مطلوب طير تلحيق اي نوع المهم جاهز

[راعي جلمود]

مسيمك بالخير

ابي لي طير تلحيق

ويكون جاهز يعني حمامتي والمدعى

وما يهم النوع حر والا شيهانه والا جير

ولا اللون

ولا الجرم

ولا السعر

ولا يهم صايد الحبارى أو معلم عليها

انشاء الله بنعلمه

اهم شيء يكون سبووووووق ويطلب البعيد ويصيده


والاهم انه يكون مدعي واقابل راعيه بالمدعى وافك له الحمامه لين ترتفع بالحيل ثم اقوله هده

ولين صاد الطير اقوله حده

وأذا كان مسيوم يعلمني بسومته

واذا كان فيه عذروب يعلمني به

موقعي الرياض

وحمامي حمام سوق البعارين



والله الموفق

[راعي انيسان]

اخوي ما لك الا تنزل السوق

تلقا طلبك انشا الله

[بعيد الشوح]

اخوي بتلقا مطلوبك بس ايام وليالي وباذن الله تشوفني في مدعى الوليد اللحق على الناس ونتقابل ونتفق

[فالح الملعبي]

ياوحلالاه يادنيا اشهد انها بتلفت الانتباه بتعشا هالحمام
اصبر اخوي بتلقى اللي يطيب خاطرك

[راعي جلمود]

مساكم الله بالخير

اخوي راعي النيسان

انا حرمت على نفسي اشتري طير من السوق لو اترك الصقاره الا ان كان وحش

يكفي ماتلوعنا من قوله لاحاق وسبوق ويذبح ويصلخ وفي الاخير يطلع ولا بريال

عشان كذا ما اشتري الا على عيني وعقب ما اشري امسح رقم راعي الطير

اخوي بعيد الشوح

اخوي فالح الملعبي

اتمنى لكم التوفيق وأنشاء الله نكون على الوعد

[عاشق1]

اخوي بتلقا مطلوبك بس ايام وليالي وباذن الله تشوفني في مدعى الوليد اللحق على الناس ونتقابل ونتفق
عساك على القوة
ياكثر ماقالو لي الناس مبلي وراع الولع ماهو عن الناس نشاد

[صوعان]

ارخ ريالك وابشر

[راعي جلمود]

صوعان

الله يهديك انا قلت في الموضوع ولا يهم السعر

يعني لين صاد طير الحمامه حده

والا علمني بكم مسيوم

وأن كان طيرك جاهز انا حمامي بالشبك جاهز

وعطني اوصاف طيرك وعلومه عشان نتقابل بكره في الحفنه

تراي مستعجل

واتمنى ان ردك مايكون لزياده عدد المشاركات فقط

وعجل علي بالرد الله لايهينك

[stewrd]

والله اخوي انا عندي جبليه اراهن على اي حمامه والميدان يا حميدان ومسيومه 2500 اما انك في الرياض هذي مشكله يعني اجيك من جده على كل حال هذا جوالي
0554655598

[صقار شياهين]

اخوي راعي جلمود فيه جبلية بكر معلمة على كراوين مقاسها حول 14 وجب حمامتك اللي عندك وهذا جوال راعيها ابو عيد 0506197317