المساعد الشخصي الرقمي

مشاهدة النسخة كاملة : جير حر فرخ للبيع 3/4 18.50


Turki1
13/10/2008, 01:23 AM
السلام عليكم
الطير لاحد الاصدقاء وطلب عرضه للبيع بسسب ظروف سفرة،نسأل الله ان يعود سالما معافا.
الطير تم شرائه من الاخ بوموسى وجميع مايتعلق بالطير تم وضعه بناء على ماجاء في هذا الموضوع للأخ بوموسى
http://www.mekshat.com/vb/showthread.php?t=148410

معلومات الطير:

ما نوع الطير :جير حر فرخ (3/4)
ماعمرالطير ؟؟ :فرخ
ما(قياسه او وزنه)؟؟ : 18.50 والوزن 1350
مالمزرعه التي انتجته (للمفرخات والمهجنات) ؟؟ : مزرعه تشيكيه-هوراتي
أين مكان الطير حاليا (المنطقه / المدينه)؟؟: الرياض
ماهي الحاله الصحيه للطير؟؟ :ممتازة
علوم الطير ؟؟ (للقرانيس البيتيه) فرخ
هل صاد الطير الحباري والكروان ؟؟ فرخ بوحاشته
هل الطير طلاع : فرخ بوحاشته
هل الطير راكد على التكايه ؟؟ فرخ بوحاشته
هل الطير يمسح على التلواح او يلاعب الشلو(خالي ) ؟؟ فرخ بوحاشته
هل توجد في الطيرعيوب (الارتفاع,الكوشه,نقل العلف,الصياح)؟؟ لا
ملاحظات اخرى : عاملين له هك بشبك مساحته 30 في 15 متر لمده شهر وزود،يعرف يذبح ويحلل وبخصوص الارتفاع نعم يرتفع الطير بناء على ماجاء من الاخ بوموسى.
الطير تم سومه آخر رمضان بمبلغ (21000) ريال،(واحد وعشرون الف ريال)
السوم يااخوان يكون عن طريق المنتدى والشاري يستلم طيرة في الرياض فقط(لاتوصيل لمناطق اخرى) وجميع الاسئله تم الاجابه عليها.
جميع المعلومات الموضوعه بناء على ماجاء من الاخ بوموسى لان الطير فرخ بوحاشته.
نسأل الله التوفيق للجميع.

http://www.mekshat.com/pix/upload02/images82/mk44377_gyr1.jpg


http://www.mekshat.com/pix/upload02/images82/mk44377_gyr2.jpg
ابو عناد999
13/10/2008, 03:54 AM
نسوووومه 6000
..@القناص@..
13/10/2008, 01:49 PM
نسوووومه 6000
اخوي .. يقولك الطير مسيوم بواحد وعشرين الف ريال
الله يرزقنا وياك
ابو عناد999
13/10/2008, 06:19 PM
اخوي .. يقولك الطير مسيوم بواحد وعشرين الف ريال
الله يرزقنا وياك



يا خوى هذا الكلامه فى رمضان....ترها جير

ترى سومت امس تختلف عن سومت اليوم
ترى مب عيب فتح السومه بريال.........
..@القناص@..
13/10/2008, 09:03 PM
يا خوى هذا الكلامه فى رمضان....ترها جير

ترى سومت امس تختلف عن سومت اليوم
ترى مب عيب فتح السومه بريال.........
محد قال عيب فتحه السوم لو بريال هذا شي معروف ..
لاكن احسبه مسيوم اليوم بـ 21 الف ,,,
Turki1
13/10/2008, 11:35 PM
الاخ/سلطان القناص بارك الله فيك اخي الكريم على حرصك على اخوانك.
السوم يااخوان قائم الى الان(واحد عشرون الف ريال) والا لما ذكرته.
اسأل الله التوفيق للجميع.
..@القناص@..
13/10/2008, 11:38 PM
الاخ/سلطان القناص بارك الله فيك اخي الكريم على حرصك على اخوانك.
السوم يااخوان قائم الى الان(واحد عشرون الف ريال) والا لما ذكرته.
اسأل الله التوفيق للجميع.
اشكرك يالغاالي على الكلام الطيب
مشاء الله تبارك الله 21 الف ..
طير طيب وراعيه اطيب ,,,
الله يرزقك بالبيعه الطيبه ,,,
هولاكو2008
14/10/2008, 03:57 AM
مشاء الله عز الله انه طير قطعته بالحيل طيبه

