المساعد الشخصي الرقمي

مشاهدة النسخة كاملة : لو سمحتوا ............... وش نوع الكفرات المناسبة لليوكون؟


ابو شكاع
07/02/2004, 12:54 AM
السلام عليكم

لدينا رغبة بتغيير كفرات اليوكون (دفع رباعي)


كفرات شد بلد لها الآن سنتين وشهر تقريبا ومشيت عليهن 73 الف كلم

اعتقد انهن ما قصرن

شد بلاده نوع قود يير

لكن اللي يخبر لنا نوع مجرب وممتاز .......... يقول لنا

مقاسات الكفر

16/75/265

اللي يخبر لنا نوع زين يقول لنا عن مواصفاته

واهمها درجة الحرارة ......... تكون A



للاخ المشرف

اذا كان الموضوع مكرر لك حذفه بس اهم شي تعطيني الرابط تكفى لان البحث ما يضبط معي دايم

انتطركم


لاهنتوا
الـ ع ـارض
07/02/2004, 08:50 AM
وراك وراك والزمن طويل

شف يا خالي

ان كان تبي كفرات للرمل ما لك الا الشاهين من سمتومو ( نص بالون)

وانت تبيها للحصى والشعبان فيه كفرات يوكوهاما منزلين نقشه جديده وناعمه والكفر لين على الزفلت ومطبه ناعم ويتحمل الحصى وزين سعرها عند الوكيل اللي هو الجميح 350 ريال للكفر والمقاس الزين 270×65×16 ونفس المقاس موجود على الشاهين وسعره 325 ريال تقريبا .


وين بتروح مني ؟؟؟؟؟؟؟؟

انا جالس لك ومبهر دلتي احتريك
* ضب *
07/02/2004, 12:03 PM
السلام عليكم

اذا تبغى كفرات قوية مرة فعليك ب مشلان
في الخط ممتازة :good:
وفي البر قوية لكن الهوا يكون قليل شوي >27<
مطبها اخف من الدنلوب والبرجستون
مجربها ركبتها واربع سنوات مافكيتها الا في البنشر اللي ركبها اول مرة

بس سعرة غالي شوي فوق 400 ريال لكن يستاهل
كد ومد :cool:

هذا مجرد رأي عن تجربه
وجربها غيري ويمدحها
القماري
07/02/2004, 01:09 PM
ما أزيد على ما ذكر سوى أنك تختار كفرات مشلان وتأكد من تاريخ الصنع والمقاس الصحيح ولا تتعدى مشلان بعد الجوديير
وثيلان
07/02/2004, 01:26 PM
السلام عليكم ورحمة الله وبركاته
لاتفوتك كفرات هانكوك تراها قويه وسعرها معقول
الـ ع ـارض
07/02/2004, 06:40 PM
المشلان جيد بس مو كله

اللي تصنيعه فرنسي ويوصل سعره 490 ريال بالرياض وما تلاقيه دائما
اما الالماني والاسباني انحش عنه
ابو شكاع
07/02/2004, 10:59 PM
العارض

هلابك

قل آمين تعترض لك السعادة كل وقت

من حيث الكفرات انا ابيهن للحصى والشعبان اكثر من النفود

ومن حيث الشاهين ممتازات

كنت مركبهن بقطع 10 معي قبل ....... لينات بس عيبهن انهن يخلصن بسرعة

وسعرهن عالي اذكر انهن كانن ب 520 تقريبا او ب 550

من حيث الكفرات اللي تقول عنهن اللي هن اليوكوهاما ........ مدح لي واحد نوع منهن يقال له جيلاندر

الظاهر انهن هاللي تقول عليهن ................ سعرهن بحدود ال 350 اذا ما كان اقل

افكر فيهن وبقوة ..................


تسلم ولاهنت


ولاهنت


ولاهنت


ولاهنت

:)
ابو شكاع
07/02/2004, 11:09 PM
* ضب *


هلابك يالغالي

امس مريت لي محل ولقيت مشلان نفس المقاسات اللي انا كاتب

صناعتها يابانية ........................... قال لي ب 450 مركب مرصص

يقول انه بالوكالة ب 490 ........... لكن عليه تخفيض


وانا ابنتظر شوي .............. انا ما بين اليوكوهاما والمشلان الله والعام


تسلم ولاهنت

ــــــــــــــــــــــــــــــــــــــــــــــــــ ــــــــــــــــــــــــــــــــ

القماري مشكوووووووور وما قصرت

ولاهنت

ــــــــــــــــــــــــــــــــــــــــــــــــــ ـــــــــــــــــــــــــــــــــ

حياك الله وثيلان ..

