المساعد الشخصي الرقمي

مشاهدة النسخة كاملة : الفزعه يالربع (صوت الباث فايندر)


عبده شرشر
07/02/2004, 12:02 PM
ياجماعه الصوت الخلفي للباث فايندر عندمايكون بالفاضي.

كثر الكلام في هالموضوع لا كن بدون فايده .

الرجاء نبي الحل الصحيح .

معي 2003 والصوت قاهرن يالربع.

شكرا لجهود الجميع.

والسلام ختام
شرقاوي
07/02/2004, 01:00 PM
ووديت السياره للوكاله وقالولي امر طبيعي وموجود بكل سيارات الباث فندر وانا بصراحه مدري شسالفه مع العلم ان القير التوماتيك الاحظ ان الصوت فيه خفيف ؟؟
برق شلع
07/02/2004, 01:28 PM
وشي نوعيه الصوت؟
يمكن اقدر احددلك المشكله؟
بـــدر
08/02/2004, 05:26 PM
بعد قراءة مواصفات تصنيع الباث فيندر عرفت ليش يجي شبه صوت خلفي كانه شي يرجف وقت تاخذ مطب طلع من تصنيع الهيكل
لانه يجي نظام (احـادي الهيكل) ، يعني ما فيه مرونه حسب ما كتب بالموصفات
وهذا نص الكتاب التصنيع
http://www.mekshat.com/pix/upload/images4/path_3.jpg

MonoFrame® Construction

Pathfinder's reassuring feel and composed ride starts with something we call a MonoFrame: one single structure bound by 4,200 precision welds. (Some SUV bodies are joined to their frames by as few as 10 bolts.) MonoFrame's superior rigidity enhances handling, ride comfort, interior quiet and durability
الطيب
08/02/2004, 08:45 PM
وعليكم السلام ورحمة الله وبركاته

انا معي 2001 و مافيه ي صوت من الخلف في جميع الاحوال ؟؟؟
(السبير عندي فوق)
فنجال
09/02/2004, 04:15 PM
السلام عليكم
ا خواني احييكم
اخوكم فنجال معجب ومدمن مكشات .....
اخي شرقاوي انا معي فايندر 2002 ولافيه صوت
وعندي مشكله في موتري وابغى حل واخص المشرفين عطاهم الله عافيه واصحاب الباث فيندر(بنك بانثر) , انه هاليومين اذا طفيته وجيت ادق ياالله يدق ثم يشتغل وبعض الاحيان لازم انتعه موتري ماشي فوق الميه.
:(
الشقردي
11/02/2004, 11:45 AM
شف هذا الموضوع يمكن يفيدك

http://www.mekshat.com/vb/showthread.php?s=&threadid=14003
عبده شرشر
11/02/2004, 03:06 PM
السلام عليكم

صوت طقطقه متكرره عند المطبات الخفيفه ( بطناج ) خلفي السياره عند سرعة ما بين 20-50

الصوت بين اشياء ثقيله مثل عامود كردان او دفرنس او ياي مثلا .

والسلام ختام
برق شلع
12/02/2004, 12:48 AM
شف اخوي عبده شرشر
انا اخوي معه باث فاندر 98 وصارت له نفس المشكله طقطقه بالخلف
ووديناه ورشه وقال هذا الرمان الخلفي يبي تغير طبعا غيرناه وراح00
الحقيقه انا ما اعرف مكان الرمان بس ان شاء الله راح اسال الميكانيكي عن مكان الرمان وان شاء الله افيدك اخوي00
قبل انتهي تاكد من الياي وكذلك تاكد من الصليبات بس ما اظنه يكون صليبات لان الموتر جديد وتاكد من المساعدات وكذلك اذا طلع الصوت جرب انك تعشق الدبل وترجع بالخلف
00
اخواني الباث فاندر وجد به عيوب كثيره واولها انه بعض الاحيان يطفي ما يشتغل ابد تدق سلف ولا يشتغل والوكاله ساكته ماقالت شيء وبعض الاحيان الدبل يفصل وخاصه الاتوماتيك بس لا تخافون الموتر ما عليه زيييييييين بالحيل وقيمته فيه-
------------------
ان شاء الله اجيب لكم المشكله بالصوت الخلفي باذن الله وكذلك مكان الرمان
ابوقاسم
12/02/2004, 07:52 PM
اذا الصوت طقطقة تراه صارت معاي والسيارة 2000 وبعد المحاولات لاكتشاف العطل ومن وين الصوت طالع وبع كثير من التجارب لاكتشاف الصوت اكتشفت ان الصوت يخرج من فضاوة في مكان تركيب المساعدات لاني مغيرهن ولا شديتهن مضبوط فصارن يطقطقن مع اقل حركة من السيارة ...................
وسبب ثاني احتمال تكون الكنداسة مرتفعة من التطعيس وصارت قريبة من الشاصي والكنداسة لها حركة مع تشغيل السيارة فما بالك بالحركة والمطبةوشوارعنا اللهم ياكافي ............ما فيها ولا مطبة .........
وبالنسبة لكلام اخوي ابرق الضيان انا الى الحين ما شفت في السيارة اي عيب والسيارة موديل 2000
وانا اشهد للسيارة ان قيمتها فيها .................................
برق شلع
13/02/2004, 02:12 AM
هلا بك اخوي عبده شرشر 00
زي ماقلتلك رحت للميكانيكي وشف الرمان اللي داخل العكس يمكن يكون امنه000
وبعدييين يكون بعلمك اي سيارة نيسان تأكد انها تبي تربيط خاصة سيارات راعين البر00
وتأكد اخوي من الكنداسه لانه حصلت معي نفس المشكله في سيارتي الجيب الحوض
وفقعت مخي عجزت القىالمكان اللي فيه الطقطقه الين لقيته وصلحته000
بس تأكد اخوي من المساعدات واليايات 000
---------------------
والله شف اخوي الغضى انا اقولك واحد من زملائي معه جيب باث فاندر2003 فل كامل
فاكه جديد ولا مشى 25000 ولا هوب راعي بر ابد 000راعي زبرقه وراعي استراحات
يقول قمت الصباح <== يقصد الظهر>> وجيت ابشغل الجيب وعيا لا يشتغل واللمبات مولعه حقات السويك
واستمرت الطريقه حول الشهر تكررت معه يمكن 10 مرات المهم يقول شلت الموتر الى الوكاله وقالوا ان الموتر فيه خطأ في التصنيع يؤدي الى عدم اشتغال السيارة
ويقولي بالصدفه لقيت موتر ثاني موقف فيه نفس المشكله00
يعني الوكاله دارين بس ماعلموا احد علشان ما يخسرون لان القطعه غيرمنتوفره في السعوديه تطلب من الخارج0.0.0.0.
اما مشكلة الفضاوة بالقير فهذي حصلت معي بالنفود على جيب 98 انظف من الجيب اللي فوق000
شرقاوي
14/02/2004, 02:56 PM
الله لا يهينك ياخوي توضح وشهي الرمانة ووين محلها
برق شلع
14/02/2004, 09:06 PM
انا كنت اتوقع الصوت قدام قلت يمكن عكس
بس طلع الصوت من الخلف00
فالرمانه اللي اقصد اذا فكيت الكفر يجيك الهوب اذا فكيته تجيك ماصوره فيها رمان اتوقع انها هي000
بس انتبه ترا فك الرمان يبي متخصص علشان يطبقه صح والا ترا الدنيا راحت وطي عليك00

