رجه ب اللاند ما لها حل الاهنا [الأرشيف]

خ الفياض

23/10/2008, 02:46 PM

السلام عليكم ورحمة الله وبركاته
يا اهل الخبره ب اللاند خصوصا عندي مشكله ب سيارتي وهي لاند جي اكس ار 99 تماتيك
وصف الرجه رجة بدي تزداد مع السرعه
تبداء وانا ماشي 70 وتخف عند100 وترجع ثاني عند ال140 مع وجود صوت دوي يروح ويجي مو ثابت الراكب ما يحس انه في رجه بالسياره الا عند 140 واذا رفعت رجلي عن الدعسه يتغير نظام الرجه بس موجوده حتى توصل السياره 70 تختفي

انا غيرت
الكفرات وحطيت دنلوب 16 جديده ب2000
جنوط اصلي 16 مع ترصيص ارضي
عمود دبل وعمود كردان موضبه وعلى الضمان قبل ما اغير كان الصوت اعلى من كذا بكثير ونزلت انا تحت السياره وكانت كلها تلعب لعب((السنن متاكله مره)) المهم رجعت لهم وغيرها ثاني على الضمان __يعني مغيرهن مرتين
السياره من تحت نظيفه بالحيل ولله الحمد ولا بوجد اي تهريب اوجلد مقطوع او ضعيفه
زيت القير نظيف وكذلك زيت الدبل والدفرنسات
والسياره وزن اذرعته مثل الشعره ما شاء الله ما عن فيه رجه بس ماتحذف ابد
البدي سليم من الصدمات ولله الحمد وكذلك جلد الابواب والجناح ثاااابت مكانه
بالنسبه للهوبات سليمه ولله الحمد ولايوجد اي رجه فيهن((اذا مسكت فرمله))
وكذلك الجوزات ومسامير التوازن وكل شي اوكي

وانا يا جماعة الخير عندي شك على حسب خبرتي البسيطه انه رمان الدبل لاني احرك عمود الكردان ما يتحرك ابدا وعمود الدبل يهز خفيف جداوالمكنيكي يقول طبيعي كذا

السؤال الاهم
مين مرت عليه هالمشكله يفيدنا ولا يعرف احد خبره بالجيوب يعطينا رقمه ولا عنوانه

ياشباب لايجيني واحد يقول طبيعي ولا عادي بالجيوب كذا عندنا 2002 و2003 و2001 كلهن ولله الحمد ما بهن هالرجه اطلاقا

al gabaly

23/10/2008, 04:01 PM

عندي سؤال فكيت عمود الدبل ومشيت عليه وجربت إذا ماجربت جرب وإذا راح معناته المشكلة بعمود الدبل ومستحيل يصلح عمود الدبل . بعد التجربه لي عودة معك . سلام

Magellan

23/10/2008, 04:12 PM

الموت يجي واحد يرد ويقول طبيعي
هذه الأمور غير مقبولة تماما ، أنت تعاني إذن الموتر متغير عليك

أنا من رأيي:

الله والعالم إنها من طنجرة القير وقد تحتاج تنزيل وتوضيب القير
تأكد لايصير ضارب معك مبرد القير ويخلط زيت القير مع الموية وإفتح قربة الموتر وتأكد لو فيها زيت

طبعي شمالي

23/10/2008, 06:06 PM

غير عمود الدبل

خ الفياض

23/10/2008, 06:58 PM

اولا يا رجال مشكات الله يعطيكم العافيه على التجاوب مع هالمشكله
وثانيا
عمود الدبل غيرته مرتين((غيرتها ب موضبه مثل الجديده وانا شفتها ب المخرطه وتسوى لها اختبار وتمام ولله الحمد)) الاولى على شان كان فيه تاكل في السنن والثانيه على الضمان بسبب وجود هالرجه اللي ما راحت وهذا كله من مخرطة الابتسام في جده وهي مشهوره ب العواميد وشغلهم نظيف بالحيل
بالنسبه للاخ اللي يقول من القير اقولك شيكت عليه سليم تماما
وكذلك شيكت على كراسي المكينه والقير والمقصات وكل شي عال العال ولله الحمد

azaz

23/10/2008, 07:02 PM

..انا مع الاخ القبلي فك عمود الدبل وامش علي السياره بدونه اذا راحت الرجه غيره بواحد جديد نصيحه
انا كانت عندي الرجه هاذي قبل ثلاث سنوات (gxr2000) وماتقدر تمشي اكثر من 140 وضبته ومانفع وغيرته بجديد 950 ريال والله الحمد لله راحت الرجه.....

خ الفياض

23/10/2008, 07:08 PM

انا معك ان الجديد افضل لكن وش فايده التغيير بجديد وهذا مثله ومعمول له اختبار على المخرطه قدامي

azaz

23/10/2008, 07:15 PM

قبل ما اغير كان الصوت اعلى من كذا بكثير
انت ماراح تخسر شي فكه كله ثمان مسامير عند اي بنشري اذا راحت غيره والا رجعه

م.بندر

23/10/2008, 07:30 PM

اخوي من الأخر وخل عنك ركب بدل حط ومن هالكلام كله
ركب فرارات وترتاح
اختصار للوقت والفلوس
اسأل مجرب ولا تسأل طبيب

خ الفياض

23/10/2008, 08:51 PM

يا اخوان الله يستر عليكم بالنسبه للفرارت ركبتهن قبل في باث فندر وبصراحه ماعندي نيه اركبهن
وان شاء الله راح اجرب السياره بدون عمود الدبل عن قريب

شاكر ومقدر وامل التجاوب اكثر((طماع))

Magellan

23/10/2008, 09:48 PM

بالنسبه للاخ اللي يقول من القير اقولك شيكت عليه سليم تماما

وكذلك شيكت على كراسي المكينه والقير والمقصات وكل شي عال العال ولله الحمد

أول شيء المساعدات والمقصات ووزن أذرعه مايجيب رجه نهائيا
تقول كشفت على القير كيف كشفت عليه بمركز متخصص وعلمك إنه تمام
طيب فيه نفضة عند تغيير التعشيقات
وإذا كان المشكلة من العامود فك عامود الدبل وأمش عليه وإذا ماراحت فك عمود الكردان وركب عمود الدبل وشيك

خ الفياض

23/10/2008, 10:27 PM

اخوي ايه شيكت علة القير في ورشة وانا مغير موية اللديتر في رمضان وكل شي سليم واليوم شايف القربه ولا فيها اي زيت والقير لاينفض ولا يحزنون وبالنسبه للمقصات ادري انهن ما يسببن رجه لكن من باب الحرص الله يجزاك الجنه وقريب افك عمود الدبل المجدد اللي مغيره قريب وان شاء الله خير
وربي لايحرمك الاجر

أبو الحارث 4

23/10/2008, 10:40 PM

أخي الفياض إن كان الدركسون فيه هزة وكاد إن الموتر يبيله ترصيص لكن ليس الترصيص البدائي هذا ، وإنما الكفر يرصص وهو مكانه وستجد الفرق وقد حصل معي مثل ذلك وغيرت العمود وتعبت لكن فعلت الترصيص وأصبح تمام للا ستفسار راسلني على الخاص.

ابو هشام

23/10/2008, 10:42 PM

طالما أنها تجي وتروح ثم تجي مره ثانيه عند 140 هذي من الكفرات أو الجنوط خاصه إذا حسيت فيها بقوه في الدركسون.

أما إذا ما حسيت فيها بقوه في الطاره معناه أنها من عمود الكردان.

جيب الربع

23/10/2008, 10:45 PM

السلام عليكم مثل ماقالو لاخوان فك عمود الدبل وجرب اذا كانه ماتغر شي ركب عمود الدبل وفك العمود الخلفى وشبك الدبل الخفيف وجرب

خ الفياض

24/10/2008, 12:35 AM

يا اخوان والله انكم ماقصرتم والله يستر عليكم
بالنسبه للجنوط كما اسلفت ف هي جديده انا مغيرها ماكملت يومين وهي اصليه ومسوي لها ترصيص ارضي
والرج في البدي ولايوجد بالدركسون رجه
شاكر ومقدر تفاعلكم هذا وان دل يدل على طيب اصلكم ومعدنكم يا اهل الجود

NATLUS

24/10/2008, 05:11 AM

السلام عليكم ورحمة الله وبركاته

اخوي ايه نعم مرت حالة مشابهه لمشكلتك وكانت الاراء كثيره الي اعتقد انها ترصيص والي قال عمود الكردان ... الخ

كانت تجيني رجه على جي اكس ار 2002 اذا وصلت لحول 90 وكانت الرجه في البدايه بسيطه مثل رجة الترصيص ومع الوقت قوت الرجه تحس ان الموتر بيتفكك

وطلعت المشكله الصليب .. قطعه صغيره اعتقد شريتها اصليه في حدود 80 او 100 هذي حروتها فكها المهندس واخذتها معي للمحل وركبها الشيخ الهندي والشغله ماخذت ساعه ورجع الموتر مافيه الا العافيه

التفاصيل ناسيها لان القصه لها اكثر من سنتين وسامحنا على التقصير

دله وفنجال

24/10/2008, 07:35 PM

السلام عليكم...

الحال نفسه مع vxr 2001 والرجة تقوى يوم بعد يوم ولافيها حل...

عامود الكردان جديد والقير كل من افحصة يقول سليم مافية شي والقربة مافيها أثار أختلاط الزيت...

الكفرات تم ترصيصها أكثر من مرة وكذلك الدودة تم تغييرها مع انه مالها دخل برجة البدي ...

ياجماعه شوفولنا حل تكفون الموتر كرهناه من رجته وشكلي اببيعه...

أخر ميكانيكي شيك عليه يقول خاله صارلة نفس الشي وما أرتاح الا يوم بدل القير بواحد جديد. فهل السبب القير؟؟؟

الفزعه ياربع...

الساهر2003

25/10/2008, 04:44 AM

السلام عليكم
ياشباب الرجة في اللاند97 قوية جدا وبعدها فرط القير وغيرنا القير وخفة الرجة لكن موجودة ونريد حل تم خرط الهوبات وتغييرها وتم ترصيص الكفرات ترصيص ارضي اكثر من مرة وتم تغيير الصليبات وتم فحص عامود الدبل وعامود كردان
نصيحة لا تتهاونون فيها تعدم القير والكارونة

aziz2727

25/10/2008, 07:32 AM

شف طال عمرك باقي شي واحد ودي انك تشيك عليه
مشكلتك مشابهه بمشكلة واحد من الشباب وحصل العله من كرسي العمود حق الدركسون حصل ان مكان شد المسامير متوسع ويسبب له رجه شيك عليها . تحصلها في دودة الدركسون فيه لها كراسي شف وان شاء الله تكون المشكلة منها وتنحل .

أبوعمر1

25/10/2008, 08:25 AM

الأكثر يقول فك عامود الدبل وأنا معاهم جرب مافيه خسارة وإذا كان منه ركب فرارات

رحال7

25/10/2008, 08:37 AM

مكرررررررررررررررررررررر

رحال7

25/10/2008, 08:38 AM

بسم الله ...لى موضوع سابق لملاك اللاند من 98 الى 2007 وهذا رد يتعلق بالموضوع السابق

اخى هل فحصت الموتر بالوكاله...الوكاله اضمن لك فى هذه الحالات ولديهم اجهزه وخبره كبيره جدا..انصحك بالوكاله اولا واخيرا

احد الشباب خسر اموال وتعب كثيرا من صوت فى الموتر وفى النهايه كانت المشكله شىء تافه!

اخى لا تستعجل واصبر قليلا

امر اخر لم يذكره الشباب وهو العكووووس ترفع الموتر على رافعه بحيث يكون الكفر بالهوا وتحرك العكوس اذا تتحرك خذ الموتر للوكاله وقلهم يفحصون لك العكوس..قد يكون فيها فظاوه وكذلك ربما تحتاج الى تغيير تروس العجلات الاماميه ربما هذا اسمها ..توصل لها بفك الهوب..نصيحه لا تغيرها الا بالوكاله وهى سهله ولكن تغيرها الا بالوكاله فلا فرق بالسعر مع ضمان الوكاله بعد ضمان الواحد الاحد

امر بسيط اخر ومهم غير اذرعة التوازن والجلد فهى سهله ورخيصه ومهمه جدا مع الاذرعه(الشددات اعتقد) الاخرى! هذا التغيير مهم اذا الموتر قديم ومستخدم فى البر...كذلك لا تنسى كرسى القير..كل هذه القطه تستخدم جلد ملحمه بالحديد وصعب جدا معرفة خرابها ولكن مع الوقت تنشف وتقسى ويصبح الموتر لا يطاق..وكل هذه الامور سهله وغير مكلفه جدا

اتمنى اكون افدتك والله اعلم

النمر الأشهب

25/10/2008, 08:44 AM

تأكد من الجنوط لا يكون داخلها طين. إذا كان داخلها طين تسبب رجة في البدي .

خ الفياض

25/10/2008, 04:28 PM

بارحال مكشات والله انكم ريحتونا وان شاء الله احصل المشكله قريب وتنحل دعواتكم وربي لايحرمكم الاجر

asd0505

26/10/2008, 10:57 AM

تأكد من الصليبات وخاصة الموجود قدام عند الدفرنس الامامي لانه للاسف المشاحم ما يجونه لضيق مكانه 0

الستانس

26/10/2008, 11:54 AM

اتوقع عندك كفر مصعرر لأن قد صارتلي نفس المشكله ورحت للعضيب ((المصيف)) قال لازم تجيب ... وتجيب ... والخ...

وخليت الرجه لأن كل ما رحت مكان قالو لي شي

ولعد اسبوع او اكثر انفقع الكفر وغيرته ورجع الموتر زي ماكان بدون رجه

بس لاحظ انا كنت احس الرجه بجهه معينه وإذا مشيت رج كله واذا اسرعت خفت

GMC2006

26/10/2008, 03:10 PM

أخوي أبسألك ....
هل السيارة جتها صدمه في احد الكفرات الخلفية أو صدمة في الخلف قوية شوي..!!!!!!؟؟؟؟؟

أو في الكفرات الامامية...؟؟؟

الروقي نت

26/10/2008, 03:27 PM

استبدل مساعد الدركسيون الواصل بين الاذرعه والبدي
وادعيلي معاك

خ الفياض

26/10/2008, 03:33 PM

ياشباب يعطيكم العافيه
بالنسبه للصلبان فهي جديده وكذلك الكفرات والسياره لم تاتيها صدم ولله الحمد اما مساعد الدكسون على حسب علمي القاصر انه مايجي ب الجي اكس ار

وانا اليوم ناوي افك عمود الدبل مع انه مجدد وترك السياره بدونه لمدة يومين ويصير خير ان شاء الله

قطب 999

27/10/2008, 01:47 PM

شيك على المعارض انشاء الله يجيب لك سعر طيب

خ الفياض

27/10/2008, 11:18 PM

اخوي قطب لا والله ان شاء الله احلها عن قريب

يا اخوان فكيت عمود الدبل ومشيت بالسياره يومين مازالت المشكله موجوده
رحت للشركه فقلت لهم الهرجه قالوا نأخذ منك 500 حق الكشفيه قلت لهم سلااااااااام يالفاشلين المفروض انكم تفرحون ب هالخربات حتى يتعلمون موضفينكم لكن اعوذ بالله النصب معمي عيونكم

لكن ياشباب بعد التمحيص والتقلب في الورشه انا وتركي فنان اصلا انا واااااااااااثق فيه بحكم معرفتي به اكثر من 10 سنين ومعتبرني اخو اكثر من زبون وابشركم انه سني
اللحين ينط لي واحد يقول وراها م حلها من بدري اقولكموالله انه قلب السياره تقليب وانا معاه وتركت السياره عنده لمدة ساعتين لكن المقدر مقدر واحنا مكنيكة مصانع والله يارجال انه احيانا تجينا مشاكل نعجز نحلها وتعلق ممكن سنه كااااااااااااااامله ثم نحصل الحل ويكون تافه وهذا اللي حصل معي انا والتركي بس صبركم

الزبده
ابشركم حصلت المشكله
لكن لن اجزم بها الابعد الاصلاح وانا اللحين طلبت القطع من الشركه وان شاء الله السبت او الاحد بالكثير تكون القطع موجوده ولاتخافون لان المشكله مره بسيطه وراح اوفيكم ب حلها قريبا دعواتكم

bmw_07450

27/10/2008, 11:32 PM

الله ييسر امرك

الساهر2003

28/10/2008, 03:14 AM

الله ييسر امرك
وننتظر الافادة
للجميع جزيل الشكر

سرداح

28/10/2008, 12:05 PM

مرحبا اخي الفياض تصدق كنك تشرح حالتي مع الجمس صالون ولها معي الرجه حروة السنة وقاعد اجبر نفسي على تقبل الوضع كذا لني ماخليت شي مازينته وفحصته وغيرت كل شي حتى كفرات جديده وعمدان وووووو الخ
ولكن عندي شي مدري يحصل معك او لا وهو 1 / اذا السيارة بارده ماتجيها الرجه بس تحتر تجيها وتكون واضحه جدا يعني مجرد خمس دقايق مدري عندك او لا .

2 / ثاني شي اذا ماشي في دوار تروح يعني ميلان الموتر مع السرعه ولما اطلع من الدوار ترجع

شكيت في كراسي المكينه او القير وقالولي المهندسين واصحاب الميزان ابد مافيها شي الكراسي وهونت وودي اغيرهم ومتردد لن مابقى قدامي شي ماسويتة الا هم

تحيتي وفي انتظار ردك

dejjo

28/10/2008, 12:28 PM

السلام عليكم ورحمة الله وبركاته
الرجه لها اسباب منها:
عمود الدبل
عمود الشفت الخلفي
الجامبين الامامي للاذدرعه والاذرعه
عمود التوازن الخلفي للدفرنش او الربلات (الجلد)
الكفرات ونوعيتها وكمية الهواء فيها
الجنوط
واخير ممكن السياره لاقدر الله حصل لها حادث واثر الحادث على السيارة

الصبحي

28/10/2008, 12:34 PM

امر اخر لم يذكره الشباب وهو العكووووس ترفع الموتر على رافعه بحيث يكون الكفر بالهوا وتحرك العكوس اذا تتحرك خذ الموتر للوكاله وقلهم يفحصون لك العكوس..قد يكون فيها فظاوه وكذلك ربما تحتاج الى تغيير تروس العجلات الاماميه ربما هذا اسمها ..توصل لها بفك الهوب..نصيحه لا تغيرها الا بالوكاله وهى سهله ولكن تغيرها الا بالوكاله فلا فرق بالسعر مع ضمان الوكاله بعد ضمان الواحد الاحد
ـــــــــــــــ

أخوي فياض هذااقتباس من كلام اخي الرحال وانا أؤيـــــــــــــــــــده ان تفحص على العكوس

خ الفياض

28/10/2008, 04:37 PM

الله ييسر امرك

الله يجزاك بالخير ويستر عليك وييسر لك كل امورك

الله ييسر امرك
وننتظر الافادة
للجميع جزيل الشكر

الله يجزاك الجنه ويرحم والديك لكن اصبر علينا

مرحبا اخي الفياض تصدق كنك تشرح حالتي مع الجمس صالون ولها معي الرجه حروة السنة وقاعد اجبر نفسي على تقبل الوضع كذا لني ماخليت شي مازينته وفحصته وغيرت كل شي حتى كفرات جديده وعمدان وووووو الخ

