المساعد الشخصي الرقمي

مشاهدة النسخة كاملة : باثرفايندر أو لكزس آر اكس؟


AbuAnas
09/02/2004, 03:21 PM
السلام عليكم و رحمة الله و بركاته


هذه اول مشاركة في المنتدى ، ولكني من المتابعين له منذ بداياته الاولى (يوم انه رصاصي:D )

بالنسبة لي انا من هواة البر و الكشتات و ان كنت لست من المكثرين ، و كل طلعاتي مع الزملاءو على مواترهم (هذي الزبدة :D)

و حيث اني ارغب هذه الايام بشراء سيارة جديدة (مستعملة:( ) فارغب ان تكون من ذوات الدفع الرباعي و الحجم الصغير ..

حاليا اختياري بين سيارتين

- باثفايندر (قير اتوماتيك)
- جيب لكزس RX 300 الحجم الصغير

و محتار بينهم و ابغى رايكم .. الباثفايندر يبدو لي انه انسب للبر ، لكن اللكزس اكشخ ، و بيني و بينكم اخوكم مقبل على عرس و يدور الكشخة :D



أبوأنس
بـــدر
09/02/2004, 04:00 PM
السلام عليكم ورحمة الله وبركاته
وكل عام وانت بخير يا AbuAnas
في نظري الشخصي وبحكم إستخدامي للباثفيندر 2003 محرك 3.5لتر اعتقد افضل بكثير من اللكزس
لسبب واحد ان الباثفيندر
نظام الدبل حقه (I 4WD)
الدفرنس الخلفي مقفول
المكينه اقوى واقصد 240حصان
الدفع خلفي

والكزس RX 300
نظام الدبل حقه (AWD)
الدفرنس عادي
الدفع امامي

الفرق كبير جداً يعني من ناحية القوه و التحمل في الضروف البريه القاسيه مقارنه بجيب الكزسRX

واتوقع الشكل ممتاز اقصد المنظر الخارجي مقارنه بالكزس ولو انها مساله ذوق
نمر بن حثلين
13/02/2004, 11:16 PM
باثفايندر وما راح تندم باذن الله
وحتى لو ما عجبك تقدر تبيعه بدون خساره تذكر

اما اللكزس 300 شعبيته ضعيفه وراح تتورط فيه
شرقاوي
14/02/2004, 02:49 PM
والله ياخوي اذا كنت ناوي تاخذه للبر فأنا ما انصح باللكسز ار اكس وانا مجرب حق الوكاله بالبر يعني ممشاه حلو بس حساس يعني انواع الاصوات فيه واذا تعطل ولا شي وانت ماحولك احد ولا بعيد عن الديره بتروح عليك
اذا الباث فندر عاجبك فأنا انصحك فيه وانا معي واحد موديل 2003 se قير عادي له سنه وكم شهر وماشي 44.000 وماشالله للحين ماشفت عليه شي
ددس
15/02/2004, 03:09 PM
نصيحتي
لك
البافندر لأنه أكثر رواجا في السوق وماسك قيمته
لكن قارن بالسعر يمكن تلقى الفرق
محمود ابو محمود
16/02/2004, 12:57 AM
السلام عليكم ورحمة الله وبركاته

أخي الكريم انصحك بالباثفايندر وذلك للأسباب التي ذكرها الإخوة قبلي

وهناك سيارة قوية وفاخرة فكر فيها واسأل عنها فهي برأيي فوق مستوى النيسان واللكزس ألا وهي : جيب جراند شيروكي

والسلام عليكم .
AbuAnas
16/02/2004, 02:41 PM
السلام عليكم و رحمة الله و بركاته

أشكر الجميع على اراءهم الطيبة ..

و اتمنى تفيدونا في مواصفات الباثفايندر موديل 2002 و 2001 مع اسعارها بشكل تقريبي (قير اتوماتيك) كذلك سعر الـ 2003


شرقاوي

الله يعطيك العافية ، و يبارك لك فيه ، بيني و بينك أنا ادور التماتيك ، لآني راح امشي فيها في زحمة الرياض أكثر من البران :)



أبويزن

لا تصير ابويزن صاحبنا؟؟ :D
الشيروكي مو ثمانية سلندر؟؟ صراحة انا هاج من الثمانية سلندر ، و كيف صيانته و وكالته؟؟



أبوأنس