طاح فرار الربع تويوتا

[اسد نجد]

سلام عليكم

امس كنت اطعس

وطاح الغطاء الاسود حق الفرار الى يفر

الى 4*4 و 4*2

وباقى الفرار كله موجود والحين انواع الزيوت تطلع نع الفتحه مدرى شحم

المهم رحت للحاير ادور على فرار حصلته 400 ريال مع التركيب

وحصلت عند السليمانى بالغرابى 550 مع التركيب

وبالنسبه لى غالى بالحيل

وكل السالفه غطاء اسود

وش تشورون على ياربع

وهل احصل احد عند فرار مستعمل نظيف

او عنده فرار خربان واشترى منه الوجه الاسود حق اللى يفر

رحم الله والدينا ووالديكم من النار

[الثويرات]

انا اقول اشتر جهه وحد بس ارخص لك اذا كان الجهتين 400 فخذ جهه وحد 200 ريال

[اسد نجد]

رفض يقول ابيع جهتين سوا

وودى ارجع الموتر شد بلد

بس انا شارى السيارة فيها فررات

[ابوعبدالله678]

المستعمل ما ينضمن جربته مره وراح علي خسارة تركيب
الشكوى على الله اشتر طقم جديد ركب واحد والثاني خله احتياط

[بواسامه]

رفض يقول ابيع جهتين سوا

وودى ارجع الموتر شد بلد

بس انا شارى السيارة فيها فررات
اذا عندك فلنجة السياره شد البلد ركبها
ولا طقم جديد ازين لك من المستعمل ولا فاقد سسته
وخل اللي عنك زود قطع غيار
وبعدين اللي عندك اصلي وكالة ولا تجاري

[اسد نجد]

الفرارات تجاريه

وماعندى غطيان الهوب الاصليه

لان الموتر مشتريه كذا ولا كان ركبتها