التاهو واليوكن يصلح للزحمات والإستخدام اليومي ..؟

[M o b d a]

السلام عليكم ورحمة الله وبركاته ..

يا جماعه اليوكن والتاهو ..

وش رايكم بالموتر يصلح للإستخدام اليوم داخل الزحمه

يعني تحس انك تسوق سياراه كبيره يرتفع ضغطك

ولا عادي مريح وما تحس بشيء

ما ودي يصير بي زي اللندكروزر مع انه قير عادي زيد الطير بله

بإنتظاركم .. لاهنتم

[ريكان]

السلام عليكم موتري إللي استخدمه تاهو 2008 يومين اضربه الزحمه ومراجعات في الدواير الحكوميه ولا اشتكيت منه خفيف مع العلم إني كنت استخدم لاندكروزر قير تماتيك والصراحه فرق بينه وبين لاندكروزر

[بدوي جنوبي]

مافي مقارنة
بينه وبين اللاند ،، خفيف في الزحمات كأنك تسوق سيارة صغيرة
وسهل المناروات بين السيارات
ويحتاج الي موقف صغير مثل السيارات الصغيرة

وايضا زاوية الدوران عند اللالتفاف الكامل كبيرة مما يسهل قيادتة

واقتصادي داخل المدينه ،،

تحياتي

[M o b d a]

الله يجزاكم خير ..

ما قصرتوا

[عندك يابعدي]

أخي الكريم:بالنسبة لليوكن انا كان معي 2001 و2005 والآن 2007 واما بالنسبة ل2007 قيادته مثل الصغيرة ومديوره أفضل من الاند بكثير فلفت كفره أكبر فيديور بمكان ضيق والاند استعملته لكن اليوكن أفضل منه بكثير

[M o b d a]

يعطيك العافيه ما قصرتوا ..

والله يكتب لنا اللى فيه الخير ويرزقنا ويرزقكم ما تريدون

[space]

طيب يااخوان انا ناوي اخذ جمس سوبربان 2008 وعندي موقف طوله 5.10 م هل يكفي لدخول الجمس بالكامل ام لا . لاني فعلا ابي اعرف كم طوله ؟

تحياتي

[عش حياتك]

طيب مداخله
:)

ماتخبرون لي يوكن 2001

[Dead]

طيب يااخوان انا ناوي اخذ جمس سوبربان 2008 وعندي موقف طوله 5.10 م هل يكفي لدخول الجمس بالكامل ام لا . لاني فعلا ابي اعرف كم طوله ؟

تحياتي

أخوي space ما ظنتي إن الموقف يكفي لأن السوبر طوله 5.648 :)

[راشد الحربي]

طيب مداخله
:)

ماتخبرون لي يوكن 2001

بعد اذن اخوي صاحب الموضوع ..

عندي يوكن الفين و واحد سعودي دبل لونه ذهبي ومراتب مخمل بدون فتحه ... الموتر بديه على الشرط .. ماشي حول 240الف ... انا ثالث اسم فيه ..

وهذا جوالي 0509505030

[M o b d a]

أبدا خوذوا راحتكم كلنا اخوان ..

ما قصرتوا بيض الله وجيهكم ..

يالله ترزقنا التاهو يالله

[بدوي جنوبي]

طيب مداخله
:)

ماتخبرون لي يوكن 2001



المفروض تغتح موضوع مستقل في قسم بيع وشراء السيارات
وتبحث عن اللي تبي .




بعد اذن اخوي صاحب الموضوع ..

عندي يوكن الفين و واحد سعودي دبل لونه ذهبي ومراتب مخمل بدون فتحه ... الموتر بديه على الشرط .. ماشي حول 240الف ... انا ثالث اسم فيه ..

وهذا جوالي 0509505030


اخوي راشد بيكتب عضو آخر مثل ردك
ويصبح الموضوع بيع وشراء

لو تكرمتوا نحتاج تكون المواضيع مرتبه وتفيد القارئ

استخدموا الخاص للرسائل

تحياتي

[ساري 111]

من تجربه اليوكن اخف بمراحل كثيره من الأند لكن الجودة والمتانه لصالح الأند

[Magellan]

من تجربه اليوكن اخف بمراحل كثيره من الأند لكن الجودة والمتانه لصالح الأند

أوافقك أجل لو إنك مجرب الذيب 8100 وش تبي تقول:D

[اواكس707]

انا معي تاهو واحس فعلا بالفرق مريح وتعامله في الزحام كانه ماشاءالله عليه اكسنت

[khaledz]

السلام عليكم ورحمة الله وبركاته ..




