المساعد الشخصي الرقمي

مشاهدة النسخة كاملة : رايكم يا أخواااااان (( (( شاص/باترول/فورتشنر )) ))


سيف الظفير
14/10/2008, 11:50 AM
السلام عليكم ورحمه الله وبركاته


اخواني اعضاء مكشات


يطيب لي ان اتقدم بالتهنئة بالعيد المبارك اعادة الله علينا وعليكم


يا اخوان


رجال (شروا من يقراء) قرر يشتري سيارة

واحتار مابين الشاص 2009 رفرف اشهب من ابو جميل بـ 108.000

وسيارات أخرى

مع العلم بأن الرجال يبي الشاص لهابة الريح ولا هو ماهو راعي حلال بس يبيه للبر والمكشات والاستخدام اليومي ومعه غير الشاص ان شراه ماركيز 2006 وسوبربان


فما هو الاحسن يالقروم





شاص 2009 رفرف أشهب 8 سست

قزاز كهرب +ريموت +جنوط+رفارف+دفلك +ونش

أو

او فورتشنر 2009 لؤلؤي فل قير عاديV6

أو

باترول2 موديل 2006
مستعمل

رايكم يا الربع

ولو انت مكان هذا الرجل ماهو خيارك !!!
قناص الطير
14/10/2008, 12:01 PM
اذكان مع الرجال سيارة ثانية فياخذ الشاص لعدة امور 1ـ انه هو يبي يفكه وكالة 2ـ الشاص معروف بصلابته وقوته بس انا رايي انه ياخذ بريمي والله يوفقه ويبارك له في ماله .
ملاعب الريح
14/10/2008, 12:09 PM
من رأيي ياخذ الشاص لأن عنده مواتر غيرها والباترول والفورتشنر مالها داعي في وجود السوبر بان
أبو أسامة
14/10/2008, 12:11 PM
وعليكم السلام ورحمة الله و بركاته

عاد عيدك وأنا أخوك .............

والرجال والنعم فيه وفي خويه .............

لو أنا مكانه ما فكرت دام معه سوبربان للعايله ومعه قراند ماركيز أجل شاص وبس لا باترول ولا الفور تشنر .............

وعسى الله يكتب له الصالح .................
سيف الظفير
14/10/2008, 12:16 PM
مشكورين يالقروم على المرور وبارك الله فيكم يا الصقور على المرور العطر والرأي المطروح


للمعلومية الشاص بالنسيم سعودي بـ 120.000 ريال

وبالوكيل بـ 108.000

رفرف بدون ونش ودفلك
ابوسعودد
14/10/2008, 12:16 PM
والله ماتعدى الشاص مادام عنده سوبربان وماركيز
الله يكتب اللي فيه خير
سيف الظفير
14/10/2008, 12:19 PM
حييت يا ابو سعود

والرجال بياصلة العلم بإذن الله
سلايل كحيلان
14/10/2008, 12:20 PM
شاااااااص


ومبروك مقدما @@ شايف خيره ان شاء الله
سيف الظفير
14/10/2008, 01:14 PM
كحيلان مشكور يا الذيب والله يوفق راعيه
ملاحق السيول
14/10/2008, 01:26 PM
شاص بريمي يحبه قلبك والله أطلق من آلف باترل وفورتشنر
سيف الظفير
14/10/2008, 02:20 PM
شاص بريمي يحبه قلبك والله أطلق من آلف باترل وفورتشنر




وش فرق البريمي عن غيره



كلها واحد يا الغالي دفلك وونش ورفارف وجنوط وكيل


عيب الشاص في ملف الدركسون

ياخذ لفه ونص

والسيارات الباقية لفتين !!


سؤال / فيه حل ميكانيكي لها
اسير الغضا
14/10/2008, 02:31 PM
خذ الشاص مادامه بس للبر
وش تبي بالفورتشنر لان السوبر بان يصلح فورتشنر بس الشاص بعيد عن الباترول
وبا ان ماعندك موتر به حوض

ولاتحرص تكثر من النوعيه نفسه عندك سيدان وصالون مابقاء الا بيك اب والشاص يصلح بيك اب
إعصار
14/10/2008, 02:48 PM
شاص ## شاص ..


حتى لو انه موب راعي حلال ..


في الديرة الماكيز ..


