يا إخوان هل تنصحون باالهايلكس 4×4 ؟

[محب الغيم]

وهناك من يرمز لها بالدفرنسين ...

_________________________

يعني بالمختصر :

1 ) هل السيارة لينة داخل البلد .

2 ) الدبل هو هل قوي ، وعلى وجه التحديد ، هل ينفع في الجبال ..

3 ) السيارة تصلح للكرف والشيل والحط ، وخدمة الحلال ، وكيف هي مع القربعة ...



أرجو من لديه خبرة أن يفيدنا ولكم خالص الشكر .

[Abu Saad]

لا انصح باي سيارة دفع رباعي 4 سلندر سواء ددسن او هايلوكس او سوزو .
السبب تجربة شخصية ... عزم ميت ومطب .
بالعربي فلوس في غير محلها .
وبالتوفيق

[محب الغيم]

لا انصح باي سيارة دفع رباعي 4 سلندر سواء ددسن او هايلوكس او سوزو .
السبب تجربة شخصية ... عزم ميت ومطب .
بالعربي فلوس في غير محلها .
وبالتوفيق



حطمتنا ونا اخوك ...

يعني مثل مطب الشاص ... ؟!

والغريبة طايح فيها بن لادن في مشاريعه ؟!

أحترم رأيك كتجربة شخصية وننتظر المزيد من الآراء .

[المسافر]

انا مع راي اخوي ابو سعد
4 سلندر لا تصلح الا في حدود ضيقة
اقولها من تجربة معي هايلوكس دفرنسين مطب قوي وعزم عادي في البر
اتمنى نزول ددسن او هايلوكس 6 سلندر باشريها على طول باذن الله
لاكن ابو جميل والحمراني ما لهم نية يجيبون 6 سلندر

[brhoom373]

انا معي هايلكس 2003 والحمد لله ماشي معي يكفي الصندوق الخلفي حمل العفش وانساه وهو زي الشنطة

صحيح مهو زي 6 سلندر لكن يخارج عمره
فقط اشتكيت من دفرنسه الخلفي فقط خرب على مرتين

[Abu Saad]

حطمتنا ونا اخوك ...

يعني مثل مطب الشاص ... ؟!

والغريبة طايح فيها بن لادن في مشاريعه ؟!

أحترم رأيك كتجربة شخصية وننتظر المزيد من الآراء .



خصوصا اللي في المرتبة الخلفية هذي ممتازة جدا للتهضيم :)
وبخصوص ابن لادن ليس مقياس وليس محور الحديث نحن نتكلم عن سيارة بر وليس مشاريع ، يعني يهمنا شيئين تقريبا : العزم ، الراحة .
وهذي مفلسين منها ... العزم بارد جدا وماينفع في التغاريس والرمل ..
يصلح لكبار السن اللي مشاويرهم قريبه وراعين تحميل وتنزيل وسواقتهم اركد من الراكدة .
وبعدين وانا اخوك ترى مايعتد بسيارات الشركات اوبعض الدوائر.
مثال اللومينا ! اخس سيارة ومع ذالك مع الدوريات!
القضية صفقات وعروض ...
والسلام عليكم .

[محب الغيم]

انا مع راي اخوي ابو سعد
4 سلندر لا تصلح الا في حدود ضيقة
اقولها من تجربة معي هايلوكس دفرنسين مطب قوي وعزم عادي في البر
اتمنى نزول ددسن او هايلوكس 6 سلندر باشريها على طول باذن الله
لاكن ابو جميل والحمراني ما لهم نية يجيبون 6 سلندر

بارك الله فيك ...

وهل من بديل ...

أما 6 سلندر أظنه حلم

[محب الغيم]

انا معي هايلكس 2003 والحمد لله ماشي معي يكفي الصندوق الخلفي حمل العفش وانساه وهو زي الشنطة

صحيح مهو زي 6 سلندر لكن يخارج عمره
فقط اشتكيت من دفرنسه الخلفي فقط خرب على مرتين


طيب هل من بديل ؟

وما سبب خراب الدفرنس الخلفي ؟

بارك الله في الجميع .

[بن نويشر]

أخي محب الغيم ...

العيسائي طارح بكب دبل 6 سلندر 3500 سي سي وفيها مواصفات جداً ممتازه ، وعلى فكره الميسوبيشي جداً عملية ، والعمانيين في المناطق الجبلية كثير ما يستعلمونها وتأتي بالمرتبة الأولى يليها الهايلكس ..