**ملاحظه انا ما توقع ان الصوت من الرمان لان صوت الرمان اذا طلع يكون واضح00
وخاصة ان الموتر جديد00فاقول يروح للكمبيوتر يفحصون لك لو تبي يطلعون النمل اللي بالمكينه طلعوه000
وتاكدمن اليايات والمساعدات ومن الجلد الخلفيه والربلات00
شرشر عبده
16/02/2004, 08:47 AM
هلا فيكم أخواني ... أعضاء مكشات الحلوين .. من خلال خبرتي في السيارات والكلام موجه فقط للأخ عبده شرشر ... يعني نرجو من الاخوان عدم أتخاذ أي أجراء أو تعديلات على السيارات الخاصه بهم حتى يتأكد منها
الأخ عبده شرشر .. أوكي يا شباب

أسمع يا أخ عبده شرشر .. طع شوري ماراح تندم ... سيارتك الله يسلمك فيها لو لاحظت وأندعست تحت الموتور أوكي راح تلقى تحت وبالتحديد في المنتصف شي طويل موصل بين القير والدفرنس هذاأسمه عمود الكردان تمام لو حاولت تفكه أنت وأنت ما عندك حفرة ما تقدر لان المكان ضيق بالحيل ما تقدر تاخذ راحتك
يعني لازم تروح لمكان فيه حفرة ثم فك العمود ... واطلع على السيارة !!! طبعا راح تقول يا حبيبي وش هالذهانة فيك ؟؟ كيف يمشي الموتور ؟؟؟ أقول لك انا والله يا مخك جريش هذاي ما يبغا له أستاذ عشق الدبل
وأطلع على السيارة . إذا راح الصوت معناته هانت المشكله ... الحين وش تسوي تخلي السيارة بدون عمود
وتمشي على الدبل لحد ما يخرب عليك الدبل . زين .. ثم تجي وتغير الدبل وترجع العمود ... علشان ما تعود له مرة ثانية .. وتسمع كلامي وتمشي بدون عمود كردان ... طبعا الحين صلحت الدبل ... لكان على حساب أنك عرفت المشكله وين !!! ... إذن أشوة أوريك نجيب عصا مثل عصا البلياردو ونجلدك فيه ... علشان برضه ما تتعود وتسويها مرة ثانية ... طبعا انا الي الحين ما قلت لك حل المشكله النهائي ..

الحل طال عمرك .. تفتح الكبوت تلقا فيه على الجنب قربه صغيرة بيضا تعبيها مويه حارة بقوة ... وتلقا برضه قربة بيضا حقات المسحات تعبيها مويه باردة جدا .. أدري راح تقول وش الكماخه هذاي فيك ياأبو الشباب .. راح أقول ما عليك أنت سئلت وانا أجيب يا بابا .. زين لا عمرك تقاطعن أقراء الكلام وطبقه بالحرف الواحد .. وأنت تاكل فليه حار زين .. بهذاي الخطوة راح بأذن واحد أحد فرد صمد أنه بتنحل مشكلتك ... أرجو تطبيق
الخطوات بحذافيرها لان أي خطاء بسيط ما راح تنجح في الحل ..

يالله سلااااااااااااااااااااااام ... أرجو أن أكون وفقت في التوضيح واي تساؤل لا تترد فأنت تسئل وانا أجيب
ولك وللجميع خالص تحياتي
مطرد القمري
21/02/2004, 09:25 AM
للرفع .. لكي نجد حل لهذا الصوت المزعج

المشكله ان القميري من هذه الصوت رايح يطير ولا اقدر اصيده :D

تحياتي