الفزعه ياللي عندهم خبره بالجموس سوبر بان

[albadrany]

بسم الله الرحمن الرحيم

يأخوان ابي مساعدتكم واللي مايعرف يحاول ينشد غيره المشكله تتلخص :
انا عندي سوبر بان م/98 مكينه 454 دبل الدبل قير ارضي المهم حصلت عندي مشكله حصلت تقريبا 5 مرات معي ولا لقينا اساس المشكله وهي عندما اكون ماشي في امان الله فجأه يطيح عداد السرعه ويبطل القير يغير وتولع لمبة Absوإذا طفيت الموتر وخليته 4ساعات اواكثر رجع طبيعي وجلس فتره طويله ماسواها ثاني مره _مايسوبها الا اذا كنت ماسك خط اما في الديره ماقد حصلت ومريت على كل الشركات الكبارالمتخصصه ولا لقيت حل لإني اجيهم والموتر طبيعي ولمبات الطبلون كلها تمام التمام ويقولون نحط فحص الكمبيوتر اقول مايخالف بس لاتقول مافيه شيء ترى ما أدفع لك ولا قرش وإذا لقيت المشكله ابا ادفع لك دبل ينسحب ويقول مادري وكلن يجيب من راسه صوت اللي يقول حساسات واللي يقول الطنجره واللي يقول الكمبيوتر كله يبي اعادة برمجه وانا حيران لإني راعي برو سفر مع عائلتي لإنه موتر العائله ومحافظ عليه موتر شايب
تكفون لاتخلون اخوكم الشايب
ابو حمد

[مساير الليل]

السلام عليكم


كان عندنا جمس 93 الي صار طال عمرك أنه معاااد صار يغير القير نمشي مايغير أبد

دخلناااه للورشه وطلع حساس عدااد السرع الأن القير مرتبط معه وصلحوا الحساس وضبط الموتر

يمكن المشكله الي عندك تصير مشاابه لها

[لن أمل من العطاء]

حياك الله اخوي

اعلم ان المشكلة اليكترونية او كهربائية

ودايم تكون في الحساسات

وهذا اكيد حساس على نهاية عمره مره يعطي قراءة صحيحة واخرى لا يعطي قراءة دقيقة

اذا انت بجده فالفني موجود وعالم وخبير

مشكلتك تقول انه ايضا تولع لمبة Abs هناك حساس يغفل عنه كثير من المهندسين ويوجد في نهاية جيربوكس الدبل ويختص للكفرات الخلفية ممكن يكون هو اللي مسبب المشكلة

اتمنى ان تحل مشكلتك عاجلا غير اجل

وان تكتب لنا ما يستجد معاك من ناحية الفحص ومن ناحية الحل

وانا سابحث عن مشكلتك وعن حلولها

وهذا ديدن كل اعضاء المنتدى


تحياتي لك


اخوك

لن أمل من العطاء

[albadrany]

اخواني مساير الليل,لن امل من العطاء

شكرا على المرور وبض اله وجيهكم أنا في الرياض واخوي كبير العطاء ليتك تعلمني وين مكانه بالضبط حتى اغيره تقصد القير التماتيك وإلا فيه قير ثاني

[adil33]

اخوي جرب الطريقه هذه يمكن تنفعك وان ما نفعتك ما راح تضرك
اخوي لف السويتش بس لا تشغل السياره خل كل اللمبات تشتغل وبعدين ادعس على دواسه البنزين ست او ثمان مرات للاخير بس تكون مقفل الباب ولا تترك باب مفتوح وبعدين طفي السويتش وشغل وجرب وعطنا خبر ايش يصير معاك
الله يعينك ويقويك

[بدوي جنوبي]

مثل ما قال العطاء

المشكله كهربائيه الكترونيه

اي قطعه ميكانيكيه ما لها علاقة بالمشكله

واللي قال طنجرة ما عنده سالفه

شف كهربائي مضبوط وان شاء تنحل مشكلتك بأقل الخسائر

تحياتي

[Magellan]

أتوقع من حساس مشبوك في القير يعطي السياراة القراءة الصحيحة للعداد
وإذا كان كذا فأتوقع تغييره مسألة سهلة

[Dead]

أخوي albadrany مشكلة سيارتك في دقمة السويتش خربانة واللي يصير انها تشكل معك وتفصل وانت تمشي بالسيارة ولا طفيتها فترة تبرد وتشتغل ... الحل هو تغيير دقة السويتش واسمه بالانقليزي Ignition Switch

http://info.rockauto.com/getimage/getimage.php?imagekey=192924&imageurl=http%3A//198.208.187.182/servlet/com.entigo.acdelcocatalog.servlet.ProcessImageServ let%3Flanguagecd%3DEN%26countrycd%3DUS%26user%3DIn ternetUser%26mfgname%3D%26prodlinecd%3D%26acpartnb r%3DD1487D

رقم القطعة لسيارتك

ACDelco Part # D1487D

وسعرها المفروض بحدود 100 ريال أو تزيد شيء بسيط ... طبعا قبل لا تبدلها افحص توصيلاتها ممكن فيها شي بسيط وممكن تصليحه بدال ما تغير سلندر السويش كامل .