ما يمنع مرهم وشاهدها عن قرب وتراها بنفس قيمة الهايلكس الفل .

وبالله التوفيق ،،،

[محب الغيم]

خصوصا اللي في المرتبة الخلفية هذي ممتازة جدا للتهضيم :)
وبخصوص ابن لادن ليس مقياس وليس محور الحديث نحن نتكلم عن سيارة بر وليس مشاريع ، يعني يهمنا شيئين تقريبا : العزم ، الراحة .
وهذي مفلسين منها ... العزم بارد جدا وماينفع في التغاريس والرمل ..
يصلح لكبار السن اللي مشاويرهم قريبه وراعين تحميل وتنزيل وسواقتهم اركد من الراكدة .
وبعدين وانا اخوك ترى مايعتد بسيارات الشركات اوبعض الدوائر.
مثال اللومينا ! اخس سيارة ومع ذالك مع الدوريات!
القضية صفقات وعروض ...
والسلام عليكم .



الله المستعان

أشكر لك إضافتك المهمة ..

تقبل مودتي أخي الفاضل

[محب الغيم]

أخي محب الغيم ...

العيسائي طارح بكب دبل 6 سلندر 3500 سي سي وفيها مواصفات جداً ممتازه ، وعلى فكره الميسوبيشي جداً عملية ، والعمانيين في المناطق الجبلية كثير ما يستعلمونها وتأتي بالمرتبة الأولى يليها الهايلكس ..

ما يمنع مرهم وشاهدها عن قرب وتراها بنفس قيمة الهايلكس الفل .

وبالله التوفيق ،،،


مشاركة مهمة أخي ..

لفت نظري لميشو ...

جزاك الله خيراً ...

[الدبل]

اخوي محب الغيم - السلام عليكم - الهايلوكس : اولا شيك في جيبك - ثانيا سياره ماتطلب واسعار قطعها معقوله مقارنه بغيرها - ثالثا سياره مكده على كيف كيفك تحمل وتتحمل وتجمل وجه راعيها ليا تجمل - رابعا سياره متماسكه لا قرقعه ولا غيره - لك عليها في المطب شوي والراكب اللي وراك مرتاح مطبه ما يتعبه ويكفيك الوسع - اما العزم 4 سلندر معروف وما يقارن بالسته لكن الخيل من خيالها وانا اخوك وما كل من مسك طاره صار سواق - عط الموتر حقه من العزم في الطلوع ولا في الرمل وابشر بعزك واسئل مجرب - انا معي غماره دبل 2008 لا وشاص طويل خمسه شناكير - لا من ممشى على الخط :good:- ولا من صرفية بنزين ولا من رساوه :good:- وفي الرمل لا تدخل راخي رجلك وخذ سياره :good:- ماغير عروق الصمان متندح فيها بس لا ترخي له - الخاتمه - خذ الهلي وادع لي - والسلام

[مربط القعاسي]

بسم الله الرحمن الرحيم

انا من الناس الى معاصر الهايلكس بشكل مستمرمن هايلكس 80 الى هاييلكس 2006 كلها دفرتس واحد

اما بالنسبه الى الدفرنسين كان معي هايلك 83 الى هايلكس 2007 غمارتين ج ل اكس

اذا تبي تحميل الاربعاء والخمس والجمعه بشكل اسبوعي احمل ولا شفت منها اي شي انا شاري من شهر 2 الى شهر 10 يومك هذا يعني لها 8 شهور ولا شفنا منها شي هذا بالنسبه للتحميل
اما بالنسبه للصرفيه البانزين 4 سلندر اكيد ماتصرف
اما بالنسبه للخط 160 وا 170 عاديه الى في حاله انه يكون فيه هواء مقابلك
والنسبه للنفود انا ادخلبها هواء 30 /35 عادي بس تبي زر شوي اما بانسبه 10/5 عادي تتندح حتى لو موب ممطور
اما بالنسبه لللحيفان والشعبان كذالك تتحمل والدليل شف الشركات شركه الامير وشركات الطرق وغيرة

اما بالنسبه للمطب معقول الى ممتاز للي قدام اما بالنسبه للوراء الله يعينه
والنسبه للمادة ماسك سعرة وخسارته قليله هذا اذا ماكسب لنه الجديد سمعنا نها وص الى 100000
وبالنسبه للسففريات انا سافرت عليه مرتين وكلها فوق الـ 1000 كيلو انا اشوف اها ممتازة صندوق وغمارة

هذا والله اعلم

[sameer_1798]

