للاصحاب الجيوب لاندكروزر ولكزس هااااام لكم

[لورد حريملاء]

:D الحمدلله على كل حال توني جاي من العضيب لكزس فاحص على القير حسيت انه في تغيرات غريب ينتش نتشه خفيفه المهم رحت وشوافو الموتر طبعا جيب لكزس 2002 470 فحص بالكمبيوتر وتجريب على الخط طالع في القير فضاوه والسبب والاحتمال الاكبر المشي على زيت القير بمسافات طويله لكن قلت انبه الاخوان المشي على زيت القير بالمده المحدده طبعا الحين يبي لسيارتي توضيب قير كامل لله يكفيكم شر الموتر وغثاه





وتقبلو تحياتي..............

[ساري بريدة]

شكرا على التنبيه

[..ابوغلا..]

الله يجزاك خير

[الجفن]

الله يجزاك خير ويكثر من امثالك
الله يعوضك ان شاء الله

[بدوي جنوبي]

اخي الكريم اني لك من الناصحين

لا توضب القير ،، صدقني كلامهم غير صحيح

اول مره اسمع ان الكمبيوتر يحدد وجود فضاوة بالقير .

وسبب الفضاوة ان القير يحتاج الي تغيير فلتر وزيت قد تكون مجاري الزيت
داخل ما يسمي بالعقل الالكتروني فيها انسداد بسبب تراكم رايش كلتشات القير ،،
وايضا التشييك علي حساسات القير ،،

وسبق وان زرت مركز العضيب ،، يعني رد مو من فراغ


تحياتي لك

[فارس الفرسه]

انتبه لا توضب القير ما راح يظبط
اشتري قير من التشليح

[ابودعسان]

اخوي غير الزيت والفلتر ماراح تخسر شي
زي ماقال بدوي جنوبي

[شبح الموت]

غير زيت القير مع الفلتر وبس

واي فرع العضيب اذا كان مديره ابو حسن السوداني اللي بالصناعية القديمة انحش منه

[مزاجي فوق]

انا بعطيك نصيحه

لا تغيره زي ماقالو الاخوان

الوكاله مالها ثقه يبغون يلهطون فقط لا غير

عليك بالورشه الطيبه تراها عندي للميكانيكي اذا تبي ادلك عليها ارسلي رساله وادلك عليها

تقبل مروري

[هاوي شمال]

اهلا اخي


فيه ورشه برياض الخبراء


متخصصه بالمشكله ومعروفه على مستوى نجد


واتمنى لك التوفيق

[الربذي]

تبي الصدق المفروض 20الف بحد اقصى
الوكاله ماعندها مشكله لو تمشي بزيت المكينه 20الف او اكثر لو الزيوت ماهي عندها يعني ان الوكاله تمنع قضائيا من تغيير الزيوت لقالو لاتغير الزيت اذا نقص زيده هو همهم بس هالفلوس وبس
جاري طاق لاند وكاله اوتو يوم مشى 120الف والقير يجيم ويخسره حول3500 وفي العيد جلس ايضا اسبوع بالورشه وكلفه حول 4الاف ليش الزيت ماغيره ماشي عليه كثير
0

[اذكر ربك]

جزاك الله خير وكثر الله خيرك ... اضيف جميع السيارات كذلك يجب انه ما يطول زيت القير

تحياتي وبالتوفيق


سبحان الله وبحمده سبحان الله العظيم

[العريني1]

الله يخلف عليك ...
انا اقول مثل الاخوان ..غير الفلتر والزيت للقير وشف ممكن يضبط معك
اما معي 2002vxr ونفس المشكله وغيرت الفلتر وزيت القير والحمد لله ضبط معي له الان قرابة10 اشهر

[هاوي البر]

اخي الكريم اني لك من الناصحين

لا توضب القير ،، صدقني كلامهم غير صحيح

اول مره اسمع ان الكمبيوتر يحدد وجود فضاوة بالقير .

وسبب الفضاوة ان القير يحتاج الي تغيير فلتر وزيت قد تكون مجاري الزيت
داخل ما يسمي بالعقل الالكتروني فيها انسداد بسبب تراكم رايش كلتشات القير ،،
وايضا التشييك علي حساسات القير ،،

وسبق وان زرت مركز العضيب ،، يعني رد مو من فراغ


تحياتي لك
نعم صحيح اغلب الي صار معهم مشاكل في القير راحت بعد تغيير زيت وفلتر القير
وحرص على ان تاخذ زيت القير واللافلتر من الوكاله و ان شاء الله تنحل مشكلتك

[سيف الظفير]

يالقروم على طاري الزيوت في وجه العدو


زيت المكينة

مشيت عليه الان 5.500 كيلو


هل يضره والسيارة جمس 2006 فئه 2500

[ذيب صعافيق]

مثل ما قالوا------وانت يا سيف الظفيرلا يظر حتى 10000كم

[ذيب صعافيق]

مثل ما قالوا------وانت يا سيف الظفيرلا يظر حتى 10000كم

[نايف292]

هلا اخوي انا مابغى ازيد على كلام الاخوان غير فلتر وزيت اصلي وجرب احسن لك من انك تفك القير يعني ابدا بالشىء السهل واللي مايكلف اولا

هذا رأيي

[الشقردي]

قد حصلت معي في فكسار 98 وكنت أحس بنتع في الغيار من 2-3 ومريت العضيب المصيف ولكنه نفس السوري نصحني أروح محلات توضيب متخصصة.

والله انه ناغزني قلبي من أول وأقوم أغير زيت قير وفلتر ولا نفع

بالتالي احتجت انزل القير واغير كلتشاته + قطعه سموها البلف بودي على ما أظن لحالها 2500.

والتكلفة كامله 7800 ولي حوال 4 شهور والحمد لله رحت علية مكة والشرقية ولا فيه الا العافية

والورشة معطيني ضمان 6 شهور.

اذا تبي تروح يشوفون الموتر ارسل لي على الخاص

ونصيحة لا تستعجل.

[AMAZ]

زي مانصحوك الاخوان غير الزيت مع الفتلر
وجرب مانت خسران وصدقني ان الورش ماعندهم سالفه ويفتون من كيفهم انا كان عندي سياره وكان فيها فضاوه بالقير ولما يعشق من الاول إلى الثاني ينتع ورحة كذا ورشه يقولون كلاتشات . لكن الحمد لله حصلت فلبيني وركب السياره ومعاه سكروب فقط ورجع قال انه وزن سلك القير وكذلك الهواء بعدين شغل السياره بعدين طفاها وفتح ال سويك لين ولعت اللمباة بعدين دبل يمكن اربع او خمس مرات وبعدها شغلت وقالي روح وفعلا . ضبط كل شي . للمعلومية السياره امريكي .