بالتوفيق :)

[albadrany]

بسم الله الرحمن الرحيم

شكرا للجميع ومن الواضح انها فعلا مشكله الكترونيه كهربائيه وياليت تدلوني على كهربائي ذو خبره ممتازه غير الجابري لإنه دايم مزحوم ولا يعطيك وجه..
اخوي deadبيض الله وجهك وشكر اعلى اهتمامك وتوضيحك وهذا كرم منك بس ترى السياره ماتطفي ابدا عند حدوث المشكله بس القير مايبدل لإن حساس السرعه مربوط بالقير فإذا ماإشتغل عداد السرعه خلاص يصير القير دائما بالأول

[ذيب صعافيق]

عليك بطريقتين 1=عند حدوث المشكلة أفصل البطارية خمس دقائق ثم شغل -هذا لسرعة التشغيل وحتى لاتنقطعون 2=أو افصل حساس الكيلو من القير وجرب السيارة_ وهذه الطريقة اعملها وأنت بالبيت قبل السفر_ 000_وعلمنا عن النتيجة

[albadrany]

بسم اله الرحمن الرحيم

شكرا أخوي الذيب وجعلك من الموفقين بس الا ترى إنه اذا فصلت الحساس يتوقف عداد السرعه وبهذا يبطل القير يغير لإنه هو العقل المدبر للقيرلإنها كلها كمبيوتر

[salih100]

اخوي albadrany انا تقريبا صارتلي نفس المشكله وما لقيتلها حل لحد الحين طبعاً المشكله كهربائيه مثل ما قالو الاخوان 100% طبعاً انا انلعب علي ووظبت القير والحين والله اعلم ان الشغله بالكنبيوتر طبعاً خذ الحلول بالتدريج الاقل كلفه والاسهل. والطريقه الاسهل والي انا انشاءالله بسويها . تروح لتشليح الحاير وتطلب كنمبيوتر طبعا يكون نفس الرقم واذا ركبته تفتح السوتش 5 دقايق بعدين تفتح وتسكر ثلاث مرات ع شان يتبرمج الكميوتر ع السياره وتجرب وتشوف بيعطونك ضمان يوم الى يومين ويمكن اكثر انت باليومين هذي تمغطه وتشوف وانشاء الله تضبط
والثانيه: تشوف سلك بالضفيره والضاهر والله العالم انه يكون الفيش الي بالقير ينهمل ويرجع ولا الحساس والمشكله ان فيه حساس بس ماادري وين موقعه لكن تكفى لا تتسرع واذا ممكن نتراسل ع الخص ونشوف لنا حل ssshhsss0@hotmail.com

[albadrany]

بسم الله الرحمن الرحيم
شكرا اخوي صالح وما استغني عنكم جميعا وسوف ارسل لك اذا إستجد شيء

[Dead]

أخوي albadrany الله يحفظك أنا أدري إنه ما يطفي

من علامات خراب السويتش إن العداد فجأة ينزل أو يطفي والقير يعلق على نمرة وتولع لمبة الabs كأنك توك بتشغل السيارة وهذا بسبب انقطاع الاتصال بين الكمبيوتر والسويتش لجزء من الثانية ...

لفحص السويتش شغل السيارة وحاول تحرك السويش يمين ويسار وتسحبه شي بسيط والسيارة شغاله شوف تطفي معك السيارة أو لا وربي يوفقك وتلقى حل للمشكلة .

[راشد الحربي]

اشوفك ان راي اخوي صالح في محله . . افصل الحساس حق السرعة وشف المشكلة موجودة او لا ؟ إذا هي موجود فمعناته حساس السرعة ... وغيره ..

وإذا هي ماهي موجودة فمعناته حساس ثاني .. ومشكلة الحساس مع الحرارة والاشتغال الكثير والمستمر بالسفر يتأثر لكن لما تكون في الديرة مايسخن كثير ولا يتأثر فماتطلع عندك المشكلة ..!

تحياتي

[albadrany]

أخوي albadrany الله يحفظك أنا أدري إنه ما يطفي

من علامات خراب السويتش إن العداد فجأة ينزل أو يطفي والقير يعلق على نمرة وتولع لمبة الabs كأنك توك بتشغل السيارة وهذا بسبب انقطاع الاتصال بين الكمبيوتر والسويتش لجزء من الثانية ...

لفحص السويتش شغل السيارة وحاول تحرك السويش يمين ويسار وتسحبه شي بسيط والسيارة شغاله شوف تطفي معك السيارة أو لا وربي يوفقك وتلقى حل للمشكلة .


اخوي DEAD

شكرا لإهتمامك والله كلامك نبهني لشيء انا غافل عنه من مده وهو ان السلف عندي مايرجع ورا إذا بغيت اشغل الرادو والسياره طافيه(شايب يدور اخبار لندن الساعه حدش إلاثلث)تتوقع له علاقه بما ذكرت الله يفتح لك ابواب السعاده دنيا واخره وكل من قراءهذه السطور

[Dead]

اخوي DEAD

شكرا لإهتمامك والله كلامك نبهني لشيء انا غافل عنه من مده وهو ان السلف عندي مايرجع ورا إذا بغيت اشغل الرادو والسياره طافيه(شايب يدور اخبار لندن الساعه حدش إلاثلث)تتوقع له علاقه بما ذكرت الله يفتح لك ابواب السعاده دنيا واخره وكل من قراءهذه السطور


أخوي albadrany نعم طال عمرك له دخل بالموضوع ودامك تبي لندن غير السلف ... اما تنحل مشكلة الموتر ولا تنحل مشكلة لندن :D

[albadrany]

بسم الله الرحمن الرحيم

شكر جزيلا ذكرتني بقصة اللي بيعلم(.........) القراءه والكتابة خلال عشرين سنه مقابل الف الف دينار او القتل فلما لاموه الناس قال خلال العشرين سنه اما اموت ا نا اويموت الوالي او يموت(.....