للبيـع المجاهيم الطيبه

[فيصل123]

السلام عليكم ورحمه الله وبراكاته اخواني اليوم اول مشاركه لي في بيع البل والله يوفق الجميع لما يحبه الله ويرضاه


عرض لكم متلي على بعير طيب بالحيل والبقير عليه سوم مليون وثلاثه مائه الف والناقه طيبه وهديه ومري يعني تحلب وحواره مهو معدها الناقه صفراء مجاهيم والعمر ام رابع او ثلاث واولدها في شهر 12 ميلادي


والثانيه مجهم وشبب والناقه طيبه بالحيل وعشراء واما بالنسبه للعذاريب مافيها شي مره عذروبها مقاديمها كبار مايرضع الحوار والمواخير زينه ولاكن تحلب بحبل وعسى اني اقدر انزل الصور

الموقع المنطقه الشرقيه قريب من مدينه ابقيق


والتواصل على 0559144443


http://thumbs.bc.jncdn.com/b7b8d46f74aa74cfa2403819d8c277b7_lm.jpg



http://thumbs.bc.jncdn.com/c4aae9353f99742ad7bb90b5fc879d16_lm.jpg

[شيوبان]

افتح بابها ب 4000 ريال يعني الوحدة من 4000 ريال

[فيصل123]

شيوبان الله يجزاك خير ماني حول السومه ورحم الله ولديك بس ترى المعزاء اكثر من كذا اسعارها ههههههه بس على العموم فالك طيب دور غيرها

[كبتن]

الله يرزقك البيعه الطيبه

ويوفق من يشتريها

[شيوبان]

اخوي والله ما سمتها الا علشان الي صورتها الي فوق الي تحت والله ماخذها
لو بريال يعني السوم الان تحول للي فوق ولا تزعل اسوم الي فوق ب 8000 ريال
والي تحت الله يرزقك منها يعني فتحت باب الصورة الاولى ب 8000 ريال

[الفرهود]

عندي الثنتين 15000 بعد المعاينه

[فيصل123]

مرحبا الفرهود الثنتين 150000 الف تستاهل وحياك الله تعال وعاينها واين مابغيت بس حسب الظاهر انك نسيت الصفر الرابع بس ياليت توضح للجماعه علشان مايبخسونها وسومه طيبه من طيب:no2: :no2: :no2: :no2: :no2: :D

[مسيطر]

الله يربح البايع والشاري

[الفرهود]

وانت اطيب يافيصل ، لكن أنت عارض صور وأنا سمت حسب الصور يمكن تكون الصور ظالمتها وبعدين وأنا أخوك المزاود يبدأ من صفروياصل مليون وأكثر وأنت ماحديت ولا ذكرت سوم .وعلى العموم الله يرزقك منها عدد شعرها ويربح البايع والشاري

[نجم 1]

انا اسوم الناقه المجهم اول صوره علي ب10000

[راعي شرهه]

الاخ الموقر : فيصل
الناقة السودا علي بحدى عشر الف ريال علشان ماتقول اني ناسي صفر لانك شكلك تشوف شي بهالناقتين حنا مانشوفه او انك آخذ مقلب طيب فيهن.
على العموم اذا بعتني تراي صامل

[فيصل123]

الفرهود ونجم 1 وراعي الشرهه مرحبابكم ومسهلا ومشكوين على السومات الطيبه وانا ماني بعيد والسوداء حدي فيها خمسه عشر الف 15000 والناقه من ساس ابل وختها عند السحيباني شاريها 80 الف والي له خاطر يكلمني على رقمي الموضح في الاعلان

[مسيطر]

الله يربحك

[فيصل123]

جزاك الله خير يامسيطر