كانون S5 اليابانيه الاصلية للبيع + شنطة + بطاريات سوني ليثيوم

[عبدالله التمي]

السلام عليكم ورحمة الله وبركاته


عندي كاميرا كانون S5 اخت الجديدة ان شاء الله :)


استخدامها بسيط جدا ويعد بالاصابع ..


مشتراها من مركز BEST بالرياض شهر 3 ميلادي .. وعليها ضمان سنة كاملة


MADE in JAPAN


وتصويرها رائع جدا ثابت + فيديو ..


القطع الي معها :


1- شنطة صغيرة على حجم الكاميرا وفيها عوازل داخلية ..


2- ذاكرة بحجم 2 قيقا وبسرعة Extreme III وتصلح للتصوير السريع المتواصل + علاج الصورة بشكل سريع..


3- بطاريات سوني ليثيوم 2100 mah القابلة لإعادة الشحن ومعما شاحنها الاصلي ..


الكاميرا ماطلعت فيها بر ولا سافرت فيها .. واستخدامي كان بسيط جدا ..:(


والحمدلله خالية من الخدوش او الغبار ..


سبب البيع / التقدم الى كاميرات احترافية ..:good: ان شاء الله



مشترى الكاميرا اليابانية الجديدة وقت الشراء 1799 ريال سعودي ..


الاغراض مكلفتني حوالي 350 ريال سعودي ..:(


الكاميرا للبيع مع اغراضها ومو بلحالها ..


المطلوب / 1500 ريال سعودي فقط ..وانا اعتبرها لقطة للي يحب الكانون S5 الاصلية ..


مكاني / القصيم - الرس ..


كاميرتي على الشرط يعني الي بياخذها يجربها قدامي عن الامانه :)


الي جازم على الكاميرا يرسل لي رقمه على الخاص ..



الله يرزقنا ويرزق الجميع .. آمين

(( التواصل عبر الخاص ))
يمنع عرض أرقام الجوالات ..
مشرفي الخيمه

[ابونايف الروقي]

مشاء الله لا اله الا الله

الله يوفقك ويزرقك ..

انت حديت الكاميره ... وانا اسوم الكاميرة مع اغراضها الي ذكرتها 1000 ريال اذا ربي كاتب لي فيها اتصل على جوالي ..

ابو نايف

[عبدالله التمي]

حياك الله اخوي ابو نايف

ولو كاميرتي صينية كان تنازلت عن حدي فيها ..

كاميرتي يابانيه اصلية واخت الجديدة وماشمت الغبار ولا عرفت الكرف .. والي يعرفها ويعرف صناعتها يقدر ثمنها ..

حدي بالكاميرا 1500 ريال ولا اقدر انقص ريال واحد لاني خسران فيها كثير ..

والي بياخذها بيدعي لي ان شاء الله ..

[عبدالله التمي]

هذا رقمي للي يجزم على الكاميرا وانا مستعد اوصلها له شخصيا باي مكان في القصيم او بالرياض

[(مواصل)]

ليش ماتحط له صور ادرج له

[ابونايف الروقي]

الله يرزقك ...

[عبدالله التمي]

ليش ماتحط له صور ادرج له


ولا تزعل اخوي الايدعشري .. وهذي الصورة :


http://i37.tinypic.com/2zhoaaa.jpg


الصراحة مالقيت الا جوال بدقة 2 ميقا عشان اصورها واحتمال ماتكون صافية ..!!

وصدقوني الي بيشوفها بعينه ماراح يصدق نظافة الكاميرا ماشاء الله تبارك الله ..:)


على فكرة جتني رسالة مكتوب فيها ( تبادل بـ عنز و300 ريال ) :confused:


احس اني اسوي مقايضة عام 1385 هجريه :p


ع العموم الي بياخذها بينبسط وبيدعي لي ان شاء الله ..

[ابونايف الروقي]

ههههههههههههههههههه

اما عنز

[عبدالله التمي]

بعت الكاميرا ولله الحمد والمنه ..

ارجو من المشرف اقفال هذا الموضوع او حذفه


شكرا للجميع

[ابونايف الروقي]

مشاء الله بالتوفيق ...

[الوشاح]

طيب انت بعته على راعي العنز ولاغيرة .. :)

موفق إن شاءالله ياعبدالله

[عبدالله التمي]

P52

جزاك الله الف خير وان شاء الله موفق العمر كله ..


الوشاح

لا والله مابعت على راعي العنز !! شكله مبتلش بالعنز وبيحطها بحلقي ^_^


تحياتي للجميع