عسى الله يوفق الشاري والبايع
الخرب الازرق
14/10/2008, 09:41 AM
ماشاء الله تبار ك الله عليه
يستاهل أكثر قطعته طيبه بالحيل
والله يرزقك إنشاء
دبي داري
14/10/2008, 09:48 AM
هذا نفس صاحبي اللي شريت منه الجير

الطير ماعليه كلام بس ما ارتحت له و هديته شخص عزيز علي
ابرق آلريش
14/10/2008, 02:44 PM
اخوي سلطان مهب عيب السوم لو بريال بس عط السلعه حقها الطير طيب ومزيون ماعليه كلام ماشلله الله يبارك لبايع والشاري
مروض الجير
15/10/2008, 12:35 AM
سبحان الله بعض الناس يسوم كأن يسوم له وكريولا شيهانه اليماهو قد الطير لا يسوم فرخ وحش جير وطوله 18.5 ويوم ب 6 الاف الا عيبلسومه اللي ما تعطي الير حقه ولا تحرش بالزمل وانت حاشي ,,, ولجي غطى لى الأصيل والشيوخ ما يبون الا جير احين الأصايل خلها لبو 6 الاف و 10 الافانا اسوم الطير1 الف وصامل وتقبلوا مروري
مروض الجير
15/10/2008, 12:37 AM
ما عليش يا شباب لوحة المفاتيح عند مخربطة تأكل بعض الحروف ودمتم
ذياب999
15/10/2008, 04:19 AM
(لا تحرش بالزمل وانت حاشي)

الاخ مروض الجير/ ترى الدعوه كلها كومة ريش وما تستاهل هالحكي وانا اخوك

والله يرزق البايع بالسومه الطيبه من الرجال الصامل ويرزق الشاري باللي ينومسه ويطيب خاطره

الامر بسيط ياخوي
Turki1
16/10/2008, 12:05 AM
جزى الله الجميع خيرا
قال رسول الله صلى الله عليه وسلم(عليكم بالرفق،فانه ماكان في شىء الا زانه ،ولانزع من شىء الا شانه).
الاخ مروض الجير بارك الله فيك ،يبدو انك سمت الطير ولكن سومتك غير واضحه.آمل وضعها مرة اخرى اذا رغبت.
أسأل الله التوفيق للجميع. .
ابو عناد999
16/10/2008, 12:48 AM
مروض الجير اخبر الترويض حق الخيول مب حق الطيور وشكراا

وعلى كلامك طيور الشيوخ الجيرة صادق مثل طير الشيخ فواد فى مسلسل طاش
Turki1
16/10/2008, 01:02 AM
الاخ /ابوعناد 999
هذا الموضوع،بارك الله فيك،وضع بخصوص بيع طير ولانريد ان ينقلب الى مهاترات بين اعضاء مكشات والذي نرغب ان يكونوا متحابين دائما.
لك غرض في الطير فضع سومتك ،واضعا في الاعتبار سومه الطير المذكورة في الموضوع،ليس لك غرض فادعو لصاحب الطير بالبيعه الطيبه وآمل ان تتقبل تعليقي بصدر رحب-حفظك الله.
ان الكرام اذا صحبتهمُ ،،،، ستروا القبيح وأظهروا الحسنا
ابو عناد999
16/10/2008, 01:29 AM
الاخ /ابوعناد 999
هذا الموضوع،بارك الله فيك،وضع بخصوص بيع طير ولانريد ان ينقلب الى مهاترات بين اعضاء مكشات والذي نرغب ان يكونوا متحابين دائما.
لك غرض في الطير فضع سومتك ،واضعا في الاعتبار سومه الطير المذكورة في الموضوع،ليس لك غرض فادعو لصاحب الطير بالبيعه الطيبه وآمل ان تتقبل تعليقي بصدر رحب-حفظك الله.
ان الكرام اذا صحبتهمُ ،،،، ستروا القبيح وأظهروا الحسنا

