سؤال عن ريحت السمك ؟

[abdullah5115]

السلام عليكم شباب
عندي سؤال بخصوص ريحت السمك ألي تمسك في السياره
جربت ريحان و جربت عطور
بس ترجع الريحه.
سؤالي: كيف تشيل ريحت السمك من السياره؟

[alhaidary]

قصدك أخي الكريم ريحة السمك
تأكد من عدم وجود سمكة صغيرة
دخلت بين أجزاء السيارة
نظِّف السيارة تمام ثمَّ قم بالتهوية
بفتح جميع أبواب السيارة
ثمَّ العطر آخر حاجة

[ابو عبدالرحمن جدة]

قص لك حبة ليمون واذا قدرت قطعة شمام وحطها في مكان بالسيارة وراح تصير الامور طيبه باذن الله

[ابو شهد جدة]

الحل خلي السيارة في الشمس لمدة ساعتين على الاقل وافتح الشبابيك لو تنسمها بس.

[Qosmio]

اخي الكريم
إذا كنت قد وضعت التكييف بأن يسحب الهواء من الداخل ثم يبرده ويرجعه مرة ثانيه فهذا يكون سبب في كون الرائحة باقية لأن المكيف احتفظ بها فجرب اجعله يسحب الهواء من الخارج ويبرده لمدة يوم كامل
وبعدها قم بإرجاعه لوضعه انه يسحب الهواء من الداخل داخل السيارة إلى داخل المكيف ثم خذ لك كسرة عود ومبخره وبخر السيارة واغلق النوافذ وشغل المكيف
وإن شاء الله ماراح تشم الا رائحة البخور
بإذن الله
---------
http://img376.imageshack.us/img376/4650/wh426128394mn8.gif

[jwan]

مبخرة وعود ومكيف وقفل سيارة
هذا افضل الحلول وجربها اكثر من مرة
وموفق

[بن نويشر]

شف يالغالي .. الحل عندي وأنا بوهندي وتراها مجربة ولو حتى جعري (عزكم الله) ميت في موترك بتروح الريحه بإذن الله .

مرلك على مطحنة مميزه تمتاز بحمس القهوة الأمريكية أو التركية ، وخذلك ربع كيلو على أن تكون توها محموسه وحطها في علبة مخرومة وضع العلبة تحت مرتبتك وأنسها ولو حطيتها في صحن مكشوف لمدة 12 ساعة يكون أحسن . أو أشتر من هالقهوة الجاهزة من السوبرماركت بس تكون فواحه ومن النوع الأصلى وقم بتخريم الغطاء وضعها في مكان مناسب وأدع لي ..

[الجنك]

غير فرشة السيارة اللي حطيت عليها السمك وبتروح الريحه

[عاشق الموج]

الاخوان كفو ووفو

بزيد على كلامهم لو تفتح فلتر المكيف بالعاده يكون خلف الدرج في السيارة

وطلعه وترش عليه دهن عود او اي عطر انت تفضله

بكذا راح هواء المكيف يمر على الفلتر ويعطك رائحة دهن العود او العطر الي اخترته انت

[يوسف حوته]

شوف يا اخي عندي لك حل ان شاء الله يفيدك حط لك كم حبه فحم عاديه مو تحط فحم والع وخليه في الشنطه ولا المكان الي فيه ريحة السمك وان شاء الله بتروح الريحه

[المجنوني]

السلام عليكم ورحمة الله وبركاته
والله الشباب ما قصروا اعطوك جميع الطرق المعروفة
واذا مارا حت الريحة مرررررررررررررررررة .. :no: بيع السيارة هههههههههههههههه
لا تصدق وابحث في السوق وعالم السيارات ومحلات الزينة لازم اخترعوا شيء يشيل الريحة حقت السمك
بالتوفبق لك يا عزيزي
ابو ريم المجنوني :type:

[NowOrNever]

شكرا اخوي عبدالله
راح اطبق جميع الطرق اللي ذكروها الاخوان
يعطيك الف عافيه :)

[abdullah5115]

مشكورين أخواني على هذي المساعده
والفحم هوه أحسن شي جربته
وبالتوفيق.

[وائل علي]

نبي نجرب الطريقه
ما قصرتو