سدير .. بأي المكاشيت تنصحون؟

[بندر.ع]

السلام عليكم ورحمة الله وبركاته

بغيت يا إخوان أطلع بالعائلة إلى سدير لما سمعت عنها من جمال الطبيعة والأجواء والتكوينات التي تختلف بجبالها ووديانها عن بقية المناطق المحيطة بالرياض .. أنا من الحجاز وليست لدي فكرة كاملة عن نجد،، لكن الاجواء مغرية وأرجو المساعدة في تبيان أفضل الأماكن في سدير خصوصا التي مطرت الأيام الماضية مع الوصف الواضح لأنها أول زيارة لهذه المنطقة .. معليش تحملوني

وفالكم الربيع والعلوم الزينة إن شاء الله

[ناصح]

لا شك أن منطقة سدير منطقة رائعة خاصة إذا مطرت في الوسم

لكن في هذه السنة لا زلنا في بداية الموسم

ولا يوجد الآن أي ربيع..

ونسأل الله من فضله .

[البقعاوي]

تمير جايها مطر زين ..

انصحك تروح هناك المنطقه جميله ورائعه تتمشى انت وعائلتك واتمنى لك التوفيق .
وتتفرج على المطر والغدران ولا تنسى تروح للشعب .

[سفير الشمال]

السلام عليكم ورحمة الله وبركاته

بغيت يا إخوان أطلع بالعائلة إلى سدير لما سمعت عنها من جمال الطبيعة والأجواء والتكوينات التي تختلف بجبالها ووديانها عن بقية المناطق المحيطة بالرياض .. أنا من الحجاز وليست لدي فكرة كاملة عن نجد،، لكن الاجواء مغرية وأرجو المساعدة في تبيان أفضل الأماكن في سدير خصوصا التي مطرت الأيام الماضية مع الوصف الواضح لأنها أول زيارة لهذه المنطقة .. معليش تحملوني

وفالكم الربيع والعلوم الزينة إن شاء الله


وعليكم السلام ورحمة الله وبركاته
حياك الله
أخي الكريم
بندر .ع
كما تفضلت سدير منطقه رائعه وجميله سواء بمعالمها الجغرافيه وسهولة أرضها الخصبه بكثرة فياضها وشعبانها ونفودها والتي متى مارزقها الله بالسيول تلبس أحلى الحلل الربيعيه فيوجد بالمنطقه الكثير من الفياض والشعبان ومنها فيضة نوره والخشم والتنهات والحقاقه والخفيسه ومطربه وأم شفلح وقد لايسمح المجال لذكر كل الفياض ويوجد كثير من الأوديه ومنها وادي الشوكي والأرطاوي والأعصل والحثاقي والسحيمي والفياض والأوديه تكون قريبه من بعضها البعض ولكن هذه الأيام لم يمن الله تعالى على هذه الأماكن بالسيول وأملنا بالله كبير ...


ليتك وضحت من أي منطقه بالحجاز ليتسنى لنا لك الوصف وخدمتك يالغالي
اذا أشكل عليك شي نحن حاضرون بالخدمه وأعتقد أن الأخوان الكرام لن يقصروا معك أبدا
أرجوا أنني قد وفقت بذكر شي بسيط عن ماتريده
تقبل تحياتي

[بندر.ع]

شكرا أخوي سفير الشمال .. انا من الطائف يعني نصف حجازي ونصف بدوي .. ومثلك عارف إحنا كشتاتنا جبلية إما في الهدا أو الشفا

أنا صراحة شفت مجموعة صور للسيول في تمير وما حولها .. بس تكفى يالبقعاوي أبغى الوصف المضبوط للشعيب ترى خبرتي لك عليها في نجد .. انتقل عملي منذ أشهر من الطائف إلى الرياض .. ونبغى نهيم في سياحة الصحراء

رحم الله والديكم جميعا

[بندر.ع]

مشكور أخي ناصح .. تكفون لا تلخونّا نبي وصوف تمير وتوصياتكم حول أفضل الأماكن فيها

[ضحية بيشة]

اطلع طريق القصيم من جهة شمال الرياض وسيده تقريبا مية كيلو وزود شوي يجيك لوحة تمير يمين تدخل طري

ق تمير شمال اذا وصلت للديره اسئل عن السيل افضل لك او اطلع شرق اذا انحنى بك الطريق وترا فيها جبال

كانك تحب الجبال وفيها شقق مفروشه زينه مقابل المستشفى وفيها ملحمة طيبة اذاانت تحب الحاشي وفيه قبل

مفرق تمير محطة فيحاء العتش يسارالطريق السريع فيها تمور طيبة وفيها البان وحليب وفيها حريم كبار يبيعون

