سؤال الاهل الجمس واهل الخبره

[أبو مشعل]

السلام عليكم ورحمة الله وبركاته

اخواني و احبتي رجال مكشات حياكم الله ورزقكم الأمطار والخير

سوائل بسيط ....

عندي السياره اذا شغلتها فيه لقلقه ( يعني تقل صوت بلوف ) بعد اقل من دقيقه يروح الصوت... هل فيه خطر علي المكينه ..ارجو الجوب الشافي لسياره

السياره جمس باب ونص حوض دبل منه وفيه 2001

[ألنشمي]

أخوي
غير البوجي اذا مبطيات وشيك على الديلكو هل يعطي شراره على جميع البواجي؟
أو أن الظاهر والله اعلم ان عندك مشكله بالاسلاك.

[Magellan]

أخوي إذا كان تطلع لك لمبة الزيت
فيلزمك تتأكد من عمل طرمبة الزيت عند ميكانيكي
طبعاً لابد يكون عيار الزيت بالطبلون ماينقص عن النص بأي حال من الأحوال
وإذا كان ناقص وفيها خلل من الطرمبة فعندك 3 حلول نبداها بالسهل للأصعب
1-طرمبة الزيت تهرب من الكارتير فيلزم تحط تيب على الجلبة السلفية للطرمبة عشان مايرجع للكارتير
2- دقمة الطرمبة يمكن خربانة وشكلها مثل الياي وتحتاج تغيير
3- المراحل المتأخرة تحتاج تغيير طرمبة الزيت وبس

[Dead]

أبو مشعل هل الصوت توه يطلع معك ولا من شريت السيارة والصوت فيه ؟؟


بعض الجموس يكون فيه صوت بداية التشغيل إذا كان الموتر بارد ولا احتر يروح الصوت وهذا يسمى piston slap وهو شي عادي ولا منه ضرر .

[أبو مشعل]

أبو مشعل هل الصوت توه يطلع معك ولا من شريت السيارة والصوت فيه ؟؟


بعض الجموس يكون فيه صوت بداية التشغيل إذا كان الموتر بارد ولا احتر يروح الصوت وهذا يسمى piston slap وهو شي عادي ولا منه ضرر .


اخوي وعزيزي Dead جزاك الله خير ورحم الله والديك... صدقت من اول ما شتريتها و الصوت فيها واذا اشتغلت بعد دقيقه يروح الصوت.....ريحتني الله يريحك من عذاب القبر

اخوي Magellan و ألنشمي جزاكم الله خير علي المرور و المعلومات الله يوفقكم للخير

[عاشق z71]

أبو مشعل هل الصوت توه يطلع معك ولا من شريت السيارة والصوت فيه ؟؟


بعض الجموس يكون فيه صوت بداية التشغيل إذا كان الموتر بارد ولا احتر يروح الصوت وهذا يسمى piston slap وهو شي عادي ولا منه ضرر .


معليش يالغالي

وشو الصوت بالظبط او تقدر توصفلي اياه

بعد اذن راعي الموظوع

[طبعي شمالي]

اعتقد طبيعي لاتنسى ان الجموس صوتها فيه لقلقه شوي

واكبر دليل موديل 94 وتحت

[Dead]

أخوي عاشق z71 الصوت كأنه صوت ديزل وبعد دقيقة أو ثنتين يروح الصوت وهو تلقاه بالجموس من 99 وفوق وطبعا الصوت يكون في الأيام الباردة عند بداية تشغيل السيارة ... ومثل ماقلت ما منه ضرر وسبب الصوت هو برودة زيت المحرك وعدم وصوله لجميع الأجزاء . وترا كثير من السيارات يكون فيها هالصوت ولكن لكل سيارة مستوى معين من الصوت ويكون واضح بالذات في سيارات ال4 سلندر أكثر من المحركات الكبيرة .

:)

[عاشق z71]

أخوي عاشق z71 الصوت كأنه صوت ديزل وبعد دقيقة أو ثنتين يروح الصوت وهو تلقاه بالجموس من 99 وفوق وطبعا الصوت يكون في الأيام الباردة عند بداية تشغيل السيارة ... ومثل ماقلت ما منه ضرر وسبب الصوت هو برودة زيت المحرك وعدم وصوله لجميع الأجزاء . وترا كثير من السيارات يكون فيها هالصوت ولكن لكل سيارة مستوى معين من الصوت ويكون واضح بالذات في سيارات ال4 سلندر أكثر من المحركات الكبيرة .

:)
انا ليش سالتك يالغالي

لاني ايام الشتا اذا شغلت السياره جمس 2000

اذا شغلته يطلع صوت غي الي شرحتلي وهو صوت زنه كانه صوت سير

ولاكن مجرد ماتحمى السياره يروح !

[Magellan]

مثل ماقال أخوي dead فالصوت عبارة عن piston slap ويُسمى عُرفيا عند الميكانيكيين بصوت بنز البستم ،طبعاً فيه موقع محتجين على شركة جنرال موتورز ويطالبون بإصلاح السيارة على حساب الشركة بسبب هذا الصوت والشركة رافضة بحجة أن الصوت طبيعي
وهذا هو الموقع
http://www.pistonslap.com/

واللي يبغى يسمع للصوت مباشرة يدخل هنا ويشغل الملف الصوتي
http://www.pistonslap.com/photos.htm

[قريب الدار]

السلام علبكم
ابو مشعل كلام الأخ Dead (عسى الله يحيه حياة طيبة ويمد بعمره على الطاعة) اقول كلامه صحيح مية بالمية .. و نفس هذا الصوت يطلع باللومينا .. وقد سألت ميكانيك متمرس وقال نفس كلام الأخ Dead
والسلام عليكم

[أبو مشعل]

السلام عليكم

الحمد لله علي هذه النعمه وهي نعمة موقع مكشات ..جعل الي سواه و دعموه من الأعضاء و الزوار ( والمهتمين بشون اخوانه ) ان يرزقهم الجنه هم والديهم ويوفقهم في الدنيا و الأخره وان يدوم علينا نعمة الأخوه و المحبه في الله .

[تيتشر]

من حكم خبره شيك على البواجي واسلاكه والديلكو

شيك على القزوز والوجه

[Mohammad]

piston slap هذا مشكله اذا ثبت

ابدأ بالبسيط كما ذكر الاخ ماجلان والاخ تيتشر