استفسارات تخص الهاي لكس الدبل

[ابن هياس الشهري]

مساكم الله بلخير




سيارتي هاي لكس سوبر دبل Glx2008 ومن الوكاله البنزين حقها 91 وغيرته لـ 95 لأن العزم حقها شوي ضعيف السؤال هل يأثر البنزين 95 على المكينه ولو مستقبلاً ولا الوضع عادي .
السؤال الثاني :
كم اعلى سرعة توصل لها الهاي لكس بدون تأثير وايضاً المسافه اذا كان الدبل الصغير شغال او الكبير .
ارجو الرد من اصحاب الخبره ولا يهون الباقين.
واشكركم على هذا الموقع الجميل.

[أحمد الدهمشي]

الف مبروك الله يعطيك من خيرها ويكفيك شرها

بالنسبة للسؤال الأول: مافي أي ضرر إن شاء الله
وخذها قاعدة أي سيارة تستطيع وضع لها بنزين اوكتان اكبر
لكن لا تستطيع وضع اوكتان اقل

يعني الهايلكس بنزينها 91 ما يضرها ان شاء الله بنزين 95
لكن مثلا لو كان بنزين الهايلكس 95 وحطيت 91 يعني اقل هنا راح يحصل ضرر

بالنسبة للسؤال الثاني :
ما ادري كم اقصى سرعة لكن اعتقد الى سرعة 120 مافي ضرر
والمسافة غير محدودة متى ما كنت محتاج للدبل خله مشبوك اقصد الخفيف
اما الدبل الثقيل لا تطول عليه ولا تستخدمة الا وقت الضرورة فقط

وان شاء الله الشباب ما يقصرون يصححون اذا اخطات او أنقصت
تحياتي

[ابن هياس الشهري]

مشكور اخوي احمد على الرد والله يجزاك خير وانتظر ردود الشباب

وشكراً

[إعصار]

الله يبارك لك ..


والبنزبن افضل شي سويته أنك حطيت 95 ..


أفصل وأنشط وأصفى ..طبعآ هذا كلام الوكالة ..


..


بخصوص الدبل ..


الدبل الثقيل لاتكثر عليه .. الا اذا نشيت ولا عاد مشى الموتر ..


الخفيف انا امشي عليه اذا كثرت مره 80 _90 .. بس أتوقع يمشي اكثر ..


وانتبه من السرعة الزايدة في الطعوس ..:D


ولوتغير الكفرات ترى حقت الوكالة البرجستون قاسية مرة ..


يعني لوتركب دنلوب ولا هنكوك أصرف ..

[جب هآت ود عط]

انشا الله ما فيه ضرر اخوي اهم شي انك غيرت من 91 الي 95 ازيلك واريح لموترك


وبلنسبه لسوالك الثاني : السرعه القصوه في الدبل الخفيف هي 80 وتحت بس تقدر تسرع اكثر بس ترا في ضرر لموترك وتقبل مروري

[هاوي الله]

حياك الله
بالنسبه للبنزين لاتخااااااااف الوضع عاااادي جداًجداً .

بالنسبه للسرعه :

الدبل الخفيف إلى سرعة ((( 180 ك/س ))) عااااااادي ماعندك مشكله ولاتخااااف نهائياً , يعني أكيد مافيه أحد بيمشي 180 !!! والدبل الخفيف شغال صح !؟ إلا لظروف الطريق ... الخ . لكن خلك على ثقه تامه إنه مايضر السياره أبداً وعن تجربه وخبره .

الدبل الكبير لاتتعدى سرعة (((60 ك/س ))) . واستعماله غالباً هو للخروج من التغريسه أو بتسحب واحد مغرس أو للنزول من المنحدرات الجبلية ...الخ .

الله يبارك لك فيها ويحميك ويحميها ,,,

[ابو شهد جدة]

حياك الله
بالنسبه للبنزين لاتخااااااااف الوضع عاااادي جداًجداً .

بالنسبه للسرعه :

الدبل الخفيف إلى سرعة ((( 180 ك/س ))) عااااااادي ماعندك مشكله ولاتخااااف نهائياً , يعني أكيد مافيه أحد بيمشي 180 !!! والدبل الخفيف شغال صح !؟ إلا لظروف الطريق ... الخ . لكن خلك على ثقه تامه إنه مايضر السياره أبداً وعن تجربه وخبره .

الدبل الكبير لاتتعدى سرعة (((60 ك/س ))) . واستعماله غالباً هو للخروج من التغريسه أو بتسحب واحد مغرس أو للنزول من المنحدرات الجبلية ...الخ .

الله يبارك لك فيها ويحميك ويحميها ,,,


معليش على المداخلة اخوي هاوي..

بس كان عندي ملاحظة وهي المشي بالدبل الخفيف حتى سرعة 180كم/س

ما ادري بس احس انه كثير على السيارة ولا كيف؟؟

وبعدين هذا في الاول والاخر ونيت...

ولا ايش رأيكم ياشباب؟؟؟

[هاوي الله]

حياك الله يابو شهد

الكلام والشرح بيطووول وبقصرها عليك وبقولك ((( أنا أبخص ))) ;) :D

موفق ,,

[ابو شهد جدة]

حياك الله يابو شهد

الكلام والشرح بيطووول وبقصرها عليك وبقولك ((( أنا أبخص ))) ;) :D

موفق ,,
طيب لا راح جربكس سيارة الرجال انت بتغيره على حسابك؟


والله مدري عنك بس (( الله يحميك من كل مكروه )):rolleyes: :rolleyes:

[سوبر VTC]

و عليكم السلام و رحمة الله
الله يطعمك من خيره و يكفيك شره
الربع ما قصروا كفوا ووفوا :d
لكن انا اؤكد على مسالة الدبل الثقيل
انتبه تستخدمه مسافة طويلة كما ان الدوس بشكل مفاجئ و الموتر مغرس يعدم عليك جنزير الدبل و ايضا يخرب صليبات العمدان
ايضا لا تحرص على (المتل) ترا يضر
تحياتي

[ابو ناصر2020]

البنزين خلك على 95 احسن لك ان شاء الله

اما الدبل التويوتا كله إلى 80 سرعه الخفيف والثقيل للخروج او السحب يعني ماتطول مشي عليه



والله يطعمك خيره ويكفيك شره يارب

[هاوي الله]

طيب لا راح جربكس سيارة الرجال انت بتغيره على حسابك؟


والله مدري عنك بس (( الله يحميك من كل مكروه )):rolleyes: :rolleyes:
مشكلتنا أننا الشعب الذي لايقررر:no2:رررأ (( بعد ماتقرررررأ الكاتلوج حق السياره ذااااااك الحين راجعني )):D ;) وإذا خرب القيربكس بحوله عليك :D :D

[ابو شهد جدة]

مشكلتنا أننا الشعب الذي لايقررر:no2:رررأ (( بعد ماتقرررررأ الكاتلوج حق السياره ذااااااك الحين راجعني )):D ;) وإذا خرب القيربكس بحوله عليك :D :D


بعد مكتوب في الكاتلوج؟؟؟

ممكن اعرف في اي بر تقدر تمشي 180 كم / س ؟؟؟

الله ما شفناه بالعقل عرفناه.

[ابن هياس الشهري]

الف شكر لكم يا اخوان والله يجزاكم خير على دعواتكم الطيبه، الصراحة الردود استفد منها جداً واتمنى ان الجدال الي صار عن السرعه في الدبل الخفيف يكون ودي لأن سوالي عن السرعه في الدبل الخفيف كان المقصود به البر والأزفلت لأن فيه ناس قالو انه اذا كان الطريق وخاصتاً الأزفلت فيه منحنيات وأوقات الأمطار يفضل استخدام الدبل الخفيف لزيادة ثبات السياره وجميع آرائكم على العين والراس . وفيه سؤال ومعليش يوم جيت اغير زيت المره الأولى غيرت زيت مع سيفون السيفون كان من عند البنشري وقيمته تقريباً 20 ريال المره الثانيه يوم جيت اغير زيت رحت للوكاله علشان اخذ سيفون قالي سعره 45 ريال سألت عن السيفون الأول قال هذا حق الهاي لكسات من 97 الى 2005 هل الكلام هذي صحيح .
والف شكر لكم