طاقة المحرك منخفضه في اليوكون موديل 2004

[الرسن]

ياسوبر وبقية الاخوان

جتني هالعباره في اليوكون وبعدها ماعاد سمعت صوت المكينة ولا عاد يمشي الموتر اذا حطيته على الدي
بعدين يرجع الموتر لوضعه الطبيعي ويشتغل

ارجو من الاخوة الكرام توضيح الاسباب

ياترى وش السبب والاجراء المطلوب

[الرسن]

ننتظر الافاده يالربع

[Magellan]

%100 من حساس الدعسة ويٌسمى حساس TPS أو Throttle body Position Sensor
هذا يجي بدل دعسة البنزين العادية وصارت الدعسة كهربائية ووظيفته يفتح اللهات بالنسبة للحل واحد من أربعه
1- إذا كانك نغير بواجي قريب أو شايل سلك أو رافع سلك حول المكينة فأكيد إن أحد لعب فيه ويلزمك تركيبه
2- سو تنظيف للهات اللي هو منظم الهواء تلقى الخطوات في موضوعي المثبت فوق
3-إن مانفع التنظيف ، فك الحساس ونظفه ببخاخ للمواد الكهربائية عشان ينظف
4- إما نفع التنظيف ، يلزمك تغيير الحساس



صورة للحساس لموتر شيفروليه تريل بليزر وهو شبيه باليوكن
http://www.up-0.com//uploads/images/up0-5e989a39a1.jpg

[الرسن]

%100 من حساس الدعسة ويٌسمى حساس TPS أو Throttle body Position Sensor
هذا يجي بدل دعسة البنزين العادية وصارت الدعسة كهربائية ووظيفته يفتح اللهات بالنسبة للحل واحد من أربعه
1- إذا كانك نغير بواجي قريب أو شايل سلك أو رافع سلك حول المكينة فأكيد إن أحد لعب فيه ويلزمك تركيبه
2- سو تنظيف للهات اللي هو منظم الهواء تلقى الخطوات في موضوعي المثبت فوق
3-إن مانفع التنظيف ، فك الحساس ونظفه ببخاخ للمواد الكهربائية عشان ينظف
4- إما نفع التنظيف ، يلزمك تغيير الحساس



صورة للحساس لموتر شيفروليه تريل بليزر وهو شبيه باليوكن
http://www.up-0.com//uploads/images/up0-5e989a39a1.jpg

كل الشكر والتقدير ياMagellan على ايضاحاتك

اتمنى لك التوفيق

[سوبر VTC]

هلا بالرسن :d
ما قصر اخوي ماجلان
و ننتظر النتائج
افضل شي فحص كمبيوتر ب100
انتبه يقولون لك تنظيف بخاخات تراه دعاية و نصب و احتيال
اذا ظهرت لك المشكلة بعد الفحص طبعا مر على كذا ورشة عشان تتاكد من مكمن الخلل قبل الخساير
و ان شاء الله ما تحتاج للفحص
الله يوقفك و ييسر امرك
تحياتي

[Magellan]

هلا بالرسن :d

ما قصر اخوي ماجلان
و ننتظر النتائج
افضل شي فحص كمبيوتر ب100
انتبه يقولون لك تنظيف بخاخات تراه دعاية و نصب و احتيال
اذا ظهرت لك المشكلة بعد الفحص طبعا مر على كذا ورشة عشان تتاكد من مكمن الخلل قبل الخساير
و ان شاء الله ما تحتاج للفحص
الله يوقفك و ييسر امرك

تحياتي


مايحتاج فحص كمبيوتر
هذي تصير أكثر بالباثفيندر ويغيرون الحساس
لكن بالجمس أكثر ماتجي بعد تغيير البواجي يجي الميكانيكي يفصل الحساس أو يطًره ثم يختل وزنيته
ويصير لما يحطه بالD تلقاه مايتعدى 20 كلم لو يدعس بدينه ورجلينه
بس لو يطفيه ويشغله يضبط

[سوبر VTC]

انا موتري اخوي ماجلان
البنص حق البنزين ==> واير يعني كيبل
و معه واير اخر حق القير
هذا اللي تقصد

[Magellan]