ولكن عندي شي مدري يحصل معك او لا وهو 1 / اذا السيارة بارده ماتجيها الرجه بس تحتر تجيها وتكون واضحه جدا يعني مجرد خمس دقايق مدري عندك او لا . لاولله الحمد بارده او حاره كلها وااحد عندي

2 / ثاني شي اذا ماشي في دوار تروح يعني ميلان الموتر مع السرعه ولما اطلع من الدوار ترجع

لا والله مايصير معي كذا

شكيت في كراسي المكينه او القير وقالولي المهندسين واصحاب الميزان ابد مافيها شي الكراسي وهونت وودي اغيرهم ومتردد لن مابقى قدامي شي ماسويتة الا هم

وانا مثلك تماما

تحيتي وفي انتظار ردك

اصبر علينا بس وحياك ربي

السلام عليكم ورحمة الله وبركاته
الرجه لها اسباب منها:
عمود الدبل
عمود الشفت الخلفي
الجامبين الامامي للاذدرعه والاذرعه
عمود التوازن الخلفي للدفرنش او الربلات (الجلد)
الكفرات ونوعيتها وكمية الهواء فيها
الجنوط
واخير ممكن السياره لاقدر الله حصل لها حادث واثر الحادث على السيارة

وعليكم السلام ورحمة الله وبركاته وشكر على العلومات ولاتنسى
الشياله ((فلنجات عمود الكردان))
رمان الدبل
وجلد الدفرنس الامامي والخلفي الاساسيه
ويعطيك العافيه

امر اخر لم يذكره الشباب وهو العكووووس ترفع الموتر على رافعه بحيث يكون الكفر بالهوا وتحرك العكوس اذا تتحرك خذ الموتر للوكاله وقلهم يفحصون لك العكوس..قد يكون فيها فظاوه وكذلك ربما تحتاج الى تغيير تروس العجلات الاماميه ربما هذا اسمها ..توصل لها بفك الهوب..نصيحه لا تغيرها الا بالوكاله وهى سهله ولكن تغيرها الا بالوكاله فلا فرق بالسعر مع ضمان الوكاله بعد ضمان الواحد الاحد
ـــــــــــــــ

أخوي فياض هذااقتباس من كلام اخي الرحال وانا أؤيـــــــــــــــــــده ان تفحص على العكوس

اخوي شكرا على النصيحه وشيكت على العكوس وكلها سليمه ولله الحمد

سرداح

30/10/2008, 05:04 PM

لكن ياشباب بعد التمحيص والتقلب في الورشه انا وتركي فنان اصلا انا واااااااااااثق فيه بحكم معرفتي به اكثر من 10 سنين ومعتبرني اخو اكثر من زبون وابشركم انه سني
اللحين ينط لي واحد يقول وراها م حلها من بدري اقولكموالله انه قلب السياره تقليب وانا معاه وتركت السياره عنده لمدة ساعتين لكن المقدر مقدر واحنا مكنيكة مصانع والله يارجال انه احيانا تجينا مشاكل نعجز نحلها وتعلق ممكن سنه كااااااااااااااامله ثم نحصل الحل ويكون تافه وهذا اللي حصل معي انا والتركي بس صبركم

وينك اخوي الفياض ترى احتريك يمكن الحل اللي لقيته يصلحلي لاتبطي الله يعافيك

خ الفياض

30/10/2008, 07:41 PM

المشكله اخوي سرداح
عندي مشكلتين وانا الى اللحين ماسويتها لاني احتري القطع من هالشركه اللي مادري وش صار بها صاير تايوتا مثل اي شركه ثانيه تتأخر بالقطع المهم
الاولى
فيه جلده تجي بين الدفرنس الامامي والشاصيه موجوده بالضبط في قاعدة الدفرنس اللي تركب بالشاصي ((مثل جلدة السحب ب الكريسيدا )) هذي سلمك الله تجي في السياره ثنتين وحده باليمين وحده ب اليسار عندي اليمين مثقطعه ((يعني الدفرنس يلعب لعب وبالتالي تكون رجه بالسياره بس خفيفه وممكن تسمع صوت طق تحتك احيانا

الثانيه
مسكت عمود الكردان من الجهه الاماميه وكان به هز خفيف جدا جدا جدا قام المكنيكي وفك العمود برا وصار باقي الفلنجه ((ان شاء الله انكم فهمتو المقصد)) المهم ياشباب حرك الفلنجه ولا بها هز خفيف ((طبعا الفلنجه راكبه ب دبل السياره))((الجيرب في الغالب يجي الدبل بين القير وعمود الكردان))
نرجع للفلنجه
شد عليها المكنيكي ب الدرل وكانت على اخر شد
صار ان الفلنجه الى الان تهز خفيف جدا
الفلنجه هذي راكبه ب تروس عن طريق عمود داخل في الدبل وفيه حامل بينهم((الحامل هو الرمان بلي)) المهم به توسع خفيف هالحامل ولازم ينزل الدبل ويتنفك التروس حتى يتغير هالحامل ((وانا مثل ما قلت لكم اسمع صوت دوي بالسياره يروح ويجي طلع صوت الدوي من هالرمان ))

المختصر المفيد ان راح اسوي الاولى فقط اللحين والثانيه راح اجلها الى وقت اخر
وانا الان جازم ان المشكله من الثانيه اكثر من الاولى لكن متخوف من فكت الدبل خاصه وان الموترماشاء الله مو ماشي الا 140 الف فقط ويعتبر مخزن الله يطرح فيه البركه

يا شباب لا نستغني عنكم اللي عنده رأي او فكره يطرحها

hamad14001

30/10/2008, 07:59 PM

الاخ افاضل/ اسئل مجرب الرجة عند 80 وتنقطع عن 100 عندي باترول فية نفس المشكلة ودية لورشة صبيا في الدمام غيرولي العمود الطويل وضبط

خ الفياض

30/10/2008, 08:07 PM

http://www.mekshat.com/vb/images/frames/11_cur.gif http://www.mekshat.com/vb/images/frames/11_cul.gif الاخ افاضل/ اسئل مجرب الرجة عند 80 وتنقطع عن 100 عندي باترول فية نفس المشكلة ودية لورشة صبيا في الدمام غيرولي العمود الطويل وضبط http://www.mekshat.com/vb/images/frames/11_cdr.gif http://www.mekshat.com/vb/images/frames/11_cdl.gif

اخوي شكرا على رأيك لكن انا مغيره مرتين وربي لايحرمك الاجر

أحمد الدهمشي

31/10/2008, 10:35 AM

Abu Saad

31/10/2008, 11:09 AM

الكراسي كراسي القير والمكينة .
ترى احيانا مايبان عطابها بالعين المجردة .
اقصد انك ممكن تشوفها وهي في مكانها وكان مافيها شي لكن لو تدقق بتحصل الخنزيرة اللي بين الحديدتين منبذحه وماتؤدي دورها في امتصاص الاهتزاز والتعشيق الخ .
صارت معي في كامري وافتوني كثير بفك القير!
وطرحني الله في واحد مبارك شرواك ... ويوم دقق طلع من كرسي القير .
وغيرناه ووحده بوحده .
وبالتوفيق

خ الفياض

31/10/2008, 01:27 PM

الله يعينك بصراحة مشكلة كبيرة وفي الأخير ممكن تكون تافهه
كنت اريد القول بأنها من الصلبان حصلت معي رجة غيرتهم وراحت
لكن انت غيرتهم
هل غيرت كرسي القير؟ لأنه حتى لو ما كان تالف يؤثر بوزنية العمود
اذا انت من الدمام ممكن انصحك بورشة ممتازة وهي مركز سهم بالخضرية
ما يصلحون الا الخراب ولا يقولون يمكن يكون كذا ولا كذا
تحياتي.,

