رايكم الجميع يهمني أول موضوع لي بالقسم

[Wolf العتيبي]

السلام عليكم ورحمة الله وبركاته


كيفكم الجميع ان شاءالله بخير



انا بسالكم لاهنتم معي هايلكس 2007 شاريها وكاله ياناس صراحه هبلت فيني بامرين الاول وهو الفحمات الموتر مامشى للحين 50 الف وخرطت هوبات 3 مرات وغيرت فحمات اربع مرات في خلال سنه وحده بس يعني بمعدل كل ثلاث شهور مره وش رايكم بالموضوع وش الحل وش تتوقعون السبب .

الموضوع الثاني وهو الفرامل برضوه << ياليل ها الفرامل

لا من جد الهايلكس مهبله فيني مايعيب فيها الا الشي هذا المهم انا كل مامسك فرامل الموتر يزحلق يروح صرت ماتعامل الا بنمره ومع هذا الواحد منا مايستغني عن الفرامل لاقدر الله في التوقف فجئه ولا شي الي ابيه نصيحتكم بالكفر بالفحمات باي شي وش تنصحوني اغير عشان اقل شي اخفف من ها الانزلاقات القويه بالموتر .

للمعلوميه انا قبل معي فكس ار وقبله جمس وقبله كابرس واكثر مواتري تماتيك يمكن الموضوع هذا بعد له دور ولو اني اسوق العادي من سنين بس ولو سواقتي فيه دفشه شوي العن خير الموتر.(( يقول واحد من الشباب يوم بعت الجيب وشريت هايلكس ايه انت مثل الي يجي راكب خيل ثم يردها على الحمار تكرمون يقول من جيب في هايلكس مير الشكوى لله قراده والله ان الله احياني لطقه وكاله ثم خل الهايلكس تقعد هي وفراملها هههههه))


انتظر رايكم ومشكور مقدماً لكل من يحظر ويشارك .

[الوسطاوي]

وعليكم السلام ورحمة الله وبركاته
مساء الخير أخوي العتيبي اولا انا ماعندي علم بس الهايلوكس الغماره كثيرة الانحراف لانها خفيفه وقويه الله يعطيك من خيره ويكفيك شره واسمحلي ماافتـــــك بشي بس حبيت امسي عليك بالخيرر تقبل مرروري
ودمت بحفظ الكريم

[Wolf العتيبي]

الله يمسيك بالنور والرضا يالغالي ويكفي مرورك وتشريفك الموضوع


موتري طال عمرك هايلكس غمارتين تشتري هههههههههه

[ساري 111]

اذكر واحد معه 2006 يقول الفحمات معي 40 الف
قلت وش السر ؟؟ قال اذا شغلت الموتر وقبل احرك ارفع الجلنط وانزله مرتين ثلاث مرات وبعده امشي

قلت يعني وفايده هاللي انت تسوي ؟؟ قال عشان قمشات ورى يرتفعن شوي

وبالنسبه للزحلقه شكل موترك مايمسك ورى او ان فحمات ورى منتهيات شيك عليهن واوزنهن صح وراح يتغير الوضع عليك

والله انه معاناه اللي يعينكم بس مأجورين

[Wolf العتيبي]

مشكور على مرورك وردك يالعالي ولاهنت

[شامخ ألهيلا]

هلا ومرحبا مليووون في ولد العم

طال عمرك التاكل السريع عندك للفحمات الاماميه هو
من الاقمشه الخلفيه
لان فيه وزنه للاقمشه الخلفيه في حالة تمسك فرامل يتوزع حركة الفرمله على السياره من اماام وقليل من الخلف لكي لايصير في انزلاق لسياره ولايصير فيه ظغط وحمل على السيااره من اماام

ولي عليك انك تغير الاقمشه وتوزنها الخلفيه وترفع في الوزنيه شي بسيط علشان لامسكت فرمل تمسك الامام والخلف مع بعض
وان شاء الله ماراح يصير فيه انزلاق ولا تاكيل

اخوك
شامخ الهيلا

[لن أمل من العطاء]

فيه وزنة للاقمشة الخلفية

غير ذلك فيه قطعه تعنل مثل القسام لزيت الفرامل في حالة احد الكفرات مسك قبل الاخر في المنعطفات يصير يعطي زيت خفيف للكفر المعلق في الهواء
مثلخ مثل ايه بي اس ولكن مو كهربائي
تجده فوق الدفرنس الخلفي وبه صيخ ومشبوك بالشاص

تاكد منه يمكن عطلان او شيء

اخوك

لن امل من العطاء

[Wolf العتيبي]

هلا ومرحبا مليووون في ولد العم



طال عمرك التاكل السريع عندك للفحمات الاماميه هو
من الاقمشه الخلفيه
لان فيه وزنه للاقمشه الخلفيه في حالة تمسك فرامل يتوزع حركة الفرمله على السياره من اماام وقليل من الخلف لكي لايصير في انزلاق لسياره ولايصير فيه ظغط وحمل على السيااره من اماام


ولي عليك انك تغير الاقمشه وتوزنها الخلفيه وترفع في الوزنيه شي بسيط علشان لامسكت فرمل تمسك الامام والخلف مع بعض
وان شاء الله ماراح يصير فيه انزلاق ولا تاكيل


اخوك

شامخ الهيلا




هلا وغلا ومرحبا


ينصر دينك ياشيخ وين شغال انت بورشه ههههههههههههههههههه

والله هذا الي صار بالظبط اليوم الصبح رحت وقالي نفس الكلام وصلحناها وبديت احس بالفرق ماقصرت وانا اشهد انكم كفو يالمكشاتيين ولاخاب عزالله من طلبكم .

[Wolf العتيبي]

فيه وزنة للاقمشة الخلفية

غير ذلك فيه قطعه تعنل مثل القسام لزيت الفرامل في حالة احد الكفرات مسك قبل الاخر في المنعطفات يصير يعطي زيت خفيف للكفر المعلق في الهواء
مثلخ مثل ايه بي اس ولكن مو كهربائي
تجده فوق الدفرنس الخلفي وبه صيخ ومشبوك بالشاص

تاكد منه يمكن عطلان او شيء

اخوك

لن امل من العطاء

ماقصرت يالغالي ولاهنت طلع نفس الكلام وزنا الاقمشه الخلفيه وطلع وحده من الكفر الي قدام بس هي الي تمسك والدليل الفحمات والهوب بس واحد الي جهت السواق اما الكفر الثاني عادي وظبطنها وعلى الله طلع كل هذا من اول تغييره الغبي الي صلحها لي اول مره يمني غشيييييييييييييييم بالعربي شكله عليمي .


مشكور والله يعطيك العافيه .

[just1love]

هلا ومرحبا مليووون في ولد العم



طال عمرك التاكل السريع عندك للفحمات الاماميه هو
من الاقمشه الخلفيه
لان فيه وزنه للاقمشه الخلفيه في حالة تمسك فرامل يتوزع حركة الفرمله على السياره من اماام وقليل من الخلف لكي لايصير في انزلاق لسياره ولايصير فيه ظغط وحمل على السيااره من اماام


ولي عليك انك تغير الاقمشه وتوزنها الخلفيه وترفع في الوزنيه شي بسيط علشان لامسكت فرمل تمسك الامام والخلف مع بعض
وان شاء الله ماراح يصير فيه انزلاق ولا تاكيل


اخوك

شامخ الهيلا

هذا الكلاه العدل ولا هانو الاخوان
اخوكم just 1love

[Wolf العتيبي]

هذا الكلاه العدل ولا هانو الاخوان
اخوكم just 1love



مشكور على مرورك ولاهنت يالغالي .

[اسير الغضا]

الله يبارك لك بموترك وترا الهايلكس موتر صبوره تحمل الكد ولو معك من الامريكي

انقص راسك كميوتر وبلاوي

تحياتي الحاره للجميع

[Wolf العتيبي]

الله يبارك لك بموترك وترا الهايلكس موتر صبوره تحمل الكد ولو معك من الامريكي

انقص راسك كميوتر وبلاوي

تحياتي الحاره للجميع


بالنسبه للصبر والله ياخوك الموديالات القديمه صح اما الجديده مفارقها وهي فعلن اشوا من الامريكي والكوري مليون مره.


لاهنت على مرورك يالغالي ومشكور