سؤال يااخوان الله لايهينكم عن تفتفة الددسن الدفرنسين

[العنبري1]

السلام عليكم ورحمة الله وبركاته

ياهلا والله ومرحبا بالاخوان

السالفة ومافيها عندي ددسن دفرنسين 2002 من فترة طويلة وفيه تفتفه

اذا دعست عليه ينتل وقومته ضعيفه وفي الخط مايجيب 160

مع العلم ان الموتر نظيييف وما مشى واجد

غيرت صفاي البنزين والبواجي واسلاك البواجي والشاكوش

وما لاحظت تغير واضح

هل المشلة من البخاخات او من الكهرباء او من غيره

وهل البنزين 91 كربونه اكثر من 95 ويسدد البخاخات مع الزمن

وهل تنصحون بتنظيف البخاخات وهل لها اثار سلبية

وذا كانت السيارة متوقفة لاشهر هل يضر البخاخات

آسف عاى الاطالة وارجو ممن لديه اية معلومات ان لايبخل علي

وجزاكم الله خيرا

[العنبري1]

للرفع رفع الله قدركم

[ابودعسان]

انا كانت معي ددسن 2003 نفس المشكله
تقطع عند القومه بالغيار 2
وديتها الوكاله لانها ماكملت 60 الف
وقالوا لي تصفية كلبريتر من الرمل والى يومك لها اكثر من سنتين زي الحلاوه

[فهد بن مشبب العاصمي]

اخوي كاتب الموضوع ابشر بسألك عن هالمشكله فيه رجال شرواك يبخص بالنيسان .. بكمله وااشوف وش يقول

اخوي ابو دعسان . . غريبه 2003 مهب بخاخ ولا يمكن خليجي

تحياتي

[فاقد الديرة]

افحص تربة بنزين
وانشاء لله يزين معك

[إعصار]

غير البنزين لـ95 سواء له دخل في السالفة او ماله دخل ..


كثير من المشاكل في السيارات بسبب 91 ..من قرشة في المكينة ..

وبأذن الله تنحل مشكلتك ..


وين بدوي جنوبي ..سوبر فتك ..تنسى المشكلة بأذن الله معهم

:D

[العنبري1]

انا كانت معي ددسن 2003 نفس المشكله
تقطع عند القومه بالغيار 2
وديتها الوكاله لانها ماكملت 60 الف
وقالوا لي تصفية كلبريتر من الرمل والى يومك لها اكثر من سنتين زي الحلاوه

ياهلا والله بابودعسان
السيارة تقطع عندي من يوم انها ماشية خمسين والى هالحين
والظاهر ان قصدك تصفية البخاخات وتنظيفها لان 2003 بخاخ
الله يجزاك خير على مرورك وتوضيحك


اخوي كاتب الموضوع ابشر بسألك عن هالمشكله فيه رجال شرواك يبخص بالنيسان .. بكمله وااشوف وش يقول
اخوي ابو دعسان . . غريبه 2003 مهب بخاخ ولا يمكن خليجي

تحياتي

ياهلا والله ومرحبا باخوي فهد
مسوي خير لو تجيب لي علم عن هالمشكلة
تقبل تحياتي




غير البنزين لـ95 سواء له دخل في السالفة او ماله دخل ..




كثير من المشاكل في السيارات بسبب 91 ..من قرشة في المكينة ..


وبأذن الله تنحل مشكلتك ..



وين بدوي جنوبي ..سوبر فتك ..تنسى المشكلة بأذن الله معهم


:D



صحيح كلامك اخوي اعصار
لكن فيه واحد من الربع عنده نفس المشكلة وغير البنزين من حوالي سنة لكن ماتغير شي
وقال لي مكانيكي ان البنزين 91 كربونه اكثر من 95 مع الزمن ياثر على البخاخات
وان شاء الله تنحل المشكلة
تقبل تحياتي وتقديري

[ابوجلباخ]

السلام عليكم
افحص طرمبة البنزين
وان كنك تعبي بنزين والموتر يشتغل والعداد نزل مره
هذا يؤثر علي الطرمبه انا معي ددسن واذ عبيت والموتر
يشتغل تلقه مهوب صافي والباترول كذلك لاني جربت
وشكرا

[العنبري1]

السلام عليكم
افحص طرمبة البنزين
وان كنك تعبي بنزين والموتر يشتغل والعداد نزل مره
هذا يؤثر علي الطرمبه انا معي ددسن واذ عبيت والموتر
يشتغل تلقه مهوب صافي والباترول كذلك لاني جربت
وشكرا

الله يعطيك العافية اخوي ابوجلباخ على هالمعلومات المفيدة

بالنسبة لتعبية البنزين والسيارة تشتغل ما اذكر اني سويت هالشي

شاكر ومقدر لك مرورك

ونصائحك ستوضع باذن الله في الحسبان