وفي السفر سوبرمان ..


وفي البر والمكشايت والمقانيص الشاص يابعدي ..


...


نصيحة يدرب الموتر زين .. يجلده بعد مايمشي 1000 كليو ..


ولا يخليه دايم واقف .. الوقفات الطويلة ميب من صالح الموتر ..
غضنفر
14/10/2008, 03:13 PM
لو اني مكانه
كان خذت

شاص 2009
سعودي
بيج
بدون رفارف
11 سستة
بدون ونش
لكن بدفلك
بالي هوبه
طبعي شمالي
14/10/2008, 03:16 PM
اذا هو يحمل ناااس واجد ياخذ باتروول

اما اذا يبي للبر فقط ومايهتم بتحميل الاشخاص معه ياخذ شاص
باترول للأبد
14/10/2008, 03:47 PM
وعليكم السلام ورحمة الله وبركاته

أن كان عزوبي أكيد الشاص ولابعد فل كامل ياسلام ياسلام وان كان راعي عايله مايطربه ويريحه غير الباترول والرأي في الأول والأخبر له
أبا مجاهد
14/10/2008, 04:35 PM
ان كان معه سياره عائليه بديله فأكيد ثم أكيد/

شاص 2009 رفرف أشهب 8 سست
دانكن
14/10/2008, 04:38 PM
من ماركيز لشاص .. خله يشيل معه درزن فقرات لظهرة ..

ان كان الباترول نظيف ياخذه وهو مغمض .. :) ..
أبو عبدالرحمن 1
14/10/2008, 05:00 PM
شف وانا اخوك :
أكلف ما على الواحد أهله
واذا انه مدبر اموره من هالناحية حيث انه عنده ماركيز فهذا عين العقل للديره والمشاوير القريبه

لكن فيه مشكله اذا بغى يكشت عوايل فلازم يكون الجمس اللي معه دفرنسين (( ولا تقول ان كشتة العوايل مرة بالسنة او تقول السيارات واجد ترى محد مكلوف انه يشيل عيالك ))

فهنا انا اقترح عليه انه يستخير بين :
الباترول الربع من 2004 وطالع
او الذيب (( الشاص ))

والله يوفقه من بين هالاثنين
التسعاوي
14/10/2008, 05:09 PM
بما انه يملك سياره للعائله وسياره شخصيه فامايبقى له الا خيار واحد هوالشاص.
سيف الظفير
14/10/2008, 05:22 PM
مشكورين يالقروم على المرور وعلى الاراء المباركة والله يكتب اللي فيه الخير
Abu Saad
14/10/2008, 07:49 PM
كانه راعي ابل ياخذ شاص .
ولا اجد سببا مقنعا غير الابل لاقتنائه ...
الا لراعي الصنف فقط .
لا اجد اي متعة في تكسير الظهر في هالبران وضيق المركب وعفش يناقز في الصندوق ويلعب به المطر والعج ...
اشتر صالون نيسان او لاند اريح ويودي المهمة وزود وفوق ذالك عفشك ما ينعدم من الغبار والمطر .
هذي فلسفتي في هالسيارة ... ولايهون شاص النيسان ينطبق عليه نفس الكلام ايضا.
لاتقولون شراع وشد ... هذي سوالف واحد بيقنص في السودان او الرملة .. غيرها مهايط وخساير .. مع احترامي .
بالعربي الشاص موتر تحميل وتنزيل فقط ( معدات ، مكاين ، ابل ، حطب ، عزبة حملة مقناص للرملة او السودان) فعز الله ابشر بعزك.... غيرها عقوبة .
وجهة نظر...
وبالتوفيق
شاص2006
14/10/2008, 07:57 PM
الشاص 2009 فل الفل بيج & و نش & دفلك غيره مافيه موتر,,,,,,,, والخيار الأول والأخير له................
أبا مجاهد
14/10/2008, 08:39 PM
اذا كان الشاص يخوي لفة دركسونه لفه ونص..

