ممكن الحل للجمس

[عاشق الموج]

السلام عليكم

يا اخوان عندي جمس سوبر بان مديل 93

السالفه ومافيها انه السيارة تدق سلف لكن ما تشتغل

لدرجة البطارية فضت وجبت سيارة ثانية سويت لها اشتراك

ونفس الحكايه

السلف يدور لكن السيارة ما تشتغل

الرجاء المساعدة في تحديد المشكله

ولكم تحياتي

[طبعي شمالي]

اخوي ممكن المسأله مو قصة اشتراك بنفس البطاريه

حرك اصبع البطاريه شوف كل الاصابع تأكد منها
لان مره صارت معنا زي كذا وطلع سلك مفصول بالبطاريه لااشتراك ولا غيره

[عاشق z71]

عندك اصابع البطاريه << احتمال

واذا مثلا تدق سلف يعني يجيها كهرب بس ماتشتغل شيك على الفيوز كامله

خصوصا فيوز الطرمبه << احتمال كبير منها

وقلنا وش يصير معك

[زرود538]

اخى سلام عليك -فك القربه التى على الكربريتروشف البخاخ هل هو يبخ بنزين اثنا اتشغيل اذاهو مايبخ بنزين عندك عطل بالطرنبه

[Magellan]

طرمبة البنزين وأنا أخوك منتهية

[بر الأمان]

بتلاقي مثل بلف الهواء حق الكفر عند البخاخ فكه ونسمه وخل واحد يدق
سلف اذا طلع بنزين معناته الطرمبه انشاء الله شغاله
الخطوه الثانيه شيك ع سلك الكويل احتمال يكون مقطوع او مفصول




طمنا وش يصير معك

[قناص البردويل]

انا معي جمس 96 وصارت معي قبل امس ومن زمان تصير معي
وشريت بطارية امريكية واللحين كل شي تمام اذا بطاريتك قديمة غيرها

[escape_man]

اذا ماكان عندك مشكلة سابقة بالطرمبة مثل تقطيع او ضعف

فهذا يعني ان المشكلة كهرب مايوصل لغرفة الاحتراق للبوجي

عاااد البخاخات ماعندي علم زايد فيها

[عاشق الموج]

الله يعطيكم العافية كلن باسمه

اشهد بالله انكم شقرديه ما قصرتو

اخذت برايكم وجلست احوس في السيارة

قلت قبل ما اشيلها بسطحه وخساير للورشه

قلت احط يدي فيها واجرب حظي يمكن اطلع بنتيجه

فعلا طحت على المشكله وهي اولا شيكت على البواجي واسلاك البواجي وطلعو اوكي مافيهم اي مشكله

شيكت على البطاريه وطلعت اوكي مافيها مشكله اللهم يبي لها شحن

شكيت على الطرمبة وكانت ما تدفع بنزين المهم قلت ابدا في صندوق الفيوزات


وفعلا كان فيوز طرمبة البنزين مقطوع وغيرته والان السيارة من احسن ما يكون والحمدلله

لكن الي محيرني وش سبب خراب الفيوز وقطعه هل ممكن يكون التماس في الكهرب او حاجه استهلاكيه ولازم بين فتره وفتره ينقطع ؟

ولكم تحياتي

[سلطان2007]

يابن الحلال الحمدلله على السلامه ..

وعلى فكره هذه دايما تصير في الجمس .. صارت لي قبل كم سنه نفس مشكلتك ..

[عاشق z71]

هذا الي شكيت فيه عشان كذا قلتلك من البدايه شيك على الفيوز كلها

وماتوقع في سبب لخرابها يعني مو شرط اذا انحرق الفيوز يكون فيه التماس احيانا يكون عبء على هذا الفيوز << الفيوز بانواعها

تحياتي لك

[سوبر VTC]

و عليكم السلام و رحمة الله
ربك ستر و صارت من الفيوز
عموما راجع مواضيعي اللي بتوقيعي للمزيد من المعلومات
عن اعطال الجمس و الطرمبة
تحياتي

[ابو علي2007]

الطرمبه والله

[ابو علي2007]

الطرمبه والله يعينك

[Magellan]

و عليكم السلام و رحمة الله

ربك ستر و صارت من الفيوز
عموما راجع مواضيعي اللي بتوقيعي للمزيد من المعلومات
عن اعطال الجمس و الطرمبة

تحياتي


أخوي سوبر vtc موديل 93 يختلف كثير عن 2000 وفوق
وأنا ما أدري الظاهر 93 آخر موديل طرمبته بجنب المكينة ورخيصة
وأغلب خراباته من ضعف ضغط الطرمبة مو تتكسر
لذلك يغيرونه بطرمبة vxr مع تغيير القفزان