أخوي الشكل الجديد ماجربته ..... أما القديم من 2005 ونازل عزالله أنه أفضل من الجيوب في الضلعان( متقاربه مع الاند 70 بأنواعه إلا بالعرض والرؤية فلصالح الهايلكس ) مميزاتها :
الأرتفاع ممتاز( البدي عن الارض و الارتفاع الكلي )
السيارة ليست بالعريضة وهذا ممتاز
مجال الرؤية واضح وهذا ممتاز
التماسك والمتانة .
العيوب :
ماتصلح للعوائل لأرتفاعها ... فقط سيارة بر
عدم وجود دفلك ... وهذا يمكن تركيبه.
وأكبر دليل شوف الأفغانية بديارهم وش عندهم من سيارات وأحكم بنفسك .
لكن في الرمال تجد أن عزمها ضعيف تحتاج لتغير كفراتها بعريضه وانقاص الهواء .

[محب الغيم]

اخوي محب الغيم - السلام عليكم - الهايلوكس : اولا شيك في جيبك - ثانيا سياره ماتطلب واسعار قطعها معقوله مقارنه بغيرها - ثالثا سياره مكده على كيف كيفك تحمل وتتحمل وتجمل وجه راعيها ليا تجمل - رابعا سياره متماسكه لا قرقعه ولا غيره - لك عليها في المطب شوي والراكب اللي وراك مرتاح مطبه ما يتعبه ويكفيك الوسع - اما العزم 4 سلندر معروف وما يقارن بالسته لكن الخيل من خيالها وانا اخوك وما كل من مسك طاره صار سواق - عط الموتر حقه من العزم في الطلوع ولا في الرمل وابشر بعزك واسئل مجرب - انا معي غماره دبل 2008 لا وشاص طويل خمسه شناكير - لا من ممشى على الخط :good:- ولا من صرفية بنزين ولا من رساوه :good:- وفي الرمل لا تدخل راخي رجلك وخذ سياره :good:- ماغير عروق الصمان متندح فيها بس لا ترخي له - الخاتمه - خذ الهلي وادع لي - والسلام



أشكر لك مشاركتك القيمة أخي الفاضل ...

والحقيقة أنا لا أريده للطعوس ...

ما عندي إلا أودية ( بطحاء ) ومراقي جبال متوسطة ...

وأريدها كذلك للمدينة إن لزم الأمر .

[محب الغيم]

بسم الله الرحمن الرحيم

انا من الناس الى معاصر الهايلكس بشكل مستمرمن هايلكس 80 الى هاييلكس 2006 كلها دفرتس واحد

اما بالنسبه الى الدفرنسين كان معي هايلك 83 الى هايلكس 2007 غمارتين ج ل اكس

اذا تبي تحميل الاربعاء والخمس والجمعه بشكل اسبوعي احمل ولا شفت منها اي شي انا شاري من شهر 2 الى شهر 10 يومك هذا يعني لها 8 شهور ولا شفنا منها شي هذا بالنسبه للتحميل
اما بالنسبه للصرفيه البانزين 4 سلندر اكيد ماتصرف
اما بالنسبه للخط 160 وا 170 عاديه الى في حاله انه يكون فيه هواء مقابلك
والنسبه للنفود انا ادخلبها هواء 30 /35 عادي بس تبي زر شوي اما بانسبه 10/5 عادي تتندح حتى لو موب ممطور
اما بالنسبه لللحيفان والشعبان كذالك تتحمل والدليل شف الشركات شركه الامير وشركات الطرق وغيرة

اما بالنسبه للمطب معقول الى ممتاز للي قدام اما بالنسبه للوراء الله يعينه
والنسبه للمادة ماسك سعرة وخسارته قليله هذا اذا ماكسب لنه الجديد سمعنا نها وص الى 100000
وبالنسبه للسففريات انا سافرت عليه مرتين وكلها فوق الـ 1000 كيلو انا اشوف اها ممتازة صندوق وغمارة

هذا والله اعلم



ما قصرت أخي الحبيب

أعطيتنا فكرة أكثر

[مهوس صيد]

انا معي هايلكس 4*4 موديل 98 ما شفت منه شي حنى المطب حقه حلو لكن مشكلته يوم تبي تغير جلد او اي شي تحت السياره قدام يكلف وقت وشغل وتعب وفلوس انا غيرت الجلد حقت المقصات كلفتني حول 1000 ريال لكن من ناحية تحميل يشيل ولا يقول شي