام موترك من الموديلات الحديثة
وخلهم يفحصون المكينة عشان تاخذ العلم الاكيد >>>>تقبل مروري

[شروكي ربع]

السلام عليكم
اخوي انصحك تروح للوكالة دام موترك من الموديلات الحديثة
وخلهم يفحصون المكينة عشان تاخذ العلم الاكيد >>>>تقبل مروري


معليش ويمكن تضحك على ردي ..

وش فهـّم الوكالة ؟؟

والله ماعندهم علم ولي من التجارب مع الحمراني الكثير ..

والله من جمبها .

[سيف الظفير]

اخوي انا قريت في المنتدى ان مسألة مسامير التلاجه انحلت في موديلات 2005 ؟ وشلون يعني ؟؟؟ انحلت ولالا

وشلون اعرف ااذا الباث اللي عندي فيه هالمشكله بدت او لا
لان اللي عندي 2005 قير عادي

لاهنت



الباترول 2008 يلحمون المسامير الى الان واعتقد الدور على 2009

[السرب]

متابع للمشكله

[برنو بيشة]

أعنك الله عليه وبإذن الله تلقى حل

[شروكي ربع]

تم ايجاد الحل على هذا الرابط :


OoO الحل النهائي لـ لمبة زيت المكينة للباث وجميع السيارات وطبعا ً بالصور الحصرية OoO (http://www.mekshat.com/vb/showthread.php?t=160667)

أتمنى من الاشراف قفل الموضوع .