نعم

من حيث الهانكوك قال لي راعي المحل انهن جيدات بالديرة

لكن للخطوط مهيب زينه

مع ان اخوي مجربهن ويمدحهن ..................... ويتميزن بسعرهن المنخفض


شكرا لك


ــــــــــــــــــــــــــــــــــــــــــــــــــ ــــــــــــــ

العارض

الغالي مهوب العارض :)

انا لقيت المشلان صناعة يابانيه

وش الراي ؟

بيني وبينك افكر وبقوة باليوكوهاما

انتظر مزيد من المداخلات

شكرا لكم
الـ ع ـارض
08/02/2004, 07:52 AM
يا بعدي جعلك تسلم ويسلم غاليك

المشلان لا تاخذ الا فرنسي وبس .... وعند الوكيل (الجفالي) تراه اغلى من الالماني والياباني والاسباني .

اذا نويت على اليوكوهاما توكل على الله وانا ناوي اركبهن بس لين جا الحر وجا وقت الشعبان والحصى لان مثل ما تخبر انا مركب الان الشاهين و الشاهين ما يتحمل حصى الشعبان ....


والله يكتب لك مافيه الخير


تحياتي واحترامي
* ضب *
08/02/2004, 08:02 AM
اما اليوكوهاما فانا جربته ممتاز ولين لكن لايقارن بالمشلان مايعيش معك كثير

ولك تحياتي
اسيزو 4x4
08/02/2004, 02:46 PM
انا من رأيي ان الميشلان زينة بس لا تاخذ من البناشر اواي محل خذ من الجفالي

اضمن وتاكد انة يكون فرنسي

وفية التويو TOYO انا مجربة ممتاز وخاصة للحصى والشعبان

واهم شي ياابو شكاع التاريخ

وبالتوفيق........
ابو شكاع
08/02/2004, 03:42 PM
العارض

هلابك

ياخوي نشدت عن اليوكوهاما

لقيت حجمهن 16/70/275

يعني اكبر من حجم كفرات موتري ............... عاد مدري هالزيادة ذي وين

هي بالعرض او بالطول او الإرتفاع

مهيب هذي المشكلة

الشي الثاني ان درجة حرارتهن B

والشي الثالث ان التراكشن حقهن بعد B

تتقول لي وشو التراكشن .......... اقول لك الظاهر انه مقياس للنقشة حقت الكفر

يعني اللي التراكشن حقهن A تستمر النقشة بالكفر اكثر من اللي عليهن B

يعني يعمر اكثر ............

بعدين وانااخوك ما عندنا بالرس الجفالي ............... ويني ووين الجفالي



مع ذلك


للحين افكر بهن <<<<< بلشه


تسلم


ــــــــــــــــــــــــــــــــــــــــــــــــــ ـــــــــــــــــــــ


هلا بالضب



ضب ؟؟‍‍‍‍‍

لامنتب ضب



انت اسد بس مرهم ضب خخخخخخخخخ امزح لا تزعل

الله لايهينك

المشكلة انه واحد يقول لي اليوم ان اليوكوهاما يعيش فترة طويلة

انا محتار :(


لاهنت


ــــــــــــــــــــــــــــــــــــــــــــــــــ ــــــــــــــــــــــــ

اسيزو 4x4

تسسسسسسسسسسسسسسسسلم على المداخلة


اذا حولنا بالقصيم محلات الجفالي دلن عليهن تكفى وتسلم


من حيث التويو ................. المشكلة انه مهوب مشهور :(


وتسلم ولاهنت


ــــــــــــــــــــــــــــــــــــــــــــــــــ ــــــــــــ


انتظر المزيد من الأخوان واللي شاركوا لهم التقدير
الـ ع ـارض
08/02/2004, 05:37 PM
275 = عرض دعسة الكفر
70 = ارتفاع الكفر (المسافه بين حد الجنط ودعسة الكفر
16 = مقاس الجنط

