يالربع الي يخبر احد يعرف لكرونة الهايلكس ..

[نقطة]

السلام عليكم ..
هذا واحد من الربع عنده صوت طق طقه في الكرونه .
موتره هايلكس 2003
ويبي ورشه زييينه ومجربه
لانه يقول ماابي افكها عند اي واحد يعدمها علي .

فالي خابر شيء لا يبخل علينا يحط الوصف او رقم الورشه ..

لاهنتم يالاجاويد :)

[قرم العيال]

حياك

اخوي ,,

إذا كارونه فارطه كلش ,,فعليه بدفرنس كامل من التشليح

لانه مهما اشتغلت ما راح ترجع زي الوكاله

اما الطق طقه فهاذي سالفه طويله ,,

يعني تون ولا اصوات ,,

والربع يفيدونك بإذن الله

[أحمد الدهمشي]

وعليكم السلام ورحمة الله و بركاته

مثل ما قال اخوي هاوي الرس يا يشتري دفرنس كامل تشليح او يشتري جديد من الوكالة سعر دفرنس الكروزر كامل 5000 الاف ريال اتوقع الهايلكس ارخص بواجد والله يكتب اللي فيه الخير..

[مكشاتي 2012]

خليجي ولا سعودي ارجو الرد مهم جدا

[نقطة]

جزاكم الله خير.
الموتر خليجي . وصوت الطق طقه خفيفه ومااتوقع انها فارطه
بس الرجال حريص ويبي يشيك .

[سفير الديره]

يا اخوي انا معي هلي 2005 وكان فيها صوت طقطقه خفيفه ورحت لاكثر من ورشه كلهم يقولون الكارونه ولكن رحت لورشه ببريده تسمى ورشه ابو بدر شايب سعودي اول ما سمع الصوت قال هذا صوت الصليب وغيرت عنده الصليب وكلفت تقريبا 120ريال وابشرك ضبطت وراح الصوت انصحك تروح للورشه

[الثويرات]

السلام عليكم ..
هذا واحد من الربع عنده صوت طق طقه في الكرونه .
موتره هايلكس 2003
ويبي ورشه زييينه ومجربه
لانه يقول ماابي افكها عند اي واحد يعدمها علي .

فالي خابر شيء لا يبخل علينا يحط الوصف او رقم الورشه ..

لاهنتم يالاجاويد :)


اخي السلام عليكم ورحمة الله وبركاته

اول حاجه الي يقولك ان كارونت الهايلوكس فيها كلتشات ماعنده سالفه؟

لايضيق صدرك كل شي يصلح ويرجع افضل من اول

ياليت تشيك على الصليب اول عشان تتأكد

اذا انت بالقصيم لاتعدى ورشة الصمعاني 0500241000 ابو عبدالله متخصص بالدفرنسات