لكل اصحاب السيارت من 2004 فما فوق عند تغير البطاريه لاتنسى

[الرجباني]

لكل اصحاب السيارت من 2004 فما فوق عند تغير البطاريه لاتنسى

ضع المفتاح بالسياره و لاتطفيء السياره عند التغير

غير والبطاريه والسيارة شغاله

لأن البرمجه ستتعطل نوعا ما

ويمكنك مراجعة الكتلوج

للمعلومية جرا التنبيه

[المميـز]

الله يجزاك خير على التنبيه

اول مره اسمع به

ومنكم نستفيد

[وثاب]

الله يجزاك خير ويبارك فيك

غيرت بطارية سيارتي دوج 2006 والسياره مطفيه وركبوا الجديده والحمد لله ما صار اي شي

يمكن احيانا توافق

[المقيم ج م]

هل معنى ذلك انه لو تعطلت البطارية سيؤثر ذلك على سلامة البرمجة ؟

[بيت طين]

تنبيه جميل جزاك الله خير وبارك الله فيك وفي عيالك

[واطي الجمرة]

شكرا لك
قمت بتغيير بطارية كامري 2005 والسياره طافيه ولا صار شي

[AMAZ]

افضل شي انك عند تغيير البطارية تطفي السياره لانه يمكن انه الاصبع يضرب على حديده اواسلاك . واذا ركبتها وسيارتك فيها كمبوتر بعد ماتشغلها لمدة ثلاثة قائق تقوم بتطفئة السياره مره اخرى وتفصل الاصبع (+) لمدة دقيقة ويرجع كل شي طبيعي ماعدا الساعة وموجات الراديو المخزنه .

[اااالرااااكد]

شكرا لك
قمت بتغيير بطارية كامري 2004 والسياره طافيه ولا صار شي لمره الثانيه والحمدلله

[أبو يوسف]

تجربة شخصية
السيارة فورتشنر 2007، بعد أن مشت السيارة 950 كيلو تقريبا ولعت لمبة المكينة ، توقعت أنها لمبة التشييك على الألف (الأخ مشتري بي أم على غفلة) المهم رحت للتشييك قالوا لازم تدخل الصيانة ، وبعد أسبوع من الشد والجذب والسيارة عندهم قالوا لازم نغير الكمبيوتر طلبية ...!، المهم غيروه واللي صار أني عرضت مشكلتي على الربع قال أحد أبناء عمي أنا لما اشتريت باث 2004 صارت نفس المشكلة ورحت لمجمع الغروب اللي بشارع المعارض وقالوا أنت مشتري السيارة مخزنة أشهر ومن معرض؟
قال إيه
قالوا له هذي لخبطة بالكمبيوتر وجابوا جهاز وفي خمس دقايق طفت اللمبة بعد ما دخلوا على الكمبيوتر
سألهم وش السالفة قالوا المعارض يكونون فاصلين الاصبع وإذا جاهم أحد أعطوه المفتاح وشغلها ثم يمكن يهون ويفصلون الاصبع وتتكرر العملية فيتلخبط الكمبيوتر ...
أنا مثل صاحب الباث اشتريت السيارة بعد 5 أشهر تقريبا من وصولها وبعد نزول 2008 أو قبل نزوله بقليل
الشاهد أن هذا يضرها إذا تكررت الشغلة بطريقة متوالية وليس مرة كل سنتين تقريباً
فوائد القصة : يمكن أن تجد فائدتك من النهر الصغير أكثر من البحر، الوكالة غيروا الكمبيوتر ومحل عادي صلح الشغلة ب 40 ريال وخلال دقائق
وهذا مشكلة الوكالات عندنا ما يعرفون للسيارة
كمبيوتر سيارتي أرسل لليابان طرد حتى يصلح ، واطلعت على تغليف الطرد والخطاب معه لما نشبت لمهندس الصيانة والسبب عدم الثقة ..
أتمنى أن أكون أفدتكم بهذه القصة الطوييييييلة ..

تحيتي

[فهد-بوعبدالله]

غيرت بطاريه لاندكروزر 2006 والسياره طافيه ولا صار معاي شي ............اول مره اسمها
ويعطيك العافيه على التنبيه يمكن بعض السيارات حساسه

[العملاق النائم]

لا خلا ولا عدم
بيض الله وجهك كفيت وفيت.
بمعلوماتك هذي افدت انا كثيرين.. وخير الثناء!
جزاك الله خير

[VXR.2007]

جزاك الله خير

[الرجباني]

المقصد ياجماعه
لاتطلع المفتاح من السياره خصوصا الفورد الأكسبلورر
لأنه عقدنا بالبر ما اشتغل
الا بعد كتلوج وحوسه

[هارون97]

طيب اخوي الكروز 2008 بصمه كيف

[ERIC7]

اللي اعرفه اني اسوي هذي الحركه عشان ماتروح الاشياء المخزنه
بيانات الرحله موجات الاذاعة الساعة وضعية المقاعد المخزنة مسبقا (اذا كان مدمج)
وضعية المكيف المخزنة مسبقا من درجة الحرارة وقوة المروحة المفضلة للمكيف الالكتروني (اذا كان مدمج)
وغيره من الاشياء الاخرى المخزنة اما الكمبيوتر ما اعتقد وفي الغالب سيارتك تبي تطفى كم مره قبل التغيير ولا منتب مغير كان راحت البرمجه من اول
المعذرة على الاسلوب توي قاري كتالوج سيارتين ههههههههه

[الفارس الشهم]

لخبط عندي صوت المسجل والرادي والشاشه

صار المسجل يشتغل بدون صوت وكذلك الرادي واحيانا يشتغل الصوت 5دقايق ثم يرجع الى حالته الاولى

جيب لكزس 2005

[عاشق الطرمبه]

كلام كليم
صحيح ذا فكيت الاصبع يحوس علي الساعة والعداد وغيره
يا مال العافيه ع التنبيه...

[التل الصامت]

مشكور اخوي على الموضوع وما قصرت

[عريدان]

والله كل السيارات الحديثه معقده ومخربينها بها الكمبيوترات زود مع الكتاوت والفيوزات الجديده الغريبه. مثلا لو ضاع مفتاح الريموت أو إنكسر كيف بتشغل سياره بنظام البصمه ؟؟؟

[Abu Saad]

اللي اعرفه اني اسوي هذي الحركه عشان ماتروح الاشياء المخزنه
بيانات الرحله موجات الاذاعة الساعة وضعية المقاعد المخزنة مسبقا (اذا كان مدمج)
وضعية المكيف المخزنة مسبقا من درجة الحرارة وقوة المروحة المفضلة للمكيف الالكتروني (اذا كان مدمج)
وغيره من الاشياء الاخرى المخزنة اما الكمبيوتر ما اعتقد وفي الغالب سيارتك تبي تطفى كم مره قبل التغيير ولا منتب مغير كان راحت البرمجه من اول
المعذرة على الاسلوب توي قاري كتالوج سيارتين ههههههههه

هذا الكلام .:good: