ناوي جيب بس سعره هبال. يا الربع هل تتوقعون ترخص السيارات ؟

[الرسيفر]

يالريع أنا ناوي شاص جديد 2009 فل كامل بس بصراحة سعره هبال 128000 وأنا سألت كم واحد يقول اصبر عليه شوي ويرخص فهو بهالسعر وصل السقف وبداية الرجوع في الأيام القادمة
ويقولون أسعار السيارات مرتبطة بسعر البترول . وأنتم تشوفون سعر البترول مدحدر

هاه يا الربع وش رايكم نشري وإلا نصبر ؟

[aooa]

انا افضل انك تاخذ 2008 جديد سوف تجد سعره اقل بكثير

اما ان تنخفض اسعار السيارات اليابانيه فلا اعتقد الا نزول ترويجي للبيع فقط

[صلاح الدين]

السلام عليكم

2008 أنا واقفٍ عليه بالنسيم قبل 3 أسابيع بـ 118 ونش ودف لوك


المعرض بالنسيم جنوب الصقر مع صفة المعارض اللي تفتح على الحارة

وبالأمارية المعرض مليان شيصان و FJ كلهن بيج

ما أذكر اسم المعرض




وعسى الله يبارك لك مقدماً ويطمعك من خيرهـ ويكفيك شرهـ وجعله أردى ما تركب

[aziz2727]

والله وانا اخوك حسب حاجتك
ان كانك مستعجل فالله يعينك وتوكل على الله واشتر
والا ان كانك مامن عجله فالصبر زين وزي ما قال اخوي aooa خذلك 2008 تحصل الفرق بسيط والسعر بيفرق معك
والله يدبرنا وياك وكل مسلم على الخير

[صالح 707]

عليك بصلاة الإستخارة

[البواردي2009]

اخي الحبيب اولآ الله يهديك لما فيه مصلحتك دنيا ودين


ثانيآ: انت استشرت ويقول المثل ماخاب من استشار


ثالثآ والاهم ....... عليك بصــــــــــــــلاة الاستخاره


وفقك الله

[عريدان]

لا لا إتنضرو الناس تبي سيوله والبنوك ما تقصد والمعارض متكدس فيها 2008 أكيد النزول 10- 15% والله إني ناصح لكم مع العلم إني شاري بأسعار مرتفعه من 3 شهور.

[بـدر]

انصح وبقوة الصبر ثم الصبر

المشكلة الاقتصادية اللي عجت بالعالم لابد ان تؤثر على جميع السلع المصنعة وخاصة السيارات لان المواد المستخدمة سوف ترخص والطب العالمي سوف يقل

والمسأله واضحة عرض وطلب

وبيجيك كلامي بعد فترة

بس بتطول شوي ...

واللي يتابع اخبار الشركات العالمية راح يتبأ بالمستقبل التي ينتظرها ...

وهذي دروات اقتصادية ووصلنا رأس الهرم ولابد من النزول التدريجي لتظهر منتجات أخرى منافسة وتبدأ دورات اقتصادية جديدة


(( فلسفة طوووويلة والزبدة الله يستر ))

"أراء شخصية بحته لا يعتمد عليها كمرجع " << وش عنده :*)

[ا بو بندر]

من راى انك ماتستعجل والله يكتب لك الخير انشاء الله

[Magellan]

شفت هالشاص بـ128000 بكرة ينشب بحلوقهم ولايعرف يصرفونه
فيه تجار تورطوا بـ170 مليون ريال بقيمة حديد مخزن ،،
تبي حقين المعارض مايتورطون
إصبر بكرة تلقى هالشاص بـ90 الف ريال وهو سعره الحقيقي والعادل

[طواش]

اصبر نزل عندها الحين الشاص 106000 درهم واليوم سعر برميل برنت 68 $ أصبرلعل خير إن شاء الله

[صبي غلباء]

اللي نزل الحديد من 6000 ريال الي 2800 ريال وهو بورصه وحاله وسعر خرده وسعر بعد التصنيع
بكره الدور على الكل صار كل واحد يفكر الف مره قبل ما يشتري انا احتاجه او واقفه حياتي عليه او لا ؟؟؟؟؟؟؟؟؟؟
وبكذا بيصير فيه كساد عالمي وتسريح للموضفين زي شركه فولفو والبقيه تأتي
انا من رائيي انك تصبر الا اذا ما معك موتر ثاني وبتحط الفرق هذا بأيجار سياره
والاستخاره وانا اخوك فوق كل شي الله يوفقك

[غضنفر]

اصبر
وينزل سعره باذن الله
اليورو نازل من 1.5 الى 1.3


السلع كل ابوها
بتنخفض اسعارها


واذا انت عجل
خذ
سعودي
تراه نفس الخط
ولا هنا فرق

[قميري 999]

الله يعين انا قريت الآراء وكل واحد يعطينا راي ..........وانا ارشح صلاة الاستخارة..,

[قانون الجذب]

هاه يا الربع وش رايكم نشري وإلا نصبر ؟



والله لو بقولك انتظر أبكون جاملتك
لكن اذا بنصحك ابقولك توكل على
الله اذا انت جازم
لان من طلعت على هالدنيا والسيارات
ترتفع أسعارها ولا تنزل
واسأل عن أسعار قبل.. واحكم بنفسك
كد نزل سعر برميل البترول الى ادني سعر
ارخص من خيشه البصل
ومع ذالك ارتفعت السيارات وارتفع سعر برميل البترول
الى مستويات تاريخية ........
ومع ذالك استمرت أسعار السيارات
تزداد ما أبي اضرب لك أمثله لأنها كثيرة جدااا حولك
والله ياخوفي يجي ايام نتمنى هالا سعار مثل ماا نتمنى
أسعار زمان
ياما اجلنا شراء سيارات بسبب غلائها والنتيجة
شريناها بعدين بسعر اغلي
الله يوفقك اخوي
وييسر أمرك

[غضنفر]

غير صحيح
جيب الربع 2006 الخليجي
كان يباع فوق الــ 90
جا حول شهر توفر الموتر في المعارض صار اكثر من الكوامري
نزل سعره الى 85 الف
ثم عود يرتفع

[Cyber]

الصبر زين وانا اخوك
السيارات كل مالها وتنزل

[gsb]

أصبر وسوف ترى مع بداية 2009إن شاء الله السيارات بدأت تنخفض اسعارها.

وعليك بل الإستخارة في كل أمر قبل كل شيء

[قانون الجذب]

اخي الكريم


اذا كان هناك نزول فهو لهذا السبب








انا افضل انك تاخذ 2008 جديد سوف تجد سعره اقل بكثير ؟؟؟؟

اما ان تنخفض اسعار السيارات اليابانيه فلا اعتقد الا نزول ترويجي للبيع فقط




أما نزول مثل الحديد
وغيره من السلع فلا اعتقد
لان السيارات لم ترتفع أسعارها فجأة مثل الحديد
حتى تنزل وانما ارتفاع تدريجي وسوف يعقبه ارتفاع
وهذا ما نشاهده منذ ان خرجنا الى الدنيا
وهذا مجرد راي
قد يكون صحيح وقد يكون خطاء
والله يوفقك اخوي
واسف على الاطالة

[Magellan]

اخي الكريم


اذا كان هناك نزول فهو لهذا السبب







أما نزول مثل الحديد
وغيره من السلع فلا اعتقد
لان السيارات لم ترتفع أسعارها فجأة مثل الحديد
حتى تنزل وانما ارتفاع تدريجي وسوف يعقبه ارتفاع
وهذا ما نشاهده منذ ان خرجنا الى الدنيا
وهذا مجرد راي
قد يكون صحيح وقد يكون خطاء
والله يوفقك اخوي
واسف على الاطالة

سيتم قصف العملة اليابانية قريبا
بورصة طوكيو تسجل أدنى مستوياتها من مدة طويلة
ولو فاز الرئيس الأمريكي باراك أوبام المرشح الديمقراطي
فسترجع أسعار السيارات اليابانية لما عليها في عام 1998 بإذن الله
وسيرتفع الريال تبعاُ لإرتفاع الدولار
اليورو كان يسجل 6 ريال قبل 5 أشهر والآن 4.8 ريال ولازال للنزول بقية
العالم يواجه كساد عالمي وأسعار البترول في نزول وأسعار مستخلصات البترول كالبتروكيمويات في نزول وهذه مهمة لتصنيع السيارات كمادة الفينيل والبلاستيك

[الرسيفر]

أشكر جميع الأخوة على الردود وعلى حرصهم على مصلحة الغير

بس بعد شيل وحط الظاهر إن الصبر زين وبيض الله وجوهكم وعقبال ما يصير بمية ألف

بس تبون الصز والله كل ما شفته بالشارع أمشي وراه بلا وعي مع العلم إن معي 2005

والله يعطي ملاكه من خيره ويكفيهم شره آمين

[الدبل الثقيل]

ياخوي هل السعودي ونش ودفلك ب128 او الخليجي ؟

[العامر101]

يا الربع والله اني خايف يجي يوم ويكون الريال السعودي ما يسوى ولا شي

لان الريال السعودي مرطبط بشيئين مهمين وكيلاهما انهار

الشيئ الاول وهو الاهم با البترول والان مدحدر

الشيء الثاني مرتبط با امريكا وهي الان منهاره

الله يستر بس

لكن الصبر في كل شيء طيب

والشيء الثاني الاستخاره فما خاب من استخار

[الرسيفر]

أخوي الدبل الثقيل الموتر سعودي

[ابوحنين]

الستخاره الاستخاره في كل امر والله الموفق

[البرحه]

يا الربع والله اني خايف يجي يوم ويكون الريال السعودي ما يسوى ولا شي

لان الريال السعودي مرطبط بشيئين مهمين وكيلاهما انهار

الشيئ الاول وهو الاهم با البترول والان مدحدر

الشيء الثاني مرتبط با امريكا وهي الان منهاره

<<الدولار ومب امريكا

اضربوا حسابها