الى اصحاب الخبرة في الجموس وخصوصا ..( اعضاء رابطة ملاك الجموس).. طلب مشورة

[الوعب]

السلام عليكم ورحمة الله و بركاتة



اخواني الموضوع و مافيه اني من محبي الجموس وبحول الله ناوي اخذ لي جمس معروض علي و ابي منكم النصح,
الموتر موديل 2001 غمارة و نص Z71 رفرف دبل وجير السيارة تماتيك.
وشتنصحوني فيه عند الفحص من ناحية الامور الاساسية الي لازم ادقق عليها عند شراء جمس
و الاعطال الي دايما تصير في هالموتر, يعني بالعربي انتبه لوشو قبل لا اشتري السيارة
وكم يسوى الموتر ؟
وللعلم السياره ابيها للبر و الرحلات و السفر


بنتظار المشورة الله لايهينكم

[بـلـيـهـان 1]

اصبر شوي يجيك أخوي عاشق z71 نفس مواصفات موترك بالضبط إلا أنه 2000
و يعطيك الزبده

[عاشق z71]

هلابك والله يالغالي واحسنت الاختيار


الموتر رائع بمعنى الكلمه

بالنسبه للتشييك ادفع 100 ريال وافحصه كمبويتر قبل كل شي

طبعا اكيد بتلقى اعطال بس شف اذا انها عاديه نصيحه خذا ترا الموتر صار غالي وقليل

وبعد كذا شيك على القير بنفسك لاتخلي الفني يشيك عليه
امش عليه وشيك على النمر وحبدذا اذا جيت تشيك على القير تخلي الموتر يسخن زين لان بعظ الجموس اذا ماحتر الجمس مايبان عطل القير
وقصدي خله يسخن يعني خل الحراراه تصير بمعدلها الطبيعي انما انك تقعد تدعس وهو واقف تدعسله عدة مرات او رح مشوار قريب وشغل المكيف

ولاتنسى تشبك الدبل وتمشي عليه بالشارع شف فيه اصوات او لا
اشبك الدبل وادعس للموتر ثمن شل رجلك وابدا اسمع في اصوات او شي خلك شايل رجلك الين يقرب يوقف ودقق انت عاد وقتها

والشاص بعد لايكون فيه لحاك

والباقي انشالله يهون
واي خدمه حاظرين

[وقيان]

بكم معروض عليك ؟؟؟ أظن سعره مايتجاوز ال 43..

[الوعب]

s h a g r a n

الله لايهينك



عاشق z71

بدايتا مشكور و ماقصرت , بس يا عاشق الامور الي قلت عنها عامة, اي واحد يشتري سياره بيسوي كذا
في منتدى مكشات ما شاء الله شباب متخصصين .
اطمع بملاحظات اكثر تخصص فمثلا في النيسان ولا التيوتا الكارونه الواحد لازم يتاكد منها 100% لانه خراب الكارونه مكلف و صعب مع التصليح ترجع مثل الوكالة .
كل سيارة فيها عيوب و نقاط ضعف و بعض العيوب تغث و تعوفك في الموتر
وانا اشكرك على التنبيه عن القير و طريقه فحصه ,,, بيض الله وجهك دنيا واخره ورحم الله والدين يا عاشق

بنتظار المزيد من الملاحظات من الجميع

[الوعب]

وقيان

43 واجد :no2:

الموتر عند رفيق الوالد الله يحفظهم اثنينهم و يطول عمارهم و الرجال ما قال شي عن السعر ولا انا قلت له شي ,, ولكن كلمه الشايب و عنده نية بيع

[وقيان]

43 واجد :no2:

الموتر عند رفيق الوالد الله يحفظهم اثنينهم و يطول عمارهم و الرجال ما قال شي عن السعر ولا انا قلت له شي ,, ولكن كلمه الشايب و عنده نية بيع

انا عطيتك سعره اذا هو نظيف بالسوق....

[عاشق z71]

الله يوفقك انشالله والجمس ترا مفيه مشاكل تخوف

انت شف القير والمكينه والباقي امره هين

واذا انه خوي الوالد الله يطول بعمره بالوظع ازينلك

الله يرزقك يالغالي

[الوعب]

الله يجزاكم كل خير اخواني الافاضل :good:

[لبرتي]

مثل ما تفضلوا الاخوان أهم شي شيك على المحركات والدبل والبدي لا يكون فيه رش أو صداء شيك على الكهرباء أهم شي لا يكون فيه ميلان في الشاص أو نزول وجه الموتر من أحدى الجهات شيك على العمدان والدفرنس

وبالتوفيق

[متيح]

الوعب ... مرحبابك

ما أزيد على كلام الاخوان ... لكن حاول تشيك على القير اول شي
و انا افضل انك تفحصة انت بنفسك... أستأذن الشايب و خذ الموتر و شفلك منطقة فاضية او قليلة ازعاج و تمشى على الموتر و انت منتبة للتعاشيق يعني القير يعشق بدون اصوات واضحة و بدون نتقة و بعدين خذلك مشوار طويل لين تهقى القير احتمى و بعدين وقف و امش من جديد و انت منتبة للأصوات في المكينة و القير و الونين في الدفرنش.. أما الدبل حاول تنزل رمل و تجرب الدبل و احرص انك تلف او تدوير و الدبل مشبوك و شوف فيه طقطقة او لا
و المهم انك تستخير و اذا جازلك الموتر توكل على الله ترى الجمس ماهو من كثر مشاكلة .. لبا قلبة

[الوعب]

متيح

لبرتي

مساكم الله بالخير الجميع ,, و الله لايهينكم على هالنصايح
الله يكتب الي فيه الخير إن شاء الله .

[skythunder83]

ربي اغفر لي و لوالدي وللمؤمنين والمؤمنات الأحياء منهم والأموات