وجهة نضري انها ميزه وليست عيب..مع اني معي فرد لفتين
سيف الظفير
14/10/2008, 08:46 PM
كانه راعي ابل ياخذ شاص .
ولا اجد سببا مقنعا غير الابل لاقتنائه ...
الا لراعي الصنف فقط .
لا اجد اي متعة في تكسير الظهر في هالبران وضيق المركب وعفش يناقز في الصندوق ويلعب به المطر والعج ...
اشتر صالون نيسان او لاند اريح ويودي المهمة وزود وفوق ذالك عفشك ما ينعدم من الغبار والمطر .
هذي فلسفتي في هالسيارة ... ولايهون شاص النيسان ينطبق عليه نفس الكلام ايضا.
لاتقولون شراع وشد ... هذي سوالف واحد بيقنص في السودان او الرملة .. غيرها مهايط وخساير .. مع احترامي .
بالعربي الشاص موتر تحميل وتنزيل فقط ( معدات ، مكاين ، ابل ، حطب ، عزبة حملة مقناص للرملة او السودان) فعز الله ابشر بعزك.... غيرها عقوبة .
وجهة نظر...
وبالتوفيق



يالذيب انا كنت اتفق معك لكن الشكل الجديد للشاص جعل منه سيارة للكل

عكس الشكل السابق الذي كان محصور لأهل الاباعر

الجديد شكل مميز وبخاصة الرفرف
سيف الظفير
14/10/2008, 08:47 PM
الشاص 2006 ابامجاهد // اشكركم على المرور العطر يالذياااابة
سيف الظفير
14/10/2008, 08:55 PM
صور منوعة من الشاص الجديد


http://www.mekshat.com/pix/upload02/images82/mk64326_2gqgigk1yy1q6iyp5vui.jpg



http://www.mekshat.com/pix/upload02/images82/mk64326_5gsmj5njb63agcbxzhhd.jpg




http://www.mekshat.com/pix/upload02/images82/mk64326_8f83u4zi1y9xmzshm529.jpg



http://www.mekshat.com/pix/upload02/images82/mk64326_9tzs353g8l2pyvwtyyml.jpg



http://www.mekshat.com/pix/upload02/images82/mk64326_97hlmh2zt55vsm0a21lg.jpg



http://www.mekshat.com/pix/upload02/images82/mk64326_d5zues2juwx85d6f5ewl.jpg




http://www.mekshat.com/pix/upload02/images82/mk64326_em2nnlxi5xv2yx7v0ekq.jpg



http://www.mekshat.com/pix/upload02/images82/mk64326_gqda0o5vuhr5klokb522.jpg



http://www.mekshat.com/pix/upload02/images82/mk64326_us7ziiyuzgiy21j2sdnv.jpg
سيف الظفير
14/10/2008, 09:01 PM
وهذا كحيلان بالارطـــــــى



http://www.mekshat.com/pix/upload02/images82/mk64326_ul635164.jpg





http://www.mekshat.com/pix/upload02/images82/mk64326_t_o_y_o_t_a____99999999.jpg


اعلاه توقيع
سيف الظفير
15/10/2008, 02:25 PM
مشكورين يالقروم على المرور العطر وبارك الله فيكم
أحمد الدهمشي
15/10/2008, 05:39 PM
وعليكم السلام ورحمة الله و بركاته

ما دام عندهـ سيارة للعائلة وللسفر
ويبي سيارة للبر أنسب شي له الشاص وانصحه ياخذ الفل كامل عشان لا يتحسف
حتى راح يحتاج الحوض للتحميل لأغراض البيت
والله يكتب له ويكتب لنا اللي فيه الخير
تحياتي..
سوبر VTC
16/10/2008, 06:42 AM
و عليكم السلام و رحمة الله
الشاص حلاته بالشتاء غرفة و سطح :)
لكن بالصيف و لا بريال تمله و تكرهه و مطبه شين جدا وتمزع كلوتك و ضلوعك
اذا شريت شاص لا تنسى تحب السست و تخليه به 7 ستت فقط + وضع لعاب 18سم
و خذ مطب مريح جدا و هذه عن تجربة طبعا كل ما طال اللعاب خف المطب و البطناج
لان المطب يضيع من خلال اللعاب
حلاته لا صرت تبي تهضم عقب نثرية او مفطح مطبين و الى متخرط كل اللي ببطنك :d ==> تراي جوعان :)
عموما انا من وجهة نظري ان الجمس غمارة و نص هو الانسب راحة و عزم و قل صرفية و صندوق كبير
و الان اهل المكاشيت طاحوا به
لا تنسى الاستخارة
تحياتي