المساعد الشخصي الرقمي

مشاهدة النسخة كاملة : طالب شوركم يالنشاما في مشكلتي مع الباثفندر2005



هاوي النفد
28/10/2008, 07:59 PM
الله يمسي(يصبح) عليكم بالخير
يالربع أنا معي باثفندر موديل 2005
قير عادي كان ماشي تمام ولله الحمد
بس ما ادري وش جاه؟!
وأنا أمشي حسيت برجه خفيفه
كنك حاط الجوال في مخباتك وقاعد يهز
المهم قالي خويي خلنا نروح ونرصص الكفرات قلت ما عندك مشكلة
-أنا من زمان وانا ودي ارصص الكفرات-
ورصصنا الكفرات وطلعت منهم، إلا الرجة موجوده ولا راحت
وأرجع لميزان الغضيب
قالو هذا عمود الكردان يبيله تصليح
قلت طيب مافي مشكلة
المهم وأروح الصناعية القديمة-الي بالرياض-
ورحت لورشة وحيد متخصص في ذا المجال وقال لي العمود الأمامي حق الدبل

http://arb7.com/uploads/06f7c6dbf0.jpg

عندك خربان يحتاج تغير قلت طيب مافي مشكله
-احسب أن السعر رخيص-
قال لي سعر القطعة 2000 ريال وكسر
قلت طيب ما في حل ثاني غيره يعني
قال ركب فرارات ارخص لك 500ريال وكسر
وانا ما أعرف وشي الفرارات و لاقد جربتها واحس انها غير عملية؟!(توقع)

قلت خلني اشاور النشاما الي في هالمنتدى الزين والشباب فيهم الخير والبركة أكثر خبره وما يقصرون

فوش تشورون علي؟!

ابودعسان
28/10/2008, 10:52 PM
احتمال كبير يكون العمود يبي تشحيم
قبل لاتركب فرارات شحمه عند اقرب بنشري ب10 ريال وشوف
والفرارات عمليه وممتازه خف وراحه للموتر
بس اذا جيت تعشق الدبل لازم تنزل تفرهن
ولا اذا ركبن على الباث يكون مكسيما
بالتوفيق

ابو فهيد.
28/10/2008, 11:10 PM
الفرارات تخفف عن الموتر
وانا انصحك تركبهن لان منها تخفف ع الموتر ومنها تحدد مكان الرجه اذا هي بعمود الدبل والا لا

الحنشولي
28/10/2008, 11:49 PM
أخوي كلام الشباب 100ب 100

ابن عمي جاء موتره ماجاء موترك

وركب فرارات ويمدحهن حتى يقول البنزين صار اقل صرفية

والموتر اخف بواجد

المحترف800
29/10/2008, 12:50 AM
انا معي باثفيندر 2005 ومركب عليه فرارات ممتازه وشغلتها بسيطه وهي بحدود 550 ريال مع التركيب ..

شيخ نجد
29/10/2008, 02:16 AM
اخوي انا تعرضت لنفس المشكلة وكذلك مريت على ورشة وحيد فرعهم اللي بصناعية الخليج قبل شهرين وخذيت عامود دبل جديد بسعر 1200 والحمد لله راحت المشكلة ،،

راجع رابط مشكلتي هنا وان شاء الله تستفيد منه

http://www.mekshat.com/vb/showthread.php?t=135057

الساهر2003
29/10/2008, 03:44 AM
السلام عليكم ورحمة الله وبركاته
اذا المشكلة من عامود الدبل فركب فرارات ابرك لك واذا تبي تتاكد من ان المشكلة من عامود الدبل فك العامود وامش على الموتر كم يوم اذا راحة الرجة فالمشكلة من العامود
يعني ركب فرارات وهي عملية جدا اذا احسنت الاستخدامها وشبكتها صح
وممكن تكون الرجة مو من عامود الدبل ممكن يكون فيه فضاوة في الرمان الامامي او داخل رمل في احد الكفرات او طين او حصى او احد الكفرات منفخ وتاكد من عامود كردان (الصليبات )
وبصراحة من يوم شريت الباث 2005 تماتيك وانا مركب الفرارات وتحسفت على كل يوم ضيعته بدون فرار من ميزته يقل صوت الصادر من جهة المكينة والدفرنس الامامي والعزم يزيد بنسبة بسيطة ويخف الموتر بشكل ملحوظ ويزيد من عمر عامود الدبل والدفرنس الامامي
ولكم جزيل الشكر