سوق الصقور بالرياض

[رســــــلان الوجه]

مساكم الله بالخير انا كنت بسوق الصقور الخميس وبعت لي جبلية بالسوق على العموم انا ابي انشدكم وابي الاجابة بذمتكم لقيت لي طيور مبدئياً زينة واناة خبرتي بالطيور شوي على العموم انا شفت لي طير حرجير وكان لي فيه نظرا وايضاً حر عند محل ثاني بس قلبي قرصني خفت تكون فيها شي .
وللمعلومية انا من أهل الشمال الغربي وأول مرة اطبه .
المطلوب ابي رأيكم بالسوق .
ودمتم سالمين

[..@القناص@..]

والله ..
السوق هـ الايام كثر فيه الغش ..
فاذا تبي نصيحتي ,,
خذلك واحد خبير بـ الطيور
ويقولك وش الزين ..
لان الحرار مب مثل الشيهين
رخيصات الاحرار غاليه
وخصه هـ الايام
اسف على الاطاله ,,,

[خطار]

السلام عليكم ورحمه الله وبركاته
من ناحيه السوق لايطري عليك تشتري منه أنشدني نصب وأحتيال وبعضهم يقول أعطي ورقه وهو خراط:no2: تشتري وسلامتك

[طارق الحربي]

نصيحه اخو

ابعد عن السوق الا اذا تبي تشتري وحش وتعرف تفرق بين الوحش وجني العش

[هواي داورد]

أفادوك الذيابة

والله يرزقك ويرزقنا بنوادر الحرار

[صقار شلوى]

الغش كثر والطيور زاد سعرها لكن الخير بالناس باقي بإذن الله

[مروظ الخيل]

الله يعينك والله المشكله

[al-ganaas]

والله وانا أخوك السوق كثر فيه النصب خصوصا من الجلابه فجميع الطيور ماشاء الله صايده
وحتى اصحاب المحلا ت اغلبهم ماعدا اثنين او ثلاثة هم الصادقين
اقول هذا من واقع معاشرة وبيع ومشترى مع السوق واهله فنتبه منهم
مخذ الطير على الفحص اذا هو جايز لك

[صقار شياهين]

السوق فيه نصب واحتيال بنسبة كبيرة والصادق فيه قليل جدا

[شعااق]

صبحكم الله بالخير جميع ويعطيكم العافيه ع الردود والغش موجود في اي مجال او اي سلع عسى الله يبعدنا عنه ويكفينا شره ولكن حبيت اوضح ملاحظه ان صاحب الموضوع تاريخ موضوعه قديم قبل سنتين وشكراا

[راعي الدويمع]

ههههههههههههههههههههههههههه الموضوع قديم

[skeet]

افادوك الاخوان

[طير الهقاوي]

السلام عليمن ورحمة الله وبركاته
كما سميته سوق
السوق واصحاب المحلات المتواجدين في الصوق
هم اشخاص يعرض عليهم السلعه فيشترونهاا او يعرضون عنهاا
لا يقولون لك الى ماقيل لهم من صاحب الطير الذي باعه عليهم
فلمذا نحمل اهل السوق مسؤلية الكذب
بدايت كلامهم واسمعهااا منهم يقول لنا راعيه فعله كذا وكذا
وشريناه وتباركنا بالله فيبيعونك بالكلام الي جاهم الم يكن الكلام صدق فالكذب ليس من اهل المحلات بل الكذب اتاااك من راعي الطير الذي كذب على صاحب المحل
اخواني الصقاقير الكذب وقول الرسول صل الله عليه وسلم فيه
قال رسول الله صل الله عليه وسلم
مازال الرجل يكذب ويتحرا الكذب حتى يكتب عند الله كذا با
اعذني واياكم من الكذب وان نكتب عند خالقاا كذابين اللهم امين
تقبل مروري

[تميم222]

مساكم الله بخير وكل عام واتنم ...بخير احب اقول تعليقي على الموضوع..واقول وبكل اختصار ان المحك الحقيق لاسعار الطيور هو السوق..ياجماعه خلونا واقعيين شوي..لو تشتري طير من الاستراحات تلقاه بالاسعار الغاليه واسالو الناس المجربه..ولو تاخذ هذا الطير لسوق لقيته ما يجيب لك ولا نصف القيمه ...صحيح ان الغش موجود في كل مجال مثل ماقال اخوي شعااق...والي بيشتري يشرط الفحص ..واظن ان هذا من حقه ...تقبلو مروري

[..@القناص@..]

الموضوع . الحين عام 2008

[طعيميس]

ياسرع الايام
تلقاه من زود سوالف الغش بطل صقارة