المساعد الشخصي الرقمي

مشاهدة النسخة كاملة : مساعدات للباث فايندر..


شرقاوي
05/02/2004, 03:13 PM
السلام عليكم ورحمة الله وبركاته

ياجماعة الخير انا معي باث فايندر 2003 وودي اغير المساعدات لآمرين الاول انه يطامر بالبر كثير خاصه خلفية السياره وثاني شي على الخط ولا بالديره مهيب مريحه يعني تحس بأقل شي بالشارع بالسياره
والله لا يهينكم الي يعرف نوع من المساعدات ومجرب على باث فايندر يذكر سعره
شرقاوي
06/02/2004, 01:20 PM
شدعوه ياشباب مكشات ولا رد ؟؟
Bo Rashed
06/02/2004, 01:31 PM
هلا اخوي شرقاوي

ارجو منك انك تعذر الاخوان على عدم الرد وااكد ان السبب بسيط وهو ان اليوم اللي كتبت موضوعك كان الخميس واغلب الاعضاء اللي معروفين بفزعتهم كاشتين يعني ما كان احد حولك لكن ان شاء الله تلقا الرد اللي يبرد قلبك.

انا يا طويل العمر عندي ونيت شفر 82 4X4 ومثلك بهدلني في المطبات فركبت له مساعدات امريكيه واتذكر ان سعرها كان حوالي 60 ريال للحبه ولكني سويت دبل يعني كل جهه ركبت مساعدين يعني السيارة صار فيها 8 مساعدات وصار الموتر تمام يعني تحس بالمطب بس مهب مثل قبل.
بعد فترة نزل نوع جديد اكبر ويجي لونه ابيض ركبته وبعد شغله تمام بس ما اذكر السعر.

عموما المساعدات تقدر تركب لك امريكي او اي نوع واشوف ان الامريكي احسن واحرص انه يكون من النوع اللي يشتغل على غاز مهب زيت اما السعر فما اتوقع يتجاوز 150 ريال للحبه.

وفقك الله
تحياتي
شرقاوي
06/02/2004, 10:31 PM
وبالنسبه للنوع الي انت مركبه ياطويل العمر وشسمه وليه اخذ الغاز بدال الزيت ؟؟
ابو ســــاره
07/02/2004, 12:48 AM
اخوي شرقاوي لو انك سويت بحث في المنتدى ان كان ما طلبت السؤال بس اكتب مساعدات وشف السوالييييييييييييييييييف ،،،
وتقبلو خالص التحية ،،،
مهند
07/02/2004, 02:23 PM
تبي نصيحة مجرب

انحش ثم انحش ثم انحش عن كللللللللللللللللللللللللللللللللللللللللل المساعدات الاخرى
ماعدى اللي في الوكاله
انبه على المساعدات بالذات من واقع تجربة مريرة
كنت اشتري مساعد حيالله من الرخيص واركب
واقول مساعد وشهو صاروخ
:(
:(
:(
تدري وش صار
:(
:(
:(
انكسر الشاص ياخوك
لكن اذا فات الفوت ماينفع الصوت
السيارة كانت نيسان باترول96
فانصحك رح للوكاله وطق اربعه طقم وزي ماتصير تصير
وماراح ان شاء الله تندم
ويمكن سبب المطامر ان المساعدات اللي فيه الان ميب اصليه:confused:
شرقاوي
07/02/2004, 10:59 PM
مشكور اخوي وماقصرت والله يعوض عليك خير انشالله على الشاصي
وبالنسبه للمساعد بالعكس مساعدات الوكاله والمطامر اعتقد موجود بكل سيارات الباث فندر ؟؟
شرقاوي
07/02/2004, 11:01 PM
يا اخوي ابو ساره انا سويت بحث قبل لا اكتب الموضوع ولاكن بدون اي نتيجه فا لوعندك اي موضوع يخص هالموضوع عطني اللنك حقه وكون شاكر لك
مبرقع الذيب
09/02/2004, 07:23 PM
السلام عليكم ورحمة الله وبركاته كل عام وانت بخير الحمدلله والصلاة والسلام على رسول الله وعلى آله

وصحبه أجمعين اخوي شرقاوي بالنسبة للباث فايندر فأقول الله يعينك بسب شيئين هما:

1- مساعدات الباث فايندر تجي مكبوسة في وسط الياي ومقاسها طويل جداُ مما يجعل من الصعب ايجاد مثلها.

2- سعر المساعد الأمامي 670 ريال بعد الخصم والخلفي 300ريال وهذي من اكبر المشاكل بالنسبة لقطع

الغيار لهذه السيارة التميزة...... ولكن لو تسأل عند وكلاء مساعدات(( رانشو )) المتخصصين في تعديل

السيارات ولو ان سعر الرانشو رايح يكون غالي بس الشكوى لله
الموقر
12/02/2004, 03:34 PM
اخوي شرقاوي ولا يهونون البقية ...

السلام عليكم ورحمة الله وبركاته ...

أنا عانيت من مشكلة المساعدات الأمامية حيث أننا أدخلت السيارات في الورشة وتبين عطل المساعدات فبحثت عن مساعدات في الوكالة ابلغوني بأن سعر الواحدة 950 ريال فبحث عنها في التشليح ولم أجد وبعد البحث والتحري وجدت في الرياض شركة جبرايل الأمريكية وممتازة وبسعر غير مقارن حيث أن سعر الواحدة 300 ريال ولكن تحتاج أن تذهب بها إلى مخرطة حتى يعدل في المسمار أي يخرط ما بعد المسمار بمقدار 2سم ومن ثم تركب مباشرة .

وإن كنت ترغب برقم الشركة فلا مانع لدي
شرقاوي
14/02/2004, 02:42 PM
مشكورين ياشباب وماقصرتوا على الردود وجزاكم الله خير
ابو ســــاره
26/02/2004, 05:23 AM
http://www.mekshat.com/vb/showthread.php?s=&threadid=12237