مشكلة في عداد اللاندكروزر من عنده حل ؟؟

[شاص]

السلام عليكم ..

هذا واحد من الربع معه لاند كروزر 2003 وعداد السرعة والكيلوات وقف وكذلك لمبة الريوس ما تولع !

أحد عنده حل أو يعرف ورشة مجربه؟؟
يفيدنا مشكورا

[فارس الفرسه]

انا عندي عداد الزيت يلعب من الوكاله وهذا حاله جي اكس 2003

[RJA]

اخوي قبل الورشة شيك على الفيوزات....
وبالله التوفيق

[ملاعب الريح]

وعليكم السلام ورحمة الله وبركاته . .

1- عداد السرعه مشكلته والله أعلم إنها من ترس الكيلو اللي يجي تحت القير وسبب خرابه من التآكل لأنه مصنوع من البلاستك وسبق إني غيرته ولا كلف علي أكثر من 100 ريال

2- لمبة الريوس الظاهر إنها من سلك الحساس حق الريوس وخله يشيك عند كهربائي ويتأكد


أتمنى إني أكون أفدتك أخوك ملاعبــــ

[شاص]

مشكورين يالربع وبيض الله وجيهكم
شيك على الفيوزات وكلها سليمة

أخوي ملاعب الريح بأي ورشة صلحت موترك وهل عداد السرعة كان متعطل عندك؟

[شامخ ألهيلا]

اخوي المشكله عندك من السلك الي طالع من القير
لانه هو المسول عن السرعه والريووس

اما اذا لمبة المكينه اشتغلت فهذا دليل على خراب الترس ويحتاج تغير وسعر الترس 40 ريااال

[شاص]

هلا بك أخوي شامخ الهيلا
لمبة المكينة مولعة
هل تعرف ورشة جيدة تنصحه يصلحه عندهم؟
وكم يكلف شغل اليد؟

لاهنت يالغالي

[جساس1]

اخوي المشكله عندك من السلك الي طالع من القير
لانه هو المسول عن السرعه والريووس

اما اذا لمبة المكينه اشتغلت فهذا دليل على خراب الترس ويحتاج تغير وسعر الترس 40 ريااال

نفس المشكلة صارت معي جي ااكس ار 2007 لمبة المكينة ولمبة الاوفر درايف والمشلكة كانت من الترس وسويتها على حساب الضمان في الوكالة