سؤال لأهل الخبره في الرمل

[طعس الخزامى]

السلام عليكم ...
وش الأفضل للتاهو في الرمل جنط 20 او 17 ؟ ولماذا؟

[Dead]

دام للرمل أكيد ال20 أفضل بس شرط تكون نقشة الكفر ماهي ناعمة

[بر الأمان]

اعتقد ال 17 افضل للرمل يمديك تنسم وتمشي والمسافه بين الجنط وظهر الكفر (الدعسه كبير نسبيآ )
اما جنط 20 اعتقد انها غير مريحه يعني صعب التنسيم لان المسافه بين الدسه والكفر صفيره
(وجه نظر )

كذلك اسعار الكفر جنط 20 اغلى بكثييييييييييييييييير من جنط 17

[ريان 0007]

السلام عليكم ورحمة الله وبركاته
اخوي طعس الخزامى
معلومه عامه متعارف عليها من زمان
بالنسبه للجنوط ( كلما صغر مقاس الجنط كلما كان اخف واقوى للسيار في البر )

وبالنسبه للكفرات( كلما كانت المسافه بين الجنط والسطح اللي تمشي عليه
اكبر كلما كانت السيارة اقل احساس بالمطبات لزيادة المسافة اللتي تمتص
فيها الصدمات اللي هي الكفر)

ارجو اني اكون وصلت للي انت تبغاه...........تحياتي

[بـدر]

مشكلة الجنط 20

صوت عيون القطط في الدماغ علشان المسافة بين الجنط والكفر

لاتوجد مكائن متوفرة لفك الكفر وخاصة في المناطق البعيدة والطرق السريعة

ميزته رسمي ومعطي السيارة شكل ثاني ... بس مهوب للبر

(( الأراء مبنية على مستخدمين ولست أنا ))

[ford]

دام للرمل أكيد ال20 أفضل بس شرط تكون نقشة الكفر ماهي ناعمة
اسمحلي اختلف معك بالنسبه للرمل احسن شي تكون نقشة الكفر ناعمه والدليل عندك كفرات البالون

[مسفر الاكلبي]

الحمد لله يارب جنط 20 ؟؟؟؟؟

صحيح وللناس فيما يعشقون مذاهب

انا لو اموت ما اركب جنط 20

ماينفع للبر ابد ومطبه قوي بالحيل يقولون ينفع في حالة لو بنشرت وانت مسرع

بس ما جربت

[ريكان]

السلام عليكم يا اخون بنسبه للجنط 20 في البر يكسر موترك ويلعب فيه بالرقلاه لان الكفر قريب من الجنط اما الجنط 17 اريح للموتر لانك لو نسمت الكفرات وخليت عيارها 20 او 25 راح تشوف الفرق وانا يا اخون مجرب

[طعس الخزامى]

الأخوان Dead و برالأمان و ريان0007 و بدر و ford و مسفر الأكلبي و ريكان ... بيض الله وجيهكم كفيتوا ووفيتوا وماقصرتم ...
يعني الأفضل في البر جنط 17

[الوحش79]

السلام عليكم
اخي الغالي

جنط 20 مايصلح وتراني مجرب داخل البلد وكثير خراب وتنسيم وبالموت تلاقي من يفكه لك وهو يتشيرط عليك لانك معتاز لفكه
غير كذا يخرب الادرعه بشكل اسرع والعضلات تترهل بسهوله وبالمطب تكون دقته قويه وسريع الكسر وايضا ياثر على الديكورات الداخليه للسياره والسبب ان الكفرات تكون مسافتها بين الارض والجنط صغيره عكس الجنوط ماتحت 18
بالنسبه للجنط 20 بالبر ماصلح ابد والاسباب كثيره ومنها ماتقدر تنسم على الكفرات بالمنطاق الرمليه والناعمه بالاخص واذا نسمت الهوا يكون هذا الجنط سريع التفسخ من حيث التوايروذلك لقلة المسافه بين الارض والجنط وهنا تتورط بالبر وكيف تنزل عفريته وحوسه ولوسه
وايضا هذا الجنط سريع التغريز وخاصتا بالمرتفعات
وسعرها غالي جدا وغير متوفره وان توفرت فالمتوفر بالسوق نوع وونلي(wanlly)اعتقد هكذا اسمه وهذا من اردى انواع الكفرات ومالها 3شهور الا وهي خاربه وتتنتف وغير كذا لها صوت من اول ماتركبها وضمانها خله بالزباله اعزكم الله

طبعا مميزات الجنط20
يعطي رونق رائع للموتر خاصتا اذا كانت الكفرات عريضه وذات نقشه رياضيه(علما ان النقشه الرياضيه لاي تاير كان تطلع صوت ونه بالسياره وتزداد بزدياد عمر التاير)
بالمشاوير الطويله ينفع بوقت البنشر ماتلعب السياره ويكون اكثر امان بس تتورط بنص الشارع بعد كذا مالك من يفكه او يستبدله
وايضا من ميزات كفرات الجنط20 يكون عمرها(قوة تحملها اكبر من الكفرات الصغيره)



هذا وبعد التجربه والله اعلم

طولت بالشرح عذرا للاطاله


خلكم في ماتحت 18تتوفقون بكل مكان


تحياتي لكم