جيب جراند شيروكي ... شرايكم بهالسيارة؟

[بوفايز]

السلام عليكم

لي رغبة في شراء جيب جراند شيروكي 2004 ثمانية سلندر استخدام امريكي.

ابي مشورتكم ونصائحكم من ناحية الصيانة وقطع الغيار والمشاكل والحرارة. هذا اكثر ما نسمع عنه عن هذي السيارة ولكن اريد نصيحة من شخص جرب السيارة واستخدمها.

كل الود

بوفايز

[بوفايز]

يا اخوان 41 مشاهدة للموضوع
والموضوع له اكثر من يومين ....... ولا رد؟؟؟؟؟؟؟

مكشات خبراتها اكثر من كذا

[فنجال السيف]

والله نصيحتي لك اخوي الامريكي كله انحش عنه وخاصه الاستخدام الامريكي مايمدحونه...

[exsoskeleton]

السلام عليكم ورحمة الله وبركاته هذي أسعار من واقع تغير قطع في سيارة اخوي 2000 استخدام والنوع جراند شيروكي لافاردو :
مكينة قزاز وحدة من الوكالة 650 بدون تركيب
الهوب بـ 1300 أخذنا تجاري بـ 300 ريال
وعلي فكرة كثرة الخربات ( يمكن عين يعني لا تقيس علي )
والدبل مش ولا بد ..............
ولكن الوالد عندي مستخدم للشروكيات من فترة طويله أفضل مديلين تعاملنا معاه كان 91 كلاسيك والحالي 95 جراند شيروكي لمتد . بس للعموم خذ سعودي أفضل بما إنه فوق الموديل فوق 2000 ......أرجو إني أكون ساعدتك .

[hightech]

اذا انت غاوي ورش ومحلات قطع غيار وتشاليح خذه
واذا مالك في هالامور خذا الشيروكي الصغير حليو
ويتحمل ولاهو يخالف مثل القراند .....................

[قرناس صلا]

هلا أبو فايز

انا مجرب السياره موديل 93 وموديل 97 روعه وجربتها فى البر والسفر , لا يعلى عليها , والموديلات الاحدث مع زملاي (باعوها كلها)

بعتها وطلقتها بالثلاث للاسباب التاليه :

-وكيل سيء (كلهم سيئين, لكن هو أسواء واحد بامتياز)
-اذا زاد الحمل او ركبت خزان او سحبت سياره تاكد ان عمود الدبل رايح رايح وراح تسمع اصوات وطبل ورجه تكرهك السيارات كلها
- كل فتره تسمع صوت .. تصلحه .. يطلع لك واحد ثاني , مره دبل مره دفرنش مره دركسون .. الخ
- السياره مصممه على شان تخرب باستمرار ,قيمه الاصلاح الشهري كأنك تقصد سياره.

لا انصح بها او اي سياره تحمل علامه جيب واخواتها لسوء الوكيل وكثر الاعطال ولارتفاع قطع الغيار والصيانه..

نصيحه مجرب .. انحش ولا تبعد عن تويوتا اذا راعي بر

ارجو اني أفدتك

[ابوعدي]

بعد التحية نصيحه من مجرب
اضم صوتي لصوت قرناس وش لك بوجع الراس وانا اخوك لو تشتري داتسون غمارة اصرفلك ميه مره كان قصدك الرخص

[مدمن فتك]

من واقع تجربة احد الشباب
كل الورش تعرف عليها كهرب ميكانيكا الخ...
السعر عند البيع مخزي ومحطم
الخرابات كثيره
الحرارة مرتفعه غالبا
اسعار القطع نار
بالاخير نصيحتي لك لاتقربك

[بوفايز]

اشكر الجميع على نصايحهم

انا مالي في البر كثير يعني اذا كثرت طلعة ولا طلعتين في الشهر خمس ولا عشر دقايق داخل البر ووقف السيارة وانزل اجلس مع الشباب ولا مع العايلة وبس.

اللي خلاني افكر في القراند شيروكي انه شكله حلو ومواصفاته حلوة بعد وسعره بالنسبة لـ 2004 بعد زين.
الحمد لله اني من النوع اللي يحافظ على السيارة بس اخر سيارة اللي كرفتها شوي والسبب مشوار الدوام الدمام بقيق يومياً. لكن بأذن الله مالي في هالطريق بعد اليوم.

كل التوفيق للأخوان وننتظر من الأخوة الباقين رايهم. وما خاب من استشار.

بوفايز

[فهد العامر]

سيارة جيب شروكي جباااااااااره انا معي 2013 بس اكبر مشكلة الوكيل والصياااانه