حرارة السيارة بهذلتني وفي النهاية أعانني الله عليها بفضل منه وتغلبت عليها بطريقة ؟؟؟؟

[كبسولة2]

بسم الله الرحمن الرحيم

الشكر لله أولاً وأخيراً فقد هداني الله لحل مشكلة الحرارة

سيارتي جمس 94 سعودي جميح مقاس 2500

كانت الحرارة مع المكيف ترتفع فوق النص بسرعة 140 وفوق والمكيف مايبرد

وإذا هديت نزلت الحرارة تحت النص وبرد المكيف !!!!!

وإذا وقفت ربع ساعة والمكيف شغال أرتفعت فوق النص والمكيف مايبرد

وإذا مشيت نزلت تحت النص وبرد المكيف !!!!!!

وهكذا لي فترة وأنا محتار في هذه المشكلة

غيرت كلتش المروحة وغيرت طرمبة الماء وغيرت راديتر جديد

أربع رصات شلت بلف الحرارة حطيت ماء راديتر أصلي

كل الحلول جربتها مانفعت أبداً ؟؟؟؟؟

وديته لأكبر مهندسي السيارات في المكيانيكا والكهرباء ماعرفوا العلة

وأغلبهم يقول رأس المكينة يحتاج تغيير ولازم نفك المكينة

يبون يسرقون فلوس على الفاضي بس وإذا فكوا الراس

قالوا تحتاج توضيب نصااااااااااابين

أنتبهوا من نصبهم

لدرجة أني فكرت أبيع السيارة وأتخلص منها طفشتني بالحييييييييل

المهم جلست مع واحد من الشباب وعلمته السالفة

قال الحل عندي وأنا أبو هندي

بكرة العصر عندك شئ مشغول ولا فاضي قلت أبد ماعندي شئ

قال مرني بعد صلاة العصر بوديك لمحل عنده الحل قلت تم مريت الرجال

ركب معي ورحنا لواحد صاحب ورشة لديترات تنظيف وتركيب وتصييخ

عنده جهاز أخضر لغسيل الراديتر ومجاري الماء في المحرك

قال له الرجال هذا عنده مشكلة حرارة بالسيارة ويبي غسيل كامل

للراديتر والمحرك من الداخل قال أبشر وقف السيارة هنا لو سمحت

وجيب لي (علبة فلاش أمريكي ) أو (علبتين زيت فرامل )

أخترت زيت الفرامل وجبتها له قام وفك خرطوش الماء الطالع من المحرك

للراديتر وشبك فيه لي الجهاز وشبك لي ثاني في الراديتر

واحد يدخل الماء والثاني يخرجه وخلط زيت الفرامل مع جالون ماء

وحطها بالجهاز وشغله قام الماء يدور في الراديتر والمحرك ويخرج مرة

ثانية للجهاز وهكذا طلع يا أخوان شئ زي الرمادة أسود وأحمر من المحرك

وبعد كل غسله يصرف الماء ويحط ماء جديد وهكذا تقريباً 7 مرات حتى أصبح

الماء الخارج من الغسيل صافي لا يوجد به شوائب بعدها أفرغ الماء كامل

من الراديتر والمحرك ورجع الليات زي أول وعبيته ماء أخضر أصلي وزدت

عليه 4 علب ماء بطارية مقطر وأغلقنا الراديتر وأعطيته 80 ريال

والأن السيارة لها 5 أشهر يالله لك الحمد الحرارة ماتعدت الربع في أسوء

الأحوال مع المكيف سواء في الخط أو الوقفه

وقال لي هذه الحركة لازم تسويها كل سنتين أو ثلاث سنوات بالكثير

لأن الصدأ يتراكم على مجاري الماء في المحرك مثل جير الأسنان فيمنع الماء

من تبريد جدران المحرك من الداخل فتسخن السيارة

بعدها بأسبوع جبت له كدلك موديل 90 فيه نفس العلة وصار تمام

وجبنا له كرسيدا 95 نفس العلة وصارت تمام

وجبنا له كابرس 2000 نفس العله وصار تمام

هذا ما أحببت أن أوصله لكم قبل الخساير والتكاليف أبدأ بالرخيص قبل الغالي

ملاحظة / هذه الشغلة تكلف من 50 الى 80 ريال

وأي ورشة تنظيف رديترات يمكنها أن تعملها لك بشرط وجود جهاز التنظيف لديها

لونه أخضر صناعة أمريكية يشتغل على الكهرباء أو أي جهاز مماثل له

بالتوفيق للجميع

[وقيان]

بارك الله فيك على هالمعلومات...موضوع مفيد جدآ...

[abu hazim]

الاخ العزيز كبسولة2

السلام عليكم ورحمة الله وبركاته

اولا الحمد لله انك حليت المشلكة

واود ان اطرح لك مشكلتي عسى ان اجد حل

لدي فان شفيورلية موديل 2006 حرارته من تشغلة تثبت على النصف ولا عندي اي مشكلة سواء امشي 160ولا120 المشكلة عندي اني بمجرد اقف في زحمة تبدا الحرارة في الارتفاع مما يضطرني الى ترك مسافة للسماح لتيار الهواء بالمرور ورحت لراعي اديترات قال جيب بلف حرارة وموية اصلي ونغسل لك الاديتر نفكة برا ونظفة علما ان سيارتي وارد امريكا ولا غيرت فيها شي وبصراحة قلت خلني اغير البلف اول شي واشوف وغيرته وما تغير شي رغم اني وجدتة جديد ماتفرق بينه وبين اللي شريتة لا صداء ولا غيرة وانا ماودي افك الاديتر وش تشور علي وجزاك الله خير

[Magellan]

أخوي كبسولة2
الحقيقة إننا مقصرين كثير في ملاحظة مواترنا ولا نتحرك إلا وصلنا لمرحلة الخطر
لو كل واحد قعد شوي وحلل سبب إرتفاع الحرارة بينه وبين نفسه وراح وكتب بورقة وقلم
أنواع الحلول إبتداء بالسهل إلى الصعب لما وصل إلى الخساير على الفاضي
أنا أشوف إننا دائم نستعجل في التغيير لماذا لا أدري؟!!
يعني تغيير طرمبة وبلف ورديتر جميعها كانت بلا فايدة
والحل بسيط جدا
لكننا للأسف عند أول محل يقترح لنا حل على طول مصدقين ومجاوبين معه وعلى هالحال تستمر مسلسل الخسائر
أبارك لك نجاح الخطة وماشاء الله سفت موضوعك بمنتدى السيارات على طول
على فكرة تراي من الناس اللي أقدر الجمس 94 وكان له معي ذكريات جميلة والصراحة المكينة قوية وعملية جدا والله يبارك لك في الموتر

[كبسولة2]

بارك الله فيك على هالمعلومات...موضوع مفيد جدآ...

هلا وغلا بك وبالجميع وأتمنى الفائدة للجميع

[كبسولة2]

الاخ العزيز كبسولة2

السلام عليكم ورحمة الله وبركاته

اولا الحمد لله انك حليت المشلكة

واود ان اطرح لك مشكلتي عسى ان اجد حل

لدي فان شفيورلية موديل 2006 حرارته من تشغلة تثبت على النصف ولا عندي اي مشكلة سواء امشي 160ولا120 المشكلة عندي اني بمجرد اقف في زحمة تبدا الحرارة في الارتفاع مما يضطرني الى ترك مسافة للسماح لتيار الهواء بالمرور ورحت لراعي اديترات قال جيب بلف حرارة وموية اصلي ونغسل لك الاديتر نفكة برا ونظفة علما ان سيارتي وارد امريكا ولا غيرت فيها شي وبصراحة قلت خلني اغير البلف اول شي واشوف وغيرته وما تغير شي رغم اني وجدتة جديد ماتفرق بينه وبين اللي شريتة لا صداء ولا غيرة وانا ماودي افك الاديتر وش تشور علي وجزاك الله خير

هلا بك أخوي ابو عبدالعزيز

لا تستعجل وتغير شئ على طول أنت سوا هذه الطريقة أول شئ

وشف وش يطلع معك من نتيجة 4 سيارات سوينا لها نفس الطريقة

وتيسرت أمورها بفضل من الله أنت جرب وإن شاء الله تتيسر أمورك

وعطنا خبر لكي يستفيدون الشباب منك موفق خير أخوي

[كبسولة2]

أخوي كبسولة2
الحقيقة إننا مقصرين كثير في ملاحظة مواترنا ولا نتحرك إلا وصلنا لمرحلة الخطر
لو كل واحد قعد شوي وحلل سبب إرتفاع الحرارة بينه وبين نفسه وراح وكتب بورقة وقلم
أنواع الحلول إبتداء بالسهل إلى الصعب لما وصل إلى الخساير على الفاضي
أنا أشوف إننا دائم نستعجل في التغيير لماذا لا أدري؟!!
يعني تغيير طرمبة وبلف ورديتر جميعها كانت بلا فايدة
والحل بسيط جدا
لكننا للأسف عند أول محل يقترح لنا حل على طول مصدقين ومجاوبين معه وعلى هالحال تستمر مسلسل الخسائر
أبارك لك نجاح الخطة وماشاء الله سفت موضوعك بمنتدى السيارات على طول
على فكرة تراي من الناس اللي أقدر الجمس 94 وكان له معي ذكريات جميلة والصراحة المكينة قوية وعملية جدا والله يبارك لك في الموتر




جزاك الله خير أخوي ماجلان وعسى والدينك للجنة إن شاء الله

فعلاًَ هناك مشاكل حلها بسيييييييط جداً ما تتخيلها

الشكر لله ثم لك لتعطيرك الموضوع بردك

وعلى فكرة أنا (اكسل ) صاحب الموضوع بمنتدى السيارات

[Dead]

الله يجزاك خير أخوي كبسولة2 على الفائدة وبيض الله وجهك ... مشكلة أغلب الناس انهم ما يغيرون ماي الرديتر في وقته ولذلك تصير في ترسبات تسد مجاري الماء وتسبب الحرارة

[كرملا]

جزاك الله خير على كتابة الموضوع

[الربذي]

جزاك الله خير
فعلا انا مثلك قالو الراس لازم نمسحه وخربطه طبعا استعمال امريكي لها معي خمس سنوات بس من تالي اذا وصلت 140 بدات تترفع بعد مسافه طويله 40كم وكذا ويضا اذا وقفت فتره طويله ترتفع
طبعا جربت وفحصت تماتيك المروحه وطلع تمام
صارت المشكله من
الاديتر وايضا فيه سدد بالشكمان 0
والحمد لله الحين تمام 0000000000

[D I K T O O R]

يالحبيب يالليت تعلمنا ووين المحل فيهـ

وعطنا اسمه ووصفه

[ثورة الشك]

يالحبيب يالليت تعلمنا ووين المحل فيهـ

وعطنا اسمه ووصفه



نفس الطلب

وكم تاخذ من وقت عند صاحب الاديترات

[الوحش79]

تسلم يالغالي على افادتك بهل موضوع

وللعلم كان عندي تاهو2002 هلكني بهذي المشكله الى درجة ان ورشة تكييف قالو لي الكمبريسر ضعيف
علما اني بس ازيد الريس شويه يبرد المكيف بالظهر وتخف الحراره
وبالليل ميه ميه لا زيادة ريس ولا شي هذا اذا كنت بشارع مو مزدحم

جابت لي العله بهذي المشكله ولمن جاني شراي بعتها له ولم يتم اكتشاف العله
علما اني بعتها بعد اصرار الرجال والله يرزقه


يليت تجيني معلومات اكثر لتعم الفائده والابتعاد عن النصابين

[الوايلي...501]

الله يوفقك

[aooa]

بارك الله فيك اخوي على حب الخير للجميع وهذه ميزه اعضاء مكشات


ولي قصه مع مرسيدس شبح عذبني تعذيب غيرت كل شيء رديتر 500 مع انه 320 ومروحه وخراطيش وبلف حراره ولا كني سويت شيء ابد وفي النهاية قررت ابيعه واعلم المشتري الا انه حدث شيء غريب وهو ان الموتر وفي عز الصيف وكان اتجاه الموتر عكس الهواء وفي الزحمه والمكيف شغال والحراره على 40 والمشتري له خبره في المرسيدس قال غريبه حراره هذا الموتر المفروض فوق 80 واشوفه 40 ويمكن ما تصدقون وعلى الطريق في الفحص الحراره نازله وعند الميكانيكي في الفحص ما تحركت الحراره .

قلت يمكن نفس وراحه من الموتر لكن استفدت من هذه التجربه كثير

حيث مَن الله علي بالاقلاع عن السيارات الالمانيه والامريكيه ما حييت ولا اشتري الا الياباني تويوتا ولا نيسان

[أبو عرّام]

شكراً لك يا أخي وبارك الله فيك ..
ما أدري زيت الفرامل ما يؤثر على المحرك من الداخل؟

[ابو شهد جدة]

بس يا اخوان بلف الحرارة مهم للمكينة خصوصا اذا المكينة كانت الروس فيها المنيوم.
وبالنسبة للفلاش لازو يكون بمقدر لأنه يسبب تآكل في الزهر والالمنيوم..

[stranger]

الاخ العزيز كبسولة2

السلام عليكم ورحمة الله وبركاته

اولا الحمد لله انك حليت المشلكة

واود ان اطرح لك مشكلتي عسى ان اجد حل

لدي فان شفيورلية موديل 2006 حرارته من تشغلة تثبت على النصف ولا عندي اي مشكلة سواء امشي 160ولا120 المشكلة عندي اني بمجرد اقف في زحمة تبدا الحرارة في الارتفاع مما يضطرني الى ترك مسافة للسماح لتيار الهواء بالمرور ورحت لراعي اديترات قال جيب بلف حرارة وموية اصلي ونغسل لك الاديتر نفكة برا ونظفة علما ان سيارتي وارد امريكا ولا غيرت فيها شي وبصراحة قلت خلني اغير البلف اول شي واشوف وغيرته وما تغير شي رغم اني وجدتة جديد ماتفرق بينه وبين اللي شريتة لا صداء ولا غيرة وانا ماودي افك الاديتر وش تشور علي وجزاك الله خير


السلام عليكم

اعتقد والله اعلم ان مشكلتك في الدبتين الي تحت القزوز وهذي ما تجي الا في الاستخدام الامريكي وصارت عندي نفس المشكله ورحت عند حقين الشكامين وفرغ لي الدبتين والآن الحمد الله في زحمة او غيره ما عندي مشكله . وسيارتي فورد استعمال امريكي .. اتمنى اني افدتك.....

[أمين الود]

بيض الله وجهك ونفع بعلمك ورأيك وتجربتك . . . . . . . وياليت إللي له تجربة في مثل هذه المواقف والأمور اللي ما يكون حلها إلا بعد هذه الأشياء يفيد بها ويحصل له دعوة طيبة بها . . . . . . . . . . وبالتوفيق للجميع.

[fvhidl]

اين مكان الورشه وماهو اسمها وعوانها

[كبسولة2]

ياهلا وغلا بالجمييييييييييييييع

[stranger]

اين مكان الورشه وماهو اسمها وعوانها
صناعية الدايري

[القناص-sniper]

كبسوله 2 الله يعطيك العافيه بس فين الورشه ياغالي ؟؟؟

[كبسولة2]

الورشة في جدة

بس أي ورشة ممكن تسويلك هذا الشئ إذا كان عندهم الجهاز

لونه أخضر زي الغسالة مكتوب عليه التسليك الأالي

[علي الجوال]

يامال العافية اخوي كبسولة على هالموضوع واللي راح يخدم ناس كثيرة وجعلها في موازين اعمالك .

اخوي نصيحة الافضل تكون موية الاديتر حقة مرسيدس وكن فيها زيت تراها غالية بس ممتازة جداً .

[الكرنشاف]

موفقين باذن الله

[الظافر]

بيض الله وجهك و جزاك الله عنا كل خير

[abu hazim]

اخي العزيز stranger

اشكرك على اهتمامك

اخي العزيز هل تاثير الدبه عندما تكون السيارة واقفة وفي الزحمة ولا علي طول عندما لاتفرغ من الرصاص لانه عندما تكون السيارة تمشي لايوجد اي مشكلة .

علما اني مقتنع بما تقول لانه عندما تكون الدبه بها رصاص والسيارة واقفه في زحمه ترفع من حرارة المكينه وشكرا لمرورك مرة اخرى

[ابراهيم]

الله يعطيك العافيه على التنبيه بهالموضوع المهم

[كبسولة2]

يا مرحبا بالجميع أتمنى لكم الفائدة يا أخوان

[شروكي سبورت]

الله يعطيك العافية اخوي كبسولة2
بس بغيت اسألك المحل اللي نظفت في وين ( اي منطقة)؟؟؟؟؟؟؟؟؟؟؟؟؟؟؟؟؟؟؟

[ابوعقل]

والله ان موضوعك جا على الجرح

وان شاء الله نمر المحل

[كبسولة2]

حياكم الله والأجهزة حقت التنظيف كثيرة مثل هذه

http://alltechautomotive.com/transtechII.gif


http://aquiacarcarecenter.com/Images/CT2.jpg

http://alltechautomotive.com/coolant%20flush%20machine.jpg


http://www.envirolution.com/images/coolandmac420.gif

[كبسولة2]

مساكم الله بالخير جميعاً

[القاصي1]

مشكور اخوي

بصراحه بعض المشاكل تكون سهله لكن حرامية الصناعيه يسونها كبيره

لذلك جزاك الله خيرا على هذا التبيه .

[ابوفيصل9]

الله يعطيك العافيه على هذه المعلومات القيمه

[كبسولة2]

حياككم الله وهلا ومرحبا

[fvhidl]

صناعية الدايري










اعتذار عن الاتصال ولكن ماهو اسم الورشه وهل هي في الرياض ام في جده

[كبسولة2]

هلا بالجميييييييييييييع

[كبسولة2]

موفقييييييييين جميعاً

[غيث الحيا]

تجربة مميزة ونصيحة رائعة شكرا لك أخي الكريم

[بواردي الدلم]

على طاري المشاكل والنصب وقلة الخبره او الذمه إن صحت التسميه

مره معي متسوبيشي واشوف العكس يطلع على برى خطر يطيح الكفر واذا لفيت يمين وفرملت يرجع محله رحت للصناعيه وكل ورشة تقول يبي لك عكس وفكه يكلف كذا وكذا أخر شي رحت للمخرطه قال يبي لك تيله بس
رحت ادورها بالرياض والخرج وكل مكان قالو ماعندنا المهم رحت للمخرطه وقلت له صلح لي تيله شف لك حل لو ب200 قال ياخي روح لمحل المعدات الزراعيه اللي بالمحطه يمكن تلاقي عندهم
الزبده رحت ولقيت التيله بريالين وركبتها بخمسة ريال يعني قيمة الاصلاح كلفتني 7ريال فقط وفي ظرف 10 دقايق زان الموتر

[االديحاني]

خبير مكشاتي
لله درك

[راعي البحري]

الله يجزاك خير على هالمعلومات الهامة

[كبسولة2]

بعض الشغلات بسيطة جداً ولا تحتاج حوسة ودوسه

[كبسولة2]

يرفع للفائدة

[راعي الهدد 77]

بارك الله فيك

وجعلها في موازين اعمالك..

[غاوي رومانس]

مشكور كل الشكر اخوي

كبسولة2


على التذكير وبصراحه انا من النوع اللي ينظف الرديتر كل فترة مابين السنة وستة اشهر او السنتين

لاني شفت البلاوي اللي تطلع من الرديتر علشان كذا واضبت على التنظيف الخاص بالرديتر

بس انت ذكرت هذي النقطة لان في شباب كثيرين مايدرون عنها


لاهنت

[MNH]

اخوي ممكن تكرم وتعلمنا المعلومات التاليه


وش نقول لمحل تنظيف الرديترات لما نجيه نقول نبي تنظيف بالفلاش والا وش اسم الماده هذي علشان نقوله

هل لهذه الماده اي اضرار جانبيه

[المملوح]

ابي وصف المحل اخوي واي صناعية

[بر الوالدين]

يامال العافية اخوي كبسولة على هالموضوع واللي راح يخدم ناس كثيرة وجعلها في موازين اعمالك .

اخوي نصيحة الافضل تكون موية الاديتر حقة مرسيدس وكن فيها زيت تراها غالية بس ممتازة جداً .


أيضاً يستخدمونها أهل البي إم ( لونها على ما أعتقد أزرق وفيها لزوجه )

يذكرون إنها : إذا كانت المكينه منشعرهـ ممكن هالمويه تلحمها ، ولا أعلم عن صحة ذلك

[بر الوالدين]

بيض الله وجهك أخوي كاتب الموضوع ، وما قصرت و الله يجزاك خير الجزاء



اخوي ممكن تكرم وتعلمنا المعلومات التاليه


وش نقول لمحل تنظيف الرديترات لما نجيه نقول نبي تنظيف بالفلاش والا وش اسم الماده هذي علشان نقوله

هل لهذه الماده اي اضرار جانبيه


اللي أنا فهمته و إذا سهل الله و يسر جيت عند محل التنظيف

بجيب معي علبتين زيت فرامل و علبتين مويه أصلي وبقوله صب ( علبتين الزيت في علبة المويه )

ثم شف شغلك وهكذا حتى تنظف موية الرديتر

[ALSARAP]

يعطيك العافيه

[كاشت وحداني]

شكرا على المعلومات المفيده اخوي كبسوله
واحب اقولك شئ قد يغيب عن الكثير
بدال ما تغسل كل سنتين ات احسب 6 شهور الى 10 اشهر حسب استخدامك للموتر
وغير المويه اللي فيه البعض يستغرب وش هالشئ اللي مثل الرمل يطلع من الراديتر
هذا طال عمركم المواد اللي في المويه الاصليه حقت الراديتر بعد فتره ينتهي مفعولها وتترسب في رصات الراديتر
وبما انك مغسل الراديتر ونظيف حاليا بعد فتره غير المويه بمويه اصليه واضف اليها مويه مقطره او موية صحه ولك تحياتي

[كاشت وحداني]

اضافة معلومة
اذا السياره قديمه مره ترا الفلاش قد يسبب لها مشكله اخرى
وهي انه بياكل الصداء اللي حول الطبات ثم تقوم تهرب مويه
يجب ملاحظة هالشئ .
شاكر لكم

[sapoon]

سبب تراكم الصدا في الراديتر والمكينة من البداية عدم استخدام موية راديتر اصلي
وفي كثير من المحلات يبيعون موية خضراء بس صبغة يعني اي كلام
وفق الله الجميع

[mohd26]

على فكرة معظم البليزر 2007 عندهم مشكلة ان المكيف اذا وقف السيارة وهي شغاله
ما يبرد وهذا الشي نتيجة لانخفاض دوران المحرك
وتصليحه انه يرفع ريس المحرك شوي تقريبا الى 1 في عداد الار بي ام
وتنتهي المشكله

[ابراهيم2008]

جزاك الله خير على الموضوع المفيد

[كبسولة2]

لأتمنى لكم الفائدة من تجاربي

[شرابث]

ولا عليك أمر .. كبسولة2
موقع راعي الإديترات أو إحداثية الموقع
فضلا عطنا طريقة التنظيف بالتفصيل ومقدار زيت الفرامل بالنسبة للماء وكيفية التنظيف ، وهل بلف الحرارة لازم يفك ؟؟؟
إسمح لنا بنبي نكلف عليك .. الله يكتب أجرك

[بـلـيـهـان 1]

اشكرك اخي العزيز فعلا موضوع مهم جدا ً

[sari sami]

لك منى كل التقدير والتحية ، موضوع مهم جداً ..... بدل الخساير اللى ما لها لزوم . ياما ناس باعو سياراتهم بسبب الحرارة ،،،،

[بانثر2005]

أنا إذا مشيت بسرعة 120 ما ترتفع الحراره من بعد سرعة 130 تبدا الحراره تزود مع زياده السرعه بس الحراره ما تتعدا النص
علما أن الحراره الطبيعيه ربع أو فوق الربع بشي بسيط
يعني ألحين ما يحتاج أسيخ الأديتر بس أنظفه بزيت الفرامل وخلاص
أو أسيخ الأديتر وبعدها أنظفه بزيت الفرامل

يعطيك العافيه على هذه الفايده

[تناهيت]

كبسولة ..بارك اللة فيك ورحم اللة والديك على افادة اخوانك المكشاتية وهذه الطريقة انا اسويها قبل لا يطلع هالجهاز اللي تقصدة عن طريق قوة ضغط الماء من الدينمو افك الخرطوش اللي راجع للمكينة واشبك الماء القوي عبر فتحة الرديتر واعكس العملية ،،،،،،،حتى لو ما شفت حرارة لا بد من استخدامها لأنها تحافظ على الرديتر وخاصة السيارات القديمة اللي رديترها نحاس ......

[راعي المجهم]

مشكووووووووور أخوي

وهذه الطريقة أطبقها من زمااااااان وفعلاً تحافظ عللا حرارة السيارة وتفكك من المشاكل

[salih100]

أنا إذا مشيت بسرعة 120 ما ترتفع الحراره من بعد سرعة 130 تبدا الحراره تزود مع زياده السرعه بس الحراره ما تتعدا النص
علما أن الحراره الطبيعيه ربع أو فوق الربع بشي بسيط
يعني ألحين ما يحتاج أسيخ الأديتر بس أنظفه بزيت الفرامل وخلاص
أو أسيخ الأديتر وبعدها أنظفه بزيت الفرامل

يعطيك العافيه على هذه الفايده

بالنسبه اذا كان موترك باث 2005 فانا صارت معي نفس المشكله وخليتها فتره قلت ع شان يبين معي الخراب مع العلم اني مطلع الموتر ع يدي يعني اعرف اعلومه كلها ,,,,المهم طلع البلف الي تحت خرباااااان لان الباث يجي فيه بلفين وهذا كلام الوكاله لاني صلحته عندهم بالحساء وكلف مع قطع الغيار 400 ريال وتراه نفس المشكله اذا مسكت خط من الشرقيه الى الرياض ارتفعت لمى النص وكل ما تزيد سرعه ترتفع وبمجرد ترفع رجلك عن ابنص البانزين تطيح الحراره ع الربع . اتمنى اني افدتك والله يعين.,.,.,

[aflaj12]

مشكور على طرح الموضوع وتفاعل الجميع معه

[هواي البرr]

مشكور ويعطيك العافية ماتقصر

[ibrahim_20]

لوسمحتوو وين احصل جهاز تنظيف بالشرقيه

شكرا

[موسم الخير]

الله يجزاك خير اخوي الله يعطيك العافيه على الموضوع تقبل مرور ..

[saudi_saudi]

اخوي الله يجزاك كل الخير على المعلومات المفيده خصوصا ونحن على ابواب الصيف وعندي استفسار بسيط عندي جمس ديزل 2002الحراره على النص اذا المكيف شغال والسياره سواء واقفه او ماشيه حتى سرعة 100وبعد الميه يعني 120تطلع الى ثلاث ارباع واذا زودت السرعه تزود الحراره وممكن تقرب من الاخيرمع العلم ان السياره شبه جديده وماشيه 20الف ميل فقط وكل شي فيها جديد وراجعت موية الراديترمليانه وخايف اوديها لأحد يلعب فيها ويتفلسف .والسياره في الرياض

[taag1]

الورشة في جدة

بس أي ورشة ممكن تسويلك هذا الشئ إذا كان عندهم الجهاز

لونه أخضر زي الغسالة مكتوب عليه التسليك الأالي


ياليت اخوي كبسوله تشرحلنا بالصوره دخول لي التنظيف من وين وخروجه من وين ....؟؟؟

[FARIS4414]

المهم التشيك اول باول

[ولد العرينات]

حياكم الله يا اخوان

نصحية اخ بالنسبة لتسخين الموتر مع المكيف في الزحمات واثناء الوقوف

اولا:: تجنب فك البلف ((ابحث عن سبب الحرارة ولا تقم بالحل السهل ))

الثاني :: اذا ذكروا لك حقين الصناعية ان المشكلة من راس المكينه فاكتشاف الراس سهل

شغل السيارة وخلها تحمى ثم فك غطاء الرديتر وشف الماء اذا يقلب ومع فقعات هواء على ان الراس يحتاج

الى مسح او تغيير مع العلم ان المشي على السيارة يتسبب بعد مدة في عدم تبريد المكيف داخل المدينه

الثالث :: حسب كتيبات استخدام السيارة فانه ينصح بتغيير ماء الرديتر حق شد البلد بين 90 الف و110 الالاف

والماء الذي تاخذه من الوكيل تغيره بعد 50 الف هذا ما ورد في دليل الداتسون والفورد والجموس

هذا ما احببت اضافته والله يبعدنا اجمعين عن الصنااااااااااااااعية

[قناص المجمعة]

سؤال وإستفسار موجه للجميع و بالذات للأخوان :


* كــبــسولة 2


* salih100



لأن يبدولي عندهم خبرة ولا قصور فالباقين ..



المهم انا مشكلتي بسيطة أن شاء الله وهي /


معي باثفندر2004 ، حرارته ممتازة ولا تتعدى الربع لكن اذا مسكت خط ودخلت للديرة وهديت تبدأ ترتفع بعض الاحيان تتعدى النص !!


وأذا كنست للموتر تبدا تنزل ؟؟ :looney:


وش السالفة ؟؟


هل فيه طريقة اسويها تظبطلي الوضع ؟؟


أفيدوني الله يجزاكم خير .. :heart:

[بو علي العلوي]

وين الموقع بالظبط في جده لا هنت اخوي ..

[قناص المجمعة]

سؤال وإستفسار موجه للجميع و بالذات للأخوان :



* كــبــسولة 2


* salih100



لأن يبدولي عندهم خبرة ولا قصور فالباقين ..



المهم انا مشكلتي بسيطة أن شاء الله وهي /


معي باثفندر2004 ، حرارته ممتازة ولا تتعدى الربع لكن اذا مسكت خط ودخلت للديرة وهديت تبدأ ترتفع بعض الاحيان تتعدى النص !!


وأذا كنست للموتر تبدا تنزل ؟؟ :looney:


وش السالفة ؟؟


هل فيه طريقة اسويها تظبطلي الوضع ؟؟


أفيدوني الله يجزاكم خير .. :heart:







للـــرفع .. :)

[(ابو عبدالله)]

انا افضل سصيخ الاديتر من طريقة القسل اذا الحراره تجي بالسرعه
فمعناه ان الاديتر متسدد
وكلامي من تجارب عديده
وللجميع تحياتي

[فتى توو]

صباح الخير للمكاشيت حيا الله كلً بأسمة :
1- نرجو توضيح اين كبسولة 2 لم يفد اين موقع صاحب المحل راعي الاديترات .
2- انا انشا الله ماشي بكرة الى جدة ومعي فورد موديل 95 ابغا الافادة عن راعي المحل ان امكن يا مكاشيت لان الحرارة عندي نص ونص ابغا اروح انا والعائلة وانا مرتاح انشا الله .
3-وان كان غير ممكن ارجو لو بأ رسال لو رسالة عن طريق الاميل عن طريق الموقع او احد المشرفين يتكرم ويكون مشكورن في هاذهي الخدمة .{ والله يوفق الجميع لما يحب ويرضاة يا كريم يا رب }

[راعي المجهم]

ألف شكر لك

[فتى توو]

صباح الخير للمكاشيت حيا الله كلً بأسمة :
1- نرجو توضيح اين كبسولة 2 لم يفد اين موقع صاحب المحل راعي الاديترات .
2- انا انشا الله ماشي بكرة الى جدة ومعي فورد موديل 95 ابغا الافادة عن راعي المحل ان امكن يا مكاشيت لان الحرارة عندي نص ونص ابغا اروح انا والعائلة وانا مرتاح انشا الله .
3-وان كان غير ممكن ارجو لو بأ رسال لو رسالة عن طريق الاميل عن طريق الموقع او احد المشرفين يتكرم ويكون مشكورن في هاذهي الخدمة .{ والله يوفق الجميع لما يحب ويرضاة يا كريم يا رب }

ارجو ان يكون احد المشرفين متواجد في الموقع لرد على الموضوع اشكركم :mad: :mad: :mad: :mad: :mad: :mad: :mad: :mad: :mad: :j

[ابوالغروب]

جزاك الله خير على كتابة الموضوع

[ذيب النباوي]

لا شكلي من اليوم بودي سيارتي اخليه ينظف الرديتر من شريت سيارتي ماعمري غسلت الرديتر يبيله صراحة .

[برق مجد1]

ياشباب الله يعين على هالحر شي طبيعي ان المكيف مايبرد وانتم تشوفون الحراره كم واصله
بس يلزمنا التشييك على مواترنا
العن شي الوقوف في خريص وسيارتك متعطله

[صياد من بدري]

شكراًً جزيلاً.

[كبسولة2]

هلا بالجميع

[mohd26]

الحر ذبحنا والشيشان والبوسنه والهرسك معروضين للبيع باسعار مغرية
ليش دول مجلس التعاون الخليجي ما يشترون لنا دوله من الدول ذي ويريحونا من ذا الجو
حر مووووت

[همس الغدير]

وشكور اخوووووووووووي
والله مالك الا الدعاء من القلب وخصوصا انك فرجت على كثير من المسلمين والموسم اشتد حرررررررررررره

[(ابو عبدالله)]

تسلم يالغالي على افادتك بهل موضوع

وللعلم كان عندي تاهو2002 هلكني بهذي المشكله الى درجة ان ورشة تكييف قالو لي الكمبريسر ضعيف
علما اني بس ازيد الريس شويه يبرد المكيف بالظهر وتخف الحراره
وبالليل ميه ميه لا زيادة ريس ولا شي هذا اذا كنت بشارع مو مزدحم

جابت لي العله بهذي المشكله ولمن جاني شراي بعتها له ولم يتم اكتشاف العله
علما اني بعتها بعد اصرار الرجال والله يرزقه


يليت تجيني معلومات اكثر لتعم الفائده والابتعاد عن النصابين

اخوي اول شي سوه في سيارتك
انك تشيل الدبات الي بشكمان تحت ارجل السائق والراكب
يعني يسمونها دبة الحراره
وخاصه تجي مقفله بالاستعمال الامريكي بزياده
يعني يقصونها ويرمونها ويركبون توصيله ماصوره فقط
وانشالله تضبط معك

[محمد بن سعيد]

جزاك الله خير على المعلومات المفيدة والقيمة وبارك الله فيك وسقاك الله من حوض النبي محمد صلى الله عليه وسلم ووفقك الله دنيا وآخره

[كبسولة2]

هلا بالجميع

[ثورة الشك]

اخوي كبسوله اش بلاك ماترد على من يسال عن مكان المحل اللي سواء التنظيف

واذا ماتبغى تكتب اسم المحل على العام لكي لايعتبرمن قبل الاداره دعايه الى المحل ارسل اسم المحل على الخاص لمن يسئل عن المحل وانا اول واحد ارغب بمعرفه مكانه

ويبدولي انه من السنه الماضيه نزلت نفس الموضوع وطلبت اسم المحل منك على العام وعلى الخاص ولم تجب ولا اعلم ماهي الاسباب

اخي كبسوله ارجو ان تتعاون بخدمه اخوانك المكشاتيين ولك جزيل الشكر مقدما

[كبسولة2]

المحل أي محل يسويها لك بشرط يكون عنده جهاز الغسيل زي الغسالة

وياكثرهم في الصناعية

[عزوبي]

صاحبنا كبسوله
اذا ممكن تفيدنا بعنوان واسم المحل عشان اودي سيارتي عندهم ولك مني جزيل الشكر والتقدير

[قرناس2010]

أخي كبسوله2

فريت الصناعية محل محل بصراحة خوفوني من الشغله فيه واحد قال إحذر تسويها تعدم عليك السيارة وإذا تبي اعملها لك ما اتحمل أي مسؤولية .. خفت وقلت في نفسي أشتري رديتر ألمنيوم حق الوكالة بألف وستمائة ريال ولا أضحي بالمكينة ويمكن تكلف أقل شئ خمسة آلاف ريال لا وإذا انخرم السلندر من أضعف نقطة بسبب قوة مفعول زيت البريك أو الفلاش اللي يأكل البلاط أكل تخرب الشغلة كلها وبالله عليك بكم اسلندر الجيب تويوتا 97 .
السلامه زينه ودع مايريبك إلا مالايريبك

[علي الجوال]

اخوي كبسوله اش بلاك ماترد على من يسال عن مكان المحل اللي سواء التنظيف

واذا ماتبغى تكتب اسم المحل على العام لكي لايعتبرمن قبل الاداره دعايه الى المحل ارسل اسم المحل على الخاص لمن يسئل عن المحل وانا اول واحد ارغب بمعرفه مكانه

ويبدولي انه من السنه الماضيه نزلت نفس الموضوع وطلبت اسم المحل منك على العام وعلى الخاص ولم تجب ولا اعلم ماهي الاسباب

اخي كبسوله ارجو ان تتعاون بخدمه اخوانك المكشاتيين ولك جزيل الشكر مقدما



اثارية مو انا لوحدي اللي ارسلة على الخاص وطنشني !!!!

الظاهر اخوي كبسولة لاسواها ولاشي سامع بهالقصة وفتح هالموضوع !!!

[برق السما]

كبسولة مع احترامي الشديد لشخصك ..
ياانك ترد على خلق الله اللي استفزعوا بك ولا لاترد خير شر , يخوك سو نفسك ماشفت الردود ولا تقعد ترز خشتك وش نبي حنا بهلا بالجميع !!

بعدين إذا كان على قولك كل محلات الصناعية , كم واحد فر هناك وياما ماحصل أو حذروه منها


أخي كبسوله2

فريت الصناعية محل محل بصراحة خوفوني من الشغله فيه واحد قال إحذر تسويها تعدم عليك السيارة وإذا تبي اعملها لك ما اتحمل أي مسؤولية .. خفت وقلت في نفسي أشتري رديتر ألمنيوم حق الوكالة بألف وستمائة ريال ولا أضحي بالمكينة ويمكن تكلف أقل شئ خمسة آلاف ريال لا وإذا انخرم السلندر من أضعف نقطة بسبب قوة مفعول زيت البريك أو الفلاش اللي يأكل البلاط أكل تخرب الشغلة كلها وبالله عليك بكم اسلندر الجيب تويوتا 97 .
السلامه زينه ودع مايريبك إلا مالايريبك

وهذا واحد من الشعب ..

اترك عنك الاثارة , وعطنا العلم

[ابو نعمه]

يا جماعة الخير

الطريقه قديمه جدا كنا نسويها قبل اكثر من عشرين سنه ايام البيوك

و كنا نسويها عند البيت ننزل المويه الي في الرديتر و نعبي الرديتر شوي و نصب الفلاش

و نشغل السياره و بعدين نطفيها و نفك الرديتر و ننزل المويه

و بعدها ينظف الرديتر بس فيه احتمال حدوث مشاكل لا سمح الله و مو مضمونه الطريقه 100% ان السياره ما يجيها شي

=======================

بعدين هذي عوايد المهندس كبسوله2

يا يرد عليك بنص رد

او انه ما يرد عليك

يعني ما تستفيدون شي

لان اغلبها نقل و نسخ و لصق مع تعديل بعض الكلمات

[الجامح الطامح]

مشكور ياخوي على الطرح الجيد والمفيد للجميع
عموماً أنا أطلب من صاحب الموضوع أن يدلنا على مكان المحل ويعطينا الوصف
ولالالالاهنت وييطيك أأأأألف عافيه,,,,,,,,,

[خيال الغلبا]

فرحت ثم احبطت .. ثم قلت مقيط ورشاه

[كبسولة2]

المحل في صناعية القديمة جهت المطار في جدة خلف المقاهي والشيش

ناسي أسمه لكن أي محل عنده الجهاز الي يشبه الغسالة يسويها لكم

والي يقرا الموضوع كامل يجد ردي هذا

[عشانا]

المحل في صناعية القديمة جهت المطار في جدة خلف المقاهي والشيش

ناسي أسمه لكن أي محل عنده الجهاز الي يشبه الغسالة يسويها لكم

والي يقرا الموضوع كامل يجد ردي هذا

غريبة محل صلحت عنده خمس سيارات ولا تدري ما اسمه

[kkhaled]

السلام عليكم ورحمة الله وبركاته
يا جماعه اخونا كبسه 2 يمكن انه ناسي اسم المحل صحيح
ولا ننسى ان الموضوع مكتوب له اكثر من تسعة اشهر تقريبن وشفيكم زعلانين على الرجال
شف متى كتب الموضوع
http://www.mekshat.com/vb/images/statusicon/post_old.gif 23/10/2008, 01:17 AM
http://www.mekshat.com/vb/images/avatars/ksa.gif (http://www.mekshat.com/vb/member.php?u=41037)كبسولة2 (http://www.mekshat.com/vb/member.php?u=41037) http://www.mekshat.com/vb/images/statusicon/user_online.gif
مكشاتي نشيط
تاريخ التسجيل: Dec 2006
المشاركات: 965
http://www.mekshat.com/vb/images/reputation/reputation_pos.gif


http://www.mekshat.com/vb/images/icons/icon14.gif حرارة السيارة بهذلتني وفي النهاية أعانني الله عليها بفضل منه وتغلبت عليها بطريقة ؟؟؟؟



تحياتي للجميع

[معكم]

ابشركم لقيت محل ببريدةيسوي هالشغلة اللي يبي عالخاص

[معكم]

عفوا ترى ما أقدر ارد على الرسائل الخاصة لأن الادارة مانعيني الا بعد 50 مشاركة مين يتوسط لي

[معلا]

لقد جرب احد زملائي هذه الطريقة عند احد محلات تنظيف الريديترات بخضرية الدمام بحذافيرها و لم يتغير شئ ... هل تنصح بمحل معين يقوم بهذه الطريقة؟ ارجو وضع اسم المحل و مكانه.

[معلا]

ليتم الاطلاع على الرد

[ابويارا1001]

يا جماعة الخير


انا صراحة خفت من هالشغله لأن فيه بعضكم يوم راح يبي يسويها تم تحذيره من قبل اصحاب الورش وانهم ما يتحملون المسؤلية


انا من فتره طويله يمكن 15 سنه كان عندي سبرنت كانكم تذكرونها


كان الرديتر مصدي والماء والسلندر كذلك رحت لهندي راعي رديترات


فتح الديتر وحط فيه ربع علبة صابون تايد وقال تعال بكره


انا قلت بيقول لي بكره جيب معك مريتو عشان الكوي:D


رحت واستخدمت الموتر وجيته ثاني يوم فك الخرطوش وطلع كل الماء الوسخ


احمرررررررررررررر


وعبيت ما رديتر وما حلو ودقيت سلف ولا اروع



مدري هل الهندي يستهبل علي او صدق السالفه ان التايد ينظف


بس موتري ما كان يعاني من حرارة بس انا حبيت انظف المجاري قبل تنسد.




ووراكم على الرجال راعي الموضوع يمكن انه مشغول او عنده اختبارات



يعطيك العافيه اخ كبسوله على هالموضوع بس رد على الشباب لا تشكٌل لهم

[عاشق ابو نايف]

الله يجزاك خير والله المشكله اعاني منها مع كابريس 95 غيرت دينمو مروحه رديتر جديد
حساس حراره ومافي امل الحراره ترتفع بمكيف او بدون وغيرت الماصوره الي تطلع من المكينه ولها لي
مشبوك مع الرديتر شكلي بروح انظفه

[مهراس]

ما في شك ياأخوان ان تنظيف الرديتر من الأمور المهمه والواجب عملها كل سنتين اذا ما هو أقل، ولكن طريقة زيت الفرامل والفلاش لم نعهد بها والكل له تجربه مع الرديترات وأصحاب المحلات، وأهل التجارب غيرنا كثير ولا اقول ان تجربة الأخ كبسوله2 غير صحيحه ولكن يتوجب عليه الرد على الأخوان لزيادة التأكيد وتطمين الغير ولن يخسر هو أي شىء اذا تجاوب مع الردود، فمن يقرأ كتب الصيانه أو دليل المالك لا يجد شيئا من ذلك،
وطرق تنظيف الرديتر ثلاثه
1- تفريغ المحرك من الماء وتعبئتئه بالماء العادي إلى أن يزول الوسخ والترسبات.
2- إضافة بعض المنظفات الكيميائيه الموصى بها في دليل المالك.
3- التنظيف العكسي للمحرك والرديتر باستعمال الماء وضغط الهواء.

اشكر الأخ كبسوله2 على هذا الطرح المفيد إن شاء الله وننتظر منه الرد والمشاركه في ما يفيد الجميع وفي حفظ المولى

[القلب المحروم]

هل يوجد بالرياض نفس الجهاز
واين ؟؟؟؟؟؟؟؟؟؟؟؟؟؟؟؟؟

[ابو شهد جدة]

نفس الموضوع موجود على الرابط التالي

http://mekshat.com/vb/showthread.php?t=209521 (http://mekshat.com/vb/showthread.php?t=209521)

والكاتب الاخ/ قناص المدافع

:rolleyes:

[ابويارا1001]

يا جماعة الخير الجهاز هذا موجود في اغلب محلات الرديترات

وفكرته انه خزان ماء عليه قزازه ومضخه وخرطوشين واحد داخل وواحد طالع

يشبكهم مع دورة الماء بالسيارة بين المكينة والرديتر عن طريق الخراطيش بعد ما يشيل بلف الحرارة(ثرموستات)

يشغل الطرمبه يدور الماء يدخل ماء نظيف من الخزان ويطلع الوسخ من المكينه والرديتر

وبعدين يفرغ الخزان ويعبيه من جديد ويكرر العمليه الى ان يطلع ماء زي اللي يدخل نظيف

طبعا الاختلاف اللي انا اشوفه صاير بالموضوع هنا هي مادة النتظيف هل هي زيت بريك او فلاش ويوجد غيرها كثير تايد او اسيد او مواد خاصه عند محلات قطع الغيار


ودمتم بود

[ابو سعد التميمي]

التايد مافيه مشكلة لكن زيت الفرامل اتوقع انه يضر

[إلياس المطلق]

زيت فرامل - ممكن يسبب مشاكل للمحرك على المدى الطويل -أليس كذالك ,,,
وشكرا إلكم ,,

[إلياس المطلق]

وإذا انخرم السلندر من أضعف نقطة بسبب قوة مفعول زيت البريك أو الفلاش اللي يأكل البلاط أكل -
السلامه زينه ودع مايريبك إلا مالايريبك


:good2: :good2: :good2: :good2: :good2: :good2:

[إلياس المطلق]

اضافة معلومة
اذا السياره قديمه مره ترا الفلاش قد يسبب لها مشكله اخرى
وهي انه بياكل الصداء اللي حول الطبات ثم تقوم تهرب مويه
يجب ملاحظة هالشئ .
شاكر لكم

:good2: :good2: :good2: :good2: :good2: :good2:

[حرنابك]

انا عندي الحل الوحيد وانا مجربة ولا ارتفعت الحرارة ابد

[حرنابك]

ببساطة فلتر هواء المكيف خلف درج السيارة يحتاج إلى تنظيف سنوي ..

ماذا يحدث إذا ترك بدون تنظيف ؟؟؟
الجواب بسيط :
1 ـ يضعف دفع الهواء
2 ـ تضطر تزيد سرعة دفع الهواء على 2 ثم 3 ثم 4 ...... لأن خروج الهواء ضعيف .
3 ـ يزيد وقت إشتغال الكبروسر ولا يفصل كل ما زودت سرعة دفع المروحة
4 ـ يزيد الحمل على المكينة بسبب عمل الكمبروسر المستمر
5 ـ تزيد حرارة السيارة
6 ـ مروحة التبريد ( في صدر المكينة ) تستمر بالعمل ولا تفصل بسبب إرتفاع الحرارة
7 ـ أيضا مع عمل مروحة الصدر يزيد الحمل على المكينة ( كمبروسر + مروحة صدر )
8 ـ يزيد صرف البنزين وتزيد حرارة السيارة خصوصا أثاء الوقوف .



إذا حرصت على تنظيف الفلتر لن يحدث ما ذكرت آنفا
وفربنزين ونزل الحرارة وخذ تبريد ثلج وعلى أقل درجة دفع للمروحة


أسأل مجرب ولا تسأل طبيب ،،،

[فتى الوادي]

أنا أقول أن حرارة السيارة الأيام هذه طبيعي جدا ...
خاصة للسيارة اللي ما ترتفع حرارتها في الليل أو في فصل الشتاء ..
يعني الحرارة ترتفع فقط في النهار الصيف وهذا شيء طبيعي نظرا لحرارة الشمس عندنا ... حتى السيارة وهي واقفة في الشمس ألمس البودي وشوف الحرارة .

[ألأطلسي]

والله يااخوان الجموس هذي مشكله حساست وخرابيط ومشاكل ماتقضي

[كبسولة2]

ببساطة فلتر هواء المكيف خلف درج السيارة يحتاج إلى تنظيف سنوي ..

ماذا يحدث إذا ترك بدون تنظيف ؟؟؟
الجواب بسيط :
1 ـ يضعف دفع الهواء
2 ـ تضطر تزيد سرعة دفع الهواء على 2 ثم 3 ثم 4 ...... لأن خروج الهواء ضعيف .
3 ـ يزيد وقت إشتغال الكبروسر ولا يفصل كل ما زودت سرعة دفع المروحة
4 ـ يزيد الحمل على المكينة بسبب عمل الكمبروسر المستمر
5 ـ تزيد حرارة السيارة
6 ـ مروحة التبريد ( في صدر المكينة ) تستمر بالعمل ولا تفصل بسبب إرتفاع الحرارة
7 ـ أيضا مع عمل مروحة الصدر يزيد الحمل على المكينة ( كمبروسر + مروحة صدر )
8 ـ يزيد صرف البنزين وتزيد حرارة السيارة خصوصا أثاء الوقوف .



إذا حرصت على تنظيف الفلتر لن يحدث ما ذكرت آنفا
وفربنزين ونزل الحرارة وخذ تبريد ثلج وعلى أقل درجة دفع للمروحة


أسأل مجرب ولا تسأل طبيب ،،،



كلام سليم 100 % يعطيك العافية

[شرابث]

ببساطة فلتر هواء المكيف خلف درج السيارة يحتاج إلى تنظيف سنوي ..

ماذا يحدث إذا ترك بدون تنظيف ؟؟؟
الجواب بسيط :
1 ـ يضعف دفع الهواء
2 ـ تضطر تزيد سرعة دفع الهواء على 2 ثم 3 ثم 4 ...... لأن خروج الهواء ضعيف .
3 ـ يزيد وقت إشتغال الكبروسر ولا يفصل كل ما زودت سرعة دفع المروحة
4 ـ يزيد الحمل على المكينة بسبب عمل الكمبروسر المستمر
5 ـ تزيد حرارة السيارة
6 ـ مروحة التبريد ( في صدر المكينة ) تستمر بالعمل ولا تفصل بسبب إرتفاع الحرارة
7 ـ أيضا مع عمل مروحة الصدر يزيد الحمل على المكينة ( كمبروسر + مروحة صدر )
8 ـ يزيد صرف البنزين وتزيد حرارة السيارة خصوصا أثاء الوقوف .




إذا حرصت على تنظيف الفلتر لن يحدث ما ذكرت آنفا
وفربنزين ونزل الحرارة وخذ تبريد ثلج وعلى أقل درجة دفع للمروحة



أسأل مجرب ولا تسأل طبيب ،،،



أخ حرانبك سلام عليكم
أرجو تحري الدقة :cool: :cool: :cool:
وكتابة منقووووووووووول على مواضيعك المنقولة:no2: :no2: :no2:
تحياتي للجميع

[ابو البر]

الحقيقة إننا مقصرين كثير في ملاحظة مواترنا ولا نتحرك إلا وصلنا لمرحلة الخطر
لو كل واحد قعد شوي وحلل سبب إرتفاع الحرارة بينه وبين نفسه وراح وكتب بورقة وقلم
أنواع الحلول إبتداء بالسهل إلى الصعب لما وصل إلى الخساير على الفاضي
أنا أشوف إننا دائم نستعجل في التغيير لماذا لا أدري؟!!
يعني تغيير طرمبة وبلف ورديتر جميعها كانت بلا فايدة
والحل بسيط جدا
لكننا للأسف عند أول محل يقترح لنا حل على طول مصدقين ومجاوبين معه وعلى هالحال تستمر مسلسل الخسائر
أبارك لك نجاح الخطة وماشاء الله شفت موضوعك بمنتدى السيارات على طول
على فكرة تراي من الناس اللي أقدر الجمس 94 وكان له معي ذكريات جميلة والصراحة المكينة قوية وعملية جدا والله يبارك لك في الموتر


تم نقل ردي من كلام العضو ماجلان .
كلام ينشرى بذهب يا أخ ماجلان .ورغم اننا شعب ذكي بس نستسلم بسهوله .....وليش ...لآن ما عندنا وقت لنقطة زيت تجي على النعله ( وانتو بكرامه ) .......ما عندنا وقت نفكر شوي .....ب الميكانيكي هاذا اللي يتكلم معي ......وش خبرته ......وتصدق يا اخ ماجلان ...انا نصدق كل من قال ميكانيكي ....وتدري يا بعدي ليش نصدق بسرعه ....لآنه واقف على باب ورشه ولابس هدوم مشحمه ووصخه .......على طول (قلنا وصدقنا ) ميكانيكي.

[عاشق الخرازة.]

الله لايهينكم يالغالين
موتري جآب لي رفعت الظغط
ياليت أهل الريآض يعلمونا ورشه تملك هالجهآز!
تكفون يالربع

[أخضر الشيح]

بالنسبة للإخوة في الرياض
سبق لي رؤية هذا الجهاز في إحدى الورش في صناعية النسيم
وتحديدًا على خط الخدمة في طريق سعد بن عبد الرحمن الأول قبل الشارع الذي عليه محلات قطع الغيار

[1ملسون]

السلام عليكم يالغالي

معليش ممكن تفصل اكثر حبه حبه
لاني بروح اسويها عند واحدعنده هالمكينه بس ما يعرف وابي اعلمه واسويها معه
بس لو تعطيني الطريقه خطوه خطوه تسوي خير والله يالذيب ولا يهونون باقي الذيابه

<<<< الشرقيه مافيها غير نصب من هالهنود ههههههههههههههههههههههه

[البرقاووي]

مشكور وما قصرت

[كبسولة2]

حياكم الله جميعا

[hnno]

السلام عليكم
حاب أحكي لكم تجربتي وإنشالله تعم الفائدة للجميع


عندي هوندا أكورد 97 وهلكتني في الحرارة
ومن وجهة نظري أهم الأسباب لإرتفاع درجة الحرارة في سيارتي هي :


- نبدأ بأبسط الأشياء وهو غطاء الرديتر لابد يكون أصلي والجلود اللي حولين الغطاء ماتكون متقطعة لأنها ممكن تهرب

- ريش أو شفرات الرديتر من برا أحيانا تكون مسدودة ومقفلة (مثل اللي في مكيفات البيوت من الخارج)

- أحيانا يكون الرديتر فيه تهريب موية يعني بسبب أنك أخذت مطب وحكت السيارة من تحت وسبب فقع في الرديتر مثل ما حصل معي (علما بأن السيارة عندما تكون شغالة فإن الموية لاتهرب بسبب حركتها أثناء دوران المحرك) وأول ما تطفي السيارة تشوف تهريب الموية على كيفك

- بلف الحرارة وفائدته للي ما يعرف هو منع دخول الماء مؤقتا للمكينة لسرعة تسخينها بعد تشغيلها ويستفاد منه في الأماكن الباردة أكثر من غيرها

- المراوح أحيانا ماتبرد المكينة طيب أو تكون عطلانة

- طرمبة الماء أحيانا لاتعمل بالكامل أو مطلقا أو تكون أحيانا مكسرة الريش كما حصل معي


- أخيرا راس المكينة وهذا خليه آخر خيار لأن الأصعب والأكثر نصبا عند أكثر المحلات
ــــــــــــــــــــــــــــــــــ

طبعا الكلام اللي فات ماعرفته إلا بعد ما سويتها كلها بحكم جهلي بهذه الأمور ومثل ما قالو محد يتعلم ببلاش :(

سيخت رديتر وعبيته موية خضرا وشلت البلف وشبكت مروحة المكيف على السويتش (أول ماتدق سلف تشتغل المروحتين لتبريد المكينة) وغيرت غطاء رديتر أصلي وغيرت الوجيه حقت راس المكينة وأخيرا لقيت المشكلة في طرمبة الموية اللي تحرك الموية داخل الرديتر يوم فكيتها لقيت الريش مكسرة والموية ماتدور تمام داخل الرديتر وغيرتها وبعدها كل شئ صار تمام ومعد إرتفعت الحرارة

الآن وبعد فترة من الراحة رجعت مشكلة الحرارة فترة الظهر بالذات وأثناء تشغيل المكيف تكون الحرارة أسرع في الإرتفاع فما أدري هل أجرب حركة تنظيف مجاري الموية داخل المحرك ولا إش تنصحوني؟؟؟ علما بأني من أهالي جدة في حالة لو فيه ورشة معينة!

[1231]

ماشاء الله.

[1231]

ماشاء الله.

[مخايل البراق]

السلام عليكم جميعا

[أب رحي]

السلام عليكم ورحمة الله وبركاته

جزاك الله خير انت وخويك وجميع المسلمين....
الصراحه نقلت لنا موضوع مهم ومعضم الناس اللي بالخليج يشتكون منه بيض الله وجهك....

تتقبل مروري.

[تميم2222]

دائما مميز بمواضيعك اخوي كبسوله ..واشككككككرك