استفسار عن الاف جي ومستخدميه فقط

[مقلع الرمث]

السلام عليكم
اخواني ودي اشري انشاء الله الاف جي 2009 وودي تقلولي انطباعتكم عن السياره

وياليت تخبروني وش يتميز فيه من مواصفات


وهل فيه 2 تانكي بنزيم

وياليت تذكرون الاشياء الايجابيه والسلبيه بالسياره وانا سمعت ان قيره بطي يلقم

[ولد العويني]

هلا اخوي


المواصفات ::
1. 6سلندر 240 حصان 24 صمام
2. 8 ارباقات <== الله لايحيجك لها
3. كاميرا خلفيه
4. مانع انزلاق وانظمه اخرى على الفرامل
5. 9سماعات مع سب اوفر <=== السب اوفر:: مضخم للصوت يجي في شنطه السياره
6. دف لوك
7. A-trak{===نظام التحكم بالسحب
8. حساسات خلفيه
9. التشغيل بالريموت
10. تحكم دركسون
11. مثبت سرعه
12. 6 سي دي
13. دبل عصا
14. دبه رياضيه<== تعطي صوت حلو
15. هوك خلفي .
16. 3 مساحات اماميه
17 . هذا الي اذكره هع هع


المميزات ::

سياره شبابيه قويه صممت للاوف رود

السلبيات ::

بما ان السياره مصممه للاوف رود لذلك رساوتها مب ذاك الزود
ويعيبها الباب الخلفي صعب الخروج والدخول منها خصوصا للحريم والدببه


انصحك بالموتر اذا كنت شبابي وعائلتك صغيره يعني 4 او 5 ،،

اي سوال انا حاظر

[متعب الخليفه]

مقصر خوينا ماخلا شي عنه الله يقويك ويوفق الي يبي يشتريه

[مقلع الرمث]

ياااخوان تنصحوني اشريه ولا فور شنر ولا برادوا باب واحد والله محتار وحيرتوني بالمواصفات

[alkongrs]

فورتشنر 6 اسرندل افضل من الاف جي اخاف راعين الاف جي يجلدون :)

وتبي نصيحتي بعد رح استاجر اف جي وفورتشنر وبرادو باب وجرب ايهم افضل وهذا الحل والشباب ما يقصرون

[مـدحـدر]

ممكن نعرف الفرق بين موديل 2008 و موديل 2009

[لهذام]

ان كانك شباب وراعي بر مناسب لك جداً (يعني مهوب رسمي)
ان كان لديك عايله مانصحك فيه ابد

[راعي الونيتZ7]

2009مانزل عند الحرامي أقصد عبداللطيف جميل
بس مشكلت الاف جي التانكي فقط لاغير ولقوله حل
هو مانع الأنزلاق.

[طبعي شمالي]

يعطيك خيره ويكفيك شررررررررررررررره

مبروك مقدما

[طواش]

يا شباب أنا شريت 2009 وعندي مشكله في مانع الانزلاق حيث يوم تضرب رمله السيارة تفصل قمت وفصلت مانع الانزلاق لكن لم يعمل بشكل جيد حيث تقطيعة الريس مازالت موجوده بس خفت 70% ولم تروح نهائيا :( وبعد فترة يعني يوم تسرعه يرجع الوضع بما كان عليه !! يعني رجعت الى الانزلاق والثلج
قمت وطيحت السيارة في تغريسة صعبه لتجربة السيارة :rolleyes: وهوا الاطارات 35 السيارة غرزت بشكل مايحتاي قلت هذي جفرتها ههههه أو شي عشقت الدبل الصغير ماياب علم عشقت الدبل الكبير قامت السيارة وشنجلت من طرفين وقام التاير الامامي يطب رمل لحاله:) قلت هذي ماعاد هيب مزحه شغلت الدفلوك والزر المكتوب عليه A_trac قامت السيارة وصار لها صوت خشن ورقله حوالي 20 ثانية وتحركت من مكانها للامام أشهد شهاده لو غيرها هيب ظاهرة من مكانها لين أنزل هواها 10:cool: بار ولكن هيه ظهرت من ذالتغريسه بشكل عجيب وهوا الاطارات 35 بار هواء المصنع !!!
الحين مازالت جاهل في إستخدام زر منع الانزلاق + A_trac لو حد من الاخوان يشرح لنا أكون له من الشاكرين:)

[ولد العويني]

اخوي طواش

زر مانع الانزلاق
تضغط ضغطه ثم تضغط ثانيه وتعلق

ثواني وبيفصل


جرب وعلمني

[3bdul3ziz]

لا تنسى أن الأف جي صناعته ياباني أما الفورتشنر صناعته أندونيسيا

[مقلع الرمث]

مشكورين على المرور وبيض الله وجيهمك لكن ابسأل هل فيه احد كره كر وبين معه خربات ياليت تفيدوني بارك الله فيكم وكم يمشي تانكي البنزيم هل هو كبير زي الاند 2008 وكم فله

[طواش]

فله في الامارات 85 درهم وفي السعودية 38 ريال والتانكي صغير يوصل 400 كم وياليت تفيدونا وين ينباع التانكي الكبير وبكم ؟؟

[طواش]

ممكن نعرف الفرق بين موديل 2008 و موديل 2009
الفرق 2009 فاصل الزلاق وهذا عجيب :cool: والكاميرا الخلفية مثبته في المرايا الي في النص والشبك الامامي غير جابوه المنيوم أو بلاستيك مطلي و هناك زر لفصل الاريرباج والستيرنج غير لونين ومخيط وغطا السبير غير وهناك أربع ليتات داخليه في المقدمه والنصف والمؤخره وهناك ليتات ومرايا في الشمسيات ويمكن نسيت شي :D

اخوي طواش

زر مانع الانزلاق
تضغط ضغطه ثم تضغط ثانيه وتعلق

ثواني وبيفصل


جرب وعلمني
جربت الله يطول عمرك :) وطلعت ماعرف شي :( الحمدلله ضغط المفتاح لمت 3 ثواني وفعلا علق اليت على طول مال الانزلاق :) وعطيتا ريس ودارت على القار وبغيت أدعم الرصيف :cool: :eek: أشكرك أخي على هذه المعلومه وأرجو المزيد

[ابو هشام]

من كثر ما قريت عن الف جي أحس إن عندي واحد

العيوب
الرؤيه محدوده
إزعاج من الشبك
ارتباط الرفرف بالباب (يعني أي خبطه ما تقدر تفك الباب)
صعب يكون سيارة عائله.

غير كذا كل شئ ممتاز جدا. الطعوس والخفه والقوه والصرفيه

[مقلع الرمث]

الله يعافيكم وماقصرتوا

[saad8794]

هذا رابط يمكن يفيدك في بعض الاستفسارات اخوي

http://www.mekshat.com/vb/showthread.php?t=118059

[مقلع الرمث]

مشكورين وماقصرتوا اا

[طواش]

اخوي طواش

زر مانع الانزلاق
تضغط ضغطه ثم تضغط ثانيه وتعلق

ثواني وبيفصل


جرب وعلمني
مشكور يا ولد العويني:)
صراحه عندي لكزس 570 وفي أكس أر عند أخوي وتوني شريت أف جي 2009 ومن علمتني بهذه الحركة طبقتها على السيارت ال3 ونجحت لكل السيارات ولله الحمد :cool: