فورد اكسبلورر و مازدا cx9

[khalid54]

السلام عليكم
ارجو من الاخوه الافادة عن فورد اكسبلورر وشهو من لحية وكيف هل هو عملي والا كثير الاعطال واستهلاك الوقود واي اضافة ما نستغي جزاكم الله خير

نفس الشي بالنسبة للمازدا cx9

[سفير الحزن]

هلا اخوى
بالنسبة للفورد اكسبلورر يمدحونه ،،، وانا بصراحه ما جربته
اما بالنسبة للمازدا ما اعرف عنها شي

[غرامي نجد]

نفس كلام اخوي سفير الحزن

وانا بصراحه ناوي اطلعلي واحد بأذن واحد أحد والمازدا مالي خبره فيها

وانتظر الشباب ان شاء الله يفيدونك وخاصة الي جربو السيارتين

تقبل مروري

[براااوي]

عندي اكسبلورر 2005 فاكه من وكالته
سيارة بمعنى الكلمة
له الآن عندي 3 سنوات ما بدلت فيه الا بطارية وقماشات فقط
مع العلم بأني راعي بر وطلعت وقنصت عليه كثير من نفود لحجرة لشعبان لغيرها من البران
حطه على يمناك .. والدبل مجرب وتمام 100 %
وصرف البانزين ممتاز بالمقارنة مع غيرة من الدفع الرباعي تفويلته 37 ريال
اسأل اشخاص آخرين عنه وراح تقتنع بالنهاية
موفق خير

[khalid54]

مشكورين يا اخوان على سرعة الرد
يا ليت اخونا براروي يفيدنا كم يقطع من كيلو تقريبا بتانكي البنزين
ومنتظرين تجاوب بقية النشامى.... اخواكم ترا محتااار إلى الحين....اخاف ابيع الباث واتحسف

[بـــ نجد ـــرق]

بالنسبه للمازدا واحد من عيال عمي ينوي يشتريه لكن محتار مثلك مايدري وش هو من لحيه

لكن ابعلمك عن اللي اسعاره في الوكاله

طبعا هو مايجي الا فل كامل بس على فئتين

الفئه الاولى موديل 2009 بــ 106 الاف ريال
مراتب جلد- جنوط 18 - قير اوتماتيك - 6 سلندر

الفئه الثانيه موديل 2009 بــ 120 الف ريال

مراتب جلد -جنوط 20 - قير اوتماتيك- 6 سلندر- فتحة سقف - كشافات

http://www.theautochannel.com/news/2007/10/23/068311.1-lg.jpg

هذا اللي اذكره واعذرونا على الخطاء ان كان فيه خطاء في المعلومات

تحيتي للجميع

[القاصي1]

اهلا بك اخوي
انا ممكن اعطيك فكرة بسيطه عسى ان تفيدك
اولا ..فيه فرق بين السيارتين من حيث الفئة .
المازدا : من فئة الكروس اوفر أي سيارة دفع رباعي دائم مثل جيب الهوندا والاكاديا ..وهي مخصصه للمدينه والسفر على الطرقات المعبده .
الاكسبلورر : سيارة من فئة suv اي دفع رباعي حقيقي أي هناك تبديل دفع رباعي خفيف وثقيل ..وهي تستحمل العمل في الصحراء والطرق الوعرة .


الخلاصة :
اذا كنت تريد سيارة للمدينه والسفر ولا تخرج للبر الى على الخفيف ولايهمك البر..فالمازدا فيها من المواصفات الشيء الكثير والفخامة.
اما اذا تبغى سيارة للمدينه ويهمك انك تخرج للبر والطرقات الوعرة وتتحمل ذلك .فالاكسبلورر هي الافضل.



تحياتي لك

[القاصي1]

مشكورين يا اخوان على سرعة الرد
يا ليت اخونا براروي يفيدنا كم يقطع من كيلو تقريبا بتانكي البنزين
ومنتظرين تجاوب بقية النشامى.... اخواكم ترا محتااار إلى الحين....اخاف ابيع الباث واتحسف

انا معي اكسبلورر 2008 وتوني ما جربته كثير لكن السيارة اعرفها زين لان صديق معه وحده موديل 2005
بصراحه الباث اقوى منها لكن مع مقارنه السعر بالمواصفات فالاكسبلورر افضل .لذلك انصحك امسك سيارتك ولا تبيع .
اما بالنسبه للبنزين املئ التانكي ويعطيني المؤشر 550 ك تقريبا.

تحياتي للجميع

[براااوي]

فعلا لا فولت التانكي يعطيني المؤشر بالعادة فوق 500 كم

السيارة فيها دبلين ( خفيف و ثقيل )

[البرحه]

اذا صامل على واحد منهم

ارشح الاكسبلورلر

[khalid54]

من ناحية بر فهي ما تخلى ملنا غناة عنه لكن على خفيف زي ما يقولون . يا ليت اح يكون مجرب الموتر يدخل ويفيدنا.
ايضا سؤال اخير بالنسبة للاكسبلورر: هل يهرقل (يخرفش الطبلون وغيره). وبعدين اسمع ان فيه عيوب والله اعلم يهمني موضوع الخرابات كثيييير ما نيب راعي ورش او وكالات.

مشكورين الاخوان سفير الخزن، الخمشي، برااوي، برق نجد، القاصي1 البرحة وكل من شارك وما ذكرناه ماقصرتو.

[القاصي1]

من ناحية بر فهي ما تخلى ملنا غناة عنه لكن على خفيف زي ما يقولون . يا ليت اح يكون مجرب الموتر يدخل ويفيدنا.
ايضا سؤال اخير بالنسبة للاكسبلورر: هل يهرقل (يخرفش الطبلون وغيره). وبعدين اسمع ان فيه عيوب والله اعلم يهمني موضوع الخرابات كثيييير ما نيب راعي ورش او وكالات.

مشكورين الاخوان سفير الخزن، الخمشي، برااوي، برق نجد، القاصي1 البرحة وكل من شارك وما ذكرناه ماقصرتو.

السيارة من 2005 ممتازه جدا وليس بها مشاكل

وفي هذه السيارة مواصفات كثيره جدا ,,على سبيل المثال لا الحصر الفئة الاستاندرد ( العادي )

كرسي السائق يمكن تحريكه كهربائيا بستة أوضاع وهو تجهيز قياسي لكافة الطرازات

والأكسلبورر مزودة قياسيا لكافة الطرازات بشاشاة كمبيوتر تعطي العديد من المعلومات وباللغة العربية (البوصلة - درجة الحرارة الخارجية - العمر المتبقي لزيت المحرك - المسافة المتبقية حتى نفاذ البنزين - مؤشر للقيادة بأسلوب اقتصادي في الوقود)

ونظام اوتوماتيكي لتشغيل الإنارة في المصابيح الأمامية. والنظام الصوتي أكثر من رائع ومكون من راديو AM/FM مع مشغل CD و MP3

أنظمة الأمان

الاكسلبورر مجهزة قياسيا لجميع الطرازات بنظام كانوبي ويشتمل على أحزمة أمان من الجيل الثاني اللي تستشعر وزن الراكب ولا تطلق الأكياس الهوائية إلا إذا استدعت الحاجة اليها إضافة إلى وجود ستة أكياس هوائية (للسائق - للراكب - على جانبي الكراسي الأمامية - من السقف ستارة على جانبي السيارة)

كما أن الأكسبلورر مجهزة قياسيا بنظام منع الانزلاق ABS ونظام منع السرقة ونظام مراقبة ضغط الهواء داخل الإطارات لكافة الطرازات. وهي حاصلة على أعلى تصنيف في اختبارات الاصطدام الامامي والجانبي والمنفذة من قبل الحكومة الأمريكية

بالنسبة لاستهلاك البنزين في داخل المدينة حوالي 19.2 لتر لكل 100 كلم، أما على الطرق السريعة بسرعة 110كلم في الساعة فيبلغ 13.2 لتر لكل 100 كلم

وأكثر شيء عاجبني في المحرك تصميمه الكلاسيكي الغير معقد وأنه ما فيه غير كويل واحد مش زي السيارات الجديدة كويل لكل سلندر (يفرق في الصيانة)

والأكسبلورر مزودة بناقل حركة اوتوماتيكي بخمسة سرعات أمامية ومزودة بنظام أدفانس تراك والذي يشتمل على أنظمة التحكم بالجر وأنظمة التحكم بالميلان ومنع التهدور (الإنقلاب) والتحكم بالتماسك. وهو تجهيز قياسي لكافة الطرازات إضافة إلى نظام التعليق المستقل للعجلات الاربعة. والأكسبلورر قادرة على سحب مقطورة تصل إلى 3500 باوند أي حوالي 1587.6 كيلوجرام
وتمتاز الأكسبلورر بأن قيادتها تماثل قيادة السيارات السيدان السياحية من ناحية السهولة والراحة والهدوء

أما بالنسبة للدفع الرباعي فبحكم أن شركة فورد تمتلك شركة لاندروفر وقد وضعت فورد الخبرات العريقة للاندروفر في سيارتها الاكسبلورر، فسنجد أن أداء الاكسلبورر لايمكن أن تقديره بأقل من ممتاز

فالسيارة تعمل على الدفع الخلفي بصورة قياسية مالم يتم اختيار وضع الدفع الرباعي إما الخفيف او الثقيل بالضغط على الازرار في لوحة القيادة كما يتم تنشيط نظام الدفع الرباعي اوتوماتيكيا متى استشعر نظام التحكم بالتماسك بوجود فقدان التماسك بالارض لأحد الاطارات، فيقوم بتحويل العزم إلى الاطارات الاكثر تماسكا بصورة غير محسوسة. والنتيجة نظام دفع رباعي محترم يجعل الأكسبلورر تضاهي سيارات تويوتا ونسيان المنافسة من نفس الفئة (الفئة المتوسطة من أصل شاحنة) وتفوقها بنوعية الراحة التي تشتهر بها السيارات الأمريكية عموما

هذا كله بالنسبة للعادي مش للفل اوبشن

تحياتي

[khalid54]

بيض الله وجهك القاصي1 وبارك الله فيك وفي موترك
والله الموتر حليو وعاجبني وسعره معقوول يمكن بعد بينزلون فيه حسب كلام الوكيل

ما ادري هو اريح من الباث والا

[رواق]

ياسلام على راعي الموضوع واصحاب الردود ينطيكم العافية

انا داخل المنتدى وفي بالي هالموتر ( اكسبلورر )

معجبني جدا شكله .. ورحت مكاشيت مع واحد من الربع على موديل 2003 وزي الحلاوة ماشالله

بس فيه عيب واحد : يثولث .. ويدور الكفر بوش ... همن اقعد بها

يعني لازم تنتبه في الطعوس


هل هالشي ملاحظ ؟ ووش علاجه ؟


الشي الثاني سمعت ان القير معرض انه ينفرط اذا تبي تطلع فيه طلعات قوية مثل الهدا او مثل جبال سوريا


وقال لي واحد انه انفرط معه مرتين موديل 2005



اما اسعاره فحلوه صراحه

اذكر قبل رمضان يحطون عنه اعلان يبدا بـ 95 الف ريال ويقول ان السعر الاساسي 98 يعني يقال لهم مسوين تخفيض

وفي رمضان حطوا اعلان تخفيض يبدا بـ 93 الف ريال

ومدري كم صار سعره الحين

[القاصي1]

بيض الله وجهك القاصي1 وبارك الله فيك وفي موترك
والله الموتر حليو وعاجبني وسعره معقوول يمكن بعد بينزلون فيه حسب كلام الوكيل

ما ادري هو اريح من الباث والا

السعر ...كان فيه تخفيض في رمضان اقل فئة 91900
وللي بعدها ويختلف حساسات وارقام سريه92900
وانا اخذت ابو حساسات .والان سعره 95900
ومن ناحية الراحه معروف ان الامريكي اريح ..وفيه ميزه انه من افضل السيارات عزل صوتي ...وهذي ميزه يفتخر بها صانعوه.

تحياتي

[رواق]

ينطيك العافية يالقاصي ..

هل تعرف الفل كامل وش مواصفاته وكم سعره ؟

اهم شي عندي مثبت السرعة و مشغل cd وريموت الباب .. هل تجتمع كلها في نوع واحد ... ياليت تحدد لي النوع والسعر لاهنت


ووشرايك بالملاحظات اللي قلتها في ردي السابق ؟

[القاصي1]

ينطيك العافية يالقاصي ..

هل تعرف الفل كامل وش مواصفاته وكم سعره ؟

اهم شي عندي مثبت السرعة و مشغل cd وريموت الباب .. هل تجتمع كلها في نوع واحد ... ياليت تحدد لي النوع والسعر لاهنت


ووشرايك بالملاحظات اللي قلتها في ردي السابق ؟

اولا اذا كان همك مشغل السي دي وام بي 3 وريموت الباب ومثبت السرعه وشاشه معلومات درجة الحراره والاتجاه ....وغيرها
فكل هذه المواصفات موجوده في اقل فئة .
يجي النوع الافخم اسمه ايدي باور ..ويختلف في بعض الاضافات مثل مراتب جلد ..والصف الاخير ينزل ويطلع كهربائيا ..والمرتبه الوسطى مفصوله ..وفيه دي في دي ....والمراتب الامامية كهرباء.ويجي البودي لونين .وسعره اكثر بكثير من العادي والفئة الثانية .ولا انصح به لفارق السعر الكبير.

[القاصي1]

ياسلام على راعي الموضوع واصحاب الردود ينطيكم العافية

انا داخل المنتدى وفي بالي هالموتر ( اكسبلورر )

معجبني جدا شكله .. ورحت مكاشيت مع واحد من الربع على موديل 2003 وزي الحلاوة ماشالله

بس فيه عيب واحد : يثولث .. ويدور الكفر بوش ... همن اقعد بها

يعني لازم تنتبه في الطعوس


هل هالشي ملاحظ ؟ ووش علاجه ؟


الشي الثاني سمعت ان القير معرض انه ينفرط اذا تبي تطلع فيه طلعات قوية مثل الهدا او مثل جبال سوريا


وقال لي واحد انه انفرط معه مرتين موديل 2005



اما اسعاره فحلوه صراحه

اذكر قبل رمضان يحطون عنه اعلان يبدا بـ 95 الف ريال ويقول ان السعر الاساسي 98 يعني يقال لهم مسوين تخفيض

وفي رمضان حطوا اعلان تخفيض يبدا بـ 93 الف ريال

ومدري كم صار سعره الحين

من عام 2006 تم تغيير السيارة بالكامل ومن ناحية الثولثه على قوله اقرأ هذه المواصفات :
فالسيارة تعمل على الدفع الخلفي بصورة قياسية مالم يتم اختيار وضع الدفع الرباعي إما الخفيف او الثقيل بالضغط على الازرار في لوحة القيادة كما يتم تنشيط نظام الدفع الرباعي اوتوماتيكيا متى استشعر نظام التحكم بالتماسك بوجود فقدان التماسك بالارض لأحد الاطارات، فيقوم بتحويل العزم إلى الاطارات الاكثر تماسكا بصورة غير محسوسة. والنتيجة نظام دفع رباعي محترم

تحياتي للجميع

[khalid54]

القاصي1 ما شاء الله عليك....شكلك موسوعة الله يبارك لك..
وهذا بيخلينا نزعجك بكثرة الاسئلة، ولا يهونون الاخوان اعضاء المنتدى ....بارك الله فيكم.
وش موضوع الثولثه
جربت واحد من الوكاله بصراحة الموتر جيد بس ما احس انه فيه فرق بالراحة كثير عن الباث(النوع القديم2001) يقال ان اليايات تلين مع الاستخدام ..ما رايك، وهل الموتر يهرقل. التكييف وش اخبارة هل تمام

شاكرين تعاونك وجهودك

[khaled1417]

اخوي

انا معي واحد 2004 وماشي الان 126.000 الف
والله ممتاز جد وانا موظب على الصيانة كل 5000 كلم
وكذلك عرض فورد الاهم هو 200 الف كلم او 5 سنوات بشرط الصيانة كل 5000 الف

[khalid54]

اخوي

انا معي واحد 2004 وماشي الان 126.000 الف
والله ممتاز جد وانا موظب على الصيانة كل 5000 كلم
وكذلك عرض فورد الاهم هو 200 الف كلم او 5 سنوات بشرط الصيانة كل 5000 الف


مشكور احوي خالد والله يبارك لك

اتذكر مستشار المبيعات قال لي الصيانة كل 8000 كم,, زين وضحت لي هالنقطة نتاكد منها

كم تكلف الصيانة لكل زيارة تقريبا هل تشمل تغيير الزيت ،،، التكييف والحرارة شلون

مشكوووور

[عريدان]

أخوي خالد 54 توكل على الله وخذ الاإكسبلورر ولا نت ندمان لأن بسعره حتى الكوريات صارت أغلى منه، نعوذ بالله من الغلاء و البغاء وأنواع البلاء. والباث ما عاد عليه حسوفة ماهوب تاركه الطير وهو فيه خير؟!! إخلص ترى العزايم معها الغنايم والموسم عالابواب الله يبارك ويزيدنا من واسع فضله. المازدا زينه في جده ومكه.

[khalid54]

جزاك الله خير اخوي عريدان

[القاصي1]

القاصي1 ما شاء الله عليك....شكلك موسوعة الله يبارك لك..
وهذا بيخلينا نزعجك بكثرة الاسئلة، ولا يهونون الاخوان اعضاء المنتدى ....بارك الله فيكم.
وش موضوع الثولثه
جربت واحد من الوكاله بصراحة الموتر جيد بس ما احس انه فيه فرق بالراحة كثير عن الباث(النوع القديم2001) يقال ان اليايات تلين مع الاستخدام ..ما رايك، وهل الموتر يهرقل. التكييف وش اخبارة هل تمام

شاكرين تعاونك وجهودك


ابدا اسأل على كيفك
الثوله يقصد ان كفر يتعلق ويدور (بوش) وهذي مشكله في الغراز .
اما اذا كانت السيارة جديده فبتكون مطبها قوي ومع الوقت تخف كثير.
الهرقله السيارة ما تهرقل بالسهوله التي بعض الناس يحسبونها .
اما المكيف ممتاز وخاصه ان كل صف لهم فتحات خاصه بهم .

للمعلومية الصيانة كل 8000
تحياتي للجميع

[khaled1417]

ممتاز الحين 8000 كلم والله ياخوان هذا كان مكتوب في الكتلوج عام 2004 5000 ميل يعني 8000 كلم
عل العموم صيانتهم ممتازة، ايام الضمان غير ولي محور الدوران وماطور المكيف الخلفي والكرونة على الضمان وكان تكلفتها حدودد 5500 ريال بس اول شي شيكو على الصيانة اني منتظم وكنت مفوت صيانتين بس ماقلو شي

على فكرة مكلفتني الصيانة 17345 خلال 22 صيانة يعني بمعدل 788 ريال

واتصلت بالصيانة 2319944 وافادة ان الصيانة تغيرت لموديلات 2007 و 2008 كل 8000الف

[khalid54]

الف شكر للنشامى
ما قصرتوا

.........ترا فيه رجعه باسئلة ثانية الله يعينكم علينا

[القاصي1]

الف شكر للنشامى
ما قصرتوا

.........ترا فيه رجعه باسئلة ثانية الله يعينكم علينا

ننتظر أسئلتك بالبال السامح
ولكن من وجه نظري حاول تشتري 2008 لان اعتقد والله اعلم ان اسعار الامريكي بترتفع بعد صعود الدولار اما العملات الثانية .
بتقول ارنفاع الدولار ما يأثر على الريال ...اقول كلامك صحيح ..لكن للاسف الوكالات عندنا يدورون اي سبب لرفع الاسعار ولو كان غير مباشر .

تحياتي للجميع

[khalid54]

ننتظر أسئلتك بالبال السامح
ولكن من وجه نظري حاول تشتري 2008 لان اعتقد والله اعلم ان اسعار الامريكي بترتفع بعد صعود الدولار اما العملات الثانية .
بتقول ارنفاع الدولار ما يأثر على الريال ...اقول كلامك صحيح ..لكن للاسف الوكالات عندنا يدورون اي سبب لرفع الاسعار ولو كان غير مباشر .

تحياتي للجميع


جزاك الله خير
هذا عشمنا في نشامى المنتدى

[abogana]

أنا كنت أبحث عن سيارة ونال إعجابي الإكسبلور فوضعت بحث على قوقل للإكسبلور وأوصلني إلى هذا المنتدى الرائع ...ومن الصدفة أني كنت قد سجلت بالموقع في العام الماضي فهذه أول مشاركة لي ....
وحيث أني قد قرأت عن الموتر وأعجبني أيما إعجاب فبعدما استخرت وارتاحت نفسي لهذه السيارة ذهبت لشركة توكيلات الجزيرة لأشتري الإكسبلورر ولعدم توفر اللون الذي أرغبه قالوا لي موجود في جدة وأنا في القصيم فانتظر يومين أوثلاثة ولكن لابد من عربون لطلبه فأعطيتهم ثلاثة آلاف ريال طبعاً أنا أرغب اللون الأبيض ( اللؤلؤي) أسأل الله أن يطعمي من خيره ويكفيني شره ...آمين

[khalid54]

أنا كنت أبحث عن سيارة ونال إعجابي الإكسبلور فوضعت بحث على قوقل للإكسبلور وأوصلني إلى هذا المنتدى الرائع ...ومن الصدفة أني كنت قد سجلت بالموقع في العام الماضي فهذه أول مشاركة لي ....
وحيث أني قد قرأت عن الموتر وأعجبني أيما إعجاب فبعدما استخرت وارتاحت نفسي لهذه السيارة ذهبت لشركة توكيلات الجزيرة لأشتري الإكسبلورر ولعدم توفر اللون الذي أرغبه قالوا لي موجود في جدة وأنا في القصيم فانتظر يومين أوثلاثة ولكن لابد من عربون لطلبه فأعطيتهم ثلاثة آلاف ريال طبعاً أنا أرغب اللون الأبيض ( اللؤلؤي) أسأل الله أن يطعمي من خيره ويكفيني شره ...آمين

بالتوفيق الله يبارك لك ويعطيك خيرة

شاخبار السعر كم قالولك...

[جمعان 22]

سيارة رديئة

حسب تجربة اخوه الميركوري ( اكسبلورر فخم )

يعاني صاحبها من تعطل بعض الاجزاء ... علما انه لا يعرف البر ومهتم جدا بسيارته

هذه السيارة لا تقارن ابدا بغيرها من السيارات اليابانية التي جربتها

بالتوفيق

[khalid54]

سيارة رديئة

حسب تجربة اخوه الميركوري ( اكسبلورر فخم )

يعاني صاحبها من تعطل بعض الاجزاء ... علما انه لا يعرف البر ومهتم جدا بسيارته

هذه السيارة لا تقارن ابدا بغيرها من السيارات اليابانية التي جربتها

بالتوفيق

هلا اخوي جمعان..
وش الاعطال اللي تعاني منها واي موديل.....
الميركوري يختلف عن الاكسيلورر على حد علمي، يجي الميركوري دفع رباعي مستمر وهذا خلاف الاكسبلورر
هل انت جربيت الاكسبلورر والا الميركوريي
شاكرين مرورك وتجاوبك

[رحالة الخليج]

سيارة رديئة

حسب تجربة اخوه الميركوري ( اكسبلورر فخم )

يعاني صاحبها من تعطل بعض الاجزاء ... علما انه لا يعرف البر ومهتم جدا بسيارته

هذه السيارة لا تقارن ابدا بغيرها من السيارات اليابانية التي جربتها

بالتوفيق
:no2:
اخوي جمعان يعطيك العافية ، أنا معي أكسبلورر 2008 والحمد لله ما به خلاف معه والشيء الأكيد أن فيه اختلاف كبير ما بين وكالة ميركوري وفورد من حيث المواصفات الميكانيكية للمركبة والالكترونية والكهربائية والي بيقدر على سعر الياباني الله يقويه ويطعمه من خيره ويكافيه شره ولكن الاكسبلورر سيارة تبيض الوجه .

[khalid54]

:no2:
اخوي جمعان يعطيك العافية ، أنا معي أكسبلورر 2008 والحمد لله ما به خلاف معه والشيء الأكيد أن فيه اختلاف كبير ما بين وكالة ميركوري وفورد من حيث المواصفات الميكانيكية للمركبة والالكترونية والكهربائية والي بيقدر على سعر الياباني الله يقويه ويطعمه من خيره ويكافيه شره ولكن الاكسبلورر سيارة تبيض الوجه .


الله يبارك لك رحالة الخليج

ايه نبي من هالكلام الزين...الموتر تراه خاش المزااج..

[ammamm]

السلام عليكم ورحمة الله وبركاته

أخي خالد قرأت الموضوع والردود بالكامل والإخوان ما شاء الله ما قصروا وأنا في عندي إضافة

أولا الناس يختلفون من حيث الإستخدام ولهذا خذ برأي الأغلبية لأنه في ناس يسوق السيارة في الشوارع بطريقة جنونية ولا يراعي حالة السيارة وبعدها ممكن يقول السيارة ما نزلت الطعوس

ثانيا لي صديق يعمل في الوكالة في قسم الصيانة ومدح الإكسبلورر بناءً على خبرته في الصيانة وبناءً على خبرته من آراء العملاء

ثالثا نسيبي عنده إكسبلورر 2005 طلعه من الوكالة بعد ما كان عنده لاندكروزر 2004 ويمدح في كثير ولا واجه معه مشاكل.

رابعا الأمريكي أريح في السفر

رأيي الشخصي استخير وتوكل على الله مع الإكسبلورر لأنها أفضل سيارة من ناحية السعر - المواصفات - الصيانة - داخل المدينة - في البر - حجمها معقول - اقتصادية في البنزين

ملاحظاتي على المازدا:

1- لا أعتقد أنها سيارة ناجحة في البر وهي سيارة للمدينة مع بريستيج الدفع الرباعي مثل الطوراق والبورش والبي أم ولو استخدمتها للبر راح تبدأ تطلع لك مشاكل كثيرة.

2- وقف على الشارع وشوف بنفسك كم إكسبلورر راح يمر خلال نصف ساعة مع أنك ممكن توقف طول اليوم وما تمر ولا مازدا وهذا بالطبع راح ينعكس على توفر قطع الغيار والصيانة علما بأنك قد لا تجد أحد يفهم في صيانتها إلا الوكالة.

3- مهما جلست المازدا معك في يوم من الأيام راح تبيع وعندها ممكن تخسر مبلغ مو بسيط

أرجو أني أكون أفدتك قد المستطاع

[سعد الاحمد]

انا احد ملاك الاكسبلورر
معي واحد موديل 2007 وجميل جداً ورائع في الطرقات الطويلة مريح وفي البر ايضا مريح وفي الطعوس قوي وعزمه نشيط .. ولاحظت ميزه فيه بأنه لا يغرز بسهولة .. يعني اذا طاح عزمه في الرمل فإنه لا يحفر مثل بقية الجيوب وخاصة اليابانية .. فتتوزع قوة السيارة على الكفرات الأربعة بالتساوي وبالتناوب .. وايضا فيه ميزه مانع الإنزلاق بحيث لا تجعل الكفر يحفر او يدور بسرعة بدون فائدة ... وهذه ميزة جميلة جداً ...

انت سوف تشتري سيارة جديدة ان شاء الله ولا تخاف من شيء فهي على الضمان لمدة خمس سنوات أو 200.000 كيلومتر ...

بالنسبة للهربدة او الخرفشة او القرقعة في الطبلون من كثرة الاستخدام وخاصة في البر .. فلاحظ ان اي سيارة تستخدم كثير حتى في داخل المدينة فإنه من الطبيعي جداً ظهور اصوات سواء في الطبلون او الديكورات الخاصة بالسيارة خاصة بعد مرور فترة من الزمن على الاستخدام ...

اتمنى لك التوفيق ؛؛؛

[abogana]

بالتوفيق الله يبارك لك ويعطيك خيرة

شاخبار السعر كم قالولك...

آمين جزاك الله خير

أخباري بخير ولله الحمد

بالنسبة لسعر السيارة فبما أني لا أرغب الجلد أخذت أفضل أنواع مراتب المخمل وهو الذي يوجد فيه حساسات ولوحة أرقام بالباب وسعره 95250 ريال

[khalid54]

السلام عليكم ورحمة الله وبركاته

أخي خالد قرأت الموضوع والردود بالكامل والإخوان ما شاء الله ما قصروا وأنا في عندي إضافة

أولا الناس يختلفون من حيث الإستخدام ولهذا خذ برأي الأغلبية لأنه في ناس يسوق السيارة في الشوارع بطريقة جنونية ولا يراعي حالة السيارة وبعدها ممكن يقول السيارة ما نزلت الطعوس

ثانيا لي صديق يعمل في الوكالة في قسم الصيانة ومدح الإكسبلورر بناءً على خبرته في الصيانة وبناءً على خبرته من آراء العملاء

ثالثا نسيبي عنده إكسبلورر 2005 طلعه من الوكالة بعد ما كان عنده لاندكروزر 2004 ويمدح في كثير ولا واجه معه مشاكل.

رابعا الأمريكي أريح في السفر

رأيي الشخصي استخير وتوكل على الله مع الإكسبلورر لأنها أفضل سيارة من ناحية السعر - المواصفات - الصيانة - داخل المدينة - في البر - حجمها معقول - اقتصادية في البنزين

ملاحظاتي على المازدا:

1- لا أعتقد أنها سيارة ناجحة في البر وهي سيارة للمدينة مع بريستيج الدفع الرباعي مثل الطوراق والبورش والبي أم ولو استخدمتها للبر راح تبدأ تطلع لك مشاكل كثيرة.

2- وقف على الشارع وشوف بنفسك كم إكسبلورر راح يمر خلال نصف ساعة مع أنك ممكن توقف طول اليوم وما تمر ولا مازدا وهذا بالطبع راح ينعكس على توفر قطع الغيار والصيانة علما بأنك قد لا تجد أحد يفهم في صيانتها إلا الوكالة.

3- مهما جلست المازدا معك في يوم من الأيام راح تبيع وعندها ممكن تخسر مبلغ مو بسيط

أرجو أني أكون أفدتك قد المستطاع

مشكوور على المرور والنصيحة،،، رايك على العين والراس
من ناحية بر فما هناك بر بالمعنى...اللهم على خفيف


انا احد ملاك الاكسبلورر
معي واحد موديل 2007 وجميل جداً ورائع في الطرقات الطويلة مريح وفي البر ايضا مريح وفي الطعوس قوي وعزمه نشيط .. ولاحظت ميزه فيه بأنه لا يغرز بسهولة .. يعني اذا طاح عزمه في الرمل فإنه لا يحفر مثل بقية الجيوب وخاصة اليابانية .. فتتوزع قوة السيارة على الكفرات الأربعة بالتساوي وبالتناوب .. وايضا فيه ميزه مانع الإنزلاق بحيث لا تجعل الكفر يحفر او يدور بسرعة بدون فائدة ... وهذه ميزة جميلة جداً ...

انت سوف تشتري سيارة جديدة ان شاء الله ولا تخاف من شيء فهي على الضمان لمدة خمس سنوات أو 200.000 كيلومتر ...

بالنسبة للهربدة او الخرفشة او القرقعة في الطبلون من كثرة الاستخدام وخاصة في البر .. فلاحظ ان اي سيارة تستخدم كثير حتى في داخل المدينة فإنه من الطبيعي جداً ظهور اصوات سواء في الطبلون او الديكورات الخاصة بالسيارة خاصة بعد مرور فترة من الزمن على الاستخدام ...

اتمنى لك التوفيق ؛؛؛


الله يبارك لك
مشكوور على المرور

[رحالة الخليج]

الله يبارك لك رحالة الخليج

ايه نبي من هالكلام الزين...الموتر تراه خاش المزااج..

الله يجزاك بالجنة وانا اخوك يا الله شد حيلك واشتراه علشان نسوي مثل غيرنا نفتح رابطة للإكسبلورر :good: :hot:

[القاصي1]

الله يجزاك بالجنة وانا اخوك يا الله شد حيلك واشتراه علشان نسوي مثل غيرنا نفتح رابطة للإكسبلورر :good: :hot:



وانا اول واحد ينضم للرابطة
وهذي صورة سيارتي

http://www10.0zz0.com/thumbs/2008/10/29/21/908282420.jpg

تحياتي للجميع

[khalid54]

الله يجزاك بالجنة وانا اخوك يا الله شد حيلك واشتراه علشان نسوي مثل غيرنا نفتح رابطة للإكسبلورر :good: :hot:

الله يكتب ما فية الخير
الرابطة فكرة جيدة ياليت تتم فهي تهمني حتى لو ما شريت





وانا اول واحد ينضم للرابطة



وهذي صورة سيارتي


http://www10.0zz0.com/thumbs/2008/10/29/21/908282420.jpg



تحياتي للجميع


دايم بالشوفه القاصي 1 الله يبارك لك بالموتر

[القاصي1]

الله يبارك فيك

ايش سويت شريت والا ...بعد

الله ان كل لك فيه خير ان الله ييسر لك
وان كان فيه شر لك ان الله يمنعك منه .

[khalid54]

الله يبارك فيك



ايش سويت شريت والا ...بعد


الله ان كل لك فيه خير ان الله ييسر لك

وان كان فيه شر لك ان الله يمنعك منه .

مشكور على الاهتمام والسؤال
الى الحين نقولب الفكرة...كان عندي امل انهم ينزلون السعر بعد نصيحة واحد من الوكاله الاسبوع الماضي قال لي يمكن يسون عرض اصبر، ولكن اليوم كلمني وقال ما فيه عرض.
الله يسر لنا ولكم

[Explorer2007]

السلام عليكم اخوي .. والله بصراحه يعني استغرب كيف تقارن صراحه .. لكن ماعليه الواحد يشاور .. انا عني لك .. اكسبلورر وانت مغمض .. معاي واحد 2007
يازينه زيناه بس .. ان بغيته بر خذ رجال وان بغيته فخامه ماعليه .. وان بغيته راحه هو كذلك وان بغيته خطوط مافي اريح منه وصرفية البنزين على كيف كيفك .. والمشاكل ولله الحمدل ماصادفت اي مشكله ما شا الله عليه .. ومثل ما قالوا لك الشباب تختلف على حسب الاستخدام انت شخص تبي مدينه وسفريات وماهمك البر خذ المازدا مع اني ما انصح لسبب واحد اول شي الجيب حقهم جديد واول موديل ينزل ماخبرت مازدا جيب كلنا نعرفها مازدا بقره ههههههههههههه .. ثاني شي ياباني وهذي ميزه وعيب ميزه ان الياباني ماعليه كلام وعيب ان القطع مكلفه والصيانه كذلك .. اعلى صيانة للأكسبلورر 900 ريال وكانت صيانة الـ 25000 وغيرو لي فيها البواجي وفلتر البنزين وفلتر الهوا .. واعلى صيانه له على مدى 100000 كيلو متر توصل معك للـ 1100 ريال وشفت الجدول حقها .. بصراحه مو عشان معاي اكسبلورر لكن عشان معي وعشان سمعة السياره مايحتاج
وماهي من 2005 وبس من زمان ولازالت وتشوفون الموديلات القديمه الى الان تعطي ما شا الله وزي الفل
لذلك عشان ما اطيل عليك توكل على الله وخذ لك اكسبلورر وان شا الله بتدعي لي .. بس ارفق على الموتر
وطبيعي اي سياره اذا الواحد ماهتم فيها راح تتهرقل وتسمع فيها اصوات لكن الاهتمام واجب .. والدبل ما شا الله عليه ماعليه خلاف وعزم السياره ما شا الله ماعليه واذا ودك بفخامه اكثر ومساحه اكبر اشور لك بالاكسبديشن بعد .. فورد مايحتاج قطع رخيصه مقارنه بالموجود .. افضل الامريكي من ناحية الاستعمال وخدمات مابعد البيع وغير كذا الاكسبلورر يجمع بين سيارة البر وسيارة المدينة .. وقدرتها على التحمل مايحتاج .. والقرار بالاخير راجع لك .. بس احسك ظلمت الاكسبلورر بهالمقارنة الاكسبلورر يقارن بسيارة الـ Suv المتوسطه من الشركات الاخرى .. باث فايندر بليزر برادو اف جي كروزر فورتشنر .. وشي مهم لاحظته انا ولاحظوه اكثر الناس اللي ركبت معي واللي فاهمه بالسيارات .. مطبات الاكسبلورر ما شا الله مايحتاج ماتحس بالقرقعه وصلب وماسك نفسه بالطريق .. والخيار لك والله يكتب لك الخير ..

المشكله ان فورد عروضها برمضان .. وانا اغتنمت العرض الرمضاني واخذته بعد ما كان بـ 110000 اخذته بـ 99000 موديل Xlt حساسات ولون واحد .. وارقام على الباب ..

لكن انتظر عروض يمكن بقرب موسم الحج او اذا مافرقت معك توكل على الله وطقه ..

وتحياتي لك واسف ع الاطاله

[khalid54]

السلام عليكم اخوي .. والله بصراحه يعني استغرب كيف تقارن صراحه .. لكن ماعليه الواحد يشاور .. انا عني لك .. اكسبلورر وانت مغمض .. معاي واحد 2007
يازينه زيناه بس .. ان بغيته بر خذ رجال وان بغيته فخامه ماعليه .. وان بغيته راحه هو كذلك وان بغيته خطوط مافي اريح منه وصرفية البنزين على كيف كيفك .. والمشاكل ولله الحمدل ماصادفت اي مشكله ما شا الله عليه .. ومثل ما قالوا لك الشباب تختلف على حسب الاستخدام انت شخص تبي مدينه وسفريات وماهمك البر خذ المازدا مع اني ما انصح لسبب واحد اول شي الجيب حقهم جديد واول موديل ينزل ماخبرت مازدا جيب كلنا نعرفها مازدا بقره ههههههههههههه .. ثاني شي ياباني وهذي ميزه وعيب ميزه ان الياباني ماعليه كلام وعيب ان القطع مكلفه والصيانه كذلك .. اعلى صيانة للأكسبلورر 900 ريال وكانت صيانة الـ 25000 وغيرو لي فيها البواجي وفلتر البنزين وفلتر الهوا .. واعلى صيانه له على مدى 100000 كيلو متر توصل معك للـ 1100 ريال وشفت الجدول حقها .. بصراحه مو عشان معاي اكسبلورر لكن عشان معي وعشان سمعة السياره مايحتاج
وماهي من 2005 وبس من زمان ولازالت وتشوفون الموديلات القديمه الى الان تعطي ما شا الله وزي الفل
لذلك عشان ما اطيل عليك توكل على الله وخذ لك اكسبلورر وان شا الله بتدعي لي .. بس ارفق على الموتر
وطبيعي اي سياره اذا الواحد ماهتم فيها راح تتهرقل وتسمع فيها اصوات لكن الاهتمام واجب .. والدبل ما شا الله عليه ماعليه خلاف وعزم السياره ما شا الله ماعليه واذا ودك بفخامه اكثر ومساحه اكبر اشور لك بالاكسبديشن بعد .. فورد مايحتاج قطع رخيصه مقارنه بالموجود .. افضل الامريكي من ناحية الاستعمال وخدمات مابعد البيع وغير كذا الاكسبلورر يجمع بين سيارة البر وسيارة المدينة .. وقدرتها على التحمل مايحتاج .. والقرار بالاخير راجع لك .. بس احسك ظلمت الاكسبلورر بهالمقارنة الاكسبلورر يقارن بسيارة الـ Suv المتوسطه من الشركات الاخرى .. باث فايندر بليزر برادو اف جي كروزر فورتشنر .. وشي مهم لاحظته انا ولاحظوه اكثر الناس اللي ركبت معي واللي فاهمه بالسيارات .. مطبات الاكسبلورر ما شا الله مايحتاج ماتحس بالقرقعه وصلب وماسك نفسه بالطريق .. والخيار لك والله يكتب لك الخير ..

المشكله ان فورد عروضها برمضان .. وانا اغتنمت العرض الرمضاني واخذته بعد ما كان بـ 110000 اخذته بـ 99000 موديل Xlt حساسات ولون واحد .. وارقام على الباب ..

لكن انتظر عروض يمكن بقرب موسم الحج او اذا مافرقت معك توكل على الله وطقه ..

وتحياتي لك واسف ع الاطاله

مشكوور والله يبارم لك ويعطيك خيره
ان شاء الله ناوين عليه والله يسر الامور

[ونااااسه]

السلام عليكم .. حبيت اقولك انه بالنفود لايقارن بالباث والباث المقصود 2005 وحوله لانه معروف انه خفييييف (على كلامك ان معك باث)
اخوي معه فرت 2008 وماعليه بالخط ماشاء الله وبالنفد بعد حليو

[SULTAN MUTIRI]

أخوي الغالي توكل على الله وخذ الفورد .

انا عن تجربة - السيارة رائعة جداً لها معي أكثر من سنتين موديلها 2006 ماشية 65000كلم ماشاء الله على الخط راسية وثقيلة وفي الرمل تبيض الوجه .
العيب الوحيد شاصيها قريب من الارض ، يعني انتبه من بعض المحلات لا يعلق بها .
سيارة عملية واقتصادية ومريحة جداً .


لك تحياتي وبالتوفيق
وأنا في إنتظار رابطة ملاك الإكسبلورر

[khalid54]

توكلنا على الله ودفعنا العربون امس... الله يسر لنا ولكم

احب اشكر كل من ساهم في الموضوع وكل من مر وكل من نصح جزاهم الله خير وبارك الله فيهم

[القاصي1]

توكلنا على الله ودفعنا العربون امس... الله يسر لنا ولكم

احب اشكر كل من ساهم في الموضوع وكل من مر وكل من نصح جزاهم الله خير وبارك الله فيهم




الله يعطيك من خيره ويكفيك شره

[القاصي1]

بخصوص الرابطة
تجدون الموضوع على هذا الرابط

http://75.126.184.24/~mekshat/vb/showthread.php?t=164187


نرجو التفاعل والتسجيل

[العوفي97]

اخوي الفورد افضل والله اعلم خويي معه 2002 فاكه وكاله وماشي معاه ويكفي وكالته
مافي زيها

[khalid54]

الله يعطيك من خيره ويكفيك شره

جزاك الله خير




اخوي الفورد افضل والله اعلم خويي معه 2002 فاكه وكاله وماشي معاه ويكفي وكالته
مافي زيها

مشكوور وجزاك الله خير

[سيل الخرج]

وحد من اخوياي معه اكسبلورر يا كثر خراباته بعد 50000 كم واحد من حقين المعرض قالي السياره قبل 50 ممتازه لاكن بعد 50 تبدى الخرابات تطلعلك خذ المازدا احسن

[سلطان55]

الله يعطيك خيره ويكفيك شره وان شاءالله شملك عرضهم انا مريت فرع التخصصي يوم السبت الماضي عشان واحد من الزملاء بيشتري وقال الموظف له في عرض سعر اللي حساسات مع ارقام سريه91225ريال شامله اللوحات والأستماره

[ALSEMAIRI]

السلام عليكم

يالربع وش شوركم حصلت لي واحدذعلى قد قروشي موديل 2002 نظيف جداً من البودي والمحركات
أعطونا شوركم هل يستحق الإقتناء وكيف أسعار قطع الغيار ؟؟

[khalid54]

وحد من اخوياي معه اكسبلورر يا كثر خراباته بعد 50000 كم واحد من حقين المعرض قالي السياره قبل 50 ممتازه لاكن بعد 50 تبدى الخرابات تطلعلك خذ المازدا احسن
جزاك الله خير... بس حقين المعارض الله اعلم بنياتهم

الله يعطيك خيره ويكفيك شره وان شاءالله شملك عرضهم انا مريت فرع التخصصي يوم السبت الماضي عشان واحد من الزملاء بيشتري وقال الموظف له في عرض سعر اللي حساسات مع ارقام سريه91225ريال شامله اللوحات والأستماره
جزاك الله خير .... اكيد ما شجعني إلا العرض ، هل الالوان متوفره في الرياض ( في الشرقيه لقيت اسود وكم لون ما عجبتني)

السلام عليكم

يالربع وش شوركم حصلت لي واحدذعلى قد قروشي موديل 2002 نظيف جداً من البودي والمحركات
أعطونا شوركم هل يستحق الإقتناء وكيف أسعار قطع الغيار ؟؟
ان شاء الله الاخوان اللي جربو الموتر يفيدونك

[براوننق]

يا اخوان كم سعر اللي يجي طويل عند الوكاله او مديل2007

[khalid54]

يا اخوان كم سعر اللي يجي طويل عند الوكاله او مديل2007

الاكسبلورر حجم واحد
الا اذا تقصد اكسبدشن ما عندي فكره عنه مع الاسف

[عريدان]

مبروك أو مبارك عليك الف و ر د بس الله الله بالصور في المحلات الزينه والربيع وإإنتبه وإلتزم بالاذكار. وبالتوفيق . إذا كان ممكن تعطينا السعر شامل واللون. للإفاده....

[Explorer2007]

اخوي خالد مبروووووووك الله يطعمك من خيره ويكفيك شره ان شا الله .. يالله عاد لاتنسانا بالرابطه .. والصور .. والله يبارك لك فيه ان شا الله ..


اخوي السميري .. بالنسبه للـ 2002 والله ماعندي اي خلفيه او فكره .. لكن افحصه وتأكد من كل شي قبل لا تستعجل .. وغير كذا فورد ما شا الله معروفه حقت كرف .. ولكم في الفكتوريا اقرب مثال لحد الان الموديلات القديمه تمشي كذلك الاكسبلورر .. وقطع الغيار مقارنة بالامريكي .. اسعاره ممتازه .. وماهنا غلا فاحش ..
والله يوفقك ..



يا اخوان كم سعر اللي يجي طويل عند الوكاله او مديل2007

اخوي بالنسبه للإكسبلورر مثل ما قالولك يجي حجم واحد .. او اذا كنت تقصد ايدي بور .. اللي يكون صحن
فيه صندوق بالخلف .. هذا ياطويل العمر سألت عنه برمضان قالولي 111000 .. اتوقع يمكن خفضوه الحين

وان كانك تقصد الاكسبديشن EL اللي هو طويل او ملكي .. هذا ياطويل العمر برضه سعره برمضان لقيته بالمعارض جديد .. مامشى .. على 116000 .. والاسعار اتوقع تغيرت الحين بالعروض وموسم الحج
على اية حال فورد اسعارها معقوله جدا ..

[khalid54]

بارك الله فيك يالغالي
ابشر بالخير... الله يجيب الربيع والجو الزين مع العافية
بالنسبة للسعر 91 الف قفل ارقام على الباب مع حساسات (مسوين عرض تماااام عليه)
الله يوفق الجميع

[عريدان]

عُلم وما قصرت وفالك طيب بإذن الله....

[saif46]

الف مبروووووووووووووووووك
الله يعطيك من خيره ويكفيك شره

[khalid54]

الف مبروووووووووووووووووك
الله يعطيك من خيره ويكفيك شره


جزاك الله خير
وبارك الله فيك ولك

[أبوسمر الجديد]

السلام عليكم..

خربتوني.. قريت موضوعكم وكنت أبشتري سيارة بس ما أدري وش المناسب مع الحاجة والمادة والصبر وقطع الغيار والعمر و.... إلخ.
فاكتشفت إن إكسبلورر هو الحل بإذن الله..
رحت اليوم للتوكيلات ودفعت العربون على Xlt فضي.. واحترت بينه وبين الأبيض اللؤلؤي.. وقال المندوب لك إلى بكرة فكر باللون؟؟
وشرايكم الأبيض وإلا الفضي المعدني؟!


أمر آخر..
ودي أبيع سيارتي الحالية وهي من نوع فورد فكتوريا ستاندر مطور سبورت- اللون أخضر 2006م - داخلي بيج - ماشية 85000كم -
نظيفة جداً ولله الحمد ولكن فيها ضربة في الرفرف الأيسر الخلفي ولم أقم بتعديلها وهي على وضعها الحالي..

توقعون كم تسوى؟!
خصوصاً أن بعض الزملاء قايلين إذا بغيت تبيع ترانا شرايين!!
وودي أعرف كم تستاهل علشان أشوف عنهم..

[كاشت وحداني]

على فكره اللي يقولون ان القير في الاكسبلورر ينفرط .
غالبا ينفرط من سؤ الاستخدام . واهم القاوعد الاساسيه لاستخدام القير الاتوماتيك .
1- عدم وضعه في اتجاه والسياره لازالت تسير بالعكس . يعني البعض يجي مريوس ثم يرده في الdوهو باقي يتحرك للخلف او العكس .
2- في الطلعات وخصوصا الطويله كالهداء وبعض المناطق في المنطقه الجنوبيه وحتى طلعة القديه . من المفترض اغلاق الاوفر درايف لكي تبقى السياره نشيطه ولا يتعب القير .
3- العنايه بزيت وفلتر القير وتغييرها من فتره لفتره حسب الاستخدام .

[أبوسمر الجديد]

السلام عليكم..

خربتوني.. قريت موضوعكم وكنت أبشتري سيارة بس ما أدري وش المناسب مع الحاجة والمادة والصبر وقطع الغيار والعمر و.... إلخ.
فاكتشفت إن إكسبلورر هو الحل بإذن الله..
رحت اليوم للتوكيلات ودفعت العربون على Xlt فضي.. واحترت بينه وبين الأبيض اللؤلؤي.. وقال المندوب لك إلى بكرة فكر باللون؟؟
وشرايكم الأبيض وإلا الفضي المعدني؟!


أمر آخر..
ودي أبيع سيارتي الحالية وهي من نوع فورد فكتوريا ستاندر مطور سبورت- اللون أخضر 2006م - داخلي بيج - ماشية 85000كم -
نظيفة جداً ولله الحمد ولكن فيها ضربة في الرفرف الأيسر الخلفي ولم أقم بتعديلها وهي على وضعها الحالي..

توقعون كم تسوى؟!
خصوصاً أن بعض الزملاء قايلين إذا بغيت تبيع ترانا شرايين!!
وودي أعرف كم تستاهل علشان أشوف عنهم..





ما أفادني أحد!!

أرجوكم أفيدوني الوقت خلص ولازم أرسي غلى رأي واحد..

[khalid54]

السلام عليكم..

خربتوني.. قريت موضوعكم وكنت أبشتري سيارة بس ما أدري وش المناسب مع الحاجة والمادة والصبر وقطع الغيار والعمر و.... إلخ.
فاكتشفت إن إكسبلورر هو الحل بإذن الله..
رحت اليوم للتوكيلات ودفعت العربون على Xlt فضي.. واحترت بينه وبين الأبيض اللؤلؤي.. وقال المندوب لك إلى بكرة فكر باللون؟؟
وشرايكم الأبيض وإلا الفضي المعدني؟!


أمر آخر..
ودي أبيع سيارتي الحالية وهي من نوع فورد فكتوريا ستاندر مطور سبورت- اللون أخضر 2006م - داخلي بيج - ماشية 85000كم -
نظيفة جداً ولله الحمد ولكن فيها ضربة في الرفرف الأيسر الخلفي ولم أقم بتعديلها وهي على وضعها الحالي..

توقعون كم تسوى؟!
خصوصاً أن بعض الزملاء قايلين إذا بغيت تبيع ترانا شرايين!!
وودي أعرف كم تستاهل علشان أشوف عنهم..

مبروك مقدما الله يعطيك خيره ويكفيك شره
اللون ذوق شخصي يعتمد عليك ،،الالوان اللي ذكرتها حلوة - الاسود يعطيه فخامة واكبر من حجمه بس يمكن البعض ما يبي الاسود علشان النظافه
موفق ان شاء الله
في اي مدينه انت؟

[أبوسمر الجديد]

لا زلت أنتظر ردا عاجلاً..

[أبوسمر الجديد]

أأووووه ما دريت إن في أحد رد على مشاركتي..

شكرا خالد..
أولا أنا في الرياض..

ثاني تنصحني آخذ أسود وإلا لا؟!

[أبوسمر الجديد]

لأن الفضي مشكلته.. ما يبين معه الزيك (النيكل)

والأبيض شكله مو ذاك خصوصاً من الخلفية!!

والأسود حلو بس قال لي استشاري المبيعات إن مشكلته في النظافة وكذلك لونه يبهت بعد سنتين أو ثلاث لأنه لماع؟!

واحترت زيادة ولا عندهم إلا هذي الألوان؟!

احترت؟!

[khalid54]

آسف للتاخير

زي ما قلت لك الاسود حلو وانا شخصيا اخترته لانه يعطيه حجم اكبر خلاف الالوان الثانية حقيقة اكثر ما شجعني وخل السيارة مزاجي الاسود خاصة مع الكروم مثل ما تفظلت بس مشكلتة النظافه
مسألة انه يبهت ما عندي فكره بس اشوف سيارات قديمة لونها زين
والراي الاخير لك

الله يوفقك

[القاصي1]

هلا بك اخوي ابو سمر


اللون انا اخذت فضي معدني


وبصراحه الابيض احلى
من وجهة نظري
ام اسعار السيارات ما اعرفها بالضبط
وبسرعه ترى منتظرينك في الرابطه


تحياتي لك

[الفتى سندباد]

الغالي .. أبوسمر
اللؤلؤي حلو لكن الفضي الفاتح أفضل من وجهة نظري
وفيه ميزة الفضي عن باقي الألوان وهي من داخل السيارة
لونها غامق والطبلون أسود وهذه ميزة
خاصة أنها سيارةدفع رباعي ومعرضة بشكل كبير للوسخ
عن غيرها من السيارات


ومبروك مقدماً والله يعطيك خيرها ويكفيك شرها

[محمد بن سعيد]

تو الوالد مطلع 2008 فل كامل (اكسبلور) عنابي بس ما يتعدى البايكه بس أنه يمدحه يقول مريح وطبعاً فيه مواصفات ممتازة ودبل خفيف وثقيل

[أبوسمر الجديد]

شكراً لجميع الإخوان ولا أنسى معروفكم..
يا الله طلعت من بالي الفضي ..
والحين احترت ما بين الأسود والأبيض اللؤلؤي..

عطوني ميزات الأبيض عن الأسود..
والأسود عن الأبيض..

وربي يرفع قدركم.. ويحميكم من الأخطار.. ويبعد عنكم مكاره الأقدار..

[khalid54]

والحين احترت ما بين الأسود والأبيض اللؤلؤي..

عطوني ميزات الأبيض عن الأسود..
والأسود عن الأبيض..

وربي يرفع قدركم.. ويحميكم من الأخطار.. ويبعد عنكم مكاره الأقدار


هي مسألة ذوق يالغالي القرار الاخير لك
الالوان الغامقة بشكل عام تحتاج تنظيف اكثر من غيرها من الالوان

[أبوسمر الجديد]

هي مسألة ذوق يالغالي القرار الاخير لك
الالوان الغامقة بشكل عام تحتاج تنظيف اكثر من غيرها من الالوان



المشكلة ذوقي يقول الأسود أحسن من الأبيض..
وعند التأمل أقول لا.. الأبيض أحسن لأنه يفكنا من مسألة تغسيل السيارة كل يوم..

وباقي ساعتين وسأجزم على أحد اللونين... وأسأل ربي أن يختار لي ما فيه خير وصالح

[الفتى سندباد]

شكراً لجميع الإخوان ولا أنسى معروفكم..
يا الله طلعت من بالي الفضي ..
والحين احترت ما بين الأسود والأبيض اللؤلؤي..

عطوني ميزات الأبيض عن الأسود..
والأسود عن الأبيض..

وربي يرفع قدركم.. ويحميكم من الأخطار.. ويبعد عنكم مكاره الأقدار..


بما أنك طلعت "الفضي" من خياراتك
توكل على الله وخذ اللؤلؤي وبلا تردد
ونصيحة أبعد عن الغامق بما انك بالسعودية

[Explorer2007]

هلا بك اخوي وحياك .. اول شي ان شا الله الله يبارك لك فيه ويعطيك خيره ويكفيك شره

ثاني شي مثل ما قالك احد الاخوان المسأله ذوقيه بالالوان .. لكن نصيحه .. خذ الابيض اللؤلؤي

اول شي اللون حلو وفخم على السياره بصراحه ثاني شي .. الالوان الغامقه تحتاج تنظيف دائم

واقل شي يبين فيها بصراحه وغير كذا بصراحه انا اشوف اللؤلؤي ما شا الله على الاكسبلورر شي مو طبيعي

يعني معطي السياره فخامه بزياده .. توكل على الله وخذ اللؤلؤي والله يبارك لك فيها ان شا الله ..

وابعد عن الغوامق تراك في السعوديه .. انك كان من الحر ولا والوسخ .. واسألي انا عندي الفحمي

المعدني .. بصراحه اللون حلو بس متعب بالتنظيف يعني اقل وسخ يبين فيه ..

ومبرووووك مقدما .. وحياك وان شا الله نبيك معنا بالرابطه هنا :

http://www.mekshat.com/vb/showthread.php?t=164187 (http://www.mekshat.com/vb/showthread.php?t=164187)

[khalid3275]

وسع صدرك مع Explorer 2008 فورد اكسبلورر 2008

اضغط الرابط
http://www.×××××××.com/watch?v=FO0Hvi1DyAE

[khalid3275]

http://www.×××××××.com/watch?v=FO0Hvi1DyAE

[شرطان الذهب]

شباب موديل 2011 كم سعره ةهل نزل السوق او لا واي وقت تنصحوني للشراء