علمو للعليمي عن شركة التأمين

[عليمي]

السلام عليكم
ياجماعة مكشات فيه واحد من الربع مشتري سياره عن طريق البنك الأهلي نظام التأجير المنتهي بالتمليك والسياره مؤمن عليه عند شركة مد غلف وولده كان يسوق وصدم بالسياره الخطأ 100 بالمئة علي الولد لانه صادم في خلفية سياره ثانية الولد مفوض لقيادة السياره.
السوال
هل شركة التأمين أو البنك يصلح السيارتين؟
هل يعطي البنك صاحب السياره المصدومه سياره مؤقته لحين أن يتم إصلاح السياره؟
الرجال ورطان ومايدري وش له وش عليه تكفون عطونا العلم بسرعة .

[ابو كلام]

السلام عليكم

اولا الحمد لله على سلامه الولد ثانيا حقيقه تعتمد على نوع التأمين الي مأمنها له البنك بمعنى صاحب السيارة الي صدم وعليه الخدطأ يشوف الوثيقه ( وثيقة التأمين ) اذا كان يغطي الحوادث المروريه كلها يعني الطرف الثاني والثالث فهذا مغطي يصلحون له السيارة غصب ويستأجر موتر ويدفعون له تعويض عن اجار السيارة بموجب عقد التأجير حتى تخلص سيارته اما اذا كان تأمين البنك عن الطرف الثالث بمعنى (زي الي تأمن على سيارة في حاله شراء اي سيارة) فليس لصديقك اي حق بطلب اصلاح السيارة او تعويض عن اجارة السيارة وما يشوف شر

[عليمي]

بيض الله وجهك يأبو الكلام
بس منهو الطرف الأول والثاني والثالث

[AMAZ]

طريقة التامين عندنا الله بالخير
لكن على العموم بما انه ولده لدية تفويض (سائق اظافي)يغطية التأمين وهو على النحو التالي:
الخطاء عليه يدفع ملبغ وقده 500 ريال وهم يصلحون السيارات والتلفيات الاخرى لكن لا يتعد المبلغ (مليون ريال).
بخصوص تامين سياره والله هو العالم ماضن عندهم تأمين سياره بديله الا اذا كانت مكتوبه من ضمن العقد وهذا لا اعتقد انه مكتوب فيه لانهم زين يصلحون السيارات رايح يعلونك على بال ما يدفعون المبلغ للورشة ويبي يقولون اذا كنت مستعجل صلح السياره على بال مايجي الشيك وروح وتعال وبكره وبعده والمدير ماوقع الشيك والشيك ارسل من الرياض والشيك وصل ظلم ...... وخلها على الله وياقلب لا تحزن . اهم شي لا كون سويتلك احباط لكن هذا الواقع الا اذا تغير شي قريب والله مدري يمكن زي اراضي ابحر الشمالية قبل شهر المتر 200 ريال اليوم وصل بعضها 9000ريال .

[sameer_1798]

الحالة هذه صارت معي بس يوم أن التأمين على الرخصة كان الغلط علي 100% وكنت مأمن عند التعاونية للتأمين سيارتي مابها أي أضرار أما السيارة الثانية تكلفت التصليح مع القطع تقريباً 700ريال ( الصدمة فقط عفطة بالصدام وصاحب السيارة يطلب صدام جديد من الوكالة )
وماغير راجعت المرور وبينت لهم بطاقة التأمين ووقعت على ورقة بأني مأمن وبذلك أنتهت أموري أما صاحب السيارة المسكين ما أدري وش حصل معه حطيت راسه براس شركة التأمين ... علمأ بأن سعر التكلفة كان أكثر من قيمة تأمين الرخصة .
وتوقعاتي دام أن الغلط 100% عليك الشركة تتحمل تصليح السيارة الأخرى و أنتم تصلحون سيارتكم .

[AMAZ]

الحالة هذه صارت معي بس يوم أن التأمين على الرخصة كان الغلط علي 100% وكنت مأمن عند التعاونية للتأمين سيارتي مابها أي أضرار أما السيارة الثانية تكلفت التصليح مع القطع تقريباً 700ريال ( الصدمة فقط عفطة بالصدام وصاحب السيارة يطلب صدام جديد من الوكالة )
وماغير راجعت المرور وبينت لهم بطاقة التأمين ووقعت على ورقة بأني مأمن وبذلك أنتهت أموري أما صاحب السيارة المسكين ما أدري وش حصل معه حطيت راسه براس شركة التأمين ... علمأ بأن سعر التكلفة كان أكثر من قيمة تأمين الرخصة .
وتوقعاتي دام أن الغلط 100% عليك الشركة تتحمل تصليح السيارة الأخرى و أنتم تصلحون سيارتكم .

السيارة تأجير منتهي بالتمليك واكيد انه تامينها شامل حتى يمكن يشمل الكوارثر الطبيعية بالاظافة إلى تغطية جميع اصلاح السيارات المتضررة حتى لو كانت اربع او خمس المهم انه لا يتعدا المبلغ اكثر من مليون ريال بالاظافة إلى دفع مبلغ خمس مائة ريال
اما بخصوص التأمين على الرخصة القديم فهو يوجد به ثلاثة انواع من التأمين وهي
1 ضد الغير (اصلاح سيارة الغير اذا كان الخطا عليك 100 او باي نسبة يقررها المرور عليك ).
2 شامل (اصلاح جيمع السيارات المتظرره سوى سيارة المؤمن او سيارة الطرف او الطرف الثالثة )
3 شامل لجميع الاضرار والذي يشمل كسر الزجاج وسيارة المؤمن وسيارة الطرف الاخر او اذا كان فيه اكثر من طرف والكوارث الطبيعية )

وللمعلومية جميع هذه التأمينات لها مبالغ معينة لا تتعدها اذا زادت الاظرار عن مبلغ التامين يتحمل المؤمن الزيادة . هذا بالاظافة إلى دفع غرامة وقدرها خمس مائة ريال اذا كان الخطاء عليك او نسبة معينه من الخطاء عليك .