واللي عندك 270 وهوب مشكله لين خليت الكفر اعرض شوي

ولا تاخذ الا درجة حرارته A حتى لو عطوك عمى B قروش

اما بالنسبه للتركشن هي للسرعات العاليه او لقدرة التحمل بالنسبه للسيارات ذات الدفع الرباعي تراي ضيعت بس انا متعود يكون الكفر كل شي فيه AAA

ياخي تعال للرياض وبتلاقي اللي تبيه وانت واقف

تبيني اسال لك عن اليوكوهاما ؟؟؟ تراه قريب من مكان عملي يعني ماهنا عنوة ولا كلافه .... عزالله مقامك
القناص
08/02/2004, 05:45 PM
السلام عليكم ورحمة الله وبركاته


اذا تبغى كفرات قوية مرة فعليك ب مشلان
في الخط ممتازة
وفي البر قوية لكن الهوا يكون قليل شوي >27<
مطبها اخف من الدنلوب والبرجستون
مجربها ركبتها واربع سنوات مافكيتها الا في البنشر اللي ركبها اول مرة

بس سعرة غالي شوي فوق 400 ريال لكن يستاهل
كد ومد

والسلام
الـ ع ـارض
09/02/2004, 10:15 AM
لقيت لك كفرات ممتاااااااااااااااازه بس غويليه


بريللي نوع اسكوربيون ( العقرب )

ممتازه للحصى والشعبان وعلى الشوارع ...
بس تراها ما تنفع للرمل ولوتنسم الكفر وتخلي الهواء فيه 5 لانها مهيب تفرش الدعسه
ابو شكاع
09/02/2004, 12:34 PM
هلابك العارض الغالي


بيني وبينك ................... ما فهمت قولتك ((لو عطوك عمى B قروش))

ممكن تقصد انك تحذرني من ال b حتى لو كان ببلاش

بعدين ياخوي انا ازمل لجية للرياض وبقوة


لاتزعل او تقول وش هالمغرور ذا .................. قل وش هالسوادني ما يخالف :) منب ازعل :)

بيني وبينك لو الاقي يوكوهاما AAA آخذه وانا مفتح قصدي وانا مغمض


ــــــــــــــــــــــــــــــــــــــــــــــــــ ــــــ

القناص هلابك

امس وانا ادوج بمحلات الكفرات ..................... المشكلة ان كفرات ال16 عندنا ما تجي بكل أنواعه

ما يجي الا اللي دارج ومطلوب ................


لدرجة اني امس دورت على الميشلان وما لقيت الا يا امريكي ياياباني الصنع

انا لو القى فرنسي كان اخذته حتى لو سعره اعلى


شكرا لك


ــــــــــــــــــــــــــــــــــــــــــــــــــ ـــــــــ

الرائع العارض

بيني وبينك اخاف اني احتاج ادخل النفود ولا يزبنني البريلي هذولي


الا على فكرة


بكم سعرهن ؟


<<<<< يانت غثيث بشكل

>>>>>> وراه ؟

<<<<<< اشغلت الرجال عند كفرات يوكون ............. وش لون لو انه جامبو

>>>>>> على طاري الجامبو يانا جوعان

<<<<<< مع السلامه

>>>>>>> هلابك
الـ ع ـارض
09/02/2004, 04:55 PM
قصدي لو عطوك عليها قروش يعني عطوك الفرات ببلاش وفوقها قيمتها

والبريللي حوالي 500 ريال


بقلي شوي من الجامبو .............
الصقر الجارح
11/02/2004, 05:52 PM
السلام عليكم
بالنسنة للكفرات نصيحة للك وللجميع كفرات تويو
ابو شكاع
12/02/2004, 11:27 PM
العارض


والصقر الجارح


مشكورين وما قصرتوا


ابشركم ركبت ميشلان الصناعه الفرنسية .....................جازلي شكله

الحراره A والتركشن بعد A

لقيتهن في عنيزة .....


السعر 470 مركب مرصص


شكرا لكم والله يسلمكم


ولاهنتوا