يا جماعه اليوكن والتاهو ..


وش رايكم بالموتر يصلح للإستخدام اليوم داخل الزحمه

يعني تحس انك تسوق سياراه كبيره يرتفع ضغطك

ولا عادي مريح وما تحس بشيء
ما ودي يصير بي زي اللندكروزر مع انه قير عادي زيد الطير بله
بإنتظاركم .. لاهنتم









وعليك السلام ورحمة الله وبركاته:


أخي أسأل الله العلي أن يوفقك،.

بعد احترام كل من يملك يوكن أو تاهو.هذه وجهة نظري من تجربه.

أخي أنصحك أن تبتعد عن اليوكن أو التاهو وخاصه الدبل، ومن تجربه فإن اليوكن سيئ في الاستخدام اليومي.. وسيئ في الجودة.
أما دبل اليوكن فهو سريع الخراب..
كما احب أن أوضح لك أن اليوكن من 2000 إلى 2005 الدبل فيه مشكله واذا تعطل قير الدبل لازم تصلحه(قيمة 20 ألف بالوكاله) ولا يمكن الاستغناء عنه وذلك لأن قير الدبل حلقت وصل بين القير العادي والدفرنس، (أي أن العمود الآتي من الدفرنس متصل مباشرة بقير الدبل، وهذا يسبب خراب قير الدبل لأنه يعمل أثناء قيادة السيارة ولو لم تستخدم الدبل) أما الشكل الجديد لا أعلم عن دبله وبإمكانك التأكد من ذلك.

[بدوي جنوبي]

السلام عليكم ورحمة الله وبركاته ..





أما دبل اليوكن فهو سريع الخراب..

كما احب أن أوضح لك أن اليوكن من 2000 إلى 2005 الدبل فيه مشكله واذا تعطل قير الدبل لازم تصلحه(قيمة 20 ألف بالوكاله) ولا يمكن الاستغناء عنه وذلك لأن قير الدبل حلقت وصل بين القير العادي والدفرنس، (أي أن العمود الآتي من الدفرنس متصل مباشرة بقير الدبل، وهذا يسبب خراب قير الدبل لأنه يعمل أثناء قيادة السيارة ولو لم تستخدم الدبل) أما الشكل الجديد لا أعلم عن دبله وبإمكانك التأكد من ذلك.




استخدمت موديل 99 وموديل 2003
ولم الاحظ اي عطل في الدبل ،،

موديل 2003 سافرت عليه كثير وجربته في الطعوس وفي الجبال صعود ونزول
مع استخدام الدبل ،، والحمد لله ما حصل اي عطل
وحتي لو خرب الدبل قطع الغيار متوفرة واصلاحه اسهل من الياباني

ومافي حاجه لتغييرة

اعرف ناس كثير يستخدموا اليوكن والتاهو ابتداء من موديل 96 الي 2007
وبعضها دينالي ،، ولم يشتكي احد ،،

اخي الكريم بردك هذا ظلمت السيارة كثيرا مع ازدياد شعبيتها

واعرف ناس باعوا جيوب وشرو اليوكن والتاهو واحسوا بالفرق الكبير في القيادة
وخفتها في داخل المدن والطرق السريعه
وايضا في استهلاك البنزين والزيت ،، وتوفر قطع الغيار لاكثر من مصنع في امريكا وكندا
والمكسيك ،، والبرازيل والصين ،،

والاهم من ذلك سهولة في الصيانه وبأسعار معقولة

كل سيارات الدفع الرباعي حلقة الوصل بين القير والدفرنسات هو الدبل
============ يعمل الدبل اثناء القيداة حتي اذا لم يتم تشغيل الدبل

بودي اوضح بالصور لطريقة العمل لكن تحتاج الي وقت

ولتفادي حدوث مشاكل في الدبل وحساسته ،، هو الاستخدام الصحيح للدبل
والتشييك المستمر ،، وترك فتره 5 ثواني عند فتح سوتش التشغيل
لأعطاء كمبيوتر السيارة فرصة لفحص جميع الحساسات

تحياتي :good:

[M o b d a]

بارك الله فيكم ما قصرتوا ..

[سيف الظفير]

يا الغالي انا معي سابقاً 8100 موديل 2006

وحالياً سوبر فئه 2500 موديل 2006

والحمد لله اسوق سيارة رياضية ماهوب جمس

[مشرف مكشات]

انا بعد عندي واحد تاهواريح من الطفس ار ودبل شغال زي اللوز ماشاءاللة§م 2004