الكراسي كراسي القير والمكينة .
ترى احيانا مايبان عطابها بالعين المجردة .
اقصد انك ممكن تشوفها وهي في مكانها وكان مافيها شي لكن لو تدقق بتحصل الخنزيرة اللي بين الحديدتين منبذحه وماتؤدي دورها في امتصاص الاهتزاز والتعشيق الخ .
صارت معي في كامري وافتوني كثير بفك القير!
وطرحني الله في واحد مبارك شرواك ... ويوم دقق طلع من كرسي القير .
وغيرناه ووحده بوحده .
وبالتوفيق

بالنسبه للكراسي القير او المكينه سليمه ميه بالميه وجزيتم خيرا والله يعطيكم العافيه

الفكر

31/10/2008, 01:59 PM

اخوي قد صارتلي نفس مشكلتك ومابقى شي ماسويته وخر شي صار من الهوبات سويتله خرط ورجع الموتر لشد بلاده ماشاء الله

الوهاج

31/10/2008, 02:35 PM

صارت لي هذي المشكلة من زمان
وسويت كل شي ومع ذلك ماراحت
واخيراً اكتشفت ان سبب الرجة هي من عمود كردان رحت للصناعية عند واحد سوري الله يذكره بالخير
وزن لي العمود وغير الصليبات وشحم بعضها
وقالي سبب المشكلة اني ما كنت اشحم صليبات عمود كردان
والحمد الله راحت الرجة

هاوي باترول

31/10/2008, 05:05 PM

اقول بع الموتر وخذلك باترول ازيلك

خ الفياض

31/10/2008, 06:53 PM

اقول بع الموتر وخذلك باترول ازيلك

اقول الله يستر عليك ويعنيك على نفسك ويعنيك على الباترول

خ الفياض

31/10/2008, 06:54 PM

اخوي قد صارتلي نفس مشكلتك ومابقى شي ماسويته وخر شي صار من الهوبات سويتله خرط ورجع الموتر لشد بلاده ماشاء الله

جزيت خيرا وشكرا على المشاركه

خ الفياض

31/10/2008, 06:57 PM

آل علي

31/10/2008, 07:00 PM

شيك علي عمود الكردان

ورصص الكفرات وهي مركبه في السيارة

بالغ شكري

خ الفياض

31/10/2008, 09:39 PM

شيك علي عمود الكردان

ورصص الكفرات وهي مركبه في السيارة

بالغ شكري

رحم الله والديك لقد تم عمل ذلك

راشد الحربي

31/10/2008, 09:54 PM

هذي صارت مع واحد من الشباب معه نفس موترك ... وما خلى شي ماسواه ..

وفك عمود دبل وراحت الرجه ... وراح اشتراه من الوكالة على ماظن انه حول 950 ريال .. وضبط معه الموتر ..

ولو صار من عمود الدبل المشكلة ... فعندك خيارين ياتركب فرارات او تغير العمود ...1

ابن اسبيع

31/10/2008, 10:12 PM

السلام عليكم

ياخوي شيك على الكفرات ممكن يكون واحد منهامصعرر الامامي منها .
تحياتي

راهي

31/10/2008, 10:30 PM

http://75.126.184.24/~mekshat/vb/showthread.php?t=114897

أخيرا يقولون أنها الكارونية وديته الوكالة وقالوا ما نقدر نجرب على 160
قلت ارفعوه من وراء وبتسمعونه قالوا ما نقدر بعدين ما اثق فيهم
وإلى الآن مشيت به 60000 وما فيه مشكلة الصوت يطلع وارفع على المسجل
قلت إذا وقف عرفنا مشكلته
الله يعينا جميعا

الساهر2003

01/11/2008, 04:54 AM