لأهل الخبرة بالباترول السعودي والخليجي

[abuktab]

السلام عليكم ورحمة الله وبركاته ...


حيا الله الاخوان ..


أنا ان شاء الله ناوي على باترول 2009 ان شاء الله جديد ..

طبعا اللي أباخذ سفاري 2

لكن أبستفسر عن السعودي والخليجي هل بينهم فرق بالمميزات .؟؟؟

السؤال الثاني :

هل فيه أحد يورد الخليجي بالسعودية اذا كانت الاجابة نعم ياليت وصفه ؟؟

السؤال الثالث :

وش أسعار الاثنين الخليجي والسعودي ؟؟

السؤال الرابع :

هل صحيح ان الفتك من 2002 الى 2004 أقوى عزم ونشاط من 2005 وفوق .. لأن واحد قالي الاولات ضغط البساتم أقوى بهن عشان كذا يستهلكن الوقود أكثر أما الجديد قللوا ضغطهن وقل عزمه ..؟؟

السؤال الخامس والاخير وأدري اني طولت عليكم << ما يعطى وجه

وش يفرق 2008 عن 2009 بالشكل الخارجي لأني أعرف أثنين شروا 2009 برمضان الماضي نفس شكل 2008 وهو كونه مجمل بالخط الاحمر وكلن يدري انه تعتبر آول دفعه بـ 2009 تنزل نفس الموديل اللي قبله بجميع السيارات فهل نزلت الدفعه الثانية لموديل 2009.


أتمنى أن لا أكون قد أطلت عليكم

[سيف الظفير]

السلام عليكم ورحمة الله وبركاته ...


حيا الله الاخوان ..

حييت يا الذيب بالمنتدى المكشاتي الأول على الانترنت

أنا ان شاء الله ناوي على باترول 2009 ان شاء الله جديد ..

طبعا اللي أباخذ سفاري 2

ألف ألف مبروك والله يطعمك من خيره ويكفيك شره يارب

لكن أبستفسر عن السعودي والخليجي هل بينهم فرق بالمميزات .؟؟؟

أعتقد في بعض الأمور ومنها الاكسسوارات

وبعض التجهيزات المهمة مثل الونش يكون بالخليجي (المسعود) والحمراني فلا

السؤال الثاني :

هل فيه أحد يورد الخليجي بالسعودية اذا كانت الاجابة نعم ياليت وصفه ؟؟


سمعت والله اعلم ان البازعي صار يورد الخليجي من الامارات وقطر

وانا شفت الباترول في معرضة بالنسيم

طبعاًً الحوش وليس الصالة


السؤال الثالث :

وش أسعار الاثنين الخليجي والسعودي ؟؟

طبعاً الخليجي اغلى من السعودي

السعودي بحدود 145,000 (والله اعلم )



السؤال الرابع :

هل صحيح ان الفتك من 2002 الى 2004 أقوى عزم ونشاط من 2005 وفوق .. لأن واحد قالي الاولات ضغط البساتم أقوى بهن عشان كذا يستهلكن الوقود أكثر أما الجديد قللوا ضغطهن وقل عزمه ..؟؟


هذا السؤال متروك للأخ سوبر VTC لأنة من المتخصصين بالباترول من الناحية المكانيكية


السؤال الخامس والاخير وأدري اني طولت عليكم << ما يعطى وجه

اسئل يا الذيب واللي نعرفه بياصلك يا اخوي

وهذا المنتدى الأول للأستفسارات وتبادل الخبرات فأعضاء مكشات لايعرفون الملل والكلل

فهم صقور الصحراء

وش يفرق 2008 عن 2009 بالشكل الخارجي لأني أعرف أثنين شروا 2009 برمضان الماضي نفس شكل 2008 وهو كونه مجمل بالخط الاحمر وكلن يدري انه تعتبر آول دفعه بـ 2009 تنزل نفس الموديل اللي قبله بجميع السيارات فهل نزلت الدفعه الثانية لموديل 2009.

بخصوص الدفعات اللي وصلت اكيد الأولى والثانية والله اعلم قبل نزول 2010

والفرق بين الأثنين فقط كلمة PATROL على غطاء الاستبنه

أتمنى أن لا أكون قد أطلت عليكم

حياك الله في مجالس القروم

مكــــــــــــشـــــــــــــــــات


حيث وجدت لنا الصدارة


أخوك /سيف الظفير

[الأسمري 2009]

السلام عليكم ورحمة الله وبركاته ...




حيا الله الاخوان ..


حييت يا الذيب بالمنتدى المكشاتي الأول على الانترنت


أنا ان شاء الله ناوي على باترول 2009 ان شاء الله جديد ..


طبعا اللي أباخذ سفاري 2


ألف ألف مبروك والله يطعمك من خيره ويكفيك شره يارب


لكن أبستفسر عن السعودي والخليجي هل بينهم فرق بالمميزات .؟؟؟


أعتقد في بعض الأمور ومنها الاكسسوارات


وبعض التجهيزات المهمة مثل الونش يكون بالخليجي (المسعود) والحمراني فلا


السؤال الثاني :


هل فيه أحد يورد الخليجي بالسعودية اذا كانت الاجابة نعم ياليت وصفه ؟؟



سمعت والله اعلم ان البازعي صار يورد الخليجي من الامارات وقطر


وانا شفت الباترول في معرضة بالنسيم


طبعاًً الحوش وليس الصالة



السؤال الثالث :


وش أسعار الاثنين الخليجي والسعودي ؟؟


طبعاً الخليجي اغلى من السعودي


السعودي بحدود 145,000 (والله اعلم )




السؤال الرابع :


هل صحيح ان الفتك من 2002 الى 2004 أقوى عزم ونشاط من 2005 وفوق .. لأن واحد قالي الاولات ضغط البساتم أقوى بهن عشان كذا يستهلكن الوقود أكثر أما الجديد قللوا ضغطهن وقل عزمه ..؟؟



هذا السؤال متروك للأخ سوبر VTC لأنة من المتخصصين بالباترول من الناحية المكانيكية



السؤال الخامس والاخير وأدري اني طولت عليكم << ما يعطى وجه


اسئل يا الذيب واللي نعرفه بياصلك يا اخوي


وهذا المنتدى الأول للأستفسارات وتبادل الخبرات فأعضاء مكشات لايعرفون الملل والكلل


فهم صقور الصحراء


وش يفرق 2008 عن 2009 بالشكل الخارجي لأني أعرف أثنين شروا 2009 برمضان الماضي نفس شكل 2008 وهو كونه مجمل بالخط الاحمر وكلن يدري انه تعتبر آول دفعه بـ 2009 تنزل نفس الموديل اللي قبله بجميع السيارات فهل نزلت الدفعه الثانية لموديل 2009.


بخصوص الدفعات اللي وصلت اكيد الأولى والثانية والله اعلم قبل نزول 2010


والفرق بين الأثنين فقط كلمة PATROL على غطاء الاستبنه


أتمنى أن لا أكون قد أطلت عليكم


حياك الله في مجالس القروم


مكــــــــــــشـــــــــــــــــات



حيث وجدت لنا الصدارة




أخوك /سيف الظفير




بيض الله وجهك
كفيت ووفيت
بس وين الصورة الي بالتوقيع من زمان
ماشفناها

[باترول للأبد]

وعليكم السلام ورحمة الله وبركاته



لكن أبستفسر عن السعودي والخليجي هل بينهم فرق بالمميزات .؟؟؟


نعم فيه فرق السفاري 2 الخليجي يتوفر بحساسات ورى وقدام وكشافات ولحية صدام والأهم من ذالك الفتحه والدفلوك .. وتقدر تطلب مواصفات على كيفك



هل فيه أحد يورد الخليجي بالسعودية اذا كانت الاجابة نعم ياليت وصفه ؟؟



نعم البازعي ومحلهم في طريق خريص وتوه مبتدي بالشغله وموديلات 2009 مابعد يجيبهم جايين في الطريق ومواصفاتهم لايعلى عليهم



وش أسعار الاثنين الخليجي والسعودي ؟؟



السعودي بـ 145 الف والخليجي لاصار كامل المواصفات بـ 165 الف ولاقلت مواصفاته ينزل السعر أشوي



هل صحيح ان الفتك من 2002 الى 2004 أقوى عزم ونشاط من 2005 وفوق ..


العزم واحد يالغالي بس اللي يفرق أن كمبيوتر الباترول التماتيك 2006 وطالع غيروه


وش يفرق 2008 عن 2009 بالشكل الخارجي لأني أعرف أثنين شروا 2009 برمضان الماضي نفس شكل 2008 وهو كونه مجمل بالخط الاحمر وكلن يدري انه تعتبر آول دفعه بـ 2009 تنزل نفس الموديل اللي قبله بجميع السيارات فهل نزلت الدفعه الثانية لموديل 2009

مافي فرق أبدا الا أن الـ 2009 غيروا فيه لون أستيكر باترول اللي بغطا الأسبير وصار لونه رمادي غامق

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

وبالعكس تراك لاطولت علينا ولاشي وحنا نعين ونعاون بعض وبالتوفيق ان شاء الله

[abuktab]

ماشاء الله .. اجابات سريعه ووافية جزاكم الله كل خير

لكن ما تدريون متى يبي ياصلن مواتر البازعي ؟؟؟


وياليت اللي معه رقم المعرض حقهم يحطه لي ..

[SE.3500]

تصدق يا abuktab


أني أعيش نفس الوضع الي تعيشه بالضبط الآن ومحتااااااار


ما أدري أنتظر لمين تجي دفعة البازعي ولا أشتري من الحمراني الحين


خصوصا أن الأسعار تقريبا مجهولة وأنا حدي يعني بالكثير


147000 ريال


بيني وبينك أخوي الي أصغر مني أخذ سيارتي وأنا أبشتري الباترول والجامعة بدت


والوضع مش ولابد.


اييييه الله يكون بالعون يا رجال وعقبال ما ننشوف صورة لموتري وموترك ان شاء


الله.

[SE.3500]

وين الناس الي تشارك

[abuktab]

وانا شريت لاخوي موتر بعد ماكان موتري بعينه يبغاه وهو باترول 2002

ولكن كان مكتوب انه موهوب من نصيبه حيث قدر الله لي حادث

والحمد لله على كل حال

لكن هل من اجابة لاسئلتي...



لكن ما تدريون متى يبي ياصلن مواتر البازعي ؟؟؟


وياليت اللي معه رقم المعرض حقهم يحطه لي ..

[SE.3500]

اليوم دقيت على أسامة حسن(الموظف بنفس الصاله بمعرض البازعي)
قال لي ما أعرف الأسعار ولا المواصفات بالنسبة للسفاري2
ويقول يمكن تجي الدفعة خلال أسبوعين إلى ثلاثه حتى كلامه يرقل أحس أنه مهب واثق أنه بيجي بعد أسبوعين
وهذا رقمه إذا عندك أسئله له0564312852

[abuktab]

مافيه رقم لغير الموظف .؟؟؟؟

[باترول للأبد]

أتصل على الأرقام هذي وأن شاء الله خير 012333188 أو 012326677

[SE.3500]

وش صار عليك يا abuktab
متى قالوا تبي توصل الدفعة؟

[no fear 78]

في البحرين رقم 2 اب 115000 ريال

[دانكن]

*



خذ لك خليجي ولا تاخذ السعودي لو تبيني اوديك لقطر ولا الامارات ماعندي مشكلة .. :d ..


*

[سيف الظفير]

ماشاء الله .. اجابات سريعه ووافية جزاكم الله كل خير

لكن ما تدريون متى يبي ياصلن مواتر البازعي ؟؟؟


وياليت اللي معه رقم المعرض حقهم يحطه لي ..




يا بعد حي

البازعي عند الباترول في العشر الاواخر من رمضااااااااان

[سيف الظفير]

بيض الله وجهك
كفيت ووفيت
بس وين الصورة الي بالتوقيع من زمان
ماشفناها





حييت على هذا المرور العطر يا الغالي

واي صورة تقصد يا الذييب

[الشقردي]

الاخ no fear

تقول بالبحرين 115 ألف ريال سعودي؟

اذا متأكد وش مواصفاته؟

نبي زي السعودي ويزيد عليه الفتحه والدف لوك كم ممكن يكون؟

[abuktab]

طبعا يا اخوان أنا اتصلت على البازعي وقال 2009 موصل ولا عطان موعد يقول ما أقدر أحدد لك موعد

لكن يقول عندنا 2008 سوبر سفاري بـ 181 هذا المتواجد حاليات

حتى سفاري 2 2008 موهوب موجود عنده


لكن اللي فقع راسي ان الموظف حقهم يقول مكينة السفاري تو 4500

فأنا طلعت عيوني وبتلت أعيد عليه السؤال والرجال يقول 4500

فما أدري هل الموظف يتكلم وهو صاحي أو وشلون ...


أتمنى اللي عنده فكرة عنهن أو اتصل عليهم يعطين اياه

[abuktab]

هاه مارد أحد

[باترول للأبد]

أخوي abuktab كل شي قلته صحيح وهم ماعاد باقي عندهم غير السوبر سفاري 2008

وموديلات 2009 عند البازعي والله طولت كثير لاكن كل تأخيره وفيها خيره

والموظف اللي يقول ان السفاري 2 مكينته 4500 حلمان أو أنه جاهل

والأسعار للحين مابينت ومجهوله وكل واحد يقول كلام من عنده