اقط (مضير)وسمن والمحطه جميله فيها بياعه متجولين عندهم خضار وفواكة وفيها ايضا شقق بالساعه بس لك

عليها واذا حبيت تطلع من تمير على ام رجوم ومنها الى التنهاة ومن التنهاة الى الرياض ايضا فكره طيبة

وتكون اخذتها بشكل دائري الذهاب من طريق والعوده من طريق اخر الله يوفقك ويحفظك واذا حبيت اي مساعد

ه بالطريق ارسل رقمك بالخاص ورح وانت متطمن ترا الديار هذيك اهلها كويسين وامان وخدمات ..واسف على

الاطاله

[بندر.ع]

الأخ ضحية بيشة .. جزاك الله خير والظاهر إني بصير ضحية طيبك وكرم أخلاقك والله لا يحرمك الأجر

بيض الله وجهك

[ضحية بيشة]

الأخ ضحية بيشة .. جزاك الله خير والظاهر إني بصير ضحية طيبك وكرم أخلاقك والله لا يحرمك الأجر

بيض الله وجهك

ووجهك ابيض يا اخ بندر

وحنا نتشرف بخدمة الرجال شرواك واذا حصلت لك غدير نظيف وطيب ماه زين على زين مع ان الوقت بدري

اتوقع على الطلعات وخاصه لمنطقة تمير لاني مااتوقع الغدران باقي فيها موية زي القصيم ..اذاانت رجال راعي

جلد ووسيع صدر شد شوي للقصيم شرق بريده والاسياح تعرف على منطقة القصيم واذا ضاق صدرك بالبر

رح لبريده بتلاقي الاسواق الشعبيه والمحلات الزينه وعز الله ان الخميس والجمعه بتطير في لحظه ..

مدري وين اهل تمير مايفيدونا عن السيل عندهم والغدران الله يجيبهم لك يابندر ...

رحلة موفقه وبالسلامة ان شاءالله ...

[ضحية بيشة]

الأخ ضحية بيشة .. جزاك الله خير والظاهر إني بصير ضحية طيبك وكرم أخلاقك والله لا يحرمك الأجر


بيض الله وجهك

ووجهك ابيض يا اخ بندر

وحنا نتشرف بخدمة الرجال شرواك واذا حصلت لك غدير نظيف وطيب ماه زين على زين مع ان الوقت بدري

اتوقع على الطلعات وخاصه لمنطقة تمير لاني مااتوقع الغدران باقي فيها موية زي القصيم ..اذاانت رجال راعي

جلد ووسيع صدر شد شوي للقصيم شرق بريده والاسياح تعرف على منطقة القصيم واذا ضاق صدرك بالبر

رح لبريده بتلاقي الاسواق الشعبيه والمحلات الزينه وعز الله ان الخميس والجمعه بتطير في لحظه ..

مدري وين اهل تمير مايفيدونا عن السيل عندهم والغدران الله يجيبهم لك يابندر ...

رحلة موفقه وبالسلامة ان شاءالله ...

[ذرب سدير]

سدير فيها كل شي الآن

أن بغيت ربيع فالفياض والريضان مربعة ولله الحمد

وان بغيت البحيرات فعد واغلط من كثرتهن

وان بغيت الشعبان والشجر والظلال فكذلك عد واغلط من كثرتهن بعد .. يعني أنت طب سدير وتخيّر :)

وبالنسبة للأخ ضحية بيشة فأقول له مالك لوا يا راعي بيشة .. سدير من أجمل مناطق نجد على الإطلاق وبالنسبة للبحيرات فهي واجد ولكن فيما يبدو أنك تجهل منطقة سدير كثيراً كثيراً .. يعني الآن عندك بحيرة الحقاقة مغمورة بالماء على الآخر ولا زالت هذا عدا البحيرات الأخرى بالإضافة إلى بحيرات السدود .. علماً بأن وادي أبا المياه لا زال يجري حتى هذه الساعة ولله الحمد

[ذرب سدير]

بحيرة الحويّر : http://www.mekshat.com/vb/showthread.php?t=167853
بحيرة التويم : http://www.mekshat.com/vb/showthread.php?t=170434
بحيرة سد الروضة : http://www.mekshat.com/vb/showthread.php?t=167724

[حلو الذكريات]

والله انا كتبت الوصف بس فلخير علق الكمبيوتر

بغيت ارسلك رقمي على الخاص ما نفع لان مشاركاتي اقل من 50 رد

هذا رقمي 0598189313

وابشر بالوصف

[بندر.ع]

شكرا لكم جميعا على تفاعلكم وتعاونكم .. وأخص بالشكر "حلو الذكريات" سائلا المولى أن نكون وإياكم من المقبولين في هذه العشر المباركة

[كن كن]

وش المقصد مويه
أو ربيع
أو نفود