الله يجزاك كل خير ويوفق الجميع

انا ماقلت شى يزعل فتح باب الطير 6000 والمشكله تدخل ابو ريال فى الموضوع تقول الطير طيرة
Turki1
17/10/2008, 09:51 PM
سبحان الله وبحمدة،سبحان الله العظيم.
ذياب999
18/10/2008, 01:50 AM
الربع ترى الامر بسيط والله الموضوع مايستاهل
راعي ساموده
18/10/2008, 02:00 AM
يعني الحين كم وصلت السومه ترانا ضعنا جزاكم الله خير ؟
..@القناص@..
18/10/2008, 07:28 PM
مروض الجير اخبر الترويض حق الخيول مب حق الطيور وشكراا

وعلى كلامك طيور الشيوخ الجيرة صادق مثل طير الشيخ فواد فى مسلسل طاش
وراك وش مزعلك ..
..@القناص@..
18/10/2008, 07:32 PM
الله يجزاك كل خير ويوفق الجميع

انا ماقلت شى يزعل فتح باب الطير 6000 والمشكله تدخل ابو ريال فى الموضوع تقول الطير طيرة
السلام عليكم ورحمه الله وبركاته :
تراي ماقلت شيء يزعل ..
كل الي قلته بس اذكرك ان الطير
مســــــــيوم بـ 21 الف ..
يعني بالعقل مسيوم بـ 21 الف
يبي يجي ويبيعه عليك بـ 6000 الف ريال
هههه
وش بلاكم ياخوان ,,
,,
ابو عناد999
18/10/2008, 11:44 PM
السلام عليكم ورحمه الله وبركاته :
تراي ماقلت شيء يزعل ..
كل الي قلته بس اذكرك ان الطير
مســــــــيوم بـ 21 الف ..
يعني بالعقل مسيوم بـ 21 الف
يبي يجي ويبيعه عليك بـ 6000 الف ريال
هههه
وش بلاكم ياخوان ,,
,,
ولا تزعل اسووومه 7500

ترى الطير مسيوم له حوالى شهر 21الف.. وانا اول واحد سام فى المنتدى ولا شفت احد قعد يفرق السومه والله مابى الى الخير حق راعى الطير

موفق ياراعى المووضوع
Turki1
19/10/2008, 12:12 AM
اسأل الله التوفيق للجميع .
ياحبذا ان لانخرج عن الموضوع يااخوان،
الطير سومته قائمه الى اليوم بواحد وعشرين الف ريال -للمعلوميه فقط-والموضوع وضع فقط من سته أيام.
ولايسوم احد بأقل من هالسومه-بارك الله فيكم جميعا.
الصديق اليا غلط قلت له تكفى مجار.....ولانبيعه لو تبيع السلوم اعرابها
فوالله اني ماحسبت المسافه والديار....دام رجلي كل قاع تدوس ترابها
وكر 111
19/10/2008, 11:55 AM
صباح الخير عليكم جميعا
اذا الطير مافيه صيحه اسومه ب21500ريال
..@القناص@..
19/10/2008, 02:53 PM
ولا تزعل اسووومه 7500

ترى الطير مسيوم له حوالى شهر 21الف.. وانا اول واحد سام فى المنتدى ولا شفت احد قعد يفرق السومه والله مابى الى الخير حق راعى الطير

موفق ياراعى المووضوع
تبي الخير حق راعي الطير ههههههههه
لاحياه لمن تونادي ..
Turki1
19/10/2008, 09:47 PM
الاخ/وكر 111
بارك الله فيك،وسومه طيبه من أخ طيب،والطير كما ذكرت في معلومات الطير ليس فيه صيحه.
اسأل الله التوفيق للجميع.
وكر 111
19/10/2008, 10:26 PM
إذا ترغب في بيع الطير نرجو الإتصال بعد إذن المشرفين على الرقم 0555533555
Turki1
22/10/2008, 07:32 PM
السلام عليكم
تم الاتصال بك أخ وكر111 ،آمل معاينه الطير كما اتفقنا -بارك الله فيك.
man2008
22/10/2008, 09:36 PM
ماشاء الله تبار ك الله عليه
اسوم 21600
man2008
22/10/2008, 09:40 PM
اسوم 21600
Turki1
24/10/2008, 10:49 PM
بارك الله فيكم جميعا.
تم بيع الطير،واسأل الله ان يبارك لم اشتراة.
دمتم بخير.