المساعد الشخصي الرقمي

مشاهدة النسخة كاملة : يا جماعة وش الحل الـ VXR فوّار !


مدلّه الرعيان
09/02/2004, 04:40 PM
السلام عليكم ورحمة الله وبركاته

أولا" انا عضو جديد وهذي اول مشاركة لي بالموقع وتحياتي للجميع .

ثانيا" ارجو من الإخوة الكرام المساهمة لتشخيص مشكلة إرتفاع حرارة
السيارة (السيارة VXR ) حيث إنها تعدت الـ H وانا في احد العروق ( عروق الطرفيه )
وانتضرت حتى إنها نزلت الحرارة وعبيتها ماء ومشيت.
ناضرت السيارة فوق تحت ولم اجد اي اثر لتهريب ماء ، يا جماعة الخير اللي مرت عليه
المشكلة من قبل او عنده فكرة من ايش ممكن تكون المشكلة قبل ما اروح اسئل حقين
ورش السيارات اللي سوف يتفننون علي بالكذب والتخّرص والنتيجة انتم عارفينه .
adeeb
09/02/2004, 07:30 PM
السلام عليكم
ياخوي هذي المشكله صارت معي قبل شهر تقريباً مع سيارتي VX-R نفس النوع اول ما ادش الرمل ترتفع الحراره غيرت بلف الحراره ولافائده &غيرت نوعية الماء ولافائده وأخيراًلقيت الحل
غيرت أتوماتيك المروحة بـ200ريال وطلع كل شئ مضبوط وغير ماء الرديتر بماء الوكاله تويوتا وأن شاء الله ماتتعدى الحراره الربع .
مدلّه الرعيان
11/02/2004, 11:58 AM
ألف شكر اخوي Adeeb على هذا التجاوب السريع ، والله العالم انك جبت الحل لأن لي فترة ما سمعت المراوح الإضافية تشتغل ...... الف الف شكر
مدلّه الرعيان
11/02/2004, 12:10 PM
الف شكر اخوي adeeb على هذا الرد السريع والله العالم إنك جبت حل المشكلة لإن لي فترة لم اسمع صوت المروحة الإضافية تشتغل ..... الف الف شكــــــــــــــــــــــــــــــــــــــــــــــــ ـــــــــــــــــــــــــــــر .
برق شلع
12/02/2004, 03:24 PM
شف اخوي اذا كانت المشكله ان المرواح الاضافيه ما تشتغل عند ك فهاذي مشكله كبير عندك
لانه كان معنا جيب شروكي وصارت له نفس المشكله وخبطت المكينه00
فاقول اخوي ركب عندك داخل السيارة فاصل للمراوح علشان اذا ارتفع الحراره مايحتاج تنتظر المراوح تشتغل انت تشغله على طول ومن فوائده انه اذا خرب الاتوماتيك تستطيع انك تشغله من عندك داخل السياره00


ولك تحياتي
مدلّه الرعيان
16/02/2004, 04:33 PM
مشكور يا أخ / برق شلع على التجاوب وسوف آخذ بنصيحتك وأعد الإخوة جميعا" اني اخبرهم من اين كانت المشكة عند ما إنشخصها
والسلام عليكم ورحمة الله وبركاته.

اخوكم/ مدلّه الرعيان
كايين
17/02/2004, 04:31 AM
نصيحتي ودها للوكاله لانهم يشبكونها بالكمبيوتر ويبين بالضبط وين العطل

صحيح انهم ( بيلشطونك ) بس شغل يساهل كالعاده

تحياتي لك .. :)