إذا كان واير ، عادي ماتجيه هالمشكلة
وللمعلومية الدعسة اللي فيها واير مايفيد فيها تنظيف اللهات
بالنسبة لواير القير ماعندي علم لأنه في موتري مافيه واير قير
وأخونا الرسن مادام موديله 2004 فأكيد إنه دعسة كهربائية
لأني قد فكيت تاهو 2004 وكان دعسة كهربائية
وأغلب مشكلة خوينا الرسن إن المنظم صاير بوابته مثل الفحم متجمع عليه السنو وصاير مايفك زين وصاير تقل مصدي
بس مالاحظت لهات موتري مافيها مسامير أو كأنهن صغار أوالشوف شجر

[سوبر VTC]

اخوي ماجلان
اللي راكب على نفس اللهاة بموتري تقريبا 3 افياش او 3 حساسات :)
غير الوايرات طبعا




متجمع عليه السنو





هههههههههه

قصدك سنا مهب سنو :d

انا عارف قصدك






بس مالاحظت لهات موتري مافيها مسامير أو كأنهن صغار أوالشوف شجر






اذا كنت تقصد الصورة السابقة


عز الله ان شوفك شجرررررر جدا :d ==> لازم مكبر دربيل

المسامير اللي عندك نفس موتري بالضبط و نفس الباترول ايضا
مسمارين صغار يمسكن اللهاة
هذا على حسب فهمي لما تقصد

[Magellan]

صدقت والله أنا ما أدري هن مسامير وإلا لا ..
بس ميزتهن مايجيهن حرارة
والسنو لهجتي بس ما أدري عنكم ياهل القصيم:d
والف الف شكر لمدخلاتك

[الرسن]

إذا كان واير ، عادي ماتجيه هالمشكلة
وللمعلومية الدعسة اللي فيها واير مايفيد فيها تنظيف اللهات
بالنسبة لواير القير ماعندي علم لأنه في موتري مافيه واير قير
وأخونا الرسن مادام موديله 2004 فأكيد إنه دعسة كهربائية
لأني قد فكيت تاهو 2004 وكان دعسة كهربائية
وأغلب مشكلة خوينا الرسن إن المنظم صاير بوابته مثل الفحم متجمع عليه السنو وصاير مايفك زين وصاير تقل مصدي
بس مالاحظت لهات موتري مافيها مسامير أو كأنهن صغار أوالشوف شجر


شكرا يامجلان بيض الله وجهك ماقصرت يالغالي


طيب واذا كان موديل 2003 تصير الدعسه كيبل يعني وش الفرق بينهم .


الشكر موصول لسوبر فتك على هالنقاش الطيب والرائع والمفيد


اشكركم ورايد مزيدا من الايضاح عن اللهات في موديل 2003 و 2004 لان فيه قريب لي معاه
2003 ويشتكي من نفس الحاله وهي تتكرر معاه هو يسميها كتمه وانا اسميها باسمها الصحيح
طاقة المحرك منخفضة.



وبعدين ياسوبر وش سالفة سنا حنا مانعرف بنت بالاسم هذا حنا نعرف بس سنو
قال ايش قال سنا.!!


تقبلوا خالص تحياتي

[Dead]

أخوي الرسن ولا يهونون الباقي ... انت عندك تهريب كهرب وهو يسبب المشكلة هذي ......

اخوي كان عنده يوكن وطلع له هالخطأ والوكالة ما خلوا شي ما فحصوه وبالأخير طلع السبب من تلبيسه الكراسي ضاغطه على زر ترجيع الكرسي وتخلي الكهرب تضعف .. حاول إنك تلقى سبب تهريب الكهرب عندك ... والله يعينك .

[turkdos]

اخوي انا عندي يوكون 2003 ..... وحصل انه بدأ يتفتف وبعدها سرعة السيارة ما تزيد عن 20 كم ..... تكدرت ...... وطفيت السيارة وتركتها لمدة دقائق وبعدها شغلتها .... اشتغلت معي .... وكشفت على البواجي لقيتها مرة منتهيه .... غيرتها ... والحمد لله الموتر رجع مثل ماكان ..... شوف البطارية والآصابع......