سفاري رقم 2 بالدمام 2009 اهل النياسين واهل المعرفه

[طحنون]

السلام عليكم ورحمه الله وبركاته
اليوم ادور بمعارض الدمام
ادور على سفاري رقم 2 موديل 2009 اللون ابيض للؤلؤي ومالقيت غير ذهبي وفضي
والسعر فوق في العلالي
سعره النهائي 146 الف بطاقه جمركيه والجبر الى الحين ماوصل عنده
والسعر مرتفع جدا
هل اذا وصل الى الوكيل الجبر وانتشربالسوق كم تتوقعون يوصل سعره وكم المده حتى ينزل سعره هل شهر شهرين او اكثر
علما ان الشكل راح يتغير في منتصف 2009 راح يتغير تغير كلي
عطونا العلم يالمعرفه
هل اني انتضر طول هاذي الفتره بمايقارب من اربعه شهور الى سته شهور
ونبي نشوف الاسعار في باقي المناطق
لا تبخلون علينا

[ملاحق السيول]

الحمراني ب146000 يعني نفس السعر بس موجود لؤلؤي يقول الموضف جت دفعه كبيره لؤلؤي فرع الشفا بالرياض بس ترى الكلام قبل العيد

[باترول للأبد]

وعليكم السلام ورحمة الله وبركاته

هلابك ومرحبا أخوي العزيز طحنون

بالنسبه للباترول سفاري 2 2009 نعم هذا سعره في المعارض وعند الحمراني

وتصدق والله أنقهرت أنا من شهر أدور سفاري 2 2009 أو 8 لونه فضي ومالقيت

وأنت ماشاء الله عليك لقيت ولاتبغاه والحمدلله أنا شبه خلصت على واحد مثله وبنفس سعره

والجبر نعم للحين ماوصل عنده ويقولون مش واصل الا بعد شهر ونص يعني راعين طويله

وشف خذها قاعده وكالة نيسان ترفع الأسعار ماتنزل يعني لو بتاخذ خذلك من الحين قبل لايشب نار

وياليتك تذكر لي أسم المعرض اللي لقيت فيه وهل اللي لقيتهم فيهم لحيه بالصدام الأمامي ؟؟

[طحنون]

وعليكم السلام ورحمة الله وبركاته

هلابك ومرحبا أخوي العزيز طحنون

بالنسبه للباترول سفاري 2 2009 نعم هذا سعره في المعارض وعند الحمراني

وتصدق والله أنقهرت أنا من شهر أدور سفاري 2 2009 أو 8 لونه فضي ومالقيت

وأنت ماشاء الله عليك لقيت ولاتبغاه والحمدلله أنا شبه خلصت على واحد مثله وبنفس سعره

والجبر نعم للحين ماوصل عنده ويقولون مش واصل الا بعد شهر ونص يعني راعين طويله

وشف خذها قاعده وكالة نيسان ترفع الأسعار ماتنزل يعني لو بتاخذ خذلك من الحين قبل لايشب نار

وياليتك تذكر لي أسم المعرض اللي لقيت فيه وهل اللي لقيتهم فيهم لحيه بالصدام الأمامي ؟؟

تلاقيه عند معرض الانجاز
سيارتين ذهبي وحبه واحده فضي
انا ماابي فضي لانه الموتر اللي بعته كان فضي جلس معي ثلاث سنوات وسبعه شهور نبي نغير اللون
المشكله ان الاسعار في متفاوته بشكل كبير فيه ناس اشتروه من الرياض بــ140الف
اتصلت على وكاله المسعود بالامارات
وسألتهم عن السفاري
المواصفات اللي ابيها
سفاري 2
فيه زياده عن اللي عندنا
1- فتحه
2- دفلوك
3- كشافات
4- ABS
وسعره 156 الف درهم
وشرايك بالسعر على المواصفات بس ينقصه الزنن والطبلون زنن ومقياس الحراره ويصير سوبر سفاري
.................................................. .................
المشكله انك تشتريه بالمبلغ هاذا وبعد خمس شهور والا وهو متغير شكله

[طحنون]

الحمراني ب146000 يعني نفس السعر بس موجود لؤلؤي يقول الموضف جت دفعه كبيره لؤلؤي فرع الشفا بالرياض بس ترى الكلام قبل العيد

اشكرك
واذا عندك اسعار متجدده
لا تنسانا

[الهاوي2008]

وعليكم السلام ورحمة الله وبركاته

اذا بتقدر تصبر افضل لك تأخذ الشكل الجديد

[ابوسعودد]

الصبر زين خصوصا اذا كنت ناوي تستخدم لفتره طويله

[ابونايف الروقي]

شريته من الحمراني في الرياض ووصل قبل امس يوم السبت السعر 144900 ريال
اللون لؤلؤي
المواصفات :
قير تماتيك عادي
2 تانكي
تخشيب
تحكم مسجل من الدرقسون
مثبت سرعه
ثلاجة
مكيف خلقي
خط جانبي احمر وذهبي
مراتب مخمل
مسجل وسي دي


...


بدون دفلوك
بدون كشافات اماميه
بدون لحي في الصدام الامامي



طلبته من نص رمضان من تاريخ تقريبا 17 او 18 رمضان وما وصل الا بعد العيد ..
على فكره وصلت باخره قبل العيد بيومين فيها تقريبا 35 سياره باترول 2009 ومافيه الا 6 سيارات اللون لؤلؤي والباقي الوان مختلفه على كلام مدير المبيعات الؤلؤي نادر جدا ولا ادري وش السبب


واذا كنت تبي 2008 لؤلؤي اصفار طالعه عليه لوحات قيمته كاش 145000 راسلني وانا ادلك على المعرض الي هي فيه في الرياض

[قرم العيال]

اخوي كيف عرفت انه راح يتغير في اواخر 2009؟

[مقلع الرمث]

الله يرزقنا جيب اخوي ياليت تزرق لم الامارات اتوقع انه افضلك تاخذلك واحد خليجي افضل واللؤلؤي على كلام اخونا باترول للابد ان عندهم لون افضل من اللؤلؤي اللي عندنا وافضل مواصفات وممكن باسعار منافسه

[طحنون]

وعليكم السلام ورحمة الله وبركاته

اذا بتقدر تصبر افضل لك تأخذ الشكل الجديد
المشكله ان للصبر حدود
ماادري الى متى ربك يسهل

[طحنون]

هلا ابو سعود ان شاء الله الاستخدام لفتره طويله
.................................................. ...................................
الاخ P52
ماقصرت على التوضيح
وواضح ان بدايه نزول الموديل
يكون السعر مرتفع
مثل ماقلت ان السعر بالدمام
146الف لاكن الاسبقيه للمعارض بالرياض
الله يعطيك خيره ويكفيك شره
.................................................. ........................................


هلا ياهوي الرس
التوقعات انه في منتصف 2009 او قبل انه راح يتغير
من خلال المنتديات في النت واكثر منتديات تتكلم عنه المنتديات الاماراتيه بحكم حبهم للنيسان
والمعلومات المقربه لديهم من وكلائهم عندهم كم وكيل
.................................................. .................................................. ..........

مقلع الرمث سررت بمرورك
المواصفات اكيد الافضل بكثير
لاكن السعر يفرق ولا تنسى فرق العمله والروحه والجيه وتصدير وسالفه طويله
ربك ييسر