أصحاب الباترول طالبكم نصيحة لا هنتم &&

[أبو عبدالرحمن 1]

السلام عليكم

صبحكم الله بالخير

أنا الموتر عندي نزل من تحميل العزبة والاغراض وتانكي الماء (80لتر )
والمساعدات عندي شد بلد ولا بهن خلاف ،،،
واحد من الشباب شار علي اني اركب المساعدات الاسترالية الصفراء !!

وش رايكم يالربع ؟؟

وكم سعرهن ؟؟ ومن أحصلهن عنده بالقصيم ؟؟

أخوكم المحب لكم دوماً : أبو عبدالرحمن ( منبع الطيب )

[ولد مطلق]

تبي نصيحتي ركب يايات الرمايه وماجاك عندي ان شاء الله
اسأل مجرب

[أبو عبدالرحمن 1]

الله يعطيك العافية على سرعة تجاوبك في الرد

هل اليايات افضل اداء من المساعدات الاسترالية ؟؟

شكرا لك

[ولد مطلق]

بالنسبه للمساعدات انا شخصيا ما جربتها لكن الشباب فيهم خير ان شاء الله وبيفيدونك اكثر مني.
تقبل مروري.

[مقلع الرمث]

انا اخوي عندي يايات ركبتها بالكثير شهر وفكيتها اذا لك رغبه تشتريها ارسلي رساله على الخاص وانا مشتريها من الرمايه
والافضل لك انك تركب يايات احسن لان المساعد فقط يمسك السياره عند المطبات وكذا لكن لايمنع السياره من النزول

[ابوسعودد]

مالك الا يايات استراليه لان المساعد ماله خص في موضوع نزول السياره هو على اسمه مساعد

[ابو جنى 2005]

انا اشور عليك ونصيحة مجرب راعي حمول ولا اقنص الا الرمله لا تتعدى البالون اللي يركب في الياي ركب ولا تشاور من فور باي فور
اول شي يحافظ على الياي الاصلي
ثاني شي يسوي اتزان للموتر
ثالث شي يريح في المطب
رابع شي حمل وعبها هواء ولا ينزل الموتر ولا شي

اتمنى اني اكون وصلت لك المعلومة والله يوفق الجميع

[مخاوى ابوه]

خذ لك طقم يايات ومساعدات اللى في الرماية
والله ان تدعيلى وطق عليها بوالين

[أبو عبدالرحمن 1]

الله يعطيكم العافية وما قصرتوا

طيب كم الاسعار بالنسبة :
للمساعدات الاسترالية :
الياي الاسترالي :
البالون :


ولكم جزيل الشكر والتقدير