المساعد الشخصي الرقمي

مشاهدة النسخة كاملة : استفسار عن كامير الكمبيوتر الرقمية الله لا يهينكم ياخوان


شقران
13/03/2002, 10:29 PM
السلام عليكم ورحمة الله وبركاته..

استفسار موجه للجميع عن الكاميرا الرقمية اللي تشبك على الكمبيوتر كالماسح الضوئي هل لدى احدى اي فكره عنها وكيف تستخدم وسعرها ومكان تواجدها حبيت تفزعون لي الله لا يهينكم. اخوكم /شقران
smart
14/03/2002, 12:05 AM
نعم ابشر بسعدك
هذي الكميرات اسمها دجتل كميرا
احسن انواعها نيكون و لو ان جميعها تستخدم نفس السنسور

سعرها يعتمد على دقه الكميره
الدقه المقصوده هي عدد النقط في البوصه المربعه اما مليون بكسل في البوصه او مليونين بكسل او ثلاثه ملايين بكسل او خمسه مليون بكسل في البوصه طبعا
الفايده من البكسل انه كل ما كثر تتكبر الصوره بكل وضوح

الفلم عباره عن كرت ذاكره 32 62 128 256 ميجا
مثلا 128 باخذ 800 صوره عاديه او 20 صورة عاليه الوضوح


عيبها الوحيد انها تاكل البطاريه اكل لذا لابد من بطاريه يعاد شحنها

جميعها تشبك مع الكمبيوتر بواسطه usb

هذي المواصفات في جميع الكميرات و لكل وحده صفه خاصه

اعيد و اقول ان شده الوضوح او الدقه هو اهم شي و كل ما كبر صارت افضل

اسعارها متقاربه تقريبا من 3000 الى 4000 ريال امسك راسك


افضلها نيكون و شهاده للحق ان وكيلهم في الرياض ممتاز شريت وحده منهم و غيرتها ثلاث مرات بدون سبب

شف هذا الموديل خمسه مليون بكسل





http://www.nikonusa.com/images/products/25501_360.jpg
شقران
14/03/2002, 01:01 AM
بعد البي تسلم والله وتعبتك معي وتسلم ياغالي والله يعافيك ماش سعرها يلذع خلها تقعد لابوها لابو مصنعها اجل بربعة الاف مايستحون اغلى من الكمبيوتر........:confused: .....
عافك الله ياخلفهم واللي يبيني اشرح له ياشباب مستقبلا بالصور يايتحملني بدون صور بوردات الأجهزه والأرايل يايفزعلي بكمره تيمونت هههههههههههههههههه على الاقل والا كانون الثاني عشت يالغالي ياSMART:D
شقران
smart
14/03/2002, 01:03 PM
ترى السعر هذا لافضل الانواع اما الكميره اللى دقتها 1 او 2 مليون سعرها مناسب
1000 الى 2000 ريال
لعلمك الاسعار هذي خبري فيها من سته شهور
مر نيكون في شارع الوزير مركز الوزير او كانون في شارع العليا العام محلات القريشي و قارن بينهم
شقران
14/03/2002, 06:04 PM
بعد قلبي smart تسلملي ماعني والبوررررررررررارايد!!!!!!!!!!!!
انا متغاليها اذا وصلت خمسميه!!!!!!!!!!
ياحبي لك والله تسلم لي تعبتك اوي معي اشكرك جزيل الشكر والله يكثر من امثالك ياخلفهم.

واحد كاميره للراتب حق القرن الجاي يامطنطخين!!!!!!!!!!!:D :D :D :cool:
تحياتي للجميع/شقران
الخبير
16/03/2002, 07:50 AM
السلام عليكم
يا حبيبي يا شقران الكمره إلي تبيها ما تجي بالسعر ذا ، تجي غويليه شوي .
انا عندي كمره فديو سوني ديجيتال ممتازه تقدر إذا بغيت تصور بها صور فوتوغرافيه او تصوير فيديو ، و ايضاً يجي معها برنامج يخليك تقدر وانت تشوف تصوير الفيديو على جهازك انك تاخذ اللقطة إلي تبيها على طول . اسم الكمرة سوني ديجيتال 140 E تقريبها 560 سعرها 2100 ريال طبعاً
بالتوفيق
شقران
16/03/2002, 11:44 AM
مسيت بالخير يابعدهم وشاكر لك ردك وتوضيحك عافاك الله وجزاك خير بس ماتظن اني منحاش من ام 500 ريال البورررررررررررررارايد عشان اتنقع بالسوني ام الفين ياحبي لك المشكله السعرررررررررررررررررررررررررر نار وكنسلنا الفكره والا انشا الله نبي نقايض واحد يبي له جهاز فحصصصصصصصصصصصصصصصص ههههههههه واحد ضامنها :D :D :D
يابعدي تسلم وشكرا جداً اخوك شقران
عبدالله الدوسري
17/03/2002, 08:36 PM
أخوي شقران.....





ترى فيه كاميرات تمشي الحال وبحلو الثلاث مية....



لكن تصويرها لك عليه شوي مهوب اللي أنت تبي...


أما إذا كنت تبغى عشان شرح الأجهزة بالصور أتوقع أنها بتمشيك....


والكاميرات اللي قال عنها أخونا في الله الذكي سمارت:)...

هذي تنفع إذا بغيت تنزل صور للربيع للسيول صور نادرة ... في الكمبيوتر...


وإلا أنا غلطان ياخوي سمارت؟
شقران
17/03/2002, 09:24 PM
مسيت بالخير يابعدي اخوي عبد الله:
مشكله الأجهزة ياخلفهم بورداتها بيله مكبر عشان تشوف القطع الداخليه وصحيح مقصدي شرح بعض المواضيع المتعلقه سواء باصلاح او حتى التعرف على البوردات ومكوناتها او الأرايل ومقاساتها ومكوناتها الداخليه فلابد من كاميرا تكون دقتها زينه عشان عند تنزيل الشرح تكون الصور صافيه ولا يخبط واحد منا ويقلع دايود بدل دايو ولا فاريكتور بدل ثاني وانت اكيد مر عليك انت والأخوان جميعا حب استطلاع وفتحتوا واحد من الأجهزة الخربانه مثلا وشفتو كيف قطعه الداخليه صغيره فلذلك لابد ان الزوم يكون زين وصافي ياخلفهم.
على العموم مالنا الا نقايض بعد البي اللي عنده كاميرا طايحن عليها جدار وهذان احتري ولا الله يعينكم وتصبرون علي وعلى شرح البوردات بارقام القطع وماتيسرمن الصور...
تحياتي لكل من اهتم لتساؤلاتي وذلك يدل على اهتمامكم للموضوع بارك الله فيكم جميع .
شقران.
smart
17/03/2002, 10:49 PM
الاخ عبدالله الدوسري

كلامك صحيح
و لاكن زي ماقال شقران يمكن تصوير الاشياء الدقيقه لتكون واضحه
AL3GRB.M
03/04/2010, 10:47 PM
الله يعطيك العافيه على هاالموضوع