الي له خبرة بالمساعدات يدخل .. لاهنتوا ..!!

[عاشق Vtc 4800]

السلام عليكم ورحمة الله وبركاته









يا إخوان أنا معي دسن دفرنسين



ومساعداته منتهية



ودي أركب له مساعدات جابريال



فياليت الي له خبرة يعلمني وش أفضل مقاس



بحيث ماتكون مرتفعة واجد ولا نازلة واجد



يعني رفعها معقول



ولكم جزيل الشكر وعظيم الامتنان

[ابراهيم]

الي اعرفه وانا اخوك المساعدات مالها دخل في رفع السياره ...السست هي الي ترفع السياره وتنزلها.

[اسير الغضا]

المساعدات على ظني وحده واسمع وانا خالك امزح وانا اخوك

المساعدات جبريل وغاز
الجبريل مريح بس بالبر يلعب ويصبخك بالسياره

الغاز ممتاز ويتحمل بس يقص الظهر

[عاشق Vtc 4800]

يامال العافية والله وماقصرتوا



بس ودي أعرف هل لهن مقاس معين



الله لايهينكم

[الثويرات]

الددسن الدفرنسين حلها انك تدبل المساعدات الامامية صدقني راحي تدعيلي

ورايح تفرق عليك كثير مع الهويات بالبر وخبرك خابر المطبات

[عاشق Vtc 4800]

ياليت لو توضح لي أكثر أخوي



لاهنت أتعبتك معي

[الثويرات]

ياليت لو توضح لي أكثر أخوي



لاهنت أتعبتك معي



يعني المساعدات الي قدام 2

انا ابيك تضيف عليهن 2 ليصبحن 4

هذا من واقع تجربه وايضا الشباب كثير منهم مدبل المساعدات

[عاشق Vtc 4800]

يامال العافية والله أخوي



وآسفين على الإزعاج



فيه آراء ثانية ياشباب

[ابراهيم]

اذا تبي ترفع الموتر من قدام عن طريق مسامير عمود الالتواء واذا تبي ترفعه من الخلف عن طريق السست , لاكن اشوف الددسن الدفرنسين ارتفاعه في الاصل ممتاز , وبالنسبه للمساعدات اذا تبي الموتر شاد يعني ما يطامر ركب غاز جبريال او منرو والمقاس خذ نفس طول الاصلي.
تحياتي

[عاشق Vtc 4800]

يامال العافية والله أخوي ابراهيم



كفيت ووفيت



الله يكتب أجرك

[إعصار]

دبل مساعدات قدام ..

الموتر يصير كتلة وحدة ..

طبعآ لازم تخريم بالشاصي ..

أعرف لك واحد .. لعبة المساعدات والترفيع ..

ونصوح جدآ ..

أسمه مبارك اليماني ..

في الصناعية القديمة ..

اذا جيت عند الاشارة حقت السالم ..خل السالم على يمينك وابتل ..يجيك مستوصف على اليمين خذ معه يمين

يجيك تقاطع تعده .. تشوفه محل لوحة بيضاء صغيرة جدآ على اليمين ..جنبه تسالي (بوفية ) واذا ضيعت أسال عند التقاطع عن مبارك اليماني ..


والله يوفقك يالغالي :)

[كــحــيــلان]

السلام عليكم .. صباح الفل

أهم شئ في مقاس المساعدات أنها ما تكون أفصر من شد البلد و تقدر تاخذ شد البلد و تقيس علية عند المحل.

بالنسبة لمساعدات جبرايل جيدة بس مشكلتها القساوة على السيارة.

و دمت بخير يالحبيب

[كــحــيــلان]

السلام عليكم .. صباح الفل:cool:

أهم شئ في مقاس المساعدات أنها ما تكون أفصر من شد البلد و تقدر تاخذ شد البلد و تقيس علية عند المحل.:good:

بالنسبة لمساعدات جبرايل جيدة بس مشكلتها القساوة على السيارة.:confused:

و دمت بخير يالحبيب:D

[الوسيطاء]

اخوي من ناحيه الجبريل خذ الزيت من عنده وترى لها عده وزنيات يعني وسط وقوي وضعيف

حطه على الوسط وترتاح ومن ناحيه الغاز طبعاً الغاز بة يجي اي ريح تنسيم راح يفضي الغاز

الي في المساعد وراح تندم لاصرت بلبر ماتقدر تمشي حق الوكاله ارحم من الغاز والزيت لازم اذا يبي يطلع من جرم المساعد يبي فتحه وسيعه اتمنى